Search result for "bazm-e-azaa-e-dost" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bazm-e-azaa-e-dost"

Nazm MATCHES FOR "bazm-e-azaa-e-dost"

Nazm

kisi ki sada

aasmaano.n me.n zamii.n kaa giit lahraane lagaa
chhaa gayaa hai chaa.nd ke chehre pe KHiffat kaa Gubaar
bazm-e-anjum kii har ek tanviir dhundlii ho ga.ii
rakh diyaa naahiid ne jhu.njhlaa ke haatho.n se sitaar
zarra zarra jhuum kar lene lagaa a.ng.Daa.iyaa.n
kahkashaa.n takne lagii hairat se suu-e-juu-e-baar

Ibn-e-Safi

Nazm

ai matawalo! naqon walo!!

ai matavaalo naaqo.n vaalo dete ho kuchh us kaa pataa
najd ke andar majnuu.n naamii ek hamaaraa bhaa.ii thaa
aaKHir us par kyaa kuchh biitii jaano to ahvaal kaho
maut milii yaa lailaa paa.ii? diivaane kaa ma.aal kaho
aql kii baate.n kahne vaale dosto.n ne use samjhaayaa
us ko to lekin chup sii lagii thii naa bolaa naa baaz aayaa
KHair ab us kii baat ko chho.Do diivaanaa phir diivaanaa
jaate jaate ham logo.n kaa ek sandesaa le jaanaa

Ibn۔e۔Insha

Nazm

Khaali gullak

aa.o izza suno kahaanii
jab bachchii thii.n
tumhaarii naanii
un kii hathelii par chhoTaa saa chamaktaa sikka
rakhte the in.aam me.n abbaa
jhaT se aa kar muTThii band kiyaa kartii thii.n ammii
miTTii kii gullak bhayyaa le kar aate the
chhan-chhan karte bahut se sikke
gullak me.n bharte jaate the
baajii uThaa kar vazn bataa tii.n
dil KHushiyo.n se paagal hotaa
kyaa karnaa hai in paiso.n se
samajh na aataa
phir ammii ne ye sikhlaayaa
sab se achchhii dost tumhaarii
ban ke rahe.ngii kitaabe.n saarii
in paiso.n se vahii KHariido
ammii bhayyaa baajii abbaa
jab na ho.nge paas tumhaare
kabhii udaas aur tanhaa jab ho
inhii.n kitaabo.n me.n phir tum ko
saare rishte mil jaa.e.nge
haath paka.D kar un kaa chalnaa
gum kabhii tum ko na hone de.ngii
in se dukh-sukh kahnaa sun.naa
raasta tum ko batlaa.e.ngii
jab ho chaaro.n taraf a.ndheraa
raushnii tum ko dikhlaa.e.ngii
pyaar se in ko sai.nt ke rakhnaa
ye hii ho.ngii sachchii saathii
harf harf se lafz banaatii
tumhaarii fikr kii KHaalii gullak
khan-khan kar ke bhartii rahegii
aisaa KHazaana ataa karegii
kabhii kisii kii Thokar se tum
bikhar sako na TuuT sakogii
balki aisii gullak
ban jaa.ogii
jitnaa baa.nTo utnaa bharogii

Nastaran Ahsan Fatihi

Nazm

shahr-e-dost

vo shahr-e-dost bhii
ruKHsat hu.aa ki jis ne sadaa
hamaare dil me.n khilaa.e the chaahato.n ke gulaab
KHumaar baaqii hai ab tak hamaarii aa.nkho.n me.n
hasiin lamho.n kaa jo us ke dam se raushan the
tumhaare baa'd bhii aa.e.nge yuu.n to sab mausam
bahut sataa.e.nge lekin har ek mauqa par
jo hote tum to
ye kaam is tarah karte
kare.nge yaad tumhe.n ham ka.ii havaalo.n se
ajiib shaKHs thaa
ka.Dvii-kasiilii sun kar bhii
na tez bolaa kisii se
na vo hu.aa naaraaz
sajaa.e rahtaa thaa ho.nTo.n pe chaahato.n ke gulaab
bichha.D rahe ho to va.ada karo mire hamdam
kabhii jo guzro idhar se to bhuul mat jaanaa
yahii.n mile.nge kisii muulsarii ke pe.D tale
kare.nge baate.n shra.ngaar-ras ke doho.n kii
kare.nge baate.n bihaarii kii naaykaa.o.n kii
kare.nge baate.n kisii ke rasiile ho.nTo.n kii
mahaktii zulfo.n kii kaajal kii us kii bindiyaa kii
lachaktii shaaKH se jismo.n kii
chaa.nd-chehro.n kii
bichha.D rahe ho to va.ada karo
ki aa.oge
kabhii jo guzro idhar se to bhuul mat jaanaa
tumhaare hijr ke mausam kii sabz chaadar ko
mai.n apne tan pe sajaa.e
yahii.n miluu.ngaa tumhe.n

