Search result for "gard-e-kuu-e-yaar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gard-e-kuu-e-yaar"

Nazm MATCHES FOR "gard-e-kuu-e-yaar"

Nazm

ujale ki lakir

ik na.ii sub.h-e-daraKHshaa.n kaa ruupahlaa aa.nchal
apne hamraah liye azm-e-javaa.n kii tanviir
saaqii-e-vaqt ke ruKHsaar pe lahraayaa hai
ye hai taariik fazaa.o.n me.n ujaale kii lakiir

Noor -e-Shama Noor

Nazm

phir sham hui

phailtaa phailtaa shaam-e-Gam kaa dhu.aa.n
ik udaasii kaa tantaa hu.aa saa.ebaa.n
uu.nche uu.nche minaaro.n ke sar pe ravaa.n
dekh pahu.nchaa hai aaKHir kahaa.n se kahaa.n
jhaa.nktaa suurat-e-KHail-e-aavaargaa.n
Gurfa Gurfa bahr kaaKH-o-kuu shahr me.n

Ibn۔e۔Insha

Nazm

Tipu ki aawaz

phiikaa hai jis ke saamne aks-e-jamaal-e-yaar
azm-e-javaa.n ko mai.n ne vo Gaaza ataa kiyaa

Aale Ahmad Suroor

Nazm

gang-o-jaman

gum ho ga.ii hai aa ke jahaa.n raah-e-kuu-e-dost
laayaa bhii to mujhe miraa diivaana-pan kahaa.n

Shatir Hakeemi

Nazm

nawishta-e-pas-e-diwar

ye ra.ng-o-buu ye nazaare ye bazm-aaraa.ii
niyaaz-o-naaz-o-adaa husn ishq ra.anaa.ii
shabaab-e-nazm-o-Gazal dar pai-e-shakebaa.ii
mujhe ye saa.at-guzraa.n kahaa.n pe le aa.ii
qaraar dekh liyaa iztiraar dekh liyaa
Gam-e-habiib Gam-e-rozgaar dekh liyaa
udaas chehro.n pe u.Dtaa Gubaar dekh liyaa
navaa-e-shauq ko be-iKHtiyaar dekh liyaa
KHizaa.n-gaziida saa ra.ng-e-bahaar dekh liyaa
gumaa.n-dariida yaqiin taar taar dekh liyaa
tamaam ishva-e-husn-e-nigaar dekh liyaa
junuu.n kaa sajda sar-e-kuu-e-yaar dekh liyaa
savaad-e-aql-o-KHirad be-vaqaar dekh liyaa
rahaa na KHud kaa bhii phir e'tibaar dekh liyaa
kabhii jo dekhaa na thaa baar baar dekh liyaa
na ibtidaa kii KHabar hai na intihaa ma.aluum
navishta-e-pas-e-diivar kyaa hai kyaa ma.aluum

Sarwar Alam Raz

Nazm

gard-e-rah

phir mire ehsaas ne
mujh ko
u.Daa kar saath apne
ye kahaa.n par laa ke chho.Daa
ajnabii is shahr me.n
lagtaa hai jaise
saik.Do.n afraad
mere ham-navaa va ham-qadam ho kar
paraa.e shahr me.n
merii tarah hii
raaste kii gard ban kar u.D rahe hai.n

Adil Hayat

Nazm

dil-e-man musafir-e-man

mire dil, mire musaafir
hu.aa phir se hukm saadir
ki vatan-badar ho.n ham tum
de.n galii galii sadaa.e.n
kare.n ruKH nagar nagar, kaa
ki suraaG ko.ii paa.e.n
kisii yaar-e-naama-bar kaa
har ik ajnabii se puuchhe.n
jo pataa thaa apne ghar kaa
sar-e-kuu-e-naa-shanaayaa.n
hame.n din se raat karnaa
kabhii is se baat karnaa
kabhii us se baat karnaa
tumhe.n kyaa kahuu.n ki kyaa hai
shab-e-Gam burii balaa hai
hame.n ye bhii thaa Ganiimat
jo ko.ii shumaar hotaa
hame.n kyaa buraa thaa marnaa
agar ek baar hotaa!

