Search result for "dar-o-baam" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "dar-o-baam"

Nazm MATCHES FOR "dar-o-baam"

Nazm

mulaqat

raat sannaaTaa dar-o-baam ke ho.nTo.n pe sukuut
raahe.n chup-chaap hai.n patthar ke buto.n kii maanind
raushnii taaqato.n me.n alsaa.ii hu.ii baiThii hai
nii.nd aa.nkho.n ke dariicho.n se lagii baiThii hai
din ke ha.ngaamo.n kii raunaq ko bujhe der hu.ii
chaa.nd ko nikle sitaaro.n ko saje der hu.ii

Zubair Rizvi

Nazm

aaKHiri aadmi

bujhaa do
lahuu ke samundar ke us paar
aa.ina-KHaano.n me.n ab jhilmilaate hu.e qumqumo.n ko bujhaa do
ki dil jin se raushan thaa ab un charaaGo.n kii lau bujh chukii hai
miTaa do
munaqqash dar-o-baam ke jagmagaate
chamakte hu.e sab buto.n ko miTaa do
ki ab lauh-e-dil se har ik naqsh harf-e-Galat kii tarah miT chukaa hai
uThaa do
lahuu ke jaziire me.n
biphrii hu.ii maut ke zard panjo.n se parda uThaa do
ki ab is jaziire me.n
laasho.n ke ambaar bikhre pa.De hai.n
fazaa me.n har ik samt
jalte hu.e KHuun kii buu rachii hai
vo aa.nkhe.n jo apne badan kii tarah saaf shaffaaf thii.n
ab un daraKHto.n pe baiThe hu.e chiil kavvo.n gidho.n kii Gizaa bin chukii hai.n
ye sola december kii bujhtii hu.ii shaam hai
aur mai.n
is lahuu ke jaziire me.n jaltaa hu.aa aaKHirii aadmii huu.n

Fakhr-e-Alam Nomani

Nazm

subh ki aamad ke sath

gharo.n me.n qaid dar-o-baam kii har ik uljhan
galii galii ke labo.n se lipaT rahii hogii

Chandrabhan Khayal

Nazm

lauh-o-qalam

mai-KHaana salaamat hai to ham surKHii-mai se
taz.iin-e-dar-o-baam-e-haram karte rahe.nge

Faiz Ahmad Faiz

Nazm

tarana-e-yaum-e-mazdur

jalaa Daalo va.ado.n kii jhuuTii kitaabe.n
Galat likhne vaalaa qalam to.D Daalo
bajaa do takabbur kii ii.nTo.n se ii.nTe.n
dar-o-baam-e-jaah-o-hasham to.D Daalo
pahaa.Do.n me.n rasta banaane kaa din hai
ye din bhuuk ke taish khaane kaa din hai

Anwar Abbas

Nazm

mawara

mu.nh chhupaa.e hu.e haatho.n se guzar jaataa hai
hasrat-e-diid dar-o-baam se sar pho.Dtii rah jaatii hai

Waheed Akhtar

Nazm

naya janm

vo makaa.n jis ke dar-o-baam ka.ii saalo.n se
muntazir hai.n, ko.ii mahtaab-sifat shahzaada
un kaa har gosha-e-taariik munavvar kar de

Zubair Rizvi

Nazm

wasl ke baad

jal bujhe pyaar kii KHush-rang tamannaa ke charaaG
phir sulagne lagaa har saa.ns me.n aaho.n kaa dhu.aa.n
phir tasavvur ke jaziire kii fazaa hai maGmuum
phir dar-o-baam pe chhaayaa hai udaasii kaa samaa.n

Sohan Rahi

Nazm

sarhaden

ham to aa.e the ki dekhe.nge tumhaare qarye
vo dar-o-baam ki taariiKH ke suurat-gar hai.n
vo ariine vo masaajid vo kaliisaa vo mahal
aur vo log jo har naqsh se afzal-tar hai.n

