Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "hafta"

Nazm MATCHES FOR "hafta"

Nazm

kale safed paron wala parinda aur meri ek sham

jab din Dhal jaataa hai, suuraj dhartii kii oT me.n ho jaataa hai
aur bhi.Do.n ke chhatte jaisii bhin-bhin
baazaaro.n kii garmii, afraa-tafrii
motor, bas, barqii railo.n kaa ha.ngaama tham jaataa hai
chaa.e-KHaano.n naach-gharo.n se kam-sin la.Dke
apne ham-sin maashuuqo.n ko
jin kii jinsii KHvaahish vaqt se pahle jaag uThii hai
le kar jaa chukte hai.n
ba.Dhtii phailtii uu.nchii himaala jaisii ta.amiiro.n par KHaamoshii chhaa jaatii hai
theater tafriih-gaaho.n me.n taale pa.D jaate hai.n
aur ba-zaahir duniyaa so jaatii hai
mai.n apne kamre me.n baiThaa sochaa kartaa huu.n
kutto.n kii dum Te.Dhii kyuu.n hotii hai
ye chitkabrii duniyaa jis kaa ko.ii bhii kirdaar nahii.n hai
ko.ii falsafa ko.ii paa.inda aqdaar nahii.n, me.aar nahii.n hai
is par ahl-e-daanish vidvaan, falsafii
moTii moTii adaq kitaabe.n kyuu.n likkhaa karte hai.n?
'furqat' kii maa.n ne shauhar ke marne par kitnaa kohraam machaayaa thaa
lekin iddat ke din puure hone se ik hafta pahle
'niilam' ke maamuu.n ke saath badaun jaa pahu.nchii thii
bii-bii kii sehnak ko.nDe faatiha-KHvaanii
ja.ng-e-siffiin, jamal aur badar ke qisso.n
siirat-e-nabvii tark-e-duniyaa aur maulvii-saahab ke halve maa.nDe me.n kyaa rishta hai?

Akhtarul Iman
Nazm

tera aur mera sath

teraa aur meraa saath aalam-e-barzaKH se hai
aalam-e-barzaKH ya.anii jahaa.n arvaah ik saath thii.n
mai.n aur tum ya.anii ham
vahaa.n bhii ik saath the
phir mujhe aur tumhe.n ik saath
shaayad tah-dar-tah ik saath sulaa diyaa gayaa
yahaa.n hamaare liye maa.n kii kokh ko garm kiyaa gayaa
vahaa.n mai.n aur yahaa.n tum ne ik hayuule kii shakl lii
farz karo chaaliis din kaa ik hafta ho aur tiin hafto.n me.n
hamaaraa ya.anii tumhaaraa aur meraa nuur ik nuur ne us hayuule me.n phuu.nk diyaa
tum puuchhtii ho kab se mohabbat hai
tum sochtii ho kab se aashnaa hai.n
jaanaa.n
ham duniyaa kii daryaaft se pahle aashnaa hai.n
hamaarii arvaah ne daryaaft se pahle mohabbat kii thii
jism to ab mayassar hai.n
magar
ham kaa.enaat ke vajuud se pahle mil chuke hai.n

Zeef Zia
Nazm

shahr ke ek kushada ghar mein

aaj ki jab suuraj bhii nahii.n thaa
phuulo.n ke khilne kaa ye mausam bhii nahii.n thaa
aur falak par chaa.nd ke chhaa jaane kaa hafta biit chukaa thaa
darvaaze kii ghanTii ne vo shor machaayaa
jis se puuraa ghar tharraayaa

Zehra Nigaah
Nazm

shofer

hafta bhar me.n ik din ''aisii laGzish'' ko.ii aib nahii.n
zaahir hai paapaa mammy ko haasil ''ilm-e-Gaib'' nahii.n
kaalii raato.n kii baato.n se vaaqif ''sub.h-o-shaam'' nahii.n

