Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bevafaa"

Nazm MATCHES FOR "bevafaa"

Nazm

saza

jab mai.n tumhe.n nashaat-e-mohabbat na de sakaa
Gam me.n kabhii sukuun-e-rifaaqat na de sakaa
jab mere sab charaaG-e-tamannaa havaa ke hai.n
jab mere saare KHvaab kisii bevafaa ke hai.n
phir mujh ko chaahne kaa tumhe.n ko.ii haq nahii.n
tanhaa karaahne kaa tumhe.n ko.ii haq nahii.n

Jaun Eliya
Nazm

qatil

tumhe.n merii havas-pesha
mirii saffaak qaatil bevafaa.ii kaa gumaa.n tak

Jaun Eliya
Nazm

jab tere shahr se guzarta hun

is qadar bhii nahii.n mujhe ma.aluum
kis mohalle me.n hai makaa.n teraa
kaun sii shaaKH-e-gul pe raqsaa.n hai
rashk-e-firdaus aashiyaa.n teraa
jaane kin vaadiyo.n me.n utraa hai
Gairat-e-husn kaarvaa.n teraa
kis se puuchhuu.ngaa mai.n KHabar terii
kaun batlaa.egaa nishaa.n teraa
terii rusvaa.iyo.n se Dartaa huu.n
jab tire shahr se guzartaa huu.n
haal-e-dil bhii na kah sakaa garche
tuu rahii muddato.n qariib mire
kuchh tirii azmato.n kaa Dar bhii thaa
kuchh KHayaalaat the ajiib mire
aaKHir-e-kaar vo gha.Dii aa.ii
baar-var ho ga.e raqiib mire
tuu mujhe chho.D kar chalii bhii ga.ii
KHair qismat mirii nasiib mire
ab mai.n kyuu.n tujh ko yaad kartaa huu.n
jab tire shahr se guzartaa huu.n
go zamaana tirii mohabbat kaa
ek bhuulii hu.ii kahaanii hai
tere kuuche me.n umr-bhar na ga.e
saarii duniyaa kii KHaak chhaanii hai
lazzat-e-vasl ho ki zaKHm-e-firaaq
jo bhii ho terii mehrbaanii hai
kis tamannaa se tujh ko chaahaa thaa
kis mohabbat se haar maanii hai
apnii qismat pe naaz kartaa huu.n
jab tire shahr se guzartaa huu.n
ashk palko.n pe aa nahii.n sakte
dil me.n hai terii aabruu ab bhii
tujh se raushan hai kaa.enaat mirii
tere jalve hai.n chaar-suu ab bhii
apne Gam-KHaana-e-taKHayyul me.n
tujh se hotii hai guftuguu ab bhii
tujh ko viiraana-e-tasvvur me.n
dekh letaa huu.n ruu-ba-ruu ab bhii
ab bhii mai.n tujh ko pyaar kartaa huu.n
jab tire shahr se guzartaa huu.n
aaj bhii kaar-zaar-e-hastii me.n
tuu agar ek baar mil jaa.e
kisii mahfil me.n saamnaa ho jaa.e
yaa sar-e-rahguzaar mil jaa.e
ik nazar dekh le mohabbat se
ek lamhe kaa pyaar mil jaa.e
aarzuu.o.n ko chain aa jaa.e
hasrato.n ko qaraar mil jaa.e
jaane kyaa kyaa KHayaal kartaa huu.n
jab tire shahr se guzartaa huu.n
aaj mai.n aise maqaam par huu.n jahaa.n
rasan-o-daar kii bulandii hai
mere ash.aar kii lataafat me.n
tere kirdaar kii bulandii hai
terii majbuuriyo.n kii azmat hai
mere iisaar kii bulandii hai
sab tire dard kii inaayat hai
sab tire pyaar kii bulandii hai
tere Gam se nibaah kartaa hai
jab tire shahr se guzartaa huu.n
tujh se ko.ii gila nahii.n mujh ko
mai.n tujhe bevafaa nahii.n kahtaa
teraa milnaa KHayaal-o-KHvaab hu.aa
phir bhii naa-aashnaa nahii.n kahtaa
vo jo kahtaa thaa mujh ko aavaara
mai.n use bhii buraa nahii.n kahtaa
varna ik be-navaa mohabbat me.n
dil ke luTne pe kyaa nahii.n kahtaa
mai.n to mushkil se aah bhartaa huu.n
jab tire shahr se guzartaa huu.n
ko.ii pursaan-e-haal ho to kahuu.n
kaisii aa.ndhii chalii hai tere baa'd
din guzaaraa hai kis tarah mai.n ne
raat kaise Dhalii hai tere baa'd
sham-e-ummiid sarsar-e-Gam me.n
kis bahaane jalii hai tere baa'd
jis me.n ko.ii makii.n na rahtaa ho
dil vo suunii galii hai tere baa'd
roz jiitaa huu.n roz martaa huu.n
jab tire shahr se guzartaa huu.n
lekin ai saakin-e-hariim-e-KHayaal
yaad hai daur-e-kaif-o-kam ki nahii.n
kyaa kabhii tere dil pe guzraa hai
merii mahruumiyo.n kaa Gam ki nahii.n
merii barbaadiyo.n kaa sun kar haal
aa.nkh terii hu.ii hai nam ki nahii.n
aur is kaar-zaar-e-hastii me.n
phir kabhii mil sake.nge ham ki nahii.n
Darte Darte savaal kartaa huu.n
jab tire shahr se guzartaa huu.n

