Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jhuum"

Nazm MATCHES FOR "jhuum"

Nazm

wo subh kabhi to aaegi

1
vo sub.h kabhii to aa.egii
in kaalii sadiyo.n ke sar se jab raat kaa aa.nchal Dhalkegaa
jab dukh ke baadal pighle.nge jab sukh kaa saagar chhalkegaa
jab ambar jhuum ke naachegaa jab dhartii naGme gaa.egii
vo sub.h kabhii to aa.egii
jis sub.h kii KHaatir jug jug se ham sab mar mar kar jiite hai.n
jis sub.h ke amrit kii dhun me.n ham zahr ke pyaale piite hai.n
in bhuukii pyaasii ruuho.n par ik din to karam farmaa.egii
vo sub.h kabhii to aa.egii
maanaa ki abhii tere mere armaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuTe sikko.n me.n na taulii jaa.egii
vo sub.h kabhii to aa.egii
daulat ke liye jab aurat kii ismat ko na bechaa jaa.egaa
chaahat ko na kuchlaa jaa.egaa Gairat ko na bechaa jaa.egaa
apne kaale kartuuto.n par jab ye duniyaa sharmaa.egii
vo sub.h kabhii to aa.egii
biite.nge kabhii to din aaKHir ye bhuuk ke aur bekaarii ke
TuuTe.nge kabhii to but aaKHir daulat kii ijaara-daarii ke
jab ek anokhii duniyaa kii buniyaad uThaa.ii jaa.egii
vo sub.h kabhii to aa.egii
majbuur bu.Dhaapaa jab suunii raaho.n kii dhuul na phaa.nkegaa
ma.asuum la.Dakpan jab gandii galiyo.n me.n bhiik na maa.ngegaa
haq maa.ngne vaalo.n ko jis din suulii na dikhaa.ii jaa.egii
vo sub.h kabhii to aa.egii
faaqo.n kii chitaa.o.n par jis din insaa.n na jalaa.e jaa.e.nge
siino.n ke dahakte dozaKH me.n armaa.n na jalaa.e jaa.e.nge
ye narak se bhii gandii duniyaa jab sovarg banaa.ii jaa.egii
vo sub.h kabhii to aa.egii
2
vo sub.h hamii.n se aa.egii
jab dhartii karvaT badlegii jab qaid se qaidii chhuuTe.nge
jab paap gharau.nde phuuTe.nge jab zulm ke bandhan TuuTe.nge
us sub.h ko ham hii laa.e.nge vo sub.h hamii.n se aa.egii
vo sub.h hamii.n se aa.egii
manhuus samaajii Dhaa.ncho.n me.n jab zulm na paale jaa.e.nge
jab haath na kaaTe jaa.e.nge jab sar na uchhaale jaa.e.nge
jailo.n ke binaa jab duniyaa kii sarkaar chalaa.ii jaa.egii
vo sub.h hamii.n se aa.egii
sansaar ke saare mehnat-kash kheto.n se milo.n se nikle.nge
be-ghar be-dar be-bas insaa.n taariik bilo.n se nikle.nge
duniyaa amn aur KHush-haalii ke phuulo.n se sajaa.ii jaa.egii
vo sub.h hamii.n se aa.egii

Sahir Ludhianvi
Nazm

tarana

ab TuuT gire.ngii zanjiire.n ab zindaano.n kii KHair nahii.n
jo dariyaa jhuum ke uTThe hai.n tinko.n se na Taale jaa.e.nge

