ab zabāñ tak aa ga.iiñ hai talḳhiyāñ

ab hameñ fauran nikalnā chāhiye

ab zaban tak aa gain hai talKHiyan

ab hamein fauran nikalna chahiye

kisī bhī hashr se mahrūm hī rahā vo bhī

mirī tarah kā jo kirdār thā kahānī meñ

kisi bhi hashr se mahrum hi raha wo bhi

meri tarah ka jo kirdar tha kahani mein

abhī manzar badalte hī badal jā.eñge sab chehre

bichhaḌte vaqt kā ġham hai abhī tū nam na kar āñkheñ

abhi manzar badalte hi badal jaenge sab chehre

bichhaDte waqt ka gham hai abhi tu nam na kar aankhen

dil kī baazī aisī baazī hai jis meñ ham

hāreñ bhī to jiit manā.ī jā saktī hai

dil ki bazi aisi bazi hai jis mein hum

haaren bhi to jit manai ja sakti hai

tirī nazroñ se guzrī rahguzar bhī

hazāroñ manziloñ kā rāsta hai

teri nazron se guzri rahguzar bhi

hazaron manzilon ka rasta hai

ḳhudā se use maañg kar dekhte haiñ

phir apnī duā kā asar dekhte haiñ

KHuda se use mang kar dekhte hain

phir apni dua ka asar dekhte hain

chīTiyāñ chalne lagī haiñ piiTh meñ

ab tumhārā tiir chalnā chāhiye

chiTiyan chalne lagi hain piTh mein

ab tumhaara tir chalna chahiye

vahāñ bas meñ nahīñ huuñ aur sab hai

yahāñ bas tū hī tū hai aur kyā hai

wahan bas mein nahin hun aur sab hai

yahan bas tu hi tu hai aur kya hai

shīsha-sifat the aap aur shīsha-sifat the ham

bikhre hue se aap haiñ bikhre hue se ham

shisha-sifat the aap aur shisha-sifat the hum

bikhre hue se aap hain bikhre hue se hum