Farooq Bakshi

Nazm

aKHtar shirani

jiite-jii jis ne na hone diyaa ham-bazm tujhe
garm us se hai tirii bazm-e-'azaa tere baa'd

Bismil Saeedi

Nazm

dard ki mala

hamaare darmiyaa.n ai dost
ye jo isti.aara phuul kaa mahkaa rahaa
bandhan me.n ham ko baa.ndh kar
khiltaa rahaa ik umr
meraa dil
bahaltaa hii nahii.n ab un kii baato.n se
kabhii tum KHushbu.o.n kaa zikr karte ho
to merii naak me.n tezaab kii buu phail jaatii hai
tumhaarii shaa.irii baar-e-garaa.n ab hai samaa.at par
ki zarKHezii gulo.n se is me.n qaa.em hai
vo gul
ki jin ko mai.n dekhuu.n kabhii
zeb-e-guluu un ke
jo aa.e hai.n masal kar phuul hii jaisaa hasii.n paikar
bahut se log qaatil ke
gale me.n phuul kii maalaa.e.n laTkaa kar
use ashko.n kaa nazraana bhii dete hai.n
to mai.n munsif kaa chehra dekh kar hairaan hotaa huu.n
junuunii bhii.D me.n jaa kar
simaT kar phail jaataa huu.n
aur apne dard ko sunsaan kartaa huu.n

Rafiullah Mian

Nazm

bazm-e-anjum

سورج نے جاتے جاتے شام سيہ قبا کو
طشت افق سے لے کر لالے کے پھول مارے
پہنا ديا شفق نے سونے کا سارا زيور
قدرت نے اپنے گہنے چاندي کے سب اتارے
محمل ميں خامشي کے ليلائے ظلمت آئي
چمکے عروس شب کے موتي وہ پيارے پيارے
وہ دور رہنے والے ہنگامہء جہاں سے
کہتا ہے جن کو انساں اپني زباں ميں 'تارے'
محو فلک فروزي تھي انجمن فلک کي
عرش بريں سے آئي آواز اک ملک کي
اے شب کے پاسانو، اے آسماں کے تارو!
تابندہ قوم ساري گردوں نشيں تمھاري
چھيڑو سرود ايسا ، جاگ اٹھيں سونے والے
رہبر ہے قافلوں کي تاب جبيں تمھاري
آئينے قسمتوں کے تم کو يہ جانتے ہيں
شايد سنيں صدائيں اہل زميں تمھاري
رخصت ہوئي خموشي تاروں بھري فضا سے
وسعت تھي آسماں کي معمور اس نوا سے
''حسن ازل ہے پيدا تاروں کي دلبري ميں
جس طرح عکس گل ہو شبنم کے آرسي ميں
آئين نو سے ڈرنا ، طرز کہن پہ اڑنا
منزل يہي کھٹن ہے قوموں کي زندگي ميں
يہ کاروان ہستي ہے تيز گام ايسا
قوميں کچل گئي ہيں جس کي رواروي ميں
آنکھوں سے ہيں ہماري غائب ہزاروں انجم
داخل ہيں وہ بھي ليکن اپني برادري ميں
اک عمر ميں نہ سمجھے اس کو زمين والے
جو بات پا گئے ہم تھوڑي سي زندگي ميں
ہيں جذب باہمي سے قائم نظام سارے
پوشيدہ ہے يہ نکتہ تاروں کي زندگي ميں