Saifuddin Saif
Nazm

mashwara

tum us kii yaad bhulaa do ki bevafaa hai vo
har ek dil nahii.n hotaa tumhaare dil kii tarah
tum apne pyaar ko rusvaa karo na ro ro kar
tumhaaraa pyaar muqaddas hai bible kii tarah

Kafeel Aazar Amrohvi
Nazm

aadat

muddato.n mai.n ik andhe ku.e.n me.n asiir
sar paTaktaa rahaa gi.Dgi.Daataa rahaa
raushnii chaahiye، chaa.ndnii chaahiye، zindagii chaahiye
raushnii pyaar kii, chaa.ndnii yaar kii, zindagii daar kii
apnii aavaaz suntaa rahaa raat din
dhiire dhiire yaqii.n dil ko aataa rahaa
suune sansaar me.n
bevafaa yaar me.n
daamn-e-daar me.n
raushnii bhii nahii.n
chaa.ndnii bhii nahii.n
zindagii bhii nahii.n
zindagii ek raat
vaahima kaa.enaat
aadmii be-bisaat
log kotaah-qad
shahr shahr-e-hasad
gaa.nv in se bhii bad
in a.ndhero.n ne jab piis Daalaa mujhe
phir achaanak ku.e.n ne uchhaalaa mujhe
apne siine se baahar nikaalaa mujhe
saik.Do.n misr the saamne
saik.Do.n us ke baazaar the
ek buu.Dhii zuleKHaa nahii.n
jaane kitne KHariidaar the
ba.Dhtaa jaataa thaa yuusuf kaa mol
log bikne ko tayyaar the

Kaifi Azmi
Nazm

tum nahin aae the jab

tum nahii.n aa.e the jab tab bhii to maujuud the tum
aa.nkh me.n nuur kii aur dil me.n lahuu kii suurat
dard kii lau kii tarah pyaar kii KHushbuu kii tarah
bevafaa vaado.n kii dildaarii kaa andaaz liye
tum nahii.n aa.e the jab tab bhii to tum aa.e the
raat ke siine me.n mahtaab ke KHanjar kii tarah
sub.h ke haath me.n KHurshiid ke saaGar kii tarah
shaaKH-e-KHuu.n-ra.ng-e-tamannaa me.n gul-e-tar kii tarah
tum nahii.n aa.oge jab tab bhii to tum aa.oge
yaad kii tarah dha.Dakte hu.e dil kii suurat
Gam ke paimaana-e-sar-shaar ko chhalkaate hu.e
barg-haa-e-lab-o-ruKHsaar ko mahkaate hu.e
dil ke bujhte hu.e a.ngaare ko dahkaate hu.e
zulf-dar-zulf bikhar jaa.egaa phir raat kaa ra.ng
shab-e-tanhaa.ii me.n bhii lutf-e-mulaaqaat kaa ra.ng
roz laa.egii sabaa kuu-e-sabaahat se payaam
roz gaa.egii sahar tahniyat-e-jashn-e-firaaq
aa.o aane kii kare.n baate.n ki tum aa.e ho
ab tum aa.e ho to mai.n kaun sii shai nazr karo
ki mire paas ba-juz mehr o vafaa kuchh bhii nahii.n
ek KHuu.n-gashta tamannaa ke sivaa kuchh bhii nahii.n

