chand lamhe ko tū ḳhvāboñ meñ bhī aa kar jhāñk le

zindagī tujh se mile kitne zamāne ho ga.e

chand lamhe ko tu KHwabon mein bhi aa kar jhank le

zindagi tujh se mile kitne zamane ho gae

ġham kā sūraj to Dūbtā hī nahīñ

dhuup hī dhuup hai kidhar jaa.eñ

gham ka suraj to Dubta hi nahin

dhup hi dhup hai kidhar jaen

hamārā sher bhī lauh-e-tilism hai shāyad

har ek ruḳh se hameñ be-naqāb kartā hai

hamara sher bhi lauh-e-tilism hai shayad

har ek ruKH se hamein be-naqab karta hai

ham apne jalte hue ghar ko kaise ro lete

hamāre chāroñ taraf ek hī nazārā thā

hum apne jalte hue ghar ko kaise ro lete

hamare chaaron taraf ek hi nazara tha

shahr bhar ke ā.īnoñ par ḳhaak Daalī jā.egī

aaj phir sachchā.ī kī sūrat chhupā lī jā.egī

shahr bhar ke aainon par KHak Dali jaegi

aaj phir sachchai ki surat chhupa li jaegi