Shaad Aarfi
Nazm

teri yaad

hafta pahle jab teraa
phone aayaa aur tuu ne kahaa
jaan-e-jaanaa.n i-miss-you
tab se jaane kyuu.n dil me.n
ek ajab sii halchal hai
dil ke dariyaa me.n jaise
kisii ne patthar phe.nk diyaa
mujh ko aisaa lagtaa hai
patthar terii yaad kaa thaa
jis ke girte hii paanii
bebas ho kar uchhal gayaa
aa.nkh kaToraa bhar aayaa
nahii.n yaqii.n to dekh aa kar
aaj bhii merii aa.nkho.n se
aksar paanii bahtaa hai
tum se kahtaa rahtaa hai
jaanaa.n
i-miss-you too

Imran Shanawar
Nazm

sal mahina aur din

aa.nkh jhapakte ek second
ek minute me.n saaTh second
saaTh minute kaa ik ghanTa
ik din me.n chaubiis ghanTa
saat dino.n kaa ik hafta
ek maah hai tiis din kaa
baarah mahiine kaa ik saal
365 din kaa ik saal
january me.n din hai.n iktiis
february me.n hai.n aTThaa.iis
chaar se san taqsiim jo puuraa
february us me.n untiis din kaa
march iktiis april tiis
may iktiis june me.n tiis
may june me.n garmii ziyaada
is me.n sab ko aa.e pasiina
iktiis july iktiis august
barkhaa rut me.n rahnaa mast
tiis september iktiis december
sardii me.n sab kaa.npe.n thar thar
maazii guzraa ab hai haal
ek sadii me.n hai.n sau saal

Abrar Kiratpuri
Nazm

karachi ka traffic

ek hafta bhii traffic kaa manaa.egii police
jaada-paimaa.ii ke aadaab sikhaa.egii police
ik gadhaa shahar me.n se chun ke jo laa.egii police
us ko har tarah se insaan banaa.egii police
hafta bhar baa'd vo ho jaa.egaa pahlaa saa gadhaa
laakh sar maaraa magar kuchh nahii.n siikhaa na pa.Daa

Syed Mohammad Jafri
Nazm

unT

laqq-o-daq sahraa me.n yaa maidaan me.n
yaa arab ke garm registaan me.n
saya-afgan hai na vaa.n ko.ii chaTaan
sard paanii kaa na dariyaa kaa nishaan
chilchilaatii dhuup hai aur chup havaa
vaa.n parinda bhii nahii.n par maartaa
tuu vahaa.n ke marhale kartaa hai tai
din-ba-din aur hafta hafta pai-ba-pai
qiimtii ashyaa hai.n terii pusht par
taajiro.n kaa resham aur shaaho.n kaa zar
toda toda tere uupar lad rahaa
hai bharaa goyaa jahaaz-e-pur-bahaa
chand hafte jab ki jaate hai.n guzar
aur thakaa detaa hai raakib ko safar
uu.nT! ghabraataa nahii.n tuu baar se
dekhtaa hai us kii jaanib pyaar se
goyaa kahtaa hai ki ai mere savaar
ek din tuu aur bhii himmat na haar
haa.n na be-dil ho na raste me.n ThiThak
saaf sar-chashma hai aage dhar lapak
mujh ko aatii hai havaa se buu-e-aab
naa-umiidii se na kar tuu iztiraab
uu.nT tuu kartaa hai us kii rahbarii
yuu.n banaa detaa hai raakib ko jarii
aaKHirash manzil pe pahu.nchaataa hai tuu
aur suukhe KHaar-o-KHas khaataa hai tuu
sabr se kartaa hai tai raah-e-daraaz
sach kahaa hai tuu hai KHushkii kaa jahaaz
al-Garaz tuu hai haliim o KHush-KHisaal
tarbiyat me.n chhoTe bachcho.n kii misaal

Ismail Merathi
Nazm

ghurur ka anjam

ek hafta baa'd us kaa saalaana imtihaa.n thaa
lekin ilaaj hii me.n hafta vo saaraa guzraa

