Tahzeeb Hafi's Photo'

Tahzeeb Hafi

1988 | Sindh, Pakistan

Prominent upcoming poet

Prominent upcoming poet

maiñ ki kāġhaz ek kashtī huuñ

pahlī bārish āḳhirī hai mujhe

main ki kaghaz ki ek kashti hun

pahli barish hi aaKHiri hai mujhe

terā chup rahnā mire zehn meñ kyā baiTh gayā

itnī āvāzeñ tujhe diiñ ki galā baiTh gayā

tera chup rahna mere zehn mein kya baiTh gaya

itni aawazen tujhe din ki gala baiTh gaya

ye ek baat samajhne meñ raat ho ga.ī hai

maiñ us se jiit gayā huuñ ki maat ho ga.ī hai

ye ek baat samajhne mein raat ho gai hai

main us se jit gaya hun ki mat ho gai hai

dāstāñ huuñ maiñ ik tavīl magar

jo sun le to muḳhtasar bhī huuñ

dastan hun main ek tawil magar

tu jo sun le to muKHtasar bhi hun

tamām nāḳhudā sāhil se duur ho jaa.eñ

samundaroñ se akele meñ baat karnī hai

tamam naKHuda sahil se dur ho jaen

samundaron se akele mein baat karni hai

apnī mastī meñ bahtā dariyā huuñ

maiñ kināra bhī huuñ bhañvar bhī huuñ

apni masti mein bahta dariya hun

main kinara bhi hun bhanwar bhi hun

vo jis chhāñv meñ pachchīs saal guzre haiñ

vo peḌ mujh se koī baat kyuuñ nahīñ kartā

wo jis ki chhanw mein pachchis sal guzre hain

wo peD mujh se koi baat kyun nahin karta

ik tirā hijr dā.imī hai mujhe

varna har chiiz aarzī hai mujhe

ek tera hijr daimi hai mujhe

warna har chiz aarzi hai mujhe

is liye raushnī meñ ThanDak hai

kuchh charāġhoñ ko nam kiyā gayā hai

is liye raushni mein ThanDak hai

kuchh charaghon ko nam kiya gaya hai

maiñ jañgaloñ taraf chal paḌā huuñ chhoḌ ke ghar

ye kyā ki ghar udāsī bhī saath ho ga.ī hai

main jangalon ki taraf chal paDa hun chhoD ke ghar

ye kya ki ghar ki udasi bhi sath ho gai hai

peḌ mujhe hasrat se dekhā karte the

maiñ jañgal meñ paanī laayā kartā thā

peD mujhe hasrat se dekha karte the

main jangal mein pani laya karta tha

maiñ jis ke saath ka.ī din guzār aayā huuñ

vo mere saath basar raat kyuuñ nahīñ kartā

main jis ke sath kai din guzar aaya hun

wo mere sath basar raat kyun nahin karta

batā ai abr musāvāt kyuuñ nahīñ kartā

hamāre gaañv meñ barsāt kyuuñ nahīñ kartā

bata ai abr musawat kyun nahin karta

hamare ganw mein barsat kyun nahin karta

maiñ suḳhan meñ huuñ us jagah ki jahāñ

saañs lenā bhī shā.irī hai mujhe

main suKHan mein hun us jagah ki jahan

sans lena bhi shairi hai mujhe

āsmāñ aur zamīñ vus.at dekh

maiñ idhar bhī huuñ aur udhar bhī huuñ

aasman aur zamin ki wusat dekh

main idhar bhi hun aur udhar bhi hun

sahrā se ho ke baaġh meñ aayā huuñ sair ko

hāthoñ meñ phuul haiñ mire paañv meñ ret hai

sahra se ho ke bagh mein aaya hun sair ko

hathon mein phul hain mere panw mein ret hai