کی تلاش کا نتیجه | موضو - تمام, صفحہ Website.Controllers.HomeController+SearchPageResultvote

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "vote"

AI کے ذریعے نتائج "vote"

غزل

میرے تغییر حال پر مت جا
اتفاقات ہیں زمانے کے

میر تقی میر

غزل

حکمرانوں کو فقط ووٹ سے مطلب ورنہ
کس نے مفلس کی سنی کون ادھر تک پہنچا

نذیر نظر

غزل

مانگتے ہیں ووٹ اس پر طنطنہ
پیچ و خم نکلے نہیں دستار سے

محمد احمد

Load More

شاعر/مصنف/ فن کار

کیتھرین وان

انتہائی متعلقہ نتائج "vote"

نظم

وصیت

مرے بیٹے مری آنکھیں مرے بعد ان کو دے دینا
جنہوں نے ریت میں سر گاڑ رکھے ہیں
اور ایسے مطمئن ہیں جیسے ان کو
نہ کوئی دیکھتا ہے اور نہ کوئی دیکھ سکتا ہے
مگر یہ وقت کی جاسوس نظریں
جو پیچھا کرتی ہیں سب کا ضمیروں کے اندھیرے تک
اندھیرا نور پر رہتا ہے غالب بس سویرے تک
سویرا ہونے والا ہے
(۲)
مرے بیٹے مری آنکھیں مرے بعد ان کو دے دینا
کچھ اندھے سورما جو تیر اندھیرے میں چلاتے ہیں
صدا دشمن کا سینہ تاکتے خود زخم کھاتے ہیں
لگا کر جو وطن کو داؤ پر کرسی بچاتے ہیں
بھنا کر کھوٹے سکے دھرم کے جو پن کماتے ہیں
جتا دو ان کو ایسے ٹھگ کبھی پکڑے بھی جاتے ہیں
(۳)
مرے بیٹے انہیں تھوڑی سی خودداری بھی دے دینا
جو حاکم قرض لے کے اس کو اپنی جیت کہتے ہیں
جہاں رکھتے ہیں سونا رہن خود بھی رہن رہتے ہیں
اور اس کو بھی وہ اپنی جیت کہتے ہیں
شریک جرم ہیں یہ سن کے جو خاموش رہتے ہیں
قصور اپنا یہ کیا کم ہے کہ ہم سب ان کو سہتے ہیں
(۴)
مرے بیٹے مرے بعد ان کو میرا دل بھی دے دینا
کہ جو شر رکھتے ہیں سینے میں اپنے دل نہیں رکھتے
ہے ان کی آستیں میں وہ بھی جو قاتل نہیں رکھتے
جو چلتے ہیں انہیں رستوں پہ جو منزل نہیں رکھتے
یہ مجنوں اپنی نظروں میں کوئی محمل نہیں رکھتے
یہ اپنے پاس کچھ بھی فخر کے قابل نہیں رکھتے
ترس کھا کر جنہیں جنتا نے کرسی پر بٹھایا ہے
وہ خود سے تو نہ اٹھیں گے انہیں تم ہی اٹھا دینا
گھٹائی ہے جنہوں نے اتنی قیمت اپنے سکے کی
یہ ذمہ ہے تمہارا ان کی قیمت تم گھٹا دینا
جو وہ پھیلائیں دامن یہ وصیت یاد کر لینا
انہیں ہر چیز دے دینا پر ان کو ووٹ مت دینا

کیفی اعظمی

غزل

ووٹ نہ بیچیں کیوں بے چارے بس کمبل کے بدلے میں
جو سردی میں اپنی چمڑی بستر کریں لحاف کریں