Ali Sardar Jafri
Nazm

wada

is se pahle ki terii chashm-e-karam
ma.azarat kii nigaah ban jaa.e
is se pahle ki tere baam kaa husn
rif.at-e-mehr-o-maah ban jaa.e
pyaar Dhal jaa.e mere ashko.n me.n
aarzuu ek aah ban jaa.e
mujh pe aa jaa.e ishq kaa ilzaam
aur tuu be-gunaah ban jaa.e
mai.n tiraa shahr chho.D jaa.uu.ngaa
is se pahle ki saadgii terii
lab-e-KHaamosh ko gila kah de
mai.n tujhe chaaragar KHayaal karuu.n
tuu mire Gam ko laa-davaa kah de
terii majbuuriyaa.n na dekh sake
aur dil tujh ko bevafaa kah de
jaane mai.n be-KHudii me.n kyaa puuchhuu.n
jaane tuu be-ruKHii se kyaa kah de
mai.n tiraa shahr chho.D jaa.uu.ngaa
chaara-e-dard ho bhii saktaa thaa
mujh ko itnii KHushii bahut kuchh hai
pyaar go jaavedaa.n nahii.n phir bhii
pyaar kii yaad bhii bahut kuchh hai
aane vaale dino.n kii zulmat me.n
aaj kii raushnii bahut kuchh hai
us tahii-daamanii ke aalam me.n
jo milaa hai vahii bahut kuchh hai
mai.n tiraa shahr chho.D jaa.uu.ngaa
chho.D kar saahil-e-muraad chalaa
ab safiina miraa kahii.n Thahre
zahar piinaa miraa muqaddar hai
aur tire ho.nT a.ngbii.n Thahre
kis tiraa tere aastaa.n pe rukuu.n
jab na paa.nv tale zamii.n Thahre
us se behtar hai dil yahii samjhe
tuu ne rokaa thaa ham nahii.n Thahre
mai.n tiraa shahr chho.D jaa.uu.ngaa
mujh ko itnaa zaruur kahnaa hai
vaqt-e-ruKHsat salaam se pahle
ko.ii naama nahii.n likhaa mai.n ne
tere harf-e-payaam se pahle
to.D luu.n rishta-e-nazar me.n bhii
tum utar jaa.o baam se pahle
le mirii jaan meraa va.ada hai
kal kisii vaqt shaam se pahle
mai.n tiraa shahr chho.D jaa.uu.ngaa

Saifuddin Saif
Nazm

bahut qarib ho tum

vafaa bhii jis pe hai naazaa.n vo bevafaa tum ho
jo kho ga.ii hai mire dil kii vo sadaa tum ho
bahut qariib ho tum phir bhii mujh se kitnii duur
hijaab-e-jism abhii hai hijaab-e-ruuh abhii
abhii to manzil-e-sad-mehr-o-maah baaqii hai
hijaab-e-faasla-haa-e-nigaah baaqii hai
visaal-e-yaar abhii tak hai aarzuu kaa fareb

