palaT ke sang tirī aur pheñk saktā huuñ

ki maiñ vo qais nahīñ huuñ jo maar khā jaa.e

palaT ke sang teri aur phenk sakta hun

ki main wo qais nahin hun jo mar kha jae

yaqīn kar vo tire paas lauT aa.egā

jab us kā uThne lagegā yaqīn logoñ se

yaqin kar wo tere pas lauT aaega

jab us ka uThne lagega yaqin logon se

aayā koī sailāb kahānī meñ achānak

aur ghul ga.e paanī meñ vo kirdār namak ke

aaya koi sailab kahani mein achanak

aur ghul gae pani mein wo kirdar namak ke

jis pal tujh se duur huā kartā huuñ maiñ

us pal terī saḳht zarūrat hotī hai

jis pal tujh se dur hua karta hun main

us pal teri saKHt zarurat hoti hai

maiñ ne mehnat se sab kamā.e haiñ

mere dukh haiñ sabhī halāl ke dukh

main ne mehnat se sab kamae hain

mere dukh hain sabhi halal ke dukh

mujhe kuredne vaalo maiñ ek sahrā huuñ

ki mujh se ret hī niklegī ābshār nahīñ

mujhe kuredne walo main ek sahra hun

ki mujh se ret hi niklegi aabshaar nahin

us gaañv se pūchho qatre kī qīmat

jis gaañv meñ sūkhe dariyā hote haiñ

us ganw se puchho qatre ki qimat

jis ganw mein sukhe dariya hote hain

hijr kī aag sharāboñ se kahāñ bujhtī hai

hijr kī aag bujhāne meñ lahū lagtā hai

hijr ki aag sharabon se kahan bujhti hai

hijr ki aag bujhane mein lahu lagta hai

zaḳhmoñ par marham lagvāo lekin us ke hāthoñ se

chāra-sāzī ek taraf hai us kā chhūnā ek taraf

zaKHmon par marham lagwao lekin us ke hathon se

chaara-sazi ek taraf hai us ka chhuna ek taraf

fuzūl aa ga.e sahrā se shahr meñ ham log

vahāñ pe ḳhaak uḌāte the mauj karte the

fuzul aa gae sahra se shahr mein hum log

wahan pe KHak uDate the mauj karte the

aadhā daanā aadhā pāgal na.iiñ na.iiñ na.iiñ

us ko paanā hai to puurā pāgal ban

aadha dana aadha pagal nain nain nain

us ko pana hai to pura pagal ban

ab dhuup ke nagar meñ baḌe kaam ke haiñ vo

bekār kah ke ghar se nikāle hue daraḳht

ab dhup ke nagar mein baDe kaam ke hain wo

bekar kah ke ghar se nikale hue daraKHt

har ek lafz ke mā'nā talāshte ho tum

har ek lafz kā mā'nā kahāñ se laa.eñ ham

har ek lafz ke ma'na talashte ho tum

har ek lafz ka ma'na kahan se laen hum

har ek lafz ke mā'nā talāshte ho tum

har ek lafz kā mā'nā kahāñ se laa.eñ ham

har ek lafz ke ma'na talashte ho tum

har ek lafz ka ma'na kahan se laen hum

kal tak phuul the jin hāthoñ meñ

un hāthoñ meñ aaj thā patthar

kal tak phul the jin hathon mein

un hathon mein aaj tha patthar

hamīñ talāsh ke dete haiñ rāsta sab ko

hamīñ ko baa'd meñ rasta dikhāyā jaatā hai

hamin talash ke dete hain rasta sab ko

hamin ko ba'd mein rasta dikhaya jata hai

tumhārī yaad meñ phir rat-jagā huā kal aur

sahar meñ niiñd ke paikar sadā.eñ dete rahe

tumhaari yaad mein phir rat-jaga hua kal aur

sahar mein nind ke paikar sadaen dete rahe

duā salām se aage maiñ baḌh nahīñ paatā

use bhī sochnā paḌtā hai hāl-chāl ke baad

dua salam se aage main baDh nahin pata

use bhi sochna paDta hai haal-chaal ke baad

ḳhudā kare ki tujhe 'aib shā'irī kā lage

tujhe bhī mīr-taqī-'mīr' se mohabbat ho

KHuda kare ki tujhe 'aib sha'iri ka lage

tujhe bhi mir-taqi-'mir' se mohabbat ho