سردار پنچھی

مزاحیہ

واہ بی میونسپلٹی جان کیا کہنا ترا
تو چچی لیلیٰ کی عاشق تیرا مجنوں کا چچا
اپنی خودداری کو کھو کر تجھ پہ جو شیدا ہوا
بے خودی میں یہ زبان حال سے کہتے سنا
بسکہ دیوانہ شدم عقل رسا درکار نیست
عاشق میونسپلٹی راحیا درکار نیست
تیرا خواہش مند ہر قید لیاقت سے بری
جس کا جی چاہے لڑے اور لڑ کے لے لے ممبری
عہد آزادی نے ایسی ڈال دی ہے ابتری
اب تو ہر تانیث اور تذکیر میں ہے ہمسری
تجھ کو کیا رنڈی ہے کوئی یا کہ رنڈی باز ہے
تیرا دروازہ کس و ناکس کے اوپر باز ہے
جمع کر دے قرض ہی لے کر ضمانت کے پچاس
دور ہوتی جائے غیرت جب الیکشن آئے پاس
ووٹروں کے ہاتھ جوڑے خوب ہو کر بد حواس
گڑگڑا کر ہر کس و ناکس سے ہو یہ التماس
رہن پرچے کے عوض عزت مری کر لیجیے
اپنے بچوں کا تصدق ووٹ مجھ کو دیجیے
سنیے اک صاحب کا قصہ جب ہوئی شامت سوار
یہ ضمانت کر کے داخل بن گئے امیدوار
چھوڑ پیشہ ترک فرمایا جو کچھ تھا کاروبار
کچھ اثاث البیت بیچا کچھ لیا سودی ادھار
مضطرب رہتے تھے یہ نام آوری کے واسطے
گھر سے نکلے ووٹ لینے ممبری کے واسطے
سب سے پہلے ان کو جس ووٹر کے گھر جانا پڑا
شیخ بدھو نام تھا اور تھا جلاہا قوم کا
دھوتی باندھے مرزئی پہنے تنا بیٹھا ہوا
اک سڑی مٹی کا حقہ پی رہا تھا کج ادا
جاتے ہی تسلیم کی جب اس کو با صد احترام
منہ کو ٹیڑھا کر کے بولا کو ہے بالیکم سلام''
بولے یہ پہلے نہ آیا میں ہوا اتنا قصور
شیخ بدھو آپ مجھ پر رحم فرمائیں حضور
آپ کو والد کہا کرتے تھے بھائی اب سے دور
میں بھتیجا آپ کا ہوں ووٹ لے لونگا ضرور
بولے بدھو کا کہیو ہم کہکا کہکا بوٹ دےای
بوٹ پہیے او جو ترتے ہمکا دس کا نوٹ دےای
جب سرتے دار بولا لائے ہو کونو گواہ
ہم کہا سسرا جمادروا کہس ہم کا تباہ
ہم جلاہا آپ کے اور آپ ٹھہرے بادشاہ
کون کہہ کے سامنے موتت ہے صاحب واہ واہ
ہنس کے کہہ دینیں مجھڑ سیکھ جی جاؤ بری
رہ گئی منہ ہائے کے سب لمبرن کی لمبری
سن لیو ساری کتھا دیہو کہ ناہیں یہ بتاؤ
بوٹ مانگے آئے ہو ہم سے تو ہم کا کچھ دلاؤ
کر چکن بکواس اب بھیا نہ ہمرا موڑ کھاؤ
کہہ دیا بس کہہ دیا اب جاؤ چپے گھر کا جاؤ
جو رکم تم سے کہا سب پیشگی لے لیب ہم
بوٹ دے موٹر پہ لے جہیو تو ہاں دے ویب ہم
جب میاں بدھو کے تیور اس قدر دیکھے کڑے
دہنے بائیں دیکھ جھٹ قدموں پہ اس کے گر پڑے
دل میں پچھتائے کہ آخر کیوں ہوئے تھے ہم کھڑے
کہیے ایسے جاہلوں سے کیا کوئی کشتی لڑے
آبرو کے ساتھ دے کر پانچ راضی کر لیا
کامیابی پر ہوئے خوش تاؤ مونچھوں پر دیا
آگے بڑھ کر ایک حضرت کا ہوا پھر سامنا
ان سے جا کر اس طرح کی عرض با صد التجا
بندہ پرور ایک مذہب ہے ہمارا آپ کا
ووٹ دیجے گا جو مجھ کو آپ خوش ہوگا خدا
ہیں مرے حلقے میں جو جو میرے مذہب کے خلاف
دیکھیے ممبر ذرا ہو لوں تو کر دوں سب کو صاف
مہتران کے در پہ جھاڑو دینے آئے کیا مجال
اور سقا مشک سے نالی دھلائے کیا مجال
ٹیکس گھر وارے کا ان پر بندھ نا جائے کیا مجال
لے لیں بمبا گھر میں بے میٹر لگائے کیا مجال
ناچ تگنی کا انہیں اب میں نچاؤں گا حضور
دیکھے کس کس طرح ان کو ستاؤں گا حضور
خوش ہوئے سن کر جناب مولوئی مکتبی
ہاتھ پھیرا ریش پر اور اس طرح تقریر کی