Ali Sardar Jafri
Nazm

ek bewafa ke nam

tere bhii dil me.n huuk sii uTThe KHudaa kare
tuu bhii hamaarii yaad me.n ta.Dpe KHudaa kare
majruuh ho balaa se tire husn kaa Guruur
par tujh ko chashm-e-shauq na dekhe KHudaa kare
kho jaa.e.n tere husn kii ra.anaa.iyaa.n tamaam
terii adaa kisii ko na bhaa.e KHudaa kare
merii hii tarah kashti-e-dil ho tirii tabaah
tuufaan itne zor kaa uTThe KHudaa kare
raaho.n ke pech-o-KHam me.n rahe taa-hayaat gum
manzil tire qariib na aa.e KHudaa kare
zulmat ho tuu ho aur tirii rahguzaar ho
duniyaa me.n terii sub.h na phuuTe KHudaa kare
tujh par nashaat-o-aish kii raate.n haraam ho.n
mar jaa.e.n tere saaz ke naGme KHudaa kare
aa.e.n na tere baaG me.n jho.nke nasiim ke
teraa gul-e-shabaab na mahke KHudaa kare
har lamha terii ruuh ko ik be-kalii sii ho
aur be-kalii me.n nii.nd na aa.e KHudaa kare
ho tere dil me.n merii KHalish merii aarzuu
mere baGair chain na aa.e KHudaa kare
tuu jaa rahii hai bazm-e-tarab me.n to KHair jaa
par teraa jii vahaa.n bhii na bahle KHudaa kare
al-muKHtasar ho.n jitne sitam tujh pe TuuT jaa.e.n
lekin ye rabt-e-ziist na TuuTe KHudaa kare
jo kuchh mai.n kah gayaa huu.n junuu.n me.n vo sab Galat
tujh par ko.ii bhii aa.nch na aa.e KHudaa kare
tuu hai mataa-e-qalb-o-nazar bevafaa sahii
hai raushnii-e-daaG-e-jigar bevafaa sahii

Owais Ahmad Dauran
Nazm

guru-nanak dev ji

tire jamaal se ai aaftaab-e-nankaana
nikhar nikhar gayaa husn-e-shu.uur-e-rindaana
kuchh aise rang se chhe.Daa rabaab-e-mastaana
ki jhuumne lagaa ruuhaaniyat kaa mai-KHaana
tirii sharaab se mad.hosh ho ga.e mai-KHvaar
du.ii miTaa ke ham aaGosh ho ga.e mai-KHvaar
tiraa payaam thaa Duubaa hu.aa tabassum me.n
bharii thii ruuh-e-lataafat tire takallum me.n
navaa-e-haq kii kashish thii tire tarannum me.n
yaqii.n kii sham.a jalaa.ii shab-e-tavahhum me.n
dilo.n ko haq se ham-aaha.ng kar diyaa tuu ne
gulo.n ko guu.ndh ke yak-ra.ng kar diyaa tuu ne
tirii navaa ne diyaa nuur aadamiyat ko
miTaa ke rakh diyaa hirs-o-havaa kii zulmat ko
dilo.n se duur kiyaa siim-o-zar kii raGbat ko
ki paa liyaa thaa tire dil ne haq kii daulat ko
hujuum-e-zulmat-e-baatil me.n haq-panaahii kii
faqiir ho ke bhii duniyaa me.n baadshaahii kii
tirii nigaah me.n qur.aan-o-diid kaa aalam
tiraa KHayaal thaa raaz-e-hayaat kaa mahram
har ek gul pe Tapaktii thii pyaar kii shabnam
ki bas gayaa thaa nazar me.n bahisht kaa mausam
nafas nafas me.n kalii ra.ng-o-buu kii Dhaltii thii
nasiim thii ki farishto.n kii saa.ns chaltii thii
tirii sharaab se baabaa fariid the sarshaar
tire KHuluus se be-KHud the suufiiyaan-e-kibaar
kahaa.n kahaa.n nahii.n pahu.nchii tire qadam kii bahaar
tire amal ne sa.nvaare jahaan ke kirdaar
tirii nigaah ne sahbaa-e-aagahii de dii
bashar ke haath me.n qindiil-e-zindagii de dii
tire payaam se aisii kii thii masiihaa.ii
tire suKHan me.n habiib-e-KHudaa kii raanaa.ii
tire kalaam me.n gautam kaa nuur-e-daanaa.ii
tire taraane me.n murlii kaa lahn-e-yaktaa.ii
har ek nuur nazar aayaa tere paikar me.n
tamaam nik.hate.n simTii hai.n ik gul-e-tar me.n
jahaa.n jahaa.n bhii gayaa tuu ne aagahii baa.nTii
a.ndherii raat me.n chaahat kii raushnii baa.nTii
ataa kiyaa dil-e-bedaar zindagii baa.nTii
fasaad-o-ja.ng kii duniyaa me.n shaa.ntii baa.nTii
bahaar aa.ii khilii pyaar kii kalii har suu
tire nafas se nasiim-e-sahar chalii har suu
razaa-e-haq ko najaat-e-bashar kahaa tuu ne
ta.a.iinaat-e-KHudii ko zarar kahaa tuu ne
vafaa-nigar ko haqiiqat-nigar kahaa tuu ne
zuhuur-e-ishq ko sachchii sahar kahaa tuu ne
jahaan-e-ishq me.n kuchh besh-o-kam kaa farq na thaa
tirii nigaah me.n dair-o-haram kaa farq na thaa
bataayaa tuu ne ki irfaa.n se aashnaa honaa
kabhii na aashiq-e-duniyaa-e-be-vafaa honaa
badii se shaam-o-sahar jang-aazmaa honaa
KHudaa se duur na ai banda-e-KHudaa honaa
nashe me.n daulat-o-zar ke na chuur ho jaanaa
qariib aa.e jo duniyaa to duur ho jaanaa
jo ruuh ban ke samaa jaa.e har rag-o-pai me.n
to phir na shahd me.n lazzat na saaGar-e-mai me.n
vahii hai saaz ke parde me.n lahn me.n lai me.n
usii kii zaat kii parchhaa.iyaa.n har ik shai me.n
na mauj hai na sitaaro.n kii aab hai ko.ii
tajalliyo.n ke idhar aaftaab hai ko.ii
abad kaa nuur faraaham kiyaa sahar ke liye
diyaa payaam bahaaro.n kaa dasht-o-dar ke liye
diye jalaa diye taariik rahguzar ke liye
jiyaa bashar ke liye jaan dii bashar ke liye
du.aa ye hai ki rahe ishq hashr tak teraa
zamii.n pe aam ho ye dard-e-mushtarak teraa
KHudaa kare ki zamaana sune tirii aavaaz
har ik jabii.n ko mayassar ho teraa aks-e-niyaaz
jahaa.n me.n aam ho tere hii pyaar kaa andaaz
KHuluus-e-dil se ho puujaa KHuluus-e-dil se namaaz
tire payaam kii barakat se nek ho jaa.e.n
ye imtiyaaz miTe.n log ek ho jaa.e.n

