Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "dalte"

See All

POETS/AUTHORS/ARTISTS

Dale Carnegie

Dale Carnegie

Author

Dante Alighieri

Dante Alighieri

1265 - 1321

Author

Edward Everett Dale

Edward Everett Dale

Author

Dale Carnegie

Dale Carnegie

1888 - 1955

Author

MOST RELEVANT MATCHES FOR "dalte"

Quote

Leader jab aansoo bahaa kar logon se kahte hain ki mazhab khatre mein hai to ismein koi haqeeqat nahi hoti. Mazhab aisi cheez hi nahi ki khatre mein pad sake, agar kisi baat ka khatra hai to woh leaderon ka hai jo apna ulloo seedha karne ke liye mazhab ko...

Saadat Hasan Manto
Ghazal

kyuu.n shikan Daalte ho maathe par
bhuul kar aa ga.e hai.n jaate hai.n

Abdul Hamid Adam
Nazm

tum bilkul hum jaise nikle

tum bilkul ham jaise nikle
ab tak kahaa.n chhupe the bhaa.ii
vo muurakhtaa vo ghaama.D-pan
jis me.n ham ne sadii ga.nvaa.ii
aaKHir pahu.nchii dvaar tuhaare
are badhaa.ii bahut badhaa.ii
pret dharm kaa naach rahaa hai
qaa.em hinduu raaj karoge
saare ulTe kaaj karoge
apnaa chaman taaraaj karoge
tum bhii baiThe karoge sochaa
puurii hai vaisii tayyaarii
kaun hai hinduu kaun nahii.n hai
tum bhii karoge fatvaa jaarii
hogaa kaThin yahaa.n bhii jiinaa
daa.nto.n aa jaa.egaa pasiinaa
jaisii-taisii kaTaa karegii
yahaa.n bhii sab kii saa.ns ghuTegii
bhaa.D me.n jaa.e shikshaa-vikshaa
ab jaahil-pan ke gun gaanaa
aage ga.Dhaa hai ye mat dekho
vaapas laa.o gayaa zamaana
mashq karo tum aa jaa.egaa
ulTe paa.nv chalte jaanaa
dhyaan na duujaa man me.n aa.e
bas piichhe hii nazar jamaanaa
ek jaap saa karte jaa.o
baaram-baar yahii doharaa.o
kaisaa viir mahaan thaa bhaarat
kitnaa 'aalii-shaan thaa bhaarat
phir tum log pahu.nch jaa.oge
bas parlok pahu.nch jaa.oge
ham to hai.n pahle se vahaa.n par
tum bhii samay nikaalte rahnaa
ab jis nark me.n jaa.o vahaa.n se
chiTThii-viTThii Daalte rahnaa

Fahmida Riaz
Ghazal

Daalte hai.n vo jo kashkol me.n saa.nse.n gin kar
kal ke sapne bhii giraftaar kiye jaate hai.n

Jaleel 'Aali'
Ghazal

paa.nv me.n ab ko.ii zanjiir nahii.n Daalte ham
dil jidhar Thiik samajhtaa hai udhar jaate hai.n

Shakeel Jamali
See All

DICTIONARY MATCHES

REKHTA DICTIONARY

jalte

जलतेجَلْتے

illuminate, burn, envious

palTe

पलटेپَلْٹے

Hindi

in return, back out, return

paalte

पालतेپالِْتَے

Sanskrit

بزرگی، بڑھاپے کے سبب بالوں میں سفیدی آجانا

date

datedate

وعدۂ ملاقات

See All

BOOKS MATCHES FOR "dalte"

Pareshaan Hona Chhodiye Jeena Shuru Kijiye

Dale Carnegie

Psychology

Guftagu Aur Taqreer Ka Fan

Dale Carnegie

Philosophy

Meethe Bol Mein Jadu Hai

Dale Carnegie

Moral and Ethical

Purkashish Baniye

Dale Carnegie

Fiction

Dast-e-Saba

Faiz Ahmad Faiz

Majmua

Abraaham Lincoln

Dale Carnegie

Biography

Apni Shakhsiyat Ko Purkashish Banayen

Dale Carnegie

Pareshan Hona Chhod Dein

Dale Carnegie

Dast-e-Saba

Faiz Ahmad Faiz

Untalees Barhe Aadmi

Dale Carnegie

Biography

Dast-e-Ghaib

Khwaja Hasan Nizami

Islamiyat

Tarbiya-e-Khuda-Wandi

Dante Alighieri

Translation

Dast-e-Qaza

Rider Haggard

Novel

Dast-e-Shanasi

Rahmaani Dast-e-Ghaib

Mohammad Imran Aasi

MORE MATCHES FOR "dalte"