Ata Abidi
Nazm

lekin

ab KHudaa ko bhii zaraa aaraam karnaa chaahiye
ik zamaane se musalsal kar rahaa hai
tiin shifte.n
aur duniyaa-bhar ke tyauhaaro.n pe bhii
mil nahii.n paa.ii kabhii ruKHsat use
haftaa-vaarii ya.anii vo jo the and pe ek chhuTTii
saarii duniyaa me.n hii dii jaatii hai ab
us kii vo chhuTTii azal se band hai
sai.nka.Do.n biimaariyo.n me.n
kaam karte hii use paayaa hai mai.n ne

Anwar Sen Roy
Nazm

front-page

tumhaarii jaamia punjab kii ha.Dtaal kaa ye chauthaa hafta hai
zamiin-daaro.n ne phir kuchh aurato.n ko
gaa.nv me.n banduuq par nangaa nachaayaa hai
unhe.n galiyo.n mohallo.n me.n phiraayaa hai
kahii.n lahore me.n baa-riish la.Dko.n ne
professor ko piiTaa hai
ye KHabre.n apnii byte kho chukii hai.n
puraanii aur farsuuda kahaanii ho chukii hai.n
unhe.n andar kahii.n par ek column tiin line kii jagah de do

Hasan Shahnawaz Zaidi
Nazm

nurse

shahr ke haspataal me.n us ko
ek hafta hu.aa hai aa.e hu.e
''saat number'' kaa kaanaa Thekedaar
kaa.nptaa thaa jo dekh kar nashtar
us ke zaKHmo.n pe aaj kal vo KHud
apne haatho.n se phaa.e rakhtii hai
la.ngDaa budh-sen ''gyaarah number'' kaa
us kii aa.nkho.n me.n Daal kar aa.nkhe.n
ghuu.nT ka.Dvii davaa ke piitaa hai
''paa.nch number'' kaa diq-zada shaa.er
dekh kar us ko sher kahtaa hai

Aftab Shamsi
Nazm

tariKH

aaj tiis hai
aur hafta bhii
june kaa mahiina hai
kal bahut baarish hu.ii thii
aaj bhii to ho rahii hai
vaqt sub.h ke chaar hu.e hai.n
haa.n
azaa.n ho rahii hai
tum kyo.n saath ho
abhii mile bhii nahii.n
phir bhii soch rahaa huu.n
tumhe.n kab chho.D kar jaanaa hai

Zeef Zia
Nazm

waqt ka chiDiya-ghar

mai.n vaqt ke chi.Diyaa-ghar
jaanvaro.n ke jangalo.n me.n un kii
tamaam-tar zaruurato.n ke saath dii ga.ii aazaadii
aur tumhaare dil ke kone-khudro.n me.n
mere junuun ko dii ga.ii aazaarii me.n
kuchh ziyaada farq nahii.n dekhtii
sadhaane ke liye intizaamiya kii yaumiya aur
hafta-vaar meeting ke zariiye be-muhaaba jaanvaro.n ko
usuulo.n ke mutaabiq sadhaane kaa bharpuur amal
natiija-KHez saabit ho rahaa hai
magar mujhe e'tiraaf hai ki ja.ngle ke andar merii
zaruurato.n kaa puuraa puuraa KHayaal rakkhaa jaa rahaa hai
merii KHuuraak aur paanii paabandii se muqarrara vaqt par
pahu.nchaa.ii jaa rahii hai
salaaKHo.n ke andar kaa puuraa ilaaqa merii dastaras me.n
de diyaa gayaa hai
magar tamaash-biino.n ke rivaayatii shauq se pahu.nchne vaalii
aziyyat se tahaffuz bhii diyaa jaa rahaa hai
kholiyo.n me.n baqaa-e-baahamii ke zarrii.n usuul ke tahat
duusre jangalo.n tak pahu.nchne ke raaste bhii masduud
kar diye ga.e hai.n
sabze kaa.ii pattharo.n aur taalaab ke zariye masnuu.ii duniyaa kii
bunat aisii zaruur hai
ki ko.ii bhii us pe asl hone kaa dhokaa
khaa saktaa hai
so mai.n bhii apne aap ko is KHuubsuurat maahaul
kaa aadii banaane kii mukammal koshish kar rahii huu.n