Darshan Singh
Nazm

rabta

jaante to hoge tum
itnii tez baarish me.n
raabte nahii.n rahte
network na.ii.n miltaa
phone kii bhii line.n baarisho.n ke paanii se
aise TuuT jaatii hai.n
jis tarah mohabbat me.n
bevafaa kii baato.n se
dil hii TuuT jaa.e to
raabte nahii.n rahte

Seema Ghazal
Nazm

hum tere shahr mein aae hain musafir ki tarah

bhuulnaa thaa to ye iqraar kiyaa hii kyo.n thaa
be-vafaa tuu ne mujhe pyaar kiyaa hii kyo.n thaa
sirf do chaar savaalaat kaa mauqa' de de

Qaisarul Jafri
Nazm

mashwara

merii mahbuub ye tauhiin-e-mohabbat hogii
bevafaa kah ke mire pyaar ko majruuh na kar
tujh ko shikva hai shikaayat hai gila hai mujh se
merii qismat kii tarah tuu bhii KHafaa hai mujh se
terii har baat hai tasliim
magar kahne de
daur-e-sarmaaya kii
ro.ndii hu.ii ik laash ham
zulm kii aag me.n
ma.asuum mohabbat jhulse
is se behtar hai ki
begaana banaa le.n KHud ko
lafz-dar-lafz
hikaayaat me.n kho jaa.e.n ham
kapkapaate hu.e ho.nTo.n pe tabassum rakh le.n
TimTimaatii hu.ii aa.nkho.n me.n tajallii bhar le.n
asr-e-haazir kaa
taqaazaa bhii yahii hai hamdam
apnii begaangii ko
apnaa muqaddar samjhe.n
tuu muqaddas hai
tire gird taqaddus kaa hisaar
mai.n ki
is ahd kaa
ik shaa.er-e-aashufta-e-mizaaj
mere hisse me.n
faqat
nazm Gazal aur ash.aar
mai.n bahar-haal
tire shauq kaa saamaan nahii.n
merii aa.nkho.n me.n hai.n TuuTe hu.e
lafzo.n ke nuquush
mere ho.nTo.n pe hai.n
bikhre hu.e maazii ke huruuf
sach to ye hai ki miraa tujh se ko.ii mel nahii.n
ishq me.araaj-e-muqaddar hai ko.ii khel nahii.n

