ab to ḳhvāhish bhī yahī hai ki hamāre hisse

hijr aayā hai faqat hijr hī aatā jaa.e

ab to KHwahish bhi yahi hai ki hamare hisse

hijr aaya hai faqat hijr hi aata jae

ek ḳhitte meñ rahā pyaas kā 'ālam barpā

ek ḳhitte meñ bahut TuuT ke barsā paanī

ek KHitte mein raha pyas ka 'alam barpa

ek KHitte mein bahut TuT ke barsa pani

maiñ tishna-labī par bhī rahā ḳhush ki mirā zarf

ḳhālī hai magar soch se logoñ kī baḌā hai

main tishna-labi par bhi raha KHush ki mera zarf

KHali hai magar soch se logon ki baDa hai

mauj-e-dariyā kā koī ḳhauf nahīñ hai lekin

haiñ tabī'at pe girāñ-bār kināre is ke

mauj-e-dariya ka koi KHauf nahin hai lekin

hain tabi'at pe giran-bar kinare is ke

tum ko jiine ke bhī aate nahīñ atvār magar

ham ko marne ke bhī me'yār samajh aate haiñ

tum ko jine ke bhi aate nahin atwar magar

hum ko marne ke bhi me'yar samajh aate hain