Ahmad Faraz

Nazm

KHan-e-matruk

har sang hai ik sa.ng-e-malaamat goyaa
har katba-e-diivaar hai dushnaam mujhe
paimaan-e-vafaa baa.ndhaa thaa mai.n ne un se
ab takte hai.n hairat se dar-o-baam mujhe

Muneebur Rahman

Nazm

diwali ki raat

rang me.n Duub ke nikhrii hai fazaa aaj kii raat
daaman-e-farsh me.n hai nuur-e-KHudaa aaj kii raat
gudgudaatii hu.ii ehsaas kaa har taar-e-latiif
gungunaatii hu.ii phirtii hai havaa aaj kii raat
baas kaa lams masiihaa hai sabaa aab-e-hayaat
dard ko Dhuu.nDhtii phirtii hai davaa aaj kii raat
o.Dh lii raunaq-e-baazaar-o-dar-o-baam ne bhii
ramish-o-ra.ng kii mahfil kii qabaa aaj kii raat
shauq-e-taz.iin se be-saaKHta mahkii hai hayaa
lakshmii-ruup suhaagan ne bharaa aaj kii raat
diip hii diip hai.n har samt jidhar bhii dekho
jalva-e-husn-e-tanaasub hai sivaa aaj kii raat
jagmagaate hai.n lab-e-baam sitaaro.n kii tarah
kar ga.ii naql-e-KHudaa KHalq-e-KHudaa aaj kii raat
shor aur gul me.n numaayaa.n hai tasalsul tartiib
thaap table kii hai aahaT kii sadaa aaj kii raat
bachpanaa bandish-e-parvaa se baraabar mafruur
khel aur kuud me.n hai mast havaa aaj kii raat
naar se chhe.D rahe nuur ke diivaano.n kii
kyaa hu.aa haath jalaa pair jalaa aaj kii raat
baazii-e-jaa.n ke khilaa.Dii hai.n yahii khelne vaale
dekhiye ye bhii panapne kii adaa aaj kii raat
ziist ik mashGala-e-aish nazar aatii hai
suurat-e-zinda-dilii kyaa na hu.aa aaj kii raat

Ram Parkash Rahi

Nazm

yaqin

yaas-o-hirmaa.n ke a.ndhero.n me.n sitaare bhar do
dil ke KHvaabiida dariicho.n se kaho aa.nkh male.n
baad-e-sarsar se kaho jaa ke chale aur kahii.n
KHvaab-e-fardaa ke dar-o-baam pe kuchh diip jale.n

Fareed Ishrati

Nazm

jaeza

ek mushrik huu.n miraa shirk mohabbat sab se
ek kaafir huu.n miraa kufr sadaaqat pe yaqii.n
ye dar-o-baam-e-havas tamkanat-e-qasr-e-sitam
raat kaT jaa.egii khul jaa.egaa zulmat kaa bharam

Muslim Shameem

Nazm

tisri aankh

to phir yuu.n hu.aa
ham dariida-badan
dashna-e-qaatilaa.n kaa hadaf ban ga.e
qatra qatra hamaaraa chamaktaa ga.e
shahr-e-mehrbaa.n ke dar-o-baam par
jagmagaane lage
tiisrii aa.nkh kaa naama-bar ham ko muzhda sunaane lagaa

Hasan Abbas Raza

Nazm

ahl-e-junun

ham vahii ahl-e-junuu.n ahl-e-vafaa saahib-dil
ham ki har daur me.n auraaq-e-zamaana ke amii.n
vo lahuu apne hii maathe se bahaa hai jis se
aaj diivaar-e-KHirad kii hai lahuu-rang jabii.n