آپ اس کے اہل ہیں میری نظر میں واقعی
ذات سامی کو سمجھتا ہوں میں فخر ممبری
محترم میں وعدہ قبل از وقت کر سکتا نہیں
فرض ہے ایفائے وعدہ پھر مکر سکتا نہیں
اس میں اک اشکال شرعی اور بھی ہے کیا کہوں
میں اعانت آپ کی بالفرض قرطاساً کروں
رائے تو اپنی ہبہ کر دوں عوض کچھ بھی نہ لوں
کیوں بدل ضائع کروں کس واسطے مسرف بنوں
جانتا ہوں یہ کہ میری رائے ہے کتنی وقیع
مفت ضائع کیوں کروں جب میں نہیں ہو مستطیع
حسب خواہش گر بدل مجھ کو عطا کر دیں جناب
کیا عجب پیش خدا ماجور بھی ہوں اور مثاب
میں نے دکھلا دی حدود شرع میں راہ ثواب
میرے معروضات کو فرمائیے گر مستجاب
رائے دے دینے میں احقر کو تامل کچھ نہ ہو
خود کروں تعجیل حتماً پھر تساہل کچھ نہ ہو
رائے دے دوں گا عوض میں آپ کو خمسین کے
اتنے ہی ملتے ہیں مجھ کو وعظ کے تلقین کے
حضرت والا تو خود پابند ہیں آئین کے
اس سے کم دینا مرادف ہے مری توہین کے
ہاں یہ ممکن ہے کہ کچھ تقلیل فرما دیجئے
ہے یہ کار خیر اب تعجیل فرما دیجئے
خلص احباب سے کیوں استشارہ کیجئے
راز پوشیدہ رہے کیوں آشکارہ کیجئے
سب سے اچھا ہے ذرا زحمت گوارا کیجئے
لیجئے تسبیح مجھ سے استخارہ کیجئے
عرض کی ہے میں نے جو اتنی رقم پر دیکھیے
منع جب آئے تو پھر کچھ اس سے کم پر دیکھیے
یہ نہایت کائیں تھے دل میں یہ بولے سوچ کے
شکل تو اچھی ہے پر زیبا نہیں میرے لیے
استخارہ میں کروں کیا آپ کے ہوتے ہوئے
کرتا ہوں نیت تو میں آپ استخارہ کیجیے
نیت ان کے دل میں تھی تسبیح ان کے ہاتھ میں
چوہا اپنی گھات میں تھا بلی اپنی گھات میں
منع آیہ استخارہ چھوٹتے ہی پہلی بار
مولوی صاحب کے چہرے پر ہوا کچھ انتر جار
پھر جو دیکھا واجب آیہ ہو بے اختیار
پوچھا نیت کس قدر پر کی تھی بہر خاکسار
بولے نیت دس پہ کی تھی لیجیے بندہ نواز
کامیابی کی دعا فرمائیے بعد از نماز
اس جگہ سے اٹھ کے گھر پر ایک صاحب کے لیے
دس برس ناکام رہنے پر ہوئے تھے جو بی اے
ریلوے میں تھے ملازم خود بھی تھے چلتے ہوئے
آپ کی تنخواہ تو کم ٹھاٹھ تھے لیکن بڑے
انگلش اسٹائل پہ رہنے کا جو ان کو شوق تھا
بوٹ بیٹری پاؤں کی کالر گلے کا طوق تھا
پھوس کے چھپر میں رہتے تھے یہ اس سامان سے
اور فرنیچر تو خارج ان کے تھا امکان سے
ٹوٹی پھوٹی کرسیاں لے کر کسی دوکان سے
بیٹھتے تھے ان پہ چھپر میں نہایت شان ثے
نام اک تختی پہ لکھ رکھا تھا یوں بہر وقار
مسٹر ابراہام بی اے ٹی ٹی سی ای آئی آر
دیکھ کر صورت کو ان کی اس طرح کہنے لگے
آئی ایم ویری بزی میک ہیسٹ جلدی بولئے
پھر ادھر ٹہلے ادھر ٹہلے گھڑی کو دیکھ کر
اپنے کتے سے کہا کم سون ان سے گو اوے
پھر کہاں یو آر کنڈیڈیٹ بٹ نو بولڈ مین
تم کو اپنی ووٹ کیسے دے گا صاحب اولڈ مین
چونکہ کنڈیڈیٹ انگریزی سمجھتے ہی نہ تھے
گڑگڑا کر اس طرح صاحب ثے فرمانے لگے
یہ تو ممکن ہی نہیں ہے آپ پیدل جائیے
میں نے موٹر مانگ لی ہے آپ ہی کے واسطے
اور کیوں کر اس طرح چلیے گا مجھ کو دینے ووٹ
کیجے پاکٹ بک پہ تاریخ الیکشن جلد نوٹ
بات انگریزی نما اردو میں یوں صاحب نے کی
ہم کہا انگلش میں ٹم سمجھا نہیں او آئی سی
دیکھو اپنی ووٹ رکھنی مانگٹا ہے ہم فری
کس کو دے گا پہلے بٹلانے نہیں سکٹا کوئی