Sher

dil par bhii aa.o ek nazar Daalte chale.n
shaayad chhupe hu.e ho.n yahii.n din bahaar ke

Shahzad Ahmad
Ghazal

muu.ng chhaatii pe jo dalte hai.n kisii kii dekhnaa
juutiyo.n me.n daal un kii ai 'zafar' baT jaa.egii

Bahadur Shah Zafar
Ghazal

baap kii qabr pe miTTii bhii nahii.n Daalte hai.n
phuul netaa.o.n kii qabro.n pe cha.Dhaane vaale

Aalam Nizami
Quote

Cigarette hai kya? Kaaghaz ki eik naali jiske eik sire par sho'la aur doosre par eik naadaan hota hai. Kahte hain cigarette ke doosre sire par jo raakh hoti hai, dar-asl woh peene waale ki hoti hai. Aish tray woh jagah hai jahaan aap ye raakh us waqt daalte hain...

Mohammad Yunus Butt
Mazahiya

hai bahut muuD me.n is vaqt dil-e-zaar chalo
tum mire saath chalo aur lagaataar chalo
bhaa.D me.n Daalo har ik vaqt kii diivaar chalo
kahii.n gumraah na ho jaa.e yahaa.n pyaar chalo
ham hai.n jab dono.n mohabbat me.n giraftaar chalo
chalo dildaar chalo chaa.nd ke paar chalo
ye jo duniyaa hai ye ham ko nahii.n milne degii
umr bhar apnii jagah se na ye hilne degii
ishq ke chaak-e-garebaa.n ko na silne degii
pyaar ke Guncho.n ko hargiz nahii.n khilne degii
aise aalam me.n munaasib nahii.n inkaar chalo
chalo dildaar chalo chaa.nd ke paar chalo
Daalte rahte hai.n Dore ye zamaane ke hasii.n
apnii nazro.n me.n hai.n aise ka.ii Gaarat-gar-e-dii.n
tum ko is baat kaa ehsaas ko.ii hai ki nahii.n
dil na pa.D jaa.e kisii aur ke chakkar me.n kahii.n
merii maano to abhii chho.D ke ghar-baar chalo
chalo dildaar chalo chaa.nd ke paas chalo
rah ke is duniyaa me.n tum ne abhii dekhaa kyaa hai?
bas ye socho ki mohabbat kaa taqaaza kyaa hai?
rishta-daaro.n kii inaayat kaa bharosa kyaa hai?
saath hai.n ham jo tumhaare tumhe.n khaTkaa kyaa hai?
ab to rahne do bahut ho chukii takraar chalo
chalo dildaar chalo chaa.nd ke paar chalo
KHauf-e-rusvaa.ii ko.ii chaa.nd kii duniyaa me.n nahii.n
maamii yaa taa.ii ko.ii chaa.nd kii duniyaa me.n nahii.n
ek harjaa.ii ko.ii chaa.nd kii duniyaa me.n nahii.n
aap kaa bhaa.ii ko.ii chaa.nd kii duniyaa me.n nahii.n
KHush-nasiibii ke nazar aate hai.n aasaar, chalo
chalo dildaar chalo chaa.nd ke paar chalo
chaa.nd ke paar sunaa hai ki fazaa achchhii hai
surKH ho jaa.ogii tum aab-o-havaa achchhii hai
jis jagah ham hai.n yahaa.n se to zaraa achchhii hai
maan lo raa.e hamaarii ba-KHudaa achchhii hai
aa.e din tum to yahaa.n rahtii ho biimaar chalo
chalo dildaar chalo chaa.nd ke paar chalo