Sarwat Zehra
Nazm

dawat-e-nazar

mai.n hii mai.n huu.n ko.ii hushyaar kahe jaataa hai
vo hii vo hai.n ko.ii sarshaar kahe jaataa hai
hama-uust us kii KHudii ke liye markaz ai dost
us kaa naadaan anaa bhii hai mataa-e-hama-uust
hosh-afzaa hai mujhe GalGala-e-hushyaarii
kaash samjhe use tuu bhii jaras-e-bedaarii
inhisaar-e-mann-o-tuu Thiik nahii.n sab samjhe.n
vaqt hai KHud ko samajhne kaa yahii ab samjhe.n
KHud-shanaasii se hai ummiid ki ban jaa.egaa kaam
varna is haal-e-zabuu.n kaa hai tabaahii anjaam
na basaarat na basiirat na aziimat ham me.n
kaam karne kii nahii.n naam ko himmat ham me.n
ik KHudii thii so kiyaa us ko bhii Gaflat ke sipurd
zindagii kii hu.ii ye lahar bhii yuu.n dariyaa burd
is taraf dekh fariisaan-e-aruupaa kii numuud
aaj bil-fe.al jo saabit hai vo un kaa hai vajuud
raaz-e-taqdiir khulaa un ke amal se un par
apne dar pai hai faqat be-amalii kaa chakkar
husn-kaarii kaa mazaaq un se hu.aa aa.iina
na.ii duniyaa kaa ye manzar hai nayaa aa.iina
aisii vahdat pe na ho kis liye kasrat shaidaa
ek manzil se hai.n haftaa-o-manaazil paidaa
un kii duniyaa hai na.ii apnii puraanii duniyaa
ban ga.ii apne liye raam kahaanii duniyaa
aur baato.n me.n to kyaa KHaak milegii jiddat
jab zabaa.n me.n bhii gavaaraa nahii.n ko.ii jiddat
chashm-ba-raah nazar aate hai.n vo naqd-e-nigaar
jin kii fitrat ko upaj se nahii.n bilkul sarokaar
na.ii tarkiib agar un ko kahii.n mil jaa.e
barham itne ho.n ki paamaal zamii.n hil jaa.e
phir ye hai.n aur adab-soz mudaaraate.n hai.n
kyaa zamaane me.n panapne kii yahii baate.n hai.n

Ali Manzoor Hyderabadi
Nazm

mawara

biisvii.n sadii ke aaKHirii barso.n me.n
ek gahraatii hu.ii shaam ko
jab parindo.n aur patto.n kaa rang siyaah ho chukaa thaa
aur dukh kaa rang har rang par Gaalib thaa
maa.n TuuT chukii thii
mahbuuba ruuTh chukii thii
hafta-vaar ta.atiil kii faraaGat se mutma.in
sarshaarii ke ek lamhe ko be-qaraar
shaa.ir
likhne baiThaa
gird-o-pesh kii duniyaa
nihaayat aahistagii se
KHafiif pardo.n se chhantii hu.ii
Gaa.eb ho ga.ii
aur puurii kaa.enaat mahduud ho kar
mez ke raqbe me.n simaT aa.ii
shaa.ir naa-maaluum kitne zamaano.n tak
mahbuut baiThaa fazaa kii sargoshiyaa.n suntaa rahaa
saa.e.n saa.e.n kartii KHaamoshii me.n
mo'atabar alfaaz kii talaash-o-justujuu me.n
Galtaa.n-va-pechaa.n
ki yak laKHt raat kii shah-rag se
ka.ii KHuun ke favvaare chhuuTe
aur sisaktii sii.Dhiyo.n chiiKHte darvaazo.n ke aaha.ng pe
mez par pa.Dii kaa.nch se jhaa.nktii
marx kii tasviiro.n par
ik-taaraa bajaate hu.e nepaalii bachche kii tasviir
aur paash kii nazmo.n par
muuslaa-dhaar aa.nsu.o.n kii baarish hone lagii
aur baahar raat kii taariikii me.n kutte bhau.nkne lage

