Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "abr-paara"

Nazm MATCHES FOR "abr-paara"

Nazm

baadal

chhaa.e hu.e hai.n chaar taraf paara-haa-e-abr
aaGosh me.n liye hu.e duniyaa-e-aab-o-ra.ng
mere liye hai un kii garaj me.n suruud-o-cha.ng
paiGaam-e-imbisaat hai mujh ko sadaa-e-abr
uTThii hai halke halke suro.n me.n navaa-e-abr
aur qatr-haa-e-aab bajaate hai.n jal-tara.ng
gahraa.iyo.n me.n ruuh kii jaagii hai har uma.ng
dil me.n utar rahe hai.n mire naGm-haa-e-abr
muddat se luT chuke the tamannaa ke baar-o-barg
chhaayaa hu.aa thaa ruuh pe goyaa sukuut-e-marg
chho.Daa hai aaj ziist ko KHvaab-e-jumuud ne
un baadalo.n se taaza hu.ii hai hayaat phir
mere liye javaan hai ye kaa.enaat phir
shaadaab kar diyaa hai dil un ke suruud ne!

Noon Meem Rashid
Nazm

naya istiara

use dekhte hii
tamaazat kaa ehsaas ba.Dhne lagaa hai
ye diivaare.n kaisii uThaa.ii ga.ii thii.n
ki jin kii bulandii
hamaare saro.n se churaa le ga.ii chhat
ye dahliiz kin pattharo.n se banii thii
ki jis ko kabhii paar karne kii himmat nahii.n thii kisii me.n
ye ghar kaisaa ghar hai
ki diivaar-o-dar is me.n be-intihaa hai.n
ye baahar kaa rasta nahii.n shart ko.ii
na saaya hai us ke muqaddar kaa likkhaa
faqat chilchilaatii hu.ii dhuup detii hai pahra
ye be-saa.ebaa.n ghar
ki jis se kabhii kuchh shikaayat nahii.n thii
ise kyo.n malaamat se takne lage hai.n
ko.ii abr-paara
ko.ii shaaKH-e-zaituun
agar hai bhii sar par to bas ek lamha
tamaazat kaa jaise nayaa isti.aara

Shahnaz Nabi
Nazm

aabu mein barsat

abr yuu.n chhaa rahaa hai aabuu par
jaise pahraa ho dhundlii shaamo.n par
yaa ki aa.e.n nazar siyah saa.e
larzaa.n larzaa.n bilaurii jaamo.n par

JaiKrishn Chaudhry Habeeb
Nazm

bakira

us kii ublii hu.ii aa.nkho.n me.n abhii tak hai chamak
aur siyah-baal hai.n bhiige hu.e KHuu.n se ab tak
teraa farmaan ye thaa us pe ko.ii daaG na ho
so ye be-aib achhuutaa bhii thaa an-dekhaa bhii
be-karaa.n reg me.n sab garm lahuu jazb hu.aa
dekh chaadar pe mirii sabt hai us kaa dhabbaa
ai KHudaa-vand-e-kabiir
ai jabbaar!
mutakabbir o jaliil!
haa.n tire naam pa.Dhe aur kiyaa zab.h use
ab ko.ii paara-e-abr aa.e kahii.n saayaa ho
ai KHudaa-vand-e-aziim
baad-e-taskii.n! ke nafas aag banaa jaataa hai!
qatra-e-aab ki jaa.n lab pe chalii aa.ii hai

Fahmida Riaz
Nazm

kal jo guzar gaya

kal aane vaalaa
abr kaa ek paara hai
jo tumhaarii zamiino.n par barse baGair bhii guzar saktaa hai
vo tumhaarii mauhuum ummiido.n kaa saaya hai
aur saaya kab kis kaa ho paayaa hai
tum saa.e ko paka.Dne kii koshish mat karo
ki mub.ham ummiido.n kii naa-puKHta shaaKHe.n
KHushii se phuul nahii.n khilaa saktii.n
aaj
aaj tumhaaraa apnaa hai
tumhaarii muTThii ke sikke kii tarah
aaj ke paudo.n par khilne vaale phuulo.n ko chun lo
is se pahle
ki vo murjhaa jaa.e.n

Javed Nadeem
Nazm

tamiri taKHrib

sub.h ke rangii.n labo.n par hai tabassum kii jhalak
gul mataa.a-e-zar nichhaavar karte hai.n kaliyaa.n mahak
letii hai a.ng.Daa.iyaa.n Guncho.n ke pahluu me.n hayaat
karvaTo.n par karvaTe.n letii hai ruuh-e-kaa.enaat
narm-o-naazuk taabisho.n se zau-fagan hai aaftaab
aasmaa.n kaa matl.a-e-rangii.n hai mahruum-e-sahaab
be-takalluf hai.n nazar ke saamne diivaar-o-dar
panja-e-KHurshiid se Tuk.De hai daamaan-e-sahar
apnii majbuurii pe ahl-e-baaG ne sar dhun liye
mahr ne kirno.n kii nakchoTii se motii chun liye
ye samaa.n hai mai.n huu.n aur lahore kaa lawrence baaG
gasht me.n hai.n maGribii tahziib ke chashm-o-charaag

Nakhshab Jaarchawi
Nazm

parinde fikrmand hain

parinde amn-o-aashatii kii justujuu me.n
paara-paara abr kii tarah
ravaa.n
kabhii yahaa.n kabhii vahaa.n
bhaTak rahe hai.n chaar-suu

Shadab Razi
Nazm

lazzat-e-irfan

ra.ng-e-fitrat hai vaj.h-e-hairaanii
aql hai aur hayaa-e-naadaanii
raaz-daa.n mudda.aa ko kahte hai.n
husn ulfat kaa daaG-e-peshaanii
husn-e-baaqii ne dil ko khii.nch liyaa
ruKHsat ai husn-e-hastii-e-faanii
dil hai vaqf-e-rajaa-e-rahm-o-karam
jaa.n hai nazr-e-razaa-e-rabbaanii
ab mai.n samjhii ki hai fanaa-e-KHudii
imbisaat-e-bahisht-e-laafaanii
Gam na kar hai naqiib-e-abr-e-bahaar
KHushkii-e-mausam-e-zamistaanii
dil-e-sad-paara ke alam gin luu.n
dekhii jaa.egii sub.ha-gardaanii
kar sake tai na mulk-e-irfaa.n ko
ruumii o maGribii o kirmaanii
duuruu-e-bazm-e-dost ke Gam me.n
mahv-e-afGaa.n hai ik afGaanii
arsh ke ka.ngare pe taa.ir-e-quds
raat kartaa thaa yuu.n KHush-ilhaanii
ki hai insaa.n tilism-e-shaan-e-KHudaa
qadr apnii na is ne pahchaanii
band kii.n us ne jab zaraa aa.nkhe.n
khul gayaa raaz-e-bazm-e-imkaanii
chaara-e-ruuh falsafii hai na shaiKH
ek vahmii hai ek KHafaqaanii
kasrat-e-iin-o-aa.n me.n vahdat-e-dost
kunj-e-naayaab kii faraavaanii
shaiKH ra.nj-e-bayaa.n kaa Dar na kare
laa-bayaa.n hai ye kaif-e-vajdaanii
mutashakkik hai aur shikaayat-e-hijr
nuzhat aur shukr-e-lutf-e-pinhaanii

Ze Khe Sheen
Nazm

urdu hindi

hindostaa.n hamaaraa
sundar hai aur pyaaraa
dhartii hai ye hamaarii
ye svarg hai hamaaraa

Kausar Siddiqi
Nazm

us aangan ka chand

ek ye chaa.nd-nagar kaa baasii jis se duur rahaa sanjog
varna is duniyaa me.n sab ne chaahaa chaa.nd aur paayaa chaa.nd

Ibn۔e۔Insha
Nazm

holi

ek rang me.n rang ga.e saare apne aur paraa.e
'shaadaa.n' mausam badal gayaa hai apnii aa.nkhe.n khol

Shadan Barabankvi
Nazm

watan ki miTTi

mere vatan kii miTTii sonaa ugal rahii hai
sabze kii ye hukuumat ye khet lahlahaate
patte havaa se chhuu kar ek raag saa sunaate
sotaa hu.aa muqaddar insaan kaa jagaate
paude nahii.n zamii.n se daulat ubal rahii hai
mere vatan kii miTTii sonaa ugal rahii hai
makka hai yaa zamurrad tan kar kha.De hu.e hai.n
dhaano.n kii baaliyo.n me.n hiire ja.De hu.e hai.n
bhuTTe hai.n jvaar ke yaa motii ja.De hu.e hai.n
iflaas ke gale par talvaar chal rahii hai
mere vatan kii miTTii sonaa ugal rahii hai
jau me.n chhupii hu.ii hai shero.n se ba.Dh kar taaqat
paataa huu.n mai.n chane me.n sau sau tarah kii lazzat
gehuu.n ko kyo.n na samjhuu.n apnii vatan kii daulat
is ke hii bal pe saarii maKHluuq me.n rahii hai
mere vatan kii miTTii sonaa ugal rahii hai
phal phuul ho.n ki meve kyaa se kyaa yahaa.n nahii.n hai
kaano.n kaa ik KHazaana is mulk kii zamii.n hai
pukhraaj bhii yahii.n hai yaaquut bhii yahii.n hai
paane ko jin ko saarii duniyaa machal rahii hai
mere vatan kii miTTii sonaa ugal rahii hai
aisii zamiin paa kar KHushiyaa.n na kyo.n manaa.e.n
aapas kaa bair chho.De.n mil-jul ke aish u.Daa.e.n
duniyaa me.n is zamii.n kii sab aabruu ba.Dhaa.e.n
laazim hai log sambhle.n duniyaa sambhal rahii hai
mere vatan kii miTTii sonaa ugal rahii hai

Abr Ahsani Ganauri
Nazm

nazm

bose bose ko kaa.nch kaa.nch karo
narmii-e-lab ko aa.nch aa.nch karo
kaa.nch ke aar-paar saa.nso.n kii
gungunii giilii dhuup aane do

Kainaat
Nazm

main KHud sochta hun

haadse zindagii kii alaamat hai.n lekin vo ik haadsa
ham jise maut kahte hai.n
kab aur kaise kahaa.n ruu-numaa ho ko.ii jaantaa hai
bilaa-raib ko.ii nahii.n jaantaa
mai.n KHud sochtaa huu.n mujhe ek muddat se kyaa ho gayaa hai
mere phaile hu.e jaagte zinda haatho.n kii sab u.ngliyaa.n so chukii hai.n
mere larzaa.n labo.n par jamii pap.Diyaa.n barq se raakh hote hu.e abr par ro chukii hai.n
ilm o irfaan kii raah me.n jaise merii du.aa.e.n asar kho chukii hai.n
mai.n kyaa jaantaa huu.n
fanaa ke tasalsul me.n ko.ii girah Daalne ke liye
harf-e-kun kii zaruurat hai jo maa.ngne par bhii ko.ii na degaa
ki ab vo zamaano.n se bahte hu.e KHuun kaa KHuu.n-bahaa to nahii.n hai
vo jis ke tasarruf me.n sab kuchh hai
husn-e-talab kii mujhe daad de kar agar ye kahe
KHuub ho tum magar jaante ho ki tum kaun ho
tum rah-e-raftagaa.n kii masaafat kaa ik aur aaGaaz ho intihaa to nahii.n ho
adam aur maujuud ke darmiyaa.n ik ka.Dii ho KHudaa to nahii.n ho
to mai.n kyaa kahuu.ngaa mai.n KHud sochtaa huu.n

Jameel ur Rahman
Nazm

barsat ki ek raat

lachak kar sambhalte hai.n jab abr-paare
baraste hai.n daaman se dum-daar taare
machaltii hai rah rah ke baalo.n me.n bijlii
gulaabii hu.e jaa rahe hai.n kinaare

Kaifi Azmi
Nazm

buqraat bahut khata tha

khaane piine se jo mohlat kabhii paa jaataa thaa
har mo.arriKH sar-e-taariiKH pe farmaataa thaa
vo arastuu ho ki buqraat bahut khaataa thaa
aur phir raat ko akasr yahii barraataa thaa
nosh-o-KHuurdan hai navishta tire diivaane kaa

Mohammad Yusuf Papa
Nazm

alamat ke pas-manzar mein

be-qaraar
pha.ns ga.ii maazii ke tah-KHaane me.n
mustaqbil kii Taa.ng
nabz-e-dauraa.n
niim ke saa.e tale baiThii rahii
aur phir
qalb-e-muztar me.n kukurmutte uge
chashm-e-fitrat kaa
churaa kar le gayaa kaajal ko.ii
kankhjuure saa.ns se chipke hu.e
ghuurte hai.n marmarii.n idraak ko
khet me.n leTii hai diivaane kii ruuh
kuud jaa.o aa.nsu.o.n kii jhiil me.n
aaj dhurpad gaa rahii hai chaa.ndnii
ik sitaaraa duusre par gir pa.Daa
falsafii ke ghar me.n tilcahiTTe bhaTakte rah ga.e
ghus gayaa bhus aa.nkh me.n aakaash kii
nii.nd aa.nto.n ko
chabaatii jaa.e hai
phepha.Do.n me.n fuzla-e-ehsaas hai
mahv-e-KHiraam
raushnii ko ko.ele kii kaan se fursat kahaa.n
dosto aa.o
la.ngoTii baa.ndh le.n

Mohammad Yusuf Papa
Nazm

chhachhundar

lekin is yug kaa tariiqa aur hai
baat zer-e-Gaur hai
taKHt par leTe.n to aa jaataa hai dast
is liye sab log Dhiilii chaarpaa.ii par hai.n mast
saKHtiyaa.n bardaasht kar paate nahii.n
jii nahii.n paate hai.n
mar paate nahii.n
zindagaanii saa.np ke mu.nh kii chhachhuu.ndar ho ga.ii

Mohammad Yusuf Papa
Nazm

hawa-e-bahaar

vahii havaa hai ye mauj-e-paimaa.n
junuu.n kii zanjiir jhanjhanaatii
javaa.n lahuu ke diye jalaatii
hamaare hujre me.n
chaa.nd suuraj sitaare kitne hii jagmagaatii
liye jilau me.n
utartii rahtii thii tere dil-shaad qahqaho.n kaa fusuu.n jagaatii
tire badan me.n taraare bhartii
mire badan me.n taraare bhartii
'aziim chaahat ke raag chhe.De
kabhii dilampat
kabhii durat aur
kabhii taraana
tan tanaanan
har ek saa.ns ek taan ban kar
nafas nafas baadbaan ban kar
na.e jaziiro.n ke saahilo.n par hayaat-afgan KHayaal gaatii
vahii havaa hai

Abu Saeed Qureshi
Nazm

main apne aap se kab tak tumhaara nam puchhunga

parindo.n se sabaq siikhaa shajar se guftuguu kii hai
savaad-e-jaa.n kii KHaamoshii me.n Thahre
abr-e-tanhaa.ii kii uudii zard chaadar par
shu.aa-e-yaad ke haatho.n likhii har be-navaa lamhe kii puurii daastaa.n
mai.n ne pa.Dhii hai

Jameel ur Rahman
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now