Asad Rizvi
Nazm

ab ke bichhaDna alamnak hoga

ab ke bichha.Dnaa alamnaak hogaa
ka.ii guzre saaneho.n key tarah
aa.o tumhe.n ek nauha sunaa duu.n
jo ishq key hikaayat hai
jo daastaan banegii
un bevafaa dahaktii galiyo.n me.n

Ahmed Sohail
Nazm

be-wafa kaise banun

bhuul jaa.uu.ngaa ki tum ne kabhii chaahaa thaa mujhe
bhuul jaa.uu.ngaa ki tum mujh pe fidaa rahte the
tum ta.Dap uThte the halkii sii udaasii pe mirii
mehrbaa.n mujh pe sadaa ban ke KHudaa rahte the
TuuT kar chaahnaa siikhaa hai tirii aa.nkho.n se
bhuul jaane kii adaa.e.n bhii sikhaa de mujh ko
mai.n mohabbat kaa pujaarii huu.n vafaa kaa shaidaa
be-vafaa kaise banuu.n ye to bataa de mujh ko

Imtiyaz Ahmad Qamar
Nazm

salgirah

dam-e-umr-e-ravaa.n kaa daa.era
ruktaa hai ik lamhe pe shaayad har baras
vo merii paidaa.ish kii saa.at hai
tumhaarii yaa hamaare nanhe bachcho.n kii
hamaare rishta-e-indraaj me.n
yaa sho.ala-e-gul se
munavvar Gair-rasmii ajnabii vaabastagii kii
jo rag-o-pai me.n musalsal ho ga.ii
mai.n roktaa huu.n bevafaa lamhe ko
paiham sii.nchtaa huu.n KHuun se is ko
dariida u.ngliyo.n se
kaaT kar us ko khilaataa huu.n mai.n dil kaa KHosha-e-naazuk
magar ye taa.ir-e-raanaa
pareshaa.n faaslo.n ke nuur kaa rasiyaa
zamiino.n aasmaano.n aur KHalaa.o.n
se bhii shaayad maavaraa hai
muKHtasar se jashn par ha.nstaa hu.aa
har sarhad-e-imkaa.n se merii tiirgii se
duur jaataa hai
falak kii raushnii kii
vaadiyo.n me.n
muntazir hai
ko.ii an-jaanaa anokhaa KHuubsuurat ajnabii us kaa

Balraj Komal
Nazm

watan

mirii jaan ho ki miraa badan
tiraa jalva-gaah hai ai vatan
tirii KHaak un kaa KHamiir hai
mire KHuun me.n ye jhalak tirii
mirii nabz me.n ye chipak tirii
mirii saa.ns tirii safiir hai
tirii KHaak jag kaa KHulaasa hai
teraa husn ek tamaashaa hai
tirii phailii god ki baaG hai
tirii KHaak-e-paak zaliil hai
to Gulaamiyo.n kii daliil hai
tirii paud sharm kaa daaG hai
tujhe maa-sivaa se giraa diyaa
hame.n maa-sivaa ne miTaa diyaa
hu.e tafraqo.n se tamaam ham
tujhe jab talak ki bhulaa rakhaa
hame.n vaqt ne bhii miTaa rakhaa
bane ghar me.n apne Gulaam ham
tire KHuun hai.n ye phaTe phaTe
tire puut hai.n ye baTe baTe
tire dil jigar hai.n ye be-vafaa
tiraa kuchh lahuu hii safed hai
ki ajab tarah kaa ye bhed hai
nahii.n bhaa.ii bhaa.ii se aashnaa
nahii.n Gair kaa hame.n kuchh gilaa
ki Gulaamiyo.n kaa ye phal milaa
hame.n tafarqe ke junuun se
tire duudh me.n mirii pyaarii maa.n
nahii.n dard kii ko.ii bijliyaa.n
ki milaa de KHuun ko KHuun se
hame.n bhaa.iyo.n se Guruur hai.n
tire jahl-o-vahm me.n chuur hai.n
ki jo kaam hai.n so KHataa ke hai.n
kahii.n zaat-paat kii laag hai
kahii.n diin-dharm kii aag hai
kahii.n bair muft KHudaa ke hai.n
jinhe.n piit hai unhe.n jiit hai
yahii jag me.n jiit kii riit hai
tire puut apno.n se Gair hai.n
hame.n Gairiyat ye miTaanii hai
hame.n jiit aap pe paanii hai
usii ghar ke Gair se Gair hai.n
tire puut bhaa.ii hai.n bhaa.ii huu.n
tire dil se sab hii fidaa.ii rahuu.n
ki tuu aap apnii misaal ho
tire zor kii yahii dhaak ho
ki jahaa.n buraa.ii se paak ho
tiraa ilm haq kaa kamaal ho