Allama Iqbal

Nazm

KHiraj-e-‘aqidat

tiraa sog ai dost kaise manaa.uu.n
karuu.n pesh kyaa mai.n KHiraaj-e-‘aqiidat

Sada Ambalvi

Nazm

hindostan

ye bazm-e-sho’la-kaarii ye hariim-e-aatish-afshaanii
ye qashqe ye ‘abaa.e.n ye giraanii ye giraa.n-jaanii
yahaa.n ik silsila hai nafrato.n kii daastaano.n kaa
raqaabat kii KHaliijo.n kaa 'adaavat kii chaTaano.n kaa
yahaa.n KHuunii taraane raqs karte hai.n fazaa.o.n me.n
chamakte hai.n yahaa.n taKHriib ke parcham havaa.o.n me.n
yahaa.n har ek siine me.n riyaa kii aag jaltii hai
yahaa.n lailaa-e-hastii muztar-o-afsurda-saamaa.n hai
ye but-KHaane nahii.n qabre.n hai.n ‘irfaan-o-haqiiqat kii
yahaa.n KHuu.n-rang hai poshaak salmaa-e-sharii’at kii
lagaa kar vahm kaa Gaaza yahaa.n maz.hab sa.nvartaa hai
yahaa.n shaiKH-e-haram qur.aan kaa niilaam kartaa hai
sadaa naaquus kii ik fitna-e-bedaar hotii hai
yahaa.n baa.ng-e-azaa.n mirriiKH kii phunkaar hotii hai
asar hai in kii ruuho.n par KHirad kii chiira-dastii kaa
dhu.aa.n phailaa hu.aa hai chaar-suu firqa-parastii kaa
yahaa.n aasuudgii ik lafz-e-be-mafhuum hai goyaa
maqaam-e-zindagii se zindagii mahruum hai goyaa
yahaa.n shabnam ke qatre maqbare bante hai.n phuulo.n ke
tasarruf hai.n yahaa.n aa.iina-KHaano.n me.n baguulo.n ke
yahaa.n insaan insaa.n kaa lahuu pii kar nikhartaa hai
siyaahii aur ba.Dh jaatii hai jab suuraj ubhartaa hai
mire zulmat-kade par baarish-e-anvaar kab hogii
KHudaa jaane ki ab insaaniyat bedaar kab hogii

Afsar Seemabi Ahmad Nagari

Nazm

insan aur bazm-e-qudrat

صبح خورشيد درخشاں کو جو ديکھا ميں نے
بزم معمورہ ہستي سے يہ پوچھا ميں نے
پر تو مہر کے دم سے ہے اجالا تيرا
سيم سيال ہے پاني ترے دريائوں کا
مہر نے نور کا زيور تجھے پہنايا ہے
تيري محفل کو اسي شمع نے چمکايا ہے
گل و گلزار ترے خلد کي تصويريں ہيں
يہ سبھي سورہء 'والشمس' کي تفسيريں ہيں
سرخ پوشاک ہے پھولوں کي ، درختوں کي ہري
تيري محفل ميں کوئي سبز ، کوئي لال پري
ہے ترے خيمہء گردوں کي طلائي جھالر
بدلياں لال سي آتي ہيں افق پر جو نظر
کيا بھلي لگتي ہے آنکھوں کو شفق کي لالي
مے گلرنگ خم شام ميں تو نے ڈالي
رتبہ تيرا ہے بڑا ، شان بڑي ہے تيري
پردہ نور ميں مستور ہے ہر شے تيري
صبح اک گيت سراپا ہے تري سطوت کا
زير خورشيد نشاں تک بھي نہيں ظلمت کا
ميں بھي آباد ہوں اس نور کي بستي ميں مگر
جل گيا پھر مري تقدير کا اختر کيونکر؟
نور سے دور ہوں ظلمت ميں گرفتار ہوں ميں
کيوں سيہ روز ، سيہ بخت ، سيہ کار ہوں ميں؟
ميں يہ کہتا تھا کہ آواز کہيں سے آئي
بام گردوں سے وہ يا صحن زميں سے آئي
ہے ترے نور سے وابستہ مري بود و نبود
باغباں ہے تري ہستي پے گلزار وجود
انجمن حسن کي ہے تو ، تري تصوير ہوں ميں
عشق کا تو ہے صحيفہ ، تري تفسير ہوں ميں
ميرے بگڑے ہوئے کاموں کو بنايا تو نے
بار جو مجھ سے نہ اٹھا وہ اٹھايا تو نے
نور خورشيد کي محتاج ہے ہستي ميري
اور بے منت خورشيد چمک ہے تري
ہو نہ خورشيد تو ويراں ہو گلستاں ميرا
منزل عيش کي جا نام ہو زنداں ميرا
آہ اے راز عياں کے نہ سمجھے والے!
حلقہ ، دام تمنا ميں الجھنے والے
ہائے غفلت کہ تري آنکھ ہے پابند مجاز
ناز زيبا تھا تجھے ، تو ہے مگر گرم نياز
تو اگر اپني حقيقت سے خبردار رہے
نہ سيہ روز رہے پھر نہ سيہ کار رہے