Faiz Ahmad Faiz

Nazm

aaKHiri din se pahle

bahut din rah liyaa kuu-e-nadaamat me.n
haziimat ke bahut se vaar ham ne sah liye
tiraa ye shahr shahr-e-jaa.n nahii.n hai
tire is shahr me.n ab aur kyaa rahnaa
hamaare KHvaab
tere KHaar-o-KHas me.n the
hamaare lafz
terii pesh-o-pas me.n the
ki ham har saa.ns
terii dastaras me.n the
tire ujle dino.n se
ham ko kyaa hissa milegaa
gadaa ke haath me.n
TuuTaa hu.aa kaasa rahegaa
hamesha ke liye shaayad
yahii qissa rahegaa
ab is dhoke me.n kyaa rahnaa
bahut din rah liyaa kuu-e-nadaamat me.n

Abrar Ahmad

Nazm

shahr-nama

magar aise aise Ganii bhii the
isii qaht-zaar-e-damishq me.n
jinhe.n kuu-e-yaar 'aziiz thaa
jo kha.De the maqtal-e-ishq me.n

Ahmad Faraz

Nazm

buniyaad kuchh to ho

kuu-e-sitam kii KHaamushii aabaad kuchh to ho
kuchh to kaho sitam-kasho, fariyaad kuchh to ho
bedaad-gar se shikva-e-bedaad kuchh to ho
bolo ki shor-e-hashr kii iijaad kuchh to ho

Faiz Ahmad Faiz

Nazm

gard-e-karwan

ham na ho.nge tum na hoge yaad ik ta.Dpaa.egii
raaste me.n sirf gard-e-kaarvaa.n rah jaa.egii

Sardar Panchhi

Nazm

programme

ai shaKHs agar 'josh' ko to Dhuu.nDhnaa chaahe
vo pichhle pahar halqa-e-irfaa.n me.n milegaa
aur sub.h ko vo naazir-e-nazzaara-e-qudrat
taraf-e-chaman-o-sahn-e-bayaabaa.n me.n milegaa
aur din ko vo sar-gashta-e-asraar-o-ma.aanii
shahr-e-hunar-o-kuu-e-bayaabaa.n me.n milegaa
aur shaam ko vo mard-e-KHudaa rind-e-KHaraabaat
rahmat-kada-e-baada-faroshaa.n me.n milegaa
aur raat ko vo KHalvatii-e-kaakul-o-ruKHsaar
bazm-e-tarab-o-kuucha-e-KHuubaa.n me.n milegaa
aur hogaa ko.ii jabr to vo banda-e-majbuur
murde kii tarah kalba-e-ahzaa.n me.n milegaa

Josh Malihabadi

Nazm

kash

mujh me.n ai yaar mire ko.ii kamaalaat na dekh

Vinod Kumar Tripathi Bashar

Nazm

wardat

dil-e-hazii.n me.n abhii yaad-e-yaar baaqii hai
KHizaa.n-rasiida chaman me.n bahaar baaqii hai

Mehdi Machli Shahri

Nazm

jammun kashmir bhaarat

mohabbat ke gulistaa.n me.n
ki is shahr-e-nigaaraa.n me.n
saje dil ke shabistaa.n me.n
KHizaa.n me.n aur bahaaraa.n me.n
ki kuu-e-ahd-o-paimaa.n me.n
mohabbat ke ye maidaa.n me.n
mujhe tum Dher mat karnaa
kabhii tum der mat karnaa
kabhii tum der mat karnaa