Popular Meeruthi
Nazm

pand-nama

ai majaaz ai taraana-baar majaaz
zinda paiGambar-e-bahaar majaaz
ai baruu-e-saman-vishaa.n gul-posh
ai ba kuu-e-muGaa.n tamaam KHarosh
ai parastaar-e-mah-ruKHaan-e-jahaa.n
ai kamaa.n-daar-e-shaa.iraan-e-javaa.n
tujh se taabaa.n jabiin-e-mustaqbil
ai mire siina-e-umiid ke dil
ai majaaz ai mubassir-e-KHad-o-KHaal
ai shu.uur-e-jamaal o sham-e-KHayaal
ai surayyaa-fareb o zohra-navaaz
shaa.ir-e-mast o rind-e-shaahid-baaz
naaqid-e-ishva-e-shabaab hai tuu
sub.h-e-fardaa kaa aaftaab hai tuu
tujh ko aayaa huu.n aaj samjhaane
haif hai tuu agar buraa maane
KHud ko Garq-e-sharaab-e-naab na kar
dekh apne ko yuu.n KHaraab na kar
shaa.irii ko tirii zaruurat hai
daur-e-fardaa kii tuu amaanat hai
sirf terii bhalaa.ii ko ai jaa.n
ban ke aayaa huu.n naaseh-e-naadaa.n
ek Thahraav ik takaan hai tuu
dekh kis darja dhaan-paan hai tuu
na.ng hai mahz ustuKHaa.n honaa
saKHt ihaanat hai naa-tavaa.n honaa
ustuKHvaanii badan duKHaanii post
ek sa.ngiin jurm hai ai dost
sharm kii baat hai vajuud-e-saqiim
naa-tavaanii hai ik gunaah-e-aziim
jism aur ilm turfa taaqat hai
yahii insaan kii nubuvvat hai
jo za.iif-o-aliil hotaa hai
ishq me.n bhii zaliil hotaa hai
har hunar ko jo ek daulat hai
ilm aur jism kii zaruurat hai
kasrat-e-baada rang laatii hai
aadmii ko lahuu rulaatii hai
KHush-dilo.n ko rulaa ke ha.nstii hai
sham-e-aKHtar bujhaa ke ha.nstii hai
aur jab aafat jigar pe laatii hai
ri.nd ko maulvii banaatii hai
mai se hotaa hai maqsad-e-dil faut
mai hai buniyaad-e-maulviyyat-o-maut
kaan me.n sun ye baat hai nashtar
maulviyyat hai maut se bad-tar
is se hotaa hai kaar-e-umr tamaam
is se hotaa hai aql ko sarsaam
is me.n insaa.n kii jaan jaatii hai
is me.n shaa.ir kii aan jaatii hai
ye zamiin aasmaan kyaa shai hai
aan jaa.e to jaan kyaa shai hai
gauhar-e-shaah-vaar chun pyaare
mujh se ik gur kii baat sun pyaare
Gam to bantaa hai chaar din me.n nashaat
shaadmaanii se rah bahut mohtaat
Gam ke maare to jii rahe hai.n hazaar
nahii.n bachte hai.n aish ke biimaar
aan me.n dil ke paar hotii hai
pa.nkhu.Dii me.n vo dhaar hotii hai
juu-e-ishrat me.n Gam ke dhaare hai.n
yaKH-o-shabnam me.n bhii sharaare hai.n
haa.n sambhal kar lataafato.n ko barat
TuuT jaa.e kahii.n na ko.ii parat
dekh kar shiisha-e-nashaat uThaa
ye varaq hai varaq hai sone kaa
kaaGaz-e-baad ye nagiina hai
balki ai dost aabgiina hai
saaGar-e-shabnam-e-KHush-aab hai ye
aabgiina nahii.n habaab hai ye
rok le saa.ns jo qariib aa.e
Thes us ko kahii.n na lag jaa.e
teG-e-mastii ko ehtiyaat se chhuu
varna Tapkegaa u.ngliyo.n se lahuu
mastiyo.n me.n hai taab-e-jalva-e-maah
aur siyah mastiyaa.n KHudaa kii panaah
KHuub hai ek had pe qaa.em nasha
halkaa phulkaa subuk mulaa.em nasha
haa.n adab se uThaa adab se jaam
taaki aab-e-halaal ho na haraam
jaam par jaam jo cha.Dhaate hai.n
uu.nT kii tarah bilbilaate hai.n
zindagii kii havas me.n marte hai.n
mai ko rusvaa-e-dahr karte hai.n
yaad hai jab 'jigar' cha.Dhaate the
kyaa alif ho ke hin-hinaate the
merii gardan me.n bhar ke chand aahe.n
paa.nv se Daalte the vo baa.nhe.n
aql kii maut ilm kii pastii
al-amaa.n la.anat-e-siyah mastii
uf ghaTaa-Top nashshe kaa tuufaan
bhuut ifriit dev jin shaitaan
laat ghuu.nsa chha.Dii chhurii chaaquu
lib-libaahaT lu.aab kaf badbuu
tanz aavaaza barhamii ifsaad
ta.an tashnii.a maz.haka iiraad
shor huu-haq abe-tabe hai hai
aukhiyaa.n gaaliyaa.n dhamaake qai
mas-masaahaT Gashii tapish chakkar
soz sailaab sansanii sarsar
chal-chaKHe chiiKH chunaa.n-chunii.n chi.nghaa.D
chaKH-chaKHe chaa.uu.n chaa.uu.n chiil-chilhaa.D
lappaa-Dukki lataam laam la.Daa.ii
haul haijaan haa.nk haathaa-paa.ii
khalbalii kaa.o.n kaa.o.n khaT-manDal
hau.nk ha.ngaama hamhama halchal
uljhan aavaargii udham aiThan
bhau.nk bhau.n bhau.n bhinan bhinan bhan-bhan
dhaul-dhappaa dhaka.D-paka.D dhutkaar
tahlka tuu ta.Daaq tuf takraar