Allama Iqbal

Nazm

piye ja

sharaab-KHaana hai bazm-e-hastii
har ek hai mahv-e-aish-o-mastii
ma.aal-biinii o mai-parastii
are ye zillat are ye pastii
shi.aar-e-rindaana kar piye jaa
agar ko.ii tujh ko Toktaa hai
sharaab piine se roktaa hai
samajh ise hosh me.n nahii.n hai
KHirad ke aaGosh me.n nahii.n hai
tuu is se jhag.Daa na kar piye jaa
KHayaal-e-roz-e-hisaab kaisaa
savaab kaisaa azaab kaisaa
bahisht o dozaKH ke ye fasaane
KHudaa kii baate.n KHudaa hii jaane
fuzuul sochaa na kar piye jaa
nahii.n jahaa.n me.n mudaam rahnaa
to kis liye tishna-kaam rahnaa
uThaa uThaa haa.n uThaa subuu ko
tamaam duniyaa kii haa.o huu ko
Gariiq-e-paimaana kar piye jaa
kisii se takraar kyaa zaruurat
fuzuul israar kyaa zaruurat
ko.ii piye to use pilaa de
agar na maane to muskuraa de
malaal-e-aslaa na kar piye jaa
tujhe samajhte hai.n ahl-e-duniyaa
KHaraab KHasta zaliil rusvaa
nahii.n ayaa.n un pe haal teraa
ko.ii nahii.n ham-KHayaal teraa
kisii kii parvaa na kar piye jaa
ye tujh par aavaaze kasne vaale
tamaam hai.n mere dekhe bhaale
nahii.n mazaaq un ko mai-kashii kaa
ye KHuun piite hai.n aadmii kaa
tuu un kaa shikvaa na kar piye jaa

Hafeez Jalandhari

Nazm

tasalsul

bazm-e-KHvaahish ke nau-vaarido
tum nahii.n jaante
kaise aahista aahista jismo.n ke andar rago.n tak
pahu.nchte hai.n patjha.D ke haath
kaise sarmaa kii shaam
Dhaa.np letii hai kohre kii chaadar me.n manzar tamaam
kaise guzrii hu.ii zindagii
dastake.n detii rahtii hai dil par
magar jab pukaare.n to ram-KHurda ruuyaa ke maanind
duurii kii sarhad ke is paar aatii nahii.n

Zia Jalandhari

Nazm

chhabbis january

aaj phir hai hame.n KHushii ai dost
aa.ii chhabbiis january ai dost
ya.anii taariiKH vo ki jab bhaarat
paa gayaa apnii gum-shuda daulat
ham zamaane me.n baaryaab hu.e
apne maqsad me.n kaamyaab hu.e
aaKHir ham ne badal lii.n taqdiire.n
to.D kar bandagii kii zanjiire.n
apnii koshish se bahra-mand hu.e
saarii duniyaa me.n sar-buland hu.e
KHush hu.e shaad kahe jaane lage
ham bhii aazaad kahe jaane lage
mulk me.n aayaa daur-e-jamhuurii
ho ga.ii duur saarii majbuurii
jo na kar paa.e aaj karne lage
ham hii mil-jul ke raaj karne lage
kahuu.n kyaa apne rahbaro.n kii baat
din ko din samjhe vo na raat ko raat
jo bhii kar sakte the vo kar ke rahe
kyo.n muqaddar na phir sa.nvar ke rahe
ham ko aazaadii aaj hai haasil
ab hai ham sab pe farz ai 'aadil'
us kii azmat sadaa rahe malhuuz
har tarah ham rakhe.n ise mahfuuz
is pe ko.ii bhii aa.nch aane na paa.e
jaan jaa.e magar ye jaane na paa.e

Adil Jafari

Nazm

id

ai jamaal-e-dost terii diid honii chaahiye
Gam-zado.n kii bhii to aaKHir iid honii chaahiye