Robeena Meer

Nazm

march 1907

zamaana aayaa hai be-hijaabii kaa aam diidaar-e-yaar hogaa
sukuut thaa parda-daar jis kaa vo raaz ab aashkaar hogaa
guzar gayaa ab vo daur-e-saaqii ki chhup ke piite the piine vaale
banegaa saaraa jahaan mai-KHaana har ko.ii baada-KHvaar hogaa
kabhii jo aavaara-e-junuu.n the vo bastiyo.n me.n phir aa base.nge
barahna-paa.ii vahii rahegii magar nayaa KHaarzaar hogaa
sunaa diyaa gosh-e-muntazir ko hijaaz kii KHaamushii ne aaKHir
jo ahd sahraa.iyo.n se baa.ndhaa gayaa thaa phir ustuvaar hogaa
nikal ke sahraa se jis ne ruumaa kii saltanat ko ulaT diyaa thaa
sunaa hai ye qudsiyo.n se mai.n ne vo sher phir hoshiyaar hogaa
kiyaa miraa tazkira jo saaqii ne baada-KHvaaro.n kii anjuman me.n
to piir-e-mai-KHaana sun ke kahne lagaa ki mu.nh-phaT hai KHvaar hogaa
dayaar-e-maGrib ke rahne vaalo KHudaa kii bastii dukaa.n nahii.n hai
kharaa jise tum samajh rahe ho vo ab zar-e-kam-ayaar hogaa
tumhaarii tahziib apne KHanjar se aap hii KHud-kushii karegii
jo shaaKH-e-naazuk pe aashiyaana banegaa naa-paa.edaar hogaa
safiina-e-barg-e-gul banaa legaa qaafila mor-e-naa-tavaa.n kaa
hazaar maujo.n kii ho kashaakash magar ye dariyaa se paar hogaa
chaman me.n laala dikhaataa phirtaa hai daaG apnaa kalii kalii ko
ye jaantaa hai ki is dikhaave se dil-jalo.n me.n shumaar hogaa
jo ek thaa ai nigaah tuu ne hazaar kar ke hame.n dikhaayaa
yahii agar kaifiyat hai terii to phir kise e'tibaar hogaa
kahaa jo qumrii se mai.n ne ik din yahaa.n ke aazaad paa-ba-gil hai.n
tuu Gunche kahne lage hamaare chaman kaa ye raazdaar hogaa
KHudaa ke aashiq to hai.n hazaaro.n bano.n me.n phirte hai.n maare maare
mai.n us kaa banda banuu.ngaa jis ko KHudaa ke bando.n se pyaar hogaa
ye rasm-e-bazm-e-fanaa hai ai dil gunaah hai jumbish-e-nazar bhii
rahegii kyaa aabruu hamaarii jo tuu yahaa.n be-qaraar hogaa
mai.n zulmat-e-shab me.n le ke nikluu.ngaa apne dar-maa.nda kaarvaa.n ko
sharar-fishaa.n hogii aah merii nafas miraa shola-baar hogaa
nahii.n hai Gair-az-numuud kuchh bhii jo mudda.aa terii zindagii kaa
tuu ik nafas me.n jahaa.n se miTnaa tujhe misaal-e-sharaar hogaa
na puuchh 'iqbaal' kaa Thikaanaa abhii vahii kaifiyat hai us kii
kahii.n sar-e-raah-guzaar baiThaa sitam-kash-e-intizaar hogaa

Allama Iqbal

Nazm

KHusha zamanat-e-gham

dayaar-e-yaar tirii joshish-e-junuu.n pe salaam
mire vatan tire daamaan-e-taar-taar kii KHair
rah-e-yaqii.n tirii afshaan-e-KHak-o-KHuu.n pe salaam
mire chaman tire zaKHmo.n ke laala-zaar kii KHair
har ek KHaana-e-viiraa.n kii tiirgii pe salaam
har ek KHaak-basar, KHaanumaa.n-KHaraab kii KHair
har ek kushta-e-naa-haq kii KHaamushii pe salaam
har ek diida-e-pur-nam kii aab-o-taab kii KHair
ravaa.n rahe ye rivaayat, KHushaa zamaanat-e-Gam
nashaat-e-KHatm-e-Gam-e-kaa.enaat se pahle
har ik ke saath rahe daulat-e-amaanat-e-Gam
ko.ii najaat na paa.e najaat se pahle
sakuu.n mile na kabhii tere paa-figaaro.n ko
jamaal-e-KHuun-e-sar-e-KHaar ko nazar na lage
amaa.n mile na kahii.n tere jaa.n-nisaaro.n ko
jalaal-e-farq-e-sar-e-daar ko nazar na lage

