dulhan kī mehñdī jaisī hai urdu zabāñ kī shakl

ḳhushbū bikhertā hai ibārat kā harf harf

dulhan ki mehndi jaisi hai urdu zaban ki shakl

KHushbu bikherta hai ibarat ka harf harf

maiñ tumhāre shahr kī tahzīb se vāqif na thā

pattharoñ se kī nahīñ thī guftugū pahle kabhī

main tumhaare shahr ki tahzib se waqif na tha

pattharon se ki nahin thi guftugu pahle kabhi

hameñ qubūl nahīñ chhoTā muñh baḌī bāteñ

misāl bante haiñ aur phir misāl dete haiñ

hamein qubul nahin chhoTa munh baDi baaten

misal bante hain aur phir misal dete hain

ġhazal meñ jab talak ehsās kī shiddat na ho shāmil

faqat alfāz kī kārīgarī mahsūs hotī hai

ghazal mein jab talak ehsas ki shiddat na ho shamil

faqat alfaz ki karigari mahsus hoti hai

koī bhī shaḳhs duniyā meñ tumheñ chhoTā nazar na aa.e

tum apne sochne kā dā.era itnā baḌā kar lo

koi bhi shaKHs duniya mein tumhein chhoTa nazar na aae

tum apne sochne ka daera itna baDa kar lo

tū kahāñ rahtī hai pūchhā thā kisī ne ek din

maiñ ġhamoñ ke saath rahtī huuñ ḳhushī kahne lagī

tu kahan rahti hai puchha tha kisi ne ek din

main ghamon ke sath rahti hun KHushi kahne lagi

koī hayāt ke ma.anī batā ke samjhā.e

tavīl kyā hai bhalā muḳhtasar kā kyā matlab

koi hayat ke mani bata ke samjhae

tawil kya hai bhala muKHtasar ka kya matlab

ham ehtiyāt kī aisī misāl dete haiñ

tumhārā zikr bhī aayā to Taal dete haiñ

hum ehtiyat ki aisi misal dete hain

tumhaara zikr bhi aaya to Tal dete hain

us se merā koī rishta niklā

mere jaisā vo bhī tanhā niklā

us se mera koi rishta nikla

mere jaisa wo bhi tanha nikla

mohabbat to kisī se kar na paa.e

kisī se tum shikāyat kyā karoge

mohabbat to kisi se kar na pae

kisi se tum shikayat kya karoge

phir ek baar gunāhoñ se ham ne kī tauba

phir ek baar kiyā ham ne apnā kaam shurūa

phir ek bar gunahon se hum ne ki tauba

phir ek bar kiya hum ne apna kaam shurua

āñdhiyāñ aa.iiñ uThā kar le ga.iiñ sab bastiyāñ

maiñ ne ik dil meñ banāyā thā makāñ achchhā huā

aandhiyan aain uTha kar le gain sab bastiyan

main ne ek dil mein banaya tha makan achchha hua

hasīn ḳhvāb ko sachchā samajh rahā hai koī

faqat gumān ko duniyā samajh rahā hai koī

hasin KHwab ko sachcha samajh raha hai koi

faqat guman ko duniya samajh raha hai koi

jab bhī kashtī bhañvar meñ aa.ī hai

ik du'ā bhī asar meñ aa.ī hai

jab bhi kashti bhanwar mein aai hai

ek du'a bhi asar mein aai hai

jahāñ pe ḳhatm huā kartī haiñ ḳhirad kī hadeñ

vahīñ se asl meñ hotā hai dil kā kaam shurū'

jahan pe KHatm hua karti hain KHirad ki haden

wahin se asl mein hota hai dil ka kaam shuru'

savāl ye nahīñ kis kis ko koī samjhā.e

savāl ye hai ki kyā kyā samajh rahā hai koī

sawal ye nahin kis kis ko koi samjhae

sawal ye hai ki kya kya samajh raha hai koi

sirf kahne ko hai na.ī duniyā

vo hī dastūr hai vahī duniyā

sirf kahne ko hai nai duniya

wo hi dastur hai wahi duniya