Search result for "halqa-e-ushshaaq" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "halqa-e-ushshaaq"

Nazm MATCHES FOR "halqa-e-ushshaaq"

Nazm

suKHan-taraaz

she'r kahnaa hai to phir halqa-e-‘ushshaaq me.n aa
qais ke saath bhaTak lailaa ke idraak me.n aa

Yasir Guman

Nazm

guftani-o-na-guftani

har roz kar rahe hai.n sharaarat na.ii na.ii
vo log jin se sharm-e-rasuul-e-KHudaa ga.ii
jin ke zamiir-o-zarf pe taKHliiq sharmsaar
jin ke dil-o-dimaaG kaa saa.ncha hai surma.ii
kyaa puuchhte ho ummat-e-ahmad-razaa kaa haal
andar se daaG-daar to baahar se champa.ii
riish-e-daraaz zulf-e-chaliipaa se faizyaab
us lo’bat-e-fara.ng ke shauhar ka.ii ka.ii
maslak me.n un ke honorary muKHbirii halaal
maz.hab hai is zaliil gharau.nde kaa nuqra.ii
maathe pe farsh-e-bos-e-rivaayaat kaa Gubaar
chehra ba-faiz-e-halqa-e-ushshaaq agra.ii
ham aise kushtagaan-e-vafaa ke KHilaaf hai.n
'asraar' KHaandaan-e-kalaa.uu ke mujra.ii

Shorish kashmiri

Nazm

kya gul-badani hai

mehraab hai ruKHsaar ke partav se zar-afshaa.n
zulfo.n me.n shab-e-taar hai aa.nkho.n me.n charaaGaa.n
meh.ndii kii sajaavaT ki hathelii pe gulistaa.n
yaa halqa-e-ushshaaq me.n hai chehra-e-taabaa.n
yaa KHaatam-e-taabinda pe hiire kii kanii hai
kyaa gul-badanii gul-badanii gul-badanii hai

Josh Malihabadi

Nazm

sham hai dhuan dhuan

lamho.n kii zabaane.n gu.ng hu.ii.n
uqde kii ka.Diyaa.n khultii ga.ii.n
jab tez thii aa.ndhii duur kahii.n
u.Dtii thii qabaa-e-jism vahii.n
bechain hu.ii phir ruuh bahut
kuchh be-aavaaz sii chiiKHe.n thii.n
tahliil havaa me.n hotii thii.n
kuchh abr ke Tuk.De aavaara
jaise KHushiyo.n kaa pushtaara
thak kar bikhraa de ko.ii unhe.n
purvaa.ii kaa jho.nkaa halkaa saa
phir duur u.Daa le jaa.e unhe.n

Rukhsana Nikhat Lari Umm-e-Hani

Nazm

wirsa

varna 'Gaalib' kii zabaa.n me.n mire hamdam mire dost
daam har mauj me.n hai halqa-e-sad-kaam-e-naha.ng

Sahir Ludhianvi

Nazm

ghaalib

baalaa teraa maqaam duniyaa-e-sher me.n
'urfii' bhii ek banda-e-halqa-e-ba-gosh hai

Chandar Bhan Kaifi Dehelvi

Nazm

zamana

ulajhtaa haqaa.eq ke mehr-o-Gazab se
ubhartaa bahaar-o-KHizaa.n ke aqab se
nikaltaa hu.aa halqa-e-roz-o-shab se
zamaana guzartaa chalaa jaa rahaa hai

Hurmatul Ikaram

Nazm

KHana-ba-dosh

uTThe hai.n jis kii god se aazar vo qaum hai
to.De hai.n jis ne charKH se aKHtar vo qaum hai
palTe hai.n jis ne dahr ke daftar vo qaum hai
paidaa kiye hai.n jis ne payambar vo qaum hai
ab kyuu.n shariik-e-halqa-e-nau-e-bashar nahii.n
insaan hii to hai.n ye ko.ii jaanvar nahii.n

Asrarul Haq Majaz

Nazm

wo kitab

mujhe KHauf hai ki kitaab me.n
mire roz-o-shab kii aziyyate.n
vo nadaamate.n vo malaamate.n
kisii haashiye pe raqam na ho.n
mai.n fareb-KHurda-e-bartarii
mai.n asiir-e-halqa-e-buz-dilii
vo kitaab kaise pa.Dhuu.ngii mai.n?

Zehra Nigaah

Nazm

juz teri aankhon ke

juz tirii aa.nkho.n ke kin aa.nkho.n ne
lutf kaa haath rakhaa dard kii peshaanii par
pyaar kii aa.nkho.n se aa.nsuu pochhe
narmiyaa.n
lamha-e-vasl kii maanind
dil-o-jaa.n me.n utartii hii chalii jaatii hai.n
hijr kii shaam hai Dhal jaa.egii
vasl kaa lamha gurezaa.n hai pighal jaa.egaa
tere ruKHsaar kii dahkii hu.ii ra.ngiin shafaq
aur bhii surKH hu.ii
tere sulge hu.e ho.nTo.n ke mahakte sho.ale
aur bhii tez hu.e
kab chhalak jaa.e na jaane tirii labrez vafaa aa.nkho.n se
mahr kii mai
kab nikal aa.e tire pyaar kaa chaa.nd
to.D de halqa-e-zanjiir-e-shab-o-roz
ki ye silsila-e-karb-o-alam KHatm to ho
aur ho jaa.e junuu.n aavaara
tuu mire halqa-e-aaGosh me.n aa