Faiz Ahmad Faiz
Nazm

umid

vo sub.h kabhii to aa.egii
un kaalii sadiyo.n ke sar se jab raat kaa aa.nchal Dhalkegaa
jab dukh ke baadal pighle.nge jab sukh saagar chhalkegaa
jab ambar jhuum ke naachegaa jab dhartii naGme gaa.egii
vo sub.h kabhii to aa.egii
jis sub.h kii KHaatir jug jug se ham sab marmar ke jiite hai.n
jis sub.h ke amrit kii dhun me.n ham zahr ke pyaale piite hai.n
in bhuukii pyaasii ruuho.n par ik din to karam farmaa.egii
vo sub.h kabhii to aa.egii
maanaa ki abhii tere mere armaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuTe sikko.n me.n na tolii jaa.egii
vo sub.h kabhii to aa.egii
daulat ke liye jab aurat kii ismat ko na bechaa jaa.egaa
chaahat ko na kuchlaa jaa.egaa Gairat ko na bechaa jaa.egaa
apne kaale kartuuto.n par jab ye duniyaa sharmaa.egii
vo sub.h kabhii to aa.egii
biite.nge kabhii to din aaKHir ye bhuuk ke aur bekaarii ke
TuuTe.nge kabhii to but aaKHir daulat kii ijaara-daarii ke
jab ek anokhii duniyaa kii buniyaad uThaa.e jaa.egii
vo sub.h kabhii to aa.egii
majbuur bu.Dhaapaa jab suunii raaho.n kii dhuul na phaa.nkegaa
ma.asuum la.Dakpan jab gandii galiyo.n me.n bhiik na maa.ngegaa
haq maa.ngne vaalo.n ko jis din suulii na dikhaa.ii jaa.egii
vo sub.h kabhii to aa.egii
faaqo.n kii chitaa.o.n par jis din insaa.n na jalaa.e jaa.e.nge
siine ke dahakte dozaKH me.n armaa.n na jalaa.e jaa.e.nge
ye narak se bhii gandii duniyaa jab sovarg bataa.ii jaa.egii
vo sub.h kabhii to aa.egii

Sahir Ludhianvi
Nazm

sone walo jago

jaago sone vaalo jaago
vaqt ke khone vaalo jaago
baaG me.n chi.Diyaa.n bol rahii hai.n
kaliyaa.n aa.nhke.n khol rahii hai.n
phuul KHushii se jhuum rahe hai.n
patto.n kaa mu.nh chuum rahe hai.n
jaag uThe dariyaa aur nahre.n
jaag uThii.n mauje.n aur lahre.n
naav chalaane vaale jaage
paar lagaane vaale jaage
saarii duniyaa jaag rahii hai
kaam kii jaanib bhaag rahii hai
likhne pa.Dhne vaalo jaago
phuulne ba.Dhne vaalo jaago
mu.nh dho-dhaa kar naashta khaa.o
basta le kar madrase jaa.o
sub.h kaa sonaa KHuub nahii.n hai
achchhaa ye usluub nahii.n hai
jaago sone vaalo jaago
vaqt ke khone vaalo jaago

Hafeez Jalandhari
Nazm

nashat-e-umid

ai mirii ummiid merii jaa.n-navaaz
ai mirii dil-soz merii kaarsaaz
merii sipar aur mire dil kii panaah
dard-o-musiibat me.n mirii takiya-gaah
aish me.n aur ranj mai.n merii shafiiq
koh me.n aur dasht me.n merii rafiiq
kaaTne vaalii Gam-e-ayyaam kii
thaamne vaalii dil-e-naakaam kii
dil pa pa.Daa aan ke jab ko.ii dukh
tere dilaase se milaa ham ko sukh
tuu ne na chho.Daa kabhii Gurbat me.n saath
tuu ne uThaayaa na kabhii sar se haath
jii ko ho kabhii agar usrat kaa ra.nj
khol diye tuu nai qanaa.at ke ganj
tujh se hai mohtaaj kaa dil be-hiraas
tujh se hai biimaar ko jiine kii aas
KHaatir-e-ranjuur kaa darmaa.n hai tuu
aashiq-e-mahjuur kaa iimaa.n hai tuu
nuuh kii kashtii kaa sahaaraa thii tuu
chaah me.n yuusuf kii dil-aaraa thii tuu
raam ke ham-raah cha.Dhii ran me.n tuu
paa.nDav ke bhii saath phirii ban me.n tuu
tuu ne sadaa qais kaa bahlaayaa dil
thaam liyