huuñ ḳhafā saare zamāne se faqat tere liye

'ishq kī tauhīd mere tū kabhī to jānegā

hun KHafa sare zamane se faqat tere liye

'ishq ki tauhid mere tu kabhi to jaanega

ham-mizājī kā na yuuñ dā'vā karo

āshnā honā mirā āsāñ nahīñ

ham-mizaji ka na yun da'wa karo

aashna hona mera aasan nahin

'ishq kī fitrat sadā āzād hai

qaid meñ dair-o-haram kī kab rahā

'ishq ki fitrat sada aazad hai

qaid mein dair-o-haram ki kab raha

pattharoñ ke ye sanam sunte haiñ kab

kaifiyat apnī ḳhudā hī jaane haiñ

pattharon ke ye sanam sunte hain kab

kaifiyat apni KHuda hi jaane hain

pārsā.ī kā tujhe 'rohit' milegā kyā samar

kahte haiñ duniyā jise sadiyoñ se be-tartīb hai

parsai ka tujhe 'rohit' milega kya samar

kahte hain duniya jise sadiyon se be-tartib hai