buu bhabhak bhay bikas barar bhau.nchaal
dabdabe dandanaahaTe.n dhammaal
gaah narmii o lutf o mehr o salaam
gaah talKHii o turshii o dushnaam
aql kii maut ilm kii pastii
al-amaa.n la.anat-e-siyah mastii
sirf nashshe kii bhiigne de mase.n
in ko ban.ne na de kabhii mo.nchhe.n
al-amaa.n KHaufnaak kaalaa nasha
oh riish-o-buruut vaalaa nasha
azhdar-e-marg o dev-e-KHuu.n-KHvaarii
al-amaa.n nashsha-e-''jaTaadhaarii''
nashshe kaa jhuT-puTaa hai nuur-e-hayaat
jhuTpuTe ko banaa na kaalii raat
nashshe kii tez raushnii bhii Galat
chaudhvii.n kii sii chaa.ndnii bhii Galat
zehn-e-insaa.n ko baKHshtaa hai jamaal
nashsha ho jab ye qadr-e-nuur-e-hilaal
Gurfa-e-aql bhe.D to akasr
par use kach-kachaa ke band na kar
raat ko lutf-e-jaam hai pyaare
din kaa piinaa haraam hai pyaare
din hai ifriit-e-aaz kii khankaar
raat paazeb naazukii jhankaar
din hai KHaashaak KHaak dhuul dhu.aa.n
raat aa.iina anjuman afshaa.n
din musallah davaa.n kamar basta
raat taaq-o-ravaaq-o-gul-dasta
din hai faulaad-e-sa.ng teG-e-alam
raat kam-KHvaab pa.nkhu.Dii shabnam
din hai shevan duhaa.iyaa.n dukh.De
raat mast a.nkh.Diyaa.n javaa.n mukh.De
din ka.Dii dhuup kii bad-aaha.ngii
raat pichhle pahar kii saara.ngii
din bahaadur kaa baan biir kii rath
raat champaa-kalii a.nguuThii nath
din hai tuufaan-e-jumbish-o-raftaar
raat miizaan-e-kaakul-o-ruKHsaar
aaftaab-o-sharaab hai.n bairii
botale.n din ko hai.n pachhal pairii
kar na paamaal hurmat-e-auqaat
raat ko din banaa na din ko raat
pii magar sirf shaam ke ha.ngaam
aur vo bhii ba-qadr-e-yak-do jaam
vahii insaa.n hai KHurram-o-KHursand
jo hai miqdaar o vaqt kaa paaband
mere piine hii par na jaa mirii jaa.n
mujh se jiinaa bhii siikh hai.n qurbaa.n
us ke piine me.n rang aataa hai
jis ko jiine kaa Dha.ng aataa hai
ye nasaa.eh bahut hai.n besh-bahaa
jald so jald jaag jald nahaa
baaG me.n jaa tuluu.a se pahle
taa nigaar-e-sahar se dil bahle
sarv-o-shamshaad ko gale se lagaa
har chaman-zaad ko gale se lagaa
mu.nh a.ndhere fazaa-e-gulshan dekh
saahil o sabza-zaar o sausan dekh
gaah aavaara abr-paare dekh
in kii raftaar me.n sitaare dekh
jaise kohre me.n taab-e-ruu-e-nikuu
jaise jangal me.n raat ko jugnuu
gul kaa mu.nh chuum ik tarannum se
nahr ko gudgudaa tabassum se
jism ko kar araq se nam-aaluud
taaki shabnam pa.Dhe lahak ke daruud
phe.nk sanjiidgii kaa sar se baar
naach uchhal dandanaa chhalaa.nge.n maar
dekh aab-e-ravaa.n kaa aa.iina
dau.D saahil pe taan kar siina
mast chi.Diyo.n kaa chahchahaanaa sun
mauj-e-nau-mashq kaa taraana sun
bostaa.n me.n sabaa kaa chalnaa dekh
sabza o sarv kaa machalnaa dekh
shabnam-aaluud kar suKHan kaa libaas
chakh dhundalke me.n buu-e-gul kii miThaas
shaa.irii ko khilaa havaa-e-sahar
is kaa nafqa hai terii gardan par
raqs kii lahr me.n ho gum lab-e-nahr
yuu.n adaa kar uruus-e-sher kaa mahr
jazb kar bostaa.n ke naqsh-o-nigaar
zehan me.n khol misr kaa baazaar
narm jho.nko.n kaa aab-e-haivaa.n pii
buu-e-gul ra.ng-e-shabnamistaa.n pii
gun-gunaa kar nazar uThaa kar pii
sub.h kaa shiir daGdaGa kar pii
taaki mujre ko aa.e.n kul barkaat
daulat jism o ilm o aql o hayaat
ye na ta.ana na ye ulahnaa hai
ek nukta bas aur kahnaa hai
Gaibat-e-nuur ho ki kasrat-e-nuur
zulmat-e-taam ho ki sho.ala-e-tuur
ek saa hai vabaal dono.n kaa
tiirgii hai ma.aal dono.n kaa
darKHur-e-saahab-e-ma.aal nahii.n
har vo shai jis me.n e'tidaal nahii.n
shaadmaanii se pii nahii.n saktaa
jis ko haukaa ho jii nahii.n saktaa
ai pisar ai baraadar ai hamraaz
ban na is tarah duur kii aavaaz
ko.ii biimaar tan nahii.n saktaa
KHaadim-e-KHalq ban nahii.n saktaa
KHidmat-e-KHalq farz hai tujh par
daur-e-maazii kaa qarz hai tujh par
asr-e-haazir ke shaa.ir-e-KHuddaar
qarz-daarii kii maut se hoshyaar
zehn-e-insaaniyat ubhaar ke jaa
zindagaanii kaa qarz utaar ke jaa
tujh pe hindostaan naaz kare
umr terii KHudaa daraaz kare