Maikash Akbarabadi

Nazm

eid

ai jamaal-e-dost terii diid honii chaahiye
Gam-zado.n kii bhii to aaKHir eid honii chaahiye
jab nahii.n hai aap ko tark-e-ta.alluq kaa KHayaal
aap hii ke qaul se tardiid honii chaahiye
maantaa huu.n mai.n ki be-shak qaul ke sachche hai.n aap
lekin apne ahd kii tajdiid honii chaahiye
merii jaanib se sahii tahriik-e-takmiil-e-vafaa
lekin us ko aap kii taa.iid honii chaahiye
aap ne tanqiis kar dii daastaan-e-shauq kii
meraa ye armaan thaa tanqiid honii chaahiye
har qadam par rah-rav-e-ulfat ko manzil ke liye
shauq honaa chaahiye ummiid honii chaahiye
jo bayaa.n iz.haar-e-harf-e-mudda.aa par KHatm ho
us kii bilkul muKHtasar tamhiid honii chaahiye
ham ko bhii ma.aluum ho kin se hai raunaq bazm kii
aap ke ahbaab kii tafriid honii chaahiye
aap jab chaahe.n mire chulluu mai.n talchhaT Daal de.n
kab kahaa thaa mahfil-e-jamshed honii chaahiye
sajda-rezii ke liye is rahguzar me.n ai jabii.n
naqsh-e-paa-e-dost kii taqliid honii chaahiye

Maikash Hyderabadi

Nazm

ek naghma karbala-e-beirut ke liye

beirut nigaar-e-bazm-e-jahaa.n
beirut badiil-e-baaG-e-jinaa.n
bachcho.n kii ha.nstii aa.nkho.n ke
jo aa.ine chaknaa-chuur hu.e
ab un ke sitaaro.n kii lau se
is shahr kii raate.n raushan hai.n
aur raKHshaa.n hai arz-e-labnaa.n
beirut nigaar-e-bazm-e-jahaa.n
jo chehre lahuu ke Gaaze kii
ziinat se sivaa pur-nuur hu.e
ab un ke ra.ngii.n partav se
is shahr kii galiyaa.n raushan hai.n
aur taabaa.n hai arz-e-labnaa.n
beirut nigaar-e-bazm-e-jahaa.n
har viiraa.n ghar, har ek kha.nDar
ham paa-e-qasr-e-daaraa hai
har Gaazii rashk-e-askandar
har duKHtar ham-sar-e-lailaa hai
ye shahr azal se qaa.em hai
ye shahr abad tak daa.im hai
beirut nigaar-e-bazm-e-jahaa.n
beirut badiil-e-baaG-e-jinaa.n

Faiz Ahmad Faiz

Nazm

ruKHsat ai bazm-e-jahan

رخصت اے بزم جہاں! سوئے وطن جاتا ہوں ميں
آہ! اس آباد ويرانے ميں گھبراتا ہوں ميں
بسکہ ميں افسردہ دل ہوں ، درخور محفل نہيں
تو مرے قابل نہيں ہے ، ميں ترے قابل نہيں
قيد ہے ، دربار سلطان و شبستان وزير
توڑ کر نکلے گا زنجير طلائي کا اسير
گو بڑي لذت تري ہنگامہ آرائي ميں ہے
اجنبيت سي مگر تيري شناسائي ميں ہے
مدتوں تيرے خود آرائوں سے ہم صحبت رہا
مدتوں بے تاب موج بحر کي صورت رہا
مدتوں بيٹھا ترے ہنگامہ عشرت ميں ميں
روشني کي جستجو کرتا رہا ظلمت ميں ميں
مدتوں ڈھونڈا کيا نظارئہ گل خار ميں
آہ ، وہ يوسف نہ ہاتھ آيا ترے بازار ميں
چشم حيراں ڈھونڈتي اب اور نظارے کو ہے
آرزو ساحل کي مجھ طوفان کے مارے کو ہے
چھوڑ کر مانند بو تيرا چمن جاتا ہوں ميں
رخصت اے بزم جہاں! سوئے وطن جاتا ہوں ميں
گھر بنايا ہے سکوت دامن کہسار ميں
آہ! يہ لذت کہاں موسيقي گفتار ميں
ہم نشين نرگس شہلا ، رفيق گل ہوں ميں
ہے چمن ميرا وطن ، ہمسايہء بلبل ہوں ميں
شام کو آواز چشموں کي سلاتي ہے مجھے
صبح فرش سبز سے کوئل جگاتي ہے مجھے
بزم ہستي ميں ہے سب کو محفل آرائي پسند
ہے دل شاعر کو ليکن کنج تنہائي پسند
ہے جنوں مجھ کو کہ گھبراتا ہوں آبادي ميں ميں
ڈھونڈتا پھرتا ہوں کس کو کوہ کي وادي ميں ميں ؟
شوق کس کا سبزہ زاروں ميں پھراتا ہے مجھے
اور چشموں کے کنارے پر سلاتا ہے مجھے؟
طعنہ زن ہے تو کہ شيدا کنج عزلت کا ہوں ميں
ديکھ اے غافل! پيامي بزم قدرت کا ہوں ميں
ہم وطن شمشاد کا ، قمري کا ميں ہم راز ہوں
اس چمن کي خامشي ميں گوش بر آواز ہوں
کچھ جو سنتا ہوں تو اوروں کو سنانے کے ليے
ديکھتا ہوں کچھ تو اوروں کو دکھانے کے ليے
عاشق عزلت ہے دل ، نازاں ہوں اپنے گھر پہ ميں
خندہ زن ہوں مسند دارا و اسکندر پہ ميں
ليٹنا زير شجر رکھتا ہے جادو کا اثر
شام کے تارے پہ جب پڑتي ہو رہ رہ کر نظر
علم کے حيرت کدے ميں ہے کہاں اس کي نمود!
گل کي پتي ميں نظر آتا ہے راز ہست و بود