Noor -e-Shama Noor

Nazm

shikast-o-fath

bujhe bujhe se hai.n shaa.ir ke zehn-o-dil ke diye
bhaTak rahaa hai kahaa.n jaa.e raushnii ke liye
ravish-ravish pe daraKHshaa.n hai barq-e-KHauf-o-hiraas
jhulas rahe hai.n dar-o-baam-e-jazba-o-ehsaas
nazar udaas hai viiraa.n hai.n saare nazaare
jabiin-e-sub.h se phuuTe lahuu ke favvaare
zamii.n pe laasho.n ke gulshan me.n KHuu.n kii namii
ab ehtimaam-e-bahaar-e-chaman me.n kyaa hai kamii
jamaal-e-sub.h-e-vatan aa.nsuu.o.n me.n mudGam hai
uruus-e-fasl-e-bahaaraa.n kii aa.nkh pur-nam hai
ba-faiz-e-jabr-o-sitam Gam ne fat.h paa.ii hai
vafaa ke naam pe dil ne shikast khaa.ii hai

Muslim Shameem

Nazm

katik ka chand

kis se is dard-e-judaa.ii kii shikaayat kahiye
yaa.n to siine me.n niystaa.n kaa niystaa.n hogaa
kis se is dil ke uja.Dne kii hikaayat kahiye
sun.ne vaalaa bhii jo hairaa.n nahii.n, hairaa.n hogaa
aisii baato.n se na kuchh baat banegii apnii
suunii aa.nkho.n me.n niraashaa kaa ghulegaa kaajal
KHaalii sapno.n se na auqaat banegii apnii
ye shab-e-maah bhii kaT jaa.egii be-kal be-kal

Ibn۔e۔Insha

Nazm

sat-rangi qaus-e-quzah ke nam

mai.n ki ik jannat-e-arzii se chalaa aayaa huu.n
biitii yaado.n kii mahak dil me.n chhupaa laayaa huu.n
jis jagah kausar-o-tasniim kii nahre.n thii.n ravaa.n
jis jagah apnii tamannaa.o.n kii duniyaa thii javaa.n
nuur-e-aiman thaa surayyaa kii nigaaho.n me.n jahaa.n
shaaKH-e-nasriin thii farhiin kii baa.nho.n me.n jahaa.n
jis jagah farhat-o-nuz.hat kii havaa chaltii thii
ban ke taz.iin-e-dar-o-baam sabaa chaltii thii
lab-e-KHaamosh se phuuTaa thaa tarannum jis jaa
mere ho.nTo.n ne bhii siikhaa thaa tabassum jis jaa
niilguu.n aa.nkho.n se Tapke hu.e taaro.n kii kiran
chand biite hu.e lamhaat kii yaado.n kii jalan
mai.n usii gum-shuda jannat se churaa laayaa huu.n
mai.n ki ik jannat-e-arzii se chalaa aayaa huu.n

Imtiyaz Ahmad Qamar

Nazm

pichhle-pahar ke sannaTe mein

maazii kii Dev.Dhii kii chilman
khule dariiche kii jaalii se
chhan chhan aa.e.n
ruup kii jot hinaa kii laalii kal kii yaade.n
sau.ndhii KHushbuu ThanDii buu.nde.n
kal ke baasii aa.nsuu jin se
fardaa ke baalii.n kaa pardaa bhiig rahaa hai
sehr-zada mahbuus hasiina
sapno.n ke shiilaaT kii raanii
aa.iino.n me.n husn-e-shikasta dekh rahii hai
kitne chehre TuuTe TuuTe
pahchaane an-pahchaane se
aage piichhe aage piichhe bhaag rahe hai.n
qil.e ke aaseb kii suurat kis kii siskii kis kaa naala
kamre kii KHaamosh fazaa me.n dar aayaa hai

Ibn۔e۔Insha

Nazm

Hyderabad

terii tahziib kii raaho.n me.n luTaane ho.nge
diida-o-dil kii umango.n ne KHazaane kitne
in fazaa.o.n me.n hai ehsaas-e-vafaa kii KHushbuu
ye dar-o-baam sunaate hai.n fasaane kitne
tere maathe pe hai almaas-o-guhar kii taabish
tere ho.nTo.n pe hai.n bedaar taraane kitne
terii shaadaab bahaaro.n se gale milte hai.n
zindagaanii ke ujaalo.n me.n zamaane kitne

Khurshid Ahmad Jami

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now