Faiz Ahmad Faiz

Nazm

kaun le gaya

ai yaar-e-dil-nashii.n vo adaa kaun le gayaa
tere nagii.n se naqsh-e-vafaa kaun le gayaa
hal kar diyaa thaa jis ne mu.amma shabaab kaa
tujh se vo fikr-e-uqda-kushaa kaun le gayaa
thaa lutf pahle qahr me.n ab sirf qahr hai
zulmat se mauj-e-aab-e-baqaa kaun le gayaa
kyuu.n daf.atan labo.n pe KHamoshii sii chhaa ga.ii
is saaz-e-dil-nashii.n kii sadaa kaun le gayaa
aa.nkho.n se shaan-e-bazl-o-saKHaa kis ne chhiin lii
siine se zauq-e-lutf-o-ataa kaun le gayaa
thii.n jis kii rau se KHuun-e-tamannaa me.n surKHiyaa.n
ruKHsaar se vo ra.ng-e-vafaa kaun le gayaa
raato.n ko maa.ngnaa thaa du.aa merii diid kii
vo minnate.n vo zauq-e-du.aa kaun le gayaa
ai shaah banda-parvar-e-sultaan-e-narm-dil
dil se tire KHayaal-e-gadaa kaun le gayaa
pahlii sii vo kalaam me.n narmii nahii.n rahii
guftaar se mizaaj-e-sabaa kaun le gayaa
ab 'josh' ke liye hai.n na aa.nsuu na aah-e-sard
is gulsitaa.n kii aab-o-havaa kaun le gayaa

Josh Malihabadi

Nazm

ai ruKH-e-yar idhar dekh zara

ham ki vaamaandagi-e-shauq kaa lamha le kar
aa ga.e hai.n tire paikar ke ujaalo.n ke qariib
kitnii sadiyo.n kii masaafat le kar
ek darmaa.nda tahii-dast musaafir kii tarah
aa ke Thahre hai.n tire pyaar ke bargad niiche
ham ki mas.huur tilismaat-kade hai.n tere
terii aa.nkho.n tere ho.nTo.n terii zulfo.n ke asiir
terii tamannaa ke faqiir
muntazir hai.n ki tire jism kaa partav ubhre
aur raushan ho.n taKHayyul kii vo raahe.n jin par
kab se phailii hu.ii gumnaam sii taariikii hai
yuu.n simaT jaa.e mire baKHt pe utrii hu.ii raat
nuur chhan kar tire paikar kii tunuk-taabii se
merii be-nuur sii duniyaa ko munavvar kar de
mere KHvaabo.n ko haqiiqat kar de
ai ruKH-e-yaar idhar dekh zaraa
mere dil-daar idhar dekh zaraa
jis kaa ik umr tamannaa.ii rahaa
apne gul-rang se jalvo.n ke tufail
mujh ko vo kaif vo ra.anaa.ii de
ek be-naam se rishte ko paziiraa.ii de
ab to ik lams-e-masiihaa.ii de
ham ko ai jaan-e-jahaa.n itnii ijaazat de de
jis gha.Dii shaam Dhale
terii gesuu kii tarah shab kii hasii.n zulf khule
tere aa.nchal kaa kinaara le kar
ek be-naam sahaaraa le kar
apnii betaab tamannaa.o.n kii girhe.n khole.n
tere zaanuu pe ye sar rakh ke
do aa.nsuu ro le.n

Salman Basit

Nazm

ehsas-e-fana

rah-e-manzil me.n ham dushvaariyo.n kaa Gam nahii.n karte
guzar jaate hai.n ha.ns kar fikr-e-pech-o-KHam nahii.n karte
u.Daate ho ha.nsii vaaraftagaan-e-kuu-e-vahshat kii
KHirad-mando tumhe.n to ham shariik-e-Gam nahii.n karte
jamaal-e-quds kii qurbat bhii kitnii ruuh-parvar hai
ki is manzil me.n ahl-e-dil fanaa kaa Gam nahii.n karte
rah-e-manzil me.n ehsaas-e-fanaa aaGaaz-e-manzil hai
ayaa.n har bul-havas par raaz-e-kaif-o-kam nahii.n karte
kabhii aflaak kii rif.at kabhii hai KHaak kii pastii
gila phir bhii tiraa ai gardish-e-paiham nahii.n karte
'muniir' iisaar par apne hai taariiKH-e-junuu.n naazaa.n
mataa-e-zindagii luTne kaa ham maatam nahii.n karte

Muneer Wahidi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now