Ekram Khawar
Nazm

handloom

ye dastii paarcha-baafii hamaare ghar kii san'at hai
ye san'at iftiKHaar-e-qaum hai bhaarat kii 'azmat hai
yahii san'at hame.n baKHshegii KHushiyaa.n aur KHush-haalii
isii fan se hamaare ghar me.n hogii faariG-ul-baalii
hamaarii dast-baafii bhaa ga.ii hai zauq vaalo.n ko
bahut marGuub hai.n kap.De hamaare mah-jamaalo.n ko
banaavaT me.n numaayaa.n chand sadiyo.n ke KHazaane hai.n
ellora ke namuune hai.n ajantaa ke fasaane hai.n
kahii.n hai.n naqsh muGlo.n raajputo.n kii saqaafat ke
kahii.n manzar hai.n dilkash hind kii qaumii vajaahat ke
zabaa.n-zad ho rahii hai aaj-kal in kii dil-aavezii
ba.Daa dilkash hai in kap.Do.n kaa tarz-e-rang-aamezii
vo america ho yaa europe har ik jaa is kaa charchaa hai
hamaarii dast-baafii kaa jahaa.n me.n bol-baalaa hai
mubaarak 'taahira' hafta manaanaa dast-kaaro.n ko
KHudaa aabaad rakkhe mulk ke in honhaaro.n ko

Bano Tahira Sayeed
Nazm

ye mahlon ye taKHton ye tajon ki duniya

jalaa do ise phuu.nk Daalo ye duniyaa
mire saamne se haTaa lo ye duniyaa
tumhaarii hai tum hii sa.nbhaalo ye duniyaa
ye duniyaa agar mil bhii jaa.e to kyaa hai

Sahir Ludhianvi
Nazm

daraKHt-e-zard

magar naazir hamaaraa soKHta-sulb aaKHirii nassaab ab marne hii vaalaa hai
bas ik pal haf sadii kaa faisla karne hii vaalaa hai
suno 'zaryuun' bas tum hii suno ya.anii faqat tum hii
vahii raahat me.n hai jo aam se hone ko apnaa le
kabhii ko.ii bhii par ho ko.ii 'bahman' yaar yaa 'zenuu'
tumhe.n bahkaa na paa.e aur bairuunii na kar Daale
mai.n saarii zindagii ke dukh bhugat kar tum se kahtaa huu.n
bahut dukh degii tum me.n fikr aur fan kii numuu mujh ko
tumhaare vaaste behad sahuulat chaahtaa huu.n mai.n
davaam-e-jahl o haal-e-istiraahat chaahtaa huu.n mai.n
na dekho kaash tum vo KHvaab jo dekhaa kiyaa huu.n mai.n
vo saare KHvaab the qassaab jo dekhaa kiyaa huu.n mai.n
KHaraash-e-dil se tum be-rishta be-maqduur hii Thahro
mire jahmiim-e-zaat-e-zaat se tum duur hii Thahro
ko.ii 'zaryuun' ko.ii bhii clerk aur ko.ii kaarinda
ko.ii bhii bank kaa afsar senator ko.ii paavanda
har ik haivaan-e-sarkaarii ko TaTTuu jaantaa huu.n mai.n
so zaahir hai ise shai se ziyaada maantaa huu.n mai.n
tumhe.n ho sub.h-dam taufiiq bas aKHbaar pa.Dhne kii
tumhe.n ai kaash biimaarii na ho diivaar pa.Dhne kii
ajab hai 'sartre' aur 'ressel' bhii aKHbaar pa.Dhte the
vo maaluumaat ke maidaan ke shauqiin buu.Dhe the
nahii.n ma.aluum mujh ko aam shahrii kaise hote hai.n
vo kaise apnaa banjar naam banjar-pan me.n bote hai.n
mai.n ''urr'' se aaj tak ik aam shahrii ho nahii.n paayaa
isii baa.is mai.n huu.n amboh kii lazzat se be-maaya
magar tum ik do-paaya raast qaamat ho ke dikhlaanaa
suno raa.e-dahinda bin hu.e tum baaz mat aanaa
faqat 'zaryuun' ho tum ya.anii apnaa saabiqaa chho.Do
faqat 'zaryuun' ho tum ya.anii apnaa laahiqaa chho.Do
magar mai.n kaun jo chaahuu.n tumhaare baab me.n kuchh bhii
bhalaa kyuu.n ho mire ehsaas ke asbaab me.n kuchh bhii
tumhaaraa baap ya.anii mai.n abas mai.n ik abas-tar mai.n
magar mai.n ya.anii jaane kaun achchhaa mai.n saraasar mai.n
mai.n kaasa-baaz o kiina-saaz o kaasa-tan huu.n kuttaa huu.n
mai.n ik na.ngiin-e-buudash huu.n pa tum to sirr-e-mun.am ho
tumhaaraa baap ruuhul-quds thaa tum ibn-e-maryam ho