Josh Malihabadi
Ghazal

log to mushkilo.n me.n Daalte hai.n
mushkil aasaan kaun kartaa hai

Saeed Qais
Ghazal

Daalte us pe kamande.n vo ko.ii chaa.nd na thaa
sau jatan sab ne kiye haath na aayaa suuraj

Qateel Shifai
Nazm

buDhiya

roz hii bu.Dhiyaa uTh kar kyo.n kahtii hai
pyaas lagii hai
paanii Daalte Daalte mug se aa jaatii hai
gilaas giraa.oge tum
haath tumhaare kaa.np rahe hai.n
jaan jalaa rakhii hai is ne
KHarraaTe kyaa mai.n letaa huu.n
naak to is kii pharraatii hai
aadhii raat ko uTh kar kahtii hai ki pa.nkhaa band karo naa.n ThanD
lagtii hai
paa.nv maar ke KHud hii to chaadar phe.nkii thii
paa.nv pala.ng pe maar kar pair sujaa rakhaa hai
saarii raat dabaataa huu.n
pain-killer khaa khaa ke bhii ab uub gayaa huu.n
saarii umr jalaayaa is ne
ek baras hone ko aayaa
sii.Dhii par phislii thii to sar pho.D liyaa thaa
apne haath se aag ke uupar rakh kar aayaa thaa mai.n us ko
aur kahaa thaa tuu chal mai.n bhii aataa huu.n
par jaa.e tab naa.n
saarii raat mire bistar par karvaTe.n letii rahtii hai