Azmatullah Khan
Nazm

bahrupiya

anokhaa aur nayaa Gam shart hai ko.ii
tumhaare KHud-kushii karne kii
to phir bhuul jaa.o
yahaa.n to bas vahii Gam hai.n
puraane Gam
ki jin se kaam ye duniyaa chalaatii aa rahii hai
magar tum ho ki ha.ns dete ho un par
agar ye Gam tumhe.n Gam hii nahii.n lagte
ki mahbuuba tumhaarii bevafaa hai
ki vo bachcha
chhaTii jis kii manaanaa thii tumhe.n aaj
naak me.n hai oxygen tube us ke
to phir ye goliyaa.n salfas kii be-kaar me.n tum jeb me.n rakkhe hu.e ho
inhe.n jaa kar usii kaThiyaa me.n rakh aa.o
ki jis me.n kal hii tum ne saal bhar ke vaaste gehuu.n bharaa hai

Shariq Kaifi
Nazm

miTTi

jis jagah kii ho bevafaa miTTii
us jagah se mirii uThaa miTTii
ek din KHud-ba-KHud ye honaa hai
to tuu miTTii me.n mat milaa miTTii
jaane kis kis tarah mile bichh.De
aag paanii falak havaa miTTii
rang aur nasl kii tamiiz Galat
aadmii asl me.n hai kyaa miTTii
ham sadaa jaa.n pe khel jaate hai.n
ham ko detii hai jab sadaa miTTii
sajda karne ko dil tarastaa hai
laa vatan kii vatan se laa miTTii
kaisii murda-parast hai duniyaa
mar ke paatii hai martaba miTTii
sab pe haq us kaa sab pe qarz us kaa
jaane kab kis ko le bulaa miTTii
rotii ha.nstii hai chaltii phirtii hai
kitne rango.n me.n jaa-ba-jaa miTTii
rau.ndtaa hai kumhaar miTTii ko
us ko rau.ndegii dekhnaa miTTii
jis ko ham ne aziiz-tar jaanaa
sab se pahle vo de gayaa miTTii
apne andar chhupaa.e baiThii hai
saarii duniyaa kaa falsafa miTTii
ye kahii.n par hai Dher be-ma.anii
aur kahii.n par hai kiimiyaa miTTii

Ravendr Jain
Nazm

ek achanak maut ka nauha

ba-zaahir ye lagtaa hai
us malgajii sub.h ko sab sahaaro.n ne jaise
achaanak tiraa saath chho.Daa
sahar ne zamii.n par qadam jab rakhaa
to achaanak zamii.n bevafaa ho ga.ii
ubhartaa hu.aa aaftaab
ek hii naa-gahaa.n laGzish-e-paa se yuu.n la.Dkha.Daayaa
ki maGrib ke paataal me.n mu.nh ke bal jaa samaayaa
achaanak farishte kafan saa.ebaa.n kii tarah taan kar
aasmaano.n se utre
gulo.n kii mahak kii jagah daf.atan buu-e-kaafuur kii sard-mehrii ne le lii
shajar ke badan se na.ii ko.npalo.n kii bajaa.e KHizaa.n phuuT niklii
ba-zaahir ye lagtaa hai
lekin bhalaa haadsa ek-dam kab hu.aa hai
bahut din se is sar-ba-mahar aatishii.n raaz kaa gu.ng fiita
KHamoshii se jaltaa chalaa jaa rahaa thaa
fanaa ke garajte hu.e aabshaaro.n ke uupar tanaa
rassiyo.n kaa ye pul
ek muddat se galtaa jaa rahaa thaa

Khursheed Rizvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now