Jaun Eliya
Nazm

abhi to main jawan hun

havaa bhii KHush-gavaar hai
gulo.n pe bhii nikhaar hai
tarannum-e-hazaar hai
bahaar pur-bahaar hai
kahaa.n chalaa hai saaqiyaa
idhar to lauT idhar to aa
are ye dekhtaa hai kyaa
uThaa subuu subuu uThaa
subuu uThaa pyaala bhar
pyaala bhar ke de idhar
chaman kii samt kar nazar
samaa.n to dekh be-KHabar
vo kaalii kaalii badliyaa.n
ufuq pe ho ga.ii.n ayaa.n
vo ik hujuum-e-mai-kashaa.n
hai suu-e-mai-kada ravaa.n
ye kyaa gumaa.n hai bad-gumaa.n
samajh na mujh ko naa-tavaa.n
KHayaal-e-zohd abhii kahaa.n
abhii to mai.n javaan huu.n
ibaadato.n kaa zikr hai
najaat kii bhii fikr hai
junuun hai savaab kaa
KHayaal hai azaab kaa
magar suno to shaiKH jii
ajiib shai hai.n aap bhii
bhalaa shabaab o aashiqii
alag hu.e bhii hai.n kabhii
hasiin jalva-rez ho.n
adaa.e.n fitna-KHez ho.n
havaa.e.n itr-bez ho.n
to shauq kyuu.n na tez ho.n
nigaar-haa-e-fitnagar
ko.ii idhar ko.ii udhar
ubhaarte ho.n aish par
to kyaa kare ko.ii bashar
chalo jii qissa-muKHtasar
tumhaaraa nuqta-e-nazar
durust hai to ho magar
abhii to mai.n javaan huu.n
ye gasht kohsaar kii
ye sair juu-e-baar kii
ye bulbulo.n ke chahchahe
ye gul-ruKHo.n ke qahqahe
kisii se mel ho gayaa
to ranj o fikr kho gayaa
kabhii jo baKHt so gayaa
ye ha.ns gayaa vo ro gayaa
ye ishq kii kahaaniyaa.n
ye ras bharii javaaniyaa.n
udhar se mehrbaaniyaa.n
idhar se lan-taraaniyaa.n
ye aasmaan ye zamii.n
nazaara-haa-e-dil-nashii.n
inhe.n hayaat-aafrii.n
bhalaa mai.n chho.D duu.n yahii.n
hai maut is qadar qarii.n
mujhe na aa.egaa yaqii.n
nahii.n nahii.n abhii nahii.n
abhii to mai.n javaan huu.n
na Gam kushuud o bast kaa
buland kaa na past kaa
na buud kaa na hast kaa
na vaada-e-alast kaa
ummiid aur yaas gum
havaas gum qayaas gum
nazar se aas paas gum
hama-bajuz gilaas gum
na mai me.n kuchh kamii rahe
qadah se hamdamii rahe
nashist ye jamii rahe
yahii hamaa-hamii rahe
vo raag chhe.D mutribaa
tarab-fazaa, alam-rubaa
asar sadaa-e-saaz kaa
jigar me.n aag de lagaa
har ek lab pe ho sadaa
na haath rok saaqiyaa
pilaa.e jaa pilaa.e jaa
abhii to mai.n javaan huu.n

Hafeez Jalandhari
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now