Makhdoom Mohiuddin

Nazm

qurbani ke bakre

dehaat se jo shahar me.n bakro.n ko laa.e hai.n
ma.aluum ho rahaa hai vo jannat se aa.e hai.n
qiimat ne aasmaan ke taare dikhaa.e hai.n
bakraa nahii.n KHariidaa gunah baKHshvaa.e hai.n
qurbaanii aise haal me.n amr-e-muhaal hai
bakraa ''tamaam halqa-e-daam-e-KHayaal hai''

Syed Mohammad Jafri

Nazm

gireban ka fasla

kaT ga.ii raat magar
hijr ke jaagte pairaahan se
raat kii malgajii afsurda-mahak aatii hai
halqa-e-baad-e-sabaa gardan me.n
vaqt sa.Dko.n pe khi.nchaa phirtaa hai
raah jaatii hii nahii.n ko.ii bayaabaa.n kii taraf
haath ba.Dhte hii nahii.n apne garebaa.n kii taraf

Rahi Masoom Raza

Nazm

andhe pujari

ye log halqa-e-daam-e-KHayaal kahte hai.n
faroG-e-ilm ko science kii taraqqii ko
ye kam-nigaah mudaavaa-e-dard-e-insaanii
samajh rahe hai.n praachiin sanskirtii ko
sadaa.e.n dete hai.n sadiyo.n kii tiira-baKHtii ko

Qaisarul Jafri

Nazm

pahla jashn-e-azadi

shariik halqa-e-idraak raqs farmaa.e.n
tarab kaa vaqt hai bebaak raqs farmaa.e.n

Asrarul Haq Majaz

Nazm

adhuri nasl ka pura sach

umr kaa suuraj sivaa neze pe aayaa
garm shiryaano.n me.n bahte KHuun kaa dariyaa bha.nvar hone lagaa
halqa-e-mauj-e-havaa kaafii nahii.n
vahshat-e-abr-e-badan ke vaaste
aaGosh ko.ii aur ho
varna yuu.n murda sa.Dak ke KHvaab-aavar se kinaare
be-KHayaalii me.n kisii thuuke hu.e bachche kii uljhii saa.ns me.n lipTii hu.ii ye zindagii!

Saeed Ahmad

Nazm

muslim umma ka America se shikwa

ham tire sab se ba.De halqa-e-ahbaab me.n hai.n
phir bhii tuufaa.n se nikalte nahii.n girdaab me.n hai.n

Khalid Irfan

Nazm

zaifa

halqa-e-zulmat me.n hai raaho.n kii sahmii raushnii
yaa chamaktii hai.n ghanii jhaa.Dii se aa.nkhe.n sher kii

Josh Malihabadi

Nazm

raqqasa-e-auham

asnaam-e-imaarat kaa parastaar hai aalam
sarmaaya-e-Gaflat kaa KHariidaar hai aalam
kaTtii hai.n sadaa sidq maqaalo.n kii zabaane.n
haq-go ke liye arsa-gah-e-daar hai aalam
darvesh-e-KHudaa naan-e-shabiina ko hai muhtaaj
go ne.amat-o-ikraam kaa baazaar hai aalam
shaadaab hai din-raat Gariibo.n ke lahuu se
arbaab-e-zar-o-siim kaa gulzaar hai aalam
KHud zaahid-e-sad-saala giraftaar hai jis me.n
vo halqa-e-tazviir-o-fusuu.n-zaar hai aalam
har gaam pe hai sho.abada-e-nafs kaa phandaa
raqqaasa-e-auhaam kaa darbaar hai aalam
dil KHizr kaa hai naGma-e-be-maanii pe raqsaa.n
tahziib ke paazeb kaa jhankaar hai aalam
is qahba-e-baazaarii se rakho na tavaqqo
ehsaan faraamosh-o-ziyaa.n-kaar hai aalam
sar rakhtaa hai aavaara-mizaajo.n ke qadam par
ye haq me.n vafaadaaro.n ke talvaar hai aalam
shaa.ir ke nahii.n siine me.n gunjaa.ish-e-takiya
maanaa ki bahut dilkash-o-purkaar hai aalam
is ahd-e-pur-aashob me.n 'bebaak' na puuchho
kis darja jafaa-kash-o-sitam-gaar hai aalam

Bebak Bhojpuri

Nazm

KHak-e-parwana

tamaashe zindagii-bhar tuu ne soz-e-dil ke dekhe the
Gubaar-e-rahguzar me.n raaste manzil ke dekhe the
nazaare halqa-e-girdaab se saahil ke dekhe the
tirii aa.nkho.n ne jitne KHvaab mustaqbil ke dekhe the

Qaisarul Jafri

Nazm

manzar

rah-guzar, saa.e, shajar, manzil-o-dar, halqa-e-baam
baam par siina-e-mahtaab khulaa, aahista
jis tarah khole ko.ii band-e-qabaa, aahista
halqa-e-baam tale, saayo.n kaa Thahraa hu.aa niil
niil kii jhiil
jhiil me.n chupke se tairaa, kisii patte kaa habaab
ek pal tairaa, chalaa, phuuT gayaa, aahista
bahut aahista, bahut halkaa, KHunuk-ra.ng sharaab
mere shiishe me.n Dhalaa, aahista
shiisha-o-jaam, suraahii, tire haatho.n ke gulaab
jis tarah duur kisii KHvaab kaa naqsh
aap hii aap banaa aur miTaa aahista

Faiz Ahmad Faiz

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now