ہم سٹی فادر نہیں تم کو بنانا مانگٹا
ڈی ایم پھر موٹر پہ ہم کاہے کو جانا مانگٹا
ہو کے جب مایوس یہ پلٹے وہاں سے منہ بنائے
دل میں کہتے تھے کہ ان کا ووٹ تو جانا ہے ہائے
سال بھر پہلے بڑے دن میں جو ڈالی دے تو پائے
اب بجز اس کے کوئی صورت نہیں بنتی بنائے
فیس دے کر نرس اک بہر سفارش لاؤں گا
چل گیا چکمہ تو ان سے ووٹ پھر لے جاؤں گا
پھر بڑھے آگے یہاں سے ووٹ کے ارمان میں
گھس پڑے یہ ایک بز قصاب کی دوکان میں
نثر میں پڑھ کر قصیدہ پہلے اس کی شان میں
چاہتے تھے یہ کہیں کچھ شیخ جی کے کان میں
یوں کنوتی کو بدل کر شیخ صاحب نے کہا
سنیے حجرت ہم لگی لپٹی نہیں رکھتے جرا
چودھری نے کل کہا تھا ہم سے اے بھیا سکور
سیکھ منے جس کو کہہ دیں بوٹ دے دینا جرور
پر مناہی کر گئے جب مولبی عبدل گفور
راپھجی کو بوٹ دے سکتے نہیں ہم تو حجور
سنتے ہیں کران میں فرما گئے تھے کھد رسول
دین کی جب بات ٹھہری دکھل دینا بے پھجول
واں کتب الدین بھی کہتے تھے سچی ہے یہ بات
گیر مجھب والے کو لمبر بنانا باہیات
سیکھ جی مجھب تمہارا اور ان کی اور جات
ہو کے لمبر وہ کھدا جانے کریں کیا واردات
ہاں کوئی مجھب کا اپنے ہو تو اس کو بوٹ دو
جب تمہیں موکا ملے ایسوں کو بھیا چوٹ دو
ان کو بز قصاب نے جب دے دیا روکھا جواب
یہ اٹھے دوکان سے مایوس با چشم پر آب
اپنے ورکر سے کہا جا کر کہ سنیے تو جناب
آپ ہی تدبیر اب کچھ کیجیے اس کی شتاب
صرف کی پروا نہیں جو ہو مناسب کیجیے
شیخ جی کے ووٹ کو لیکن نہ جانے دیجیے
دل میں ورکر خوش ہوئے کہنے لگے باصد سرور
اس طرف سے آپ بالکل مطمئن رہیے حضور
اور لوگوں سے زیادہ صرف تو ہوگا ضرور
تو سہی جب آپ ہی کو ووٹ دیں عبدالشکور
پیر لوٹن شاہ کی خدمت میں جاتا ہوں ابھی
حکم ان کا شیخ جی کے پاس لاتا ہوں ابھی
پیر لوٹن شاہ تھے اک خاندانی تکیہ دار
آنکھ میں سرمہ کئی رتی گلے میں چند ہار
ریش اقدس پان کے دھبوں سے رشک لالہ زار
گیروا کرتا گلے میں ہاتھ میں اک پشت خار
زرد تہمد پاؤں میں لکڑی کی اونچی سی کھڑاؤں
گھومتے پھرتے تھے یونہی شہر شہر اور گاؤں گاؤں
پہنچے ورکر ان کی خدمت میں بہ تعجیل تمام
دو روپے نذرانے کے دے کر کیا جھک کر سلام
عرض کی ہیں آپ تو حاجت روائے خاص و عام
شیخ جی کا ووٹ دلوا دیجئے بس ہے یہ کام
چونکہ حضرت کی ہیں بیعت میں میاں عبدالشکور
آپ فرما دیں اگر تو ووٹ دے دیں گے ضرور
آپ کی دعوت کا کل گھر پر کروں گا انتظام
شیخ جی کو بھی بلا لوں گا وہیں پر وقت شام
تذکرے میں ووٹ کا چھیڑوں گا مابین طعام
آپ ان کو حکم دے دیں گے تو ہو جائے گا کام
بولے لوٹن شاہ بابا خوش رہو دعوت قبول
ہم فقیروں کی دعا سے ہوگا سب مطلب حصول
مختصر سے ابتدائی واقعے جو کچھ لکھے
کیا عجب کافی ہوں یہ پبلک کی عبرت کے لیے
اس طرح کے ووٹر اور ممبر ہوں جب اس قسم کے
کہیے اس میونسپلٹی سے کسے راحت ملے
ساکنان شہر اب ہشیار ہونا چاہیئے
ممبر اور ووٹر کا کچھ معیار ہونا چاہیئے
ختم بھی کر دو ظریفؔ اب تم بیان ممبری
تا بہ کے آخر رہوگے قصہ خوان ممبری
خواب سے چونکیں ذرا جب سر گران ممبری
پھر سنا دینا انہیں تم داستان ممبری
اب سمند فکر کی باگ اور جانب موڑ دو
سونے والے سو گئے قصہ ادھورا چھوڑ دو