Allama Iqbal

Nazm

dil jari hai

ai dost! kabhii to aa ke mil
ye dil tere liye jaarii hai
dil jaarii hai
dil aaTh pahar se jaarii hai
jaise ko.ii dariyaa saavan me.n
jaise ko.ii barkhaa jaa.De me.n
aise me.n badrii kaarii hai
dil jaarii hai
dil aaTh pahar se jaarii hai
kabhii dil do-gunaa ho jaataa hai
jab teraa dard samaataa hai
har saa.ns me.n ras mil jaataa hai
tere hone kaa
tere nii.nd-nagar me.n aane kaa
dil jaarii hai
dil azlo.n-azal se jaarii hai
tujhe nii.nd samajh ke so luu.n mai.n
aur o.Dh ke jiivan kar luu.n mai.n
ye nii.nd adhuurii hotii hai
kahii.n sapne me.n khul jaatii hai
tujhe kaise o.Dhuu.n kambal me.n
tujhe kaise pahnuu.n jaa.De me.n
tujhe kaise biituu.n barso.n me.n
jo biit chukaa vo baadal thaa
ab biitnaa chaahuu.n libaaso.n me.n
tujhe o.Dhnaa chaahuu.n kapaaso.n me.n
kabhii aa ke mil
aise ki achaanak dhuup khule
aise ki achaanak shaam Dhale
aise ki achaanak dard uThe
merii nas nas me.n
aur tuu us dard me.n shaamil ho

Asghar Nadeem Syed

Nazm

shair

ai dost mire paas nahii.n la.al-o-javaahar
tuu dekh ki kis darja hai saada mirii poshaak
lekin mujhe qudrat ne ataa kii hai faqiirii
is baat kaa shaahid hai miraa daaman-e-sad-chaak
har-chand ki kam-maaya huu.n duniyaa kii nazar me.n
iqliim-e-suKHan me.n hai mirii baiThii hu.ii dhaak
har ra.ng-e-zamaana se huu.n is umr me.n vaaqif
raftaar-e-zamaana hai mirii basta-e-fitraak
duniyaa ko samajhtaa huu.n mai.n baaziicha-e-atfaal
jhukte hai.n mirii izzat-o-taaziim ko aflaak
hai.n shams-o-qamar mere hii farmaan ke taabe
haavii hai zamaane pe mirii fitrat-e-bebaak
laa-raib mai.n sultaan huu.n qismat ke jahaa.n kaa
har-chand ki qismat kaa fasaana hai alamnaak
bijlii kii haraarat hai mirii mauj-e-nafas me.n
mai.n phuu.nk ke ik lamhe me.n rakh duu.n KHas-o-KHaashaak
bartaav zamaane kaa mire saath buraa hai
mat puuchh ki kyuu.n aa.nkh mirii rahtii hai namnaak
mai.n chaahuu.n to taqdiir-e-zamaana ko badal duu.n
chaahuu.n to badal saktaa huu.n mai.n qismat-e-laulaak