Gulzar
Nazm

hathon ka tarana

in haatho.n kii taaziim karo
in haatho.n kii takriim karo
duniyaa ke chalaane vaale hai.n
in haatho.n ko tasliim karo
taariiKH ke aur mashiino.n ke pahiyo.n kii ravaanii in se hai
tahziib kii aur tamaddun kii bharpuur javaanii in se hai
duniyaa kaa fasaana in se hai, insaa.n kii kahaanii in se hai
in haatho.n kii taaziim karo
sadiyo.n se guzar kar aa.e hai.n, ye nek aur bad ko jaante hai.n
ye dost hai.n saare aalam ke, par dushman ko pahchaante hai.n
KHud shaktii kaa autaar hai.n, ye kab Gair kii shaktii maante hai.n
in haatho.n ko taaziim karo
ek zaKHm hamaare haatho.n ke, ye phuul jo hai.n gul-daano.n me.n
suukhe hu.e pyaase chulluu the, jo jaam hai.n ab mai-KHaano.n me.n
TuuTii hu.ii sau a.ng.Daa.iyo.n kii mehraabe.n hai.n aivaano.n me.n
in haatho.n kii taaziim karo
raaho.n kii sunahrii raushniyaa.n, bijlii ke jo phaile daaman me.n
faanuus hasii.n aivaano.n ke, jo rang-o-nuur ke KHirman me.n
ye haath hamaare jalte hai.n, ye haath hamaare raushan hai.n
in haatho.n kii taaziim karo
KHaamosh hai.n ye KHaamoshii se, so barbat-o-cha.ng banaate hai.n
taaro.n me.n raag sulaate hai.n, tablo.n me.n bol chhupaate hai.n
jab saaz me.n jumbish hotii hai, tab haath hamaare gaate hai.n
in haatho.n kii taaziim karo
e.ajaaz hai ye in haatho.n kaa, resham ko chhu.e.n to aa.nchal hai
patthar ko chhu.e.n to but kar de.n, kaalakh ko chhu.e.n to kaajal hai
miTTii ko chhu.e.n to sonaa hai, chaa.ndii ko chhu.e.n to paayal hai
in haatho.n kii taaziim karo
bahtii hu.ii bijlii kii lahre.n, simTe hu.e gangaa ke dhaare
dhartii ke muqaddar ke maalik, mehnat ke ufuq ke sayyaare
ye chaaragaraan-e-dard-e-jahaa.n, sadiyo.n se magar KHud bechaare
in haatho.n kii taaziim karo
taKHliiq ye soz-e-mehnat kii, aur fitrat ke shahkaar bhii hai.n
maidaan-e-amal me.n lekin KHud, ye KHaaliq bhii me.amaar bhii hai.n
phuulo.n se bharii ye shaaKH bhii hai.n aur chaltii hu.ii talvaar bhii hai.n
in haatho.n kii taaziim karo
ye haath na huu.n to mohmal sab, tahriire.n aur taqriire.n hai.n
ye haath na ho.n to be-ma.anii insaano.n kii taqriire.n hai.n
sab hikmat-o-daanish ilm-o-hunar in haatho.n kii tafsiire.n hai.n
in haatho.n kii ta.aziim karo
ye kitne subuk aur naazuk hai.n, ye kitne siDaul aur achchhe hai.n
chaalaakii me.n ustaad hai.n ye aur bhole-pan me.n bachche hai.n
is jhuuT kii gandii duniyaa me.n bas haath hamaare sachche hai.n
in haatho.n kii taaziim karo
ye sarhad sarhad ju.Dte hai.n aur mulko.n mulko.n jaate hai.n
baa.nho.n me.n baa.nhe.n Daalte hai.n aur dil se dil ko milaate hai.n
phir zulm-o-sitam ke pairo.n kii zanjiir-e-giraa.n ban jaate hai.n
in haatho.n kii ta.aziim karo
ta.amiir to in kii fitrat hai, ik aur na.ii ta.amiir sahii
ik aur na.ii tadbiir sahii, ik aur na.ii taqdiir sahii
ik shoKH o hasii.n KHvaab aur sahii ik shoKH o hasii.n ta.abiir sahii
in haatho.n kii ta.aziim karo
in haatho.n kii takriim karo
duniyaa ko chalaane vaale hai.n
in haatho.n ko tasliim karo

Ali Sardar Jafri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now