āñkheñ khulīñ to jaag uThīñ hasrateñ tamām

us ko bhī kho diyā jise paayā thā ḳhvāb meñ

aankhen khulin to jag uThin hasraten tamam

us ko bhi kho diya jise paya tha KHwab mein

aap ke paañv ke nīche dil hai

ik zarā aap ko zahmat hogī

aap ke panw ke niche dil hai

ek zara aap ko zahmat hogi

kahāñ haiñ aaj vo sham-e-vatan ke parvāne

bane haiñ aaj haqīqat unhīñ ke afsāne

kahan hain aaj wo sham-e-watan ke parwane

bane hain aaj haqiqat unhin ke afsane

haañ tum ko bhuul jaane kī koshish kareñge ham

tum se bhī ho sake to na aanā ḳhayāl meñ

han tum ko bhul jaane ki koshish karenge hum

tum se bhi ho sake to na aana KHayal mein

ye aadhī raat ye kāfir añdherā

na sotā huuñ na jaagā jā rahā hai

ye aadhi raat ye kafir andhera

na sota hun na jaga ja raha hai