ظریف لکھنوی

نظم

میں نشے میں ہوں

یہ بات عقل میں بھی سماتی نہیں ہے کچھ
شہرت تو مفت ووٹ دلاتی نہیں ہے کچھ
ایمانداری کام بناتی نہیں ہے کچھ
لٹھ کی زبان بھی مجھے آتی نہیں ہے کچھ
بھاگی تمہاری رائے تو جاتی نہیں ہے کچھ
''چلتا ہوں میں بھی، ٹک تو رہو، میں نشے میں ہوں

سید محمد جعفری

نظم

الیکشن

ساقی شراب دے کہ الیکشن ہے آج کل
برسیں گے ووٹ جس میں وہ ساون ہے آج کل
جمہوریت کے پاؤں میں جھانجن ہے آج کل
یہ ملک اس کے ناچ کا آنگن ہے آج کل
سودا ہے لیڈری کا جو دل کو ستائے ہے
''دل پھر طواف کوئے ملامت کو جائے ہے
لو ہو گیا ہے اونٹ الیکشن کا بے نکیل
اب لٹھ چلیں گے جلسوں میں آباد ہوں گے جیل
پھر لیڈروں کی ہوگی اکھاڑوں میں ریل پیل
ووٹوں کی ہر دکان پہ ہوگی گرانڈ سیل
ووٹوں سے بڑھ کے اب کوئی ہتھیار بھی نہیں
''لڑتے ہیں اور ہاتھ میں تلوار بھی نہیں''
زندہ ہے وہ کہ جس کا رجسٹر میں نام ہے
اور زندگی شریفوں کے اوپر حرام ہے
ہیں جس کے پاس ووٹ مدارالمہام ہے
لیلائے لیڈری کی وہ تھامے لگام ہے
لیڈر کے منہ پہ شہر کے کوچوں کی گرد ہے
''عشق نبرد پیشہ طلب گار مرد ہے''
وقت آ گیا ضمیر کی بیع و خرید کا
امپورٹ کے لسنس کے وعدے وعید کا
دن ہے برادری و قبائل کی عید کا
آپس میں گلہ بانوں کی گفت و شنید کا
مسلم کو بے شک ایسی مساوات چاہئے
''عارف ہمیشہ مست مے ذات چاہئے''
دنگل کی کشتیوں میں ہر اک چیز ہے روا
یعنی ملے گی ملت عاصی کو ہر دوا
نغمے کا دور، دور مے و رقص کا مزا
جس کو زبان کہہ نہ سکے اس سے بھی سوا
لکھا ہوا ہے قسمت امیدوار میں
''اڑتی پھرے گی خاک تری کوئے یار میں''
اہل بصیرت اب نہیں دیکھیں گے کھوٹ کو
حاصل کریں گے لاکھ طریقوں سے ووٹ کو
پانی ہی کی طرح سے بہائیں گے نوٹ کو
روکیں گے زر کی ڈھال پہ دشمن کی چوٹ کو
ووٹر کو بخشا جائے گا بھاری مشاہرہ
پھر جیت کی خوشی میں کریں گے مشاعرہ
آئیں گے ووٹ دینے کو جب جاہلان قوم
ان کو دکھائے جائیں گے پہلے نشان قوم
گینڈا نشان رکھے گا اک پہلوان قوم
ہے اونٹ کوئی کوئی یکے از خران قوم
انسانیت کی قید سے سب ہو گئے بری
ان کا معالجہ ہو تو ہوگا ووٹرنری

سید محمد جعفری

صفحہ کے متعلقہ نتیجہ "vote"

جمع کرنا

منیر نیازی کی منتخب ۱۰ نظمیں

پاکستان کے ممتاز ترین جدید شاعروں میں شامل۔ فلموں کے لئے گیت بھی لکھے

جمع کرنا

منتخب اختر الایمان

اختر الایمان کی ۱۰ بہترین نظمیں

جمع کرنا

ہولی پر نظیر کی 9 نظمیں

نظیر اکبرآبادی اپنے رنگ کے ایک انوکھے شاعر تھے . انکی شاعری میں ہندوستانی تہذیب کے تمام تمام رنگ دیکھنے کو ملتے ہیں- انکی شاعری مذہبی اور ثقافتی اتحاد کا بہترین نمونہ ہے- پیش ہیں ہولی پر نظیر کی مقبول نظمیں-

لغت سے متعلق نتائج

ریختہ لغت

hote

होतेہوتے

ہندی

ہوتے ہوئے ، موجودگی میں ، سامنے ، جیتے جی ، زندگی میں

vote

votevote

حق رائے

rote

roterote

رَٹائی

rote

रोतेروتے

روتا کی مغیّرہ حالت، محاورات و امثال میں مستعمل

کتاب کے متعلقہ نتیجہ "vote"

امریکی ادب

کیتھرین وان

تاریخ

مزید نتائج "vote"

نظم

چھبیس جنوری

ہر سال جگمگاتی ہے چھبیس جنوری
ہر سمت مسکراتی ہے چھبیس جنوری
سب کے دلوں کو بھاتی ہے چھبیس جنوری
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
ہیں بام و در پہ آج ترنگے لگے ہوئے
پھولوں سے چار سمت ہیں رستے سجے ہوئے
ہر سو عمارتوں پہ ہیں دیپک جلے ہوئے
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
آئین اپنا آج کے دن ہی شروع ہوا
جنتا کو ووٹ دینے کا حق آج ہی ملا
جمہوریت کے نام کا ڈنکا ہی بج گیا
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
فوجی قطار باندھ کے آتے ہیں راہ میں
سامان جنگ ساتھ ہی لاتے ہیں راہ میں
کرتب بہادری کے دکھاتے ہیں راہ میں
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
دلی میں سارے ہند سے آتی ہیں جھانکیاں
منظر ریاستوں کے دکھاتی ہیں جھانکیاں
آپس میں اتحاد بڑھاتی ہیں جھانکیاں
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری

مسعودہ حیات

نظم

الیکشن کے دن

وہ ووٹوں کی گنتی وہ ہلڑ وہ شور
تھے جمع وہاں پر کئی ووٹ چور

سیدہ فرحت

غزل

کچھ ووٹ کمانے کی خاطر کیا خون بہانہ لازم ہے
جب بات امن کی ہو ہر سو کیا بات بڑھانا لازم ہے

مزاحیہ

کسی کو دے کے ''ووٹ'' اپنا نواسنج فغاں کیوں ہو؟
جو سر خالی ہو ''بھیجے'' سے تو پھر منہ میں زبان کیوں ہو؟
ہمارے لیڈروں کی کامیابی کا یہ نکتہ ہے!
''جو کرنا ہے'' رکھو دل میں وہ پبلک میں بیاں کیوں ہو؟
کہا صیاد نے پر نوچ کر صحن گلستاں میں!
گھٹن ہو لاکھ سینے میں مگر آہ و فغاں کیوں ہو؟
بڑھاپے میں بھی کر ڈالی ہے تو نے تیسری شادی
ذرا انصاف سے کہہ دے وہ تجھ پر مہرباں کیوں ہو؟
''قفس میں مجھ سے روداد چمن کہتے نہ ڈر ہمدم''
چلا ہے جس پہ ''بلڈوزر'' وہ میرا ہی مکاں کیوں ہو؟
قطب سے کود جاؤں گا اگر مرنا ہی ٹھہرا ہے
''تو پھر اے سنگ دل تیرا ہی سنگ آستاں کیوں ہو؟''
وہ کہتا ہے کہ امریکہ کو لیننؔ نے بسایا تھا
ہو جب استاد ہی جاہل تو میرا امتحاں کیوں ہو؟
نظرؔ نے ان کو جب دیکھا تو ڈیڈی ساتھ تھے ان کے
ہمارے درمیاں ہر وقت وہ پیر مغاں کیوں ہو؟

نظر برنی

نظم

منفی شعور کا اک ورق

کیا اس نظام کو جاگیر دار بدلے گا؟
جو
میرے ووٹ سے منتخب ہوتا ہے
اور
میرے خوابوں پر ٹیکس لگاتا ہے
کیا
اس نظام کو سرمایہ دار بدلے گا؟
جو
مجھ سے بارہ گھنٹے کی بیگار لیتا ہے
مگر
آٹھ گھنٹے کی اجرت دینے پر بھی تیار نہیں!
کیا دانشور اس نظام کو بدل سکتا ہے؟
مگر وہ تو
ایک پلاٹ یا غیر ملکی دورے کے عوض
حکمرانوں کے لیے لغت میں سے ستائشی الفاظ
جمع کرتا رہتا ہے!
تاجر اس نظام کو کیسے بدلے گا؟
وہ تو بجٹ کی تمام مراعات سمیٹ کر
ساری مہنگائی
میرے کھاتے میں درج کر دیتا ہے
سیاست دان اس نظام کا محافظ کیوں نہ ہو!
کہ اس کی برکت سے
وہ سرکاری اسکول اور ڈسپنسری میں اپنی بھینس باندھ سکتا ہے
اور
سایہ دینے والے غیر سرکاری درخت کے نیچے
کلاس لینے والے ضدی ٹیچر کو
اپنی پجارو سے باندھ کر گھسیٹے جانے کی دھمکی دیتا ہے
میں نے
صحافی سے اس نظام کو بدلنے کی درخواست کی
مگر وہ
تھانہ محرر کے پاس بیٹھ کر چائے پینے اور خبریں لکھنے میں مگن تھا
یہ سب جانتے ہوئے
میں اگلے پانچ سال کے لیے
اپنا چہرہ اپنے حلقے کے پٹواری کو دے دوں گا
جو اسے
عکس شجرہ میں لپیٹ کر رکھ لے گا
اور
ووٹ کی پرچی پر میرا انگوٹھا خود ہی لگا لے گا

زاہد مسعود

نظم

جدید ترین آدمی نامہ

پبلک سے جس نے ووٹ لیا وہ بھی آدمی
رشوت کا جس نے نوٹ لیا وہ بھی آدمی
''لنڈے'' کا جس نے کوٹ لیا وہ بھی آدمی
''چرغا'' اڑا رہا ہے سو ہے وہ بھی آدمی
جو دال کھا رہا ہے سو ہے وہ بھی آدمی

سرفراز شاہد

غزل

ہیں بے ضمیر پھر بھی دعویٰ ہے لیڈری کا
اب ووٹ مانگتے ہیں طالب ہیں ممبری کے

نسرین نقاش

غزل

ہمارے ملک کا آئین ہم سے کہتا ہے
اب انقلاب فقط ووٹ کے سبب ہوں گے

اعجازالحق شہاب

مزاحیہ

ووٹ لیتے ہو بھول جاتے ہو
دیکھو غداریاں نہیں اچھی

رؤف رحیم

غزل

حکمرانوں کو فقط ووٹ سے مطلب ورنہ
کس نے مفلس کی سنی کون ادھر تک پہنچا

نذیر نظر

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے