Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "baad-e-muKHaalif"

Nazm MATCHES FOR "baad-e-muKHaalif"

Nazm

ai meri hamdam-o-dam-saz

ai mirii hamdam-o-dam-saaz mirii jaan-e-nafas
shorish-e-baad-e-muKHaalif se pareshaa.n kyo.n hai

Bazm Ansari
Nazm

gulha-e-aqidat

sub.h-dam baad-e-sabaa kii shoKHiyaa.n kaam aa ga.ii.n
laala-o-gul ko baGal-giirii kaa mauqa mil gayaa
dekh kar is dostii ke pur-fazaa maahaul ko
saarii kaliyaa.n ha.ns pa.Dii.n saaraa gulistaa.n khil gayaa

Syeda Shan-e-Meraj
Nazm

munni tere dant kahan hain

munnii tere daa.nt kahaa.n hai.n
daa.nt the mai.n ne duudh pilaa kar saat baras me.n paale
aa kar un ko le ga.e chuuhe lambii mo.nchho.n vaale
gu.D kaa un ko maaT milaa thaa miiThaa aur mazedaar
laakh KHushaamad kar ke mujh se le liye daa.nt udhaar
munnii tere daa.nt kahaa.n hai.n
billii thii ik maamii mausii chupke chupke aa.ii
panjo.n par thii deg kii khurchan ho.nTo.n par baalaa.ii
bolii gu.D ke maaT pe mai.n ne chuuhe dekhe chaar
hissa aadho.n-aadh rahegaa de do daa.nt udhaar
munnii tere daa.nt kahaa.n hai.n
ba.ad me.n buu.Dhaa motii aayaa ronii shakl banaa.e
bolaa biibii is billii kaa kuchh to kare.n upaa.e
duudh na chho.De gosht na chho.De hai.n buDDhaa laachaar
is ko karuu.n shikaar jo mujh ko de do daa.nt udhaar
achchhii munnii tum ne apne itne daa.nt ga.nvaa.e
kuchh chuuho.n ne kuchh billii ne kuchh motii ne paa.e
baaqii jo do-chaar rahe hai.n vo ham ko dilvaa.o
ik daavat me.n aaj mile.nge tikke aur polaav
murGii ke paa.e kaa saalan baigan kaa aachaar
dogii yaa kisii aur se maa.nguu.n
haa.n diye udhaar
baabaa haa.n haa.n diye udhaar
munnii tere daa.nt kahaa.n hai.n

Ibn۔e۔Insha
Nazm

halchal

mujhe achchhaa nahii.n lagtaa
kha.Daa KHaamosh saa dariyaa
ko.ii halchal ho
tuufaa.n ho
ko.ii to baadbaa.n TuuTe
ko.ii to naaKHudaa aisaa ho jo baad-e-muKHaalif ko
palaT de zor-e-baazuu se
naa kashtii Dagmagaa.e us kii lahro.n ke talaatum par
naa kashtii Doltii jaa.e havaa ke ruKH pe saahil par
bahut girdaab bhii ho.nge
bahut bhau.nchaal aa.e.nge
ho aisaa naa-KHudaa ki jo bha.nvar me.n Duub na jaa.e
KHud apnii zaat ke iiqaan par baahar nikal aa.e
yaqii.n ho aap par to saahilo.n ko chho.D dete hai.n
bharosa ho basiirat par to dariyaa mo.D dete hai.n
yuu.n apne aap me.n tuufaan kii halchal machaa rakkho
ki tuGyaanii nahii.n aatii to dariyaa suukh jaate hai.n

Neel Ahmed
Nazm

mas ki aurat

vo haamiliin pasliyaa.n
jo aadmii ke kankaal ko
naav banaa kar
khenaa chaahtii hai.n aaj
baad-e-muKHaalif ke bar-aks
mauj-e-havaadis ke KHilaaf
apne mafaad me.n
to is me.n
kyaa hai un kaa qusuur
tanhaa.ii se jo achaanak
ghabraa ga.e the hazrat-e-aadam
bas isii baat kaa saaraa fasaana
saaraa futuur
phir to paslii-e-aadam se
numuu-paziir hu.aa vajuud-e-zan
isii vajuud-e-zan se pa.Daa
shayaatiin me.n ran
hattaa ki
gandum khaa lene kii paadaash me.n
baaG-e-bahisht ke makii.n
aa ga.e zer-e-zamii.n
gardish-e-falak kii zad me.n
idhar
shajar-e-mamnuu.a kaa phal chakhne ke sabab
tauba karte rahe hazrat-e-aadam
aur bahaate rahe tamaam umr
apne ashk-e-infi.aal
ab jo fazaa badlii hai achaanak
to.....
un hii haamiliin pasliyo.n ne
gandum kii tarGiib ko bhuul ke
masaavii haq kaa
uThaayaa hai savaal
to is me.n
kyaa hai in kaa qusuur
tanhaa.ii se jo achaanak
ghabraa ga.e the hazrat-e-aadam
bas isii baat kaa hai saaraa fasaana
saaraa futuur
faisla
tab bhii aadmii ke haath me.n thaa
faisla ab bhii hai
aadmii ke haath me.n
aayaa parastish kare yaa huquuq-e-musaaviyaana de
aur jise chaahe ba.Dh kar apnaa le
ek taraf
narm garm maas kii aurat hai
to duusrii taraf hai
jannat kii huur

Perwaiz Shaharyar
Nazm

lab-bastagi

suno gurez karo aaj kuchh bhii kahne se
'ajiib vaqt ke dhaare badal rahe hai.n abhii
ye gardisho.n ke tamaashe hatheliyo.n ke fareb
shikasta zaat ke hairat gaziida gosho.n ko
bataa rahe hai.n sitaare badal rahe hai.n abhii
abhii to sabr ke KHemo.n kii in tanaabo.n ko
buriidagii liye haatho.n se thaamnaa hogaa
abhii to baad-e-muKHaalif ke in thape.Do.n ko
bikhartii KHaak ke zarro.n se roknaa hogaa
suno gurez karo aaj kuchh bhii kahne se
ye lamha saa'at-e-be-iKHtiyaar hai jaanaa.n
yahaa.n gumaa.n ke qabiile yaqii.n ko Dhaate hai.n
yahii hai maqtal-e-be-aab reg-e-dasht-e-balaa
jahaa.n pe tishna-labaa.n e.Diyaa.n raga.Dte hu.e
kisii ke 'ishq me.n duniyaa se haare jaate hai.n
suno gurez karo aaj kuchh bhii kahne se
ki aaj dhuup kaa lahja bhii intiqaamii hai
chhupaa lo haath se chehre kii vahshato.n ke nuquush
ki ab hadaf hii ujaale kaa be-naqaabii hai
sapedii-e-saharii se gurez-paa naachaar
siyaahii-e-shab-e-viiraa.n me.n Dhalte jaate hai.n
du'aa du'aa kii sadaa.o.n se dam ulajhtaa hai
ki ab to haath bhii kashkol hote jaate hai.n
suno gurez karo aaj kuchh bhii kahne se
suno ki zahr ke pyaale chhalak rahe hai.n abhii
uThaanaa jin ko vafaa.o.n kaa farz hotaa hai
ye ham jo palko.n pe aa.nsuu sajaa.e phirte hai.n
ye zindagii kii bahaaro.n kaa qarz hotaa hai
suno sukuut ke pahluu talaashtii hai hayaat
abhii saro.n se guzarne do in Gubaaro.n ko
Thaharne do abhii be-rabt aabshaaro.n ko
jahaan-e-saut-o-sadaa KHaamushii kaa taalib hai
'safar' zabaa.n pe kisii harf ko jagah na mile
yahaa.n kalaam nahii.n bas sukuut vaajib hai

Safar Naqvi
Nazm

KHushk-sali

ai dil-e-afsurda vo asraar-e-baatin kyaa hu.e
soz kii raate.n kahaa.n hai.n saaz ke din kyaa hu.e
aa.nsu.o.n kii vo jha.Dii vo Gam kaa saamaa.n kyaa hu.aa
teraa saavan kaa mahiina chashm-e-giryaa.n kyaa hu.aa
kyaa hu.ii baalaa-e-sar vo lutf-e-yazdaa.n kii ghaTaa
aasmaan-e-dil pe vo ghanghor irfaa.n kii ghaTaa
ab vo naalo.n kii garaj hai ab na vo shor-e-fuGaa.n
ab na uThtaa hai kaleja se mohabbat kaa dhu.aa.n
apne af.aal-e-siyah par ab pashemaanii nahii.n
ab pasiine ke sitaare zeb-e-peshaanii nahii.n
dard kii muddat se ab dil me.n chamak hotii nahii.n
vo tapak chhaalo.n kii kau.nde kii lapak hotii nahii.n
zikr-e-maulaa se labo.n par ab vo narmii hii nahii.n
bhaap siine se uThe kyaa dil me.n garmii hii nahii.n
ab sharaare soz-e-Gam ke dil me.n rahte hii nahii.n
ashk ab pichhle pahar aa.nkho.n se bahte hii nahii.n
ma.arifat dil me.n na ab vo ruuh me.n ehsaas hai
log kahte hai.n ki hai lekin hame.n to yaas hai
ab na vo aa.nkho.n me.n ashk-e-KHuu.n na vo dil me.n gudaaz
ab na vo shaam-e-tamannaa hai na vo sub.h-e-niyaaz
KHushk hai.n aa.nkhe.n jabiine.n ta.ng siine sard hai.n
ab na vo dukhte hu.e dil hai.n na chehre zard hai.n
aah kii aur dil uma.nD aayaa ye hotaa hii nahii.n
Duub kar zauq-e-fanaa me.n ko.ii rotaa hii nahii.n
phuul daaGo.n se khile the jis dil-e-sarshaar me.n
KHaak ab muddat se u.Dtii hai usii gulzaar me.n
aa.nsu.o.n se nam jo rahtaa thaa vo daamaa.n jal gayaa
lahlahaataa thaa jo siine me.n gulistaa.n jal gayaa
ruuh me.n baaliidgii kii quvvate.n ma.aduum hai.n
dono.n aa.nkhe.n aa.nsu.o.n ke faiz se mahruum hai.n
pech-o-KHam se bahne vaalaa dil kaa dariyaa KHushk hai
vo bharii barsaat ya.anii chashm-e-biinaa KHushk hai
KHuun hai dil me.n magar pahlii sii tuGyaanii nahii.n
abr hai baad-e-muKHaalif se magar paanii nahii.n
jab ye aalam hai to baarish kii shikaayat kis liye
be-mahal ye hasrat-e-baaraan-e-rahmat kis liye
ik mujassam KHushk-saalii KHud hamaarii zaat hai
zid hamaarii hastiyo.n kii abr hai barsaat hai
rahmato.n se josh me.n aane kii KHvaahish kyaa kare.n
KHud saraapaa qaht hai.n ummiid-e-baarish kyaa kare.n

Josh Malihabadi
Nazm

makan

ik pahaa.Dii kii uu.nchii choTii par
mai.n banaa.uu.ngaa ek aisaa ghar
jis me.n chaaro.n havaa.e.n aa.e.ngii
aur sandese na.e suna.e.ngii
aa ke baad-e-junuub-o-baad-e-shimaal
Daal degii sunahrii nii.nd kii shaal
shaam ko sej par sulaa.egii
sub.h ko mu.nh miraa dhulaa.egii
mashriqii aur maGribii jho.nke
jild ko merii saaf kar de.nge
aur jab is ghar me.n raat aa.egii
tiirgii chaar samt chhaa.egii
jhiil hogii siyaah shab mad.hosh
chaa.nd aur phuul chup havaa KHaamosh
to miraa ghar samaa.n dikhaa.egaa
chaa.nd taaro.n me.n muskuraa.egaa

Shamim Karhani
Nazm

ai farangi

ban ga.ii baad-e-sumuum aah asar se tere
is chaman me.n jo kabhii baad-e-sabaa bhii aa.ii

Mela Ram Wafa
Nazm

sahra mein ek sham

dasht-e-be-naKHiil me.n
baad-e-be-lihaaz ne
aisii KHaak a.Daa.ii hai
kuchh bhii suujhtaa nahii.n

Iftikhar Arif
Nazm

mere baad aa

badlegaa rang shaam-e-alam
mere baad aa
hogaa zaraa saa dard bhii kam
mere baad aa
tanhaa.iyaa.n bhii apnii hai.n
apnii hai.n saa.ate.n
KHud-saaKHta hai.n saare ye Gam
mere baad aa
KHvaabo.n ke is mu.nDer se dekhaa kiye mujhe
ye aur baat hai ki hu.ii chashm merii nam
namnaakiyo.n kii baat KHatm
mere baad aa
hariyaaliyo.n kii bhii.D
magar dukh kii kaasht hai
badlegaa rang charKH-e-kuhan
mere baad aa

Ain Rashid
Nazm

ehsas-e-firaq

maah-o-anjum ka.nval sitaare suno
jab vo mah-vash nahii.n hai apne paas
baad-e-abr-e-bahaar hai be-kaif
chaa.ndnii muzmahil hai chaa.nd udaas
us kii furqat kaa kis qadar ehsaas

Pasha Rahman
Nazm

hum kaamyab honge

jaisii ho baad-e-sar-sar
'ilm-o-hunar se apne
sham'-e-vafaa jalaa kar
raushan kare.nge ghar ghar
ham kaamyaab ho.nge

Shamim Anjum Warsi
Nazm

ai baad-e-saba chal

tuu aa.e to gulshan kaa hasii.n chehra nikhar jaa.e
har Guncha mahak jaa.e har ek pattaa sa.nvar jaa.e
kumhlaa.e se phuulo.n kaa bhii kuchh haal sudhar jaa.e
baaqii rahe qismat me.n ko.ii KHam na ko.ii bal
ai baad-e-sabaa baad-e-sabaa baad-e-sabaa chal

JaiKrishn Chaudhry Habeeb
Nazm

dawat-e-fikr

sun ke baad-e-sabaa kii sargoshii
kyuu.n laraztii hai.n pattiyaa.n socho

Shakeb Jalali
Nazm

pachhtawa

ye kis dayaar me.n le aa.ii zindagii mujh ko
jahaa.n pe phuul se chehre babuul lagte hai.n
jahaa.n pe saaya bhii lagtaa hai dhuup kii maanind
nasiim chaltii hai ruk ruk ke aise siine me.n
ki jaise phaa.ns kisii yaad kii aTaktii ho
jahaa.n pe abr bhii suuraj-misaal lagtaa hai
jahaa.n kiran kii zarb zaKHm-e-dil khurachtii hai
khile jo phuul to pattii se choT lagtii hai
ye dahr vo hai jidhar baad-e-KHush-gavaar-e-sahar
dariiche khol ke yaado.n ke aah bhartii hai
har ek chehre pe aavezaa.n aa.nkh hai lekin
kisii nazar me.n ko.ii rang-e-aashnaa.ii nahii.n
kisii kaa lams bhii poro.n ke raaste dil me.n
diye jalaataa nahii.n is qadar a.ndheraa hai

Shaista Sahar
Nazm

naya sal mubarak

aa baad-e-sabaa aa ki nayaa saal mubaarak
laa jald KHabar laa ki nayaa saal mubaarak

Iqbal Umar
Nazm

pech-o-tab

phir vahii biite hu.e lamho.n kii yaad
phir vahii mauje.n vahii kashtii vahii baad-e-muraad

Amjad Najmi
Nazm

pech-o-tab

phir vahii biite hu.e lamho.n kii yaad
phir vahii mauje.n vahii kashtii vahii baad-e-muraad

Amjad Najmi
Nazm

zard patte

KHizaa.n ke patte gul-o-yaasman kii vaadii me.n
u.Daa ke laa.e hai.n baad-e-shimaal ke tuufaa.n
ye zard patte hai.n yarqaa.n-zada daraKHto.n ke
ye zard patte hai.n madquuq zindagii ke nishaa.n

Rifat Sarosh
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now