Saib Asmi

Nazm

mir

shaahid-e-bazm-e-suKHan naazuura-e-ma.anii-taraaz
ai KHudaa-e-reKHta paiGambar-e-soz-o-gudaaz
yuusuf-e-mulk-e-ma.aanii piir-e-kan.aan-e-suKHan
hai tirii har bait ahl-e-dard ko bait-ul-huzan
ai shahiid-e-jalva-e-maanii faqiir-e-be-niyaaz
is tarah kis ne kahii hai daastaan-e-soz-o-saaz
hai adab urdu kaa naazaa.n jis pe vo hai terii zaat
sar-zamiin-e-sher par ai chashma-e-aab-e-hayaat
tafta-dil aashufta-sar aatish-navaa be-KHeshtan
aah terii siina-soz aur naala teraa dil-shikan
KHatm tujh par ho gayaa lutf-e-bayaan-e-aashiqii
marhabaa ai vaaqif-e-raaz-e-nihaan-e-aashiqii
sar-zamiin-e-sher ka.aba aur tuu is kaa KHaliil
shaaKH-e-tuubaa-e-suKHan par hamnavaa-e-jibra.iil
josh-e-istiGnaa tiraa tere liye vaj.h-e-nashaat
shaan-e-KHuddaarii tirii aa.iina-daar-e-ehtiyaat
bazm se guzraa kamaal-e-faqr dikhlaataa hu.aa
taaj-e-shaahii paa-e-istiGnaa se Thukraataa hu.aa
thaa dimaaG-o-dil me.n sahbaa-e-qanaat kaa suruur
thii javaab-e-satvat-e-shaahii tirii tab-e-Gayuur
mauja-e-bahr-e-qanaat terii abruu kii shikan
taKHt-e-shaahii par hasiir-e-faqr teraa KHanda-zan
thaa ye jauhar terii fitrii shaa.irii ke rutba-daa.n
izzat-e-fan thii tirii naazuk-mizaajii me.n nihaa.n
multafit kartaa tujhe kyaa aGniyaa kaa karr-o-farr
thaa tirii rag rag me.n durvesho.n kii sohbat kaa asar
dil tiraa zaKHmo.n se bazm-e-aashiqii me.n chuur hai
jis suKHan ko dekhiye ristaa hu.aa naasuur hai
bazm-gaah-e-husn me.n ik partav-e-faiz-e-jamaal
said-gaah-e-ishq me.n hai ek said-e-KHasta-haal
dekhnaa ho gar tujhe dekhe tire afkaar me.n
hai tirii tasviir tere KHuu.n-chakaa.n ash.aar me.n
sair ke qaabil hai dil sad-paara us naKHchiir kaa
jis ke har Tuk.De me.n ho paivast paikaa.n tiir kaa
aasmaan-e-sher par chamke hai.n sayyaare bahut
apnii apnii raushnii dikhlaa ga.e taare bahut
ahd-e-gul hai aur vahii ra.ngiinii-e-gulzaar hai
KHaak-e-hind ab tak agar dekho tajallii-zaar hai
aur bhii hai.n ma.arke me.n shahsavaar-e-yakka-taaz
aur bhii hai.n mai-kade me.n saaqiyaan-e-dil-navaaz
hai.n to paimaane vahii lekin vo mai miltii nahii.n
naGma-sanjo.n me.n kisii se terii lai miltii nahii.n
saahibaan-e-zauq ke siino.n me.n thii jis kii khaTak
tairte hai.n dil me.n vo sar-tez nashtar aaj tak
kaarvaan-e-rafta ko thaa terii yaktaa.ii pe naaz
asr-e-maujuuda ne bhii maanaa hai teraa imtiyaaz
ho ga.e hai.n aaj tujh ko ek sau baa.iis saal
to nahii.n zinda hai duniyaa me.n magar teraa kamaal
haq hai ham par yaad kar ke tujh ko ronaa chaahiye
maatam apnii naa-shanaasii kaa bhii honaa chaahiye
Dhuu.nDte hai.n qabr kaa bhii ab nishaa.n miltaa nahii.n
ai zamii.n tujh me.n hamaaraa aasmaa.n miltaa nahii.n

Mirza Mohammad Hadi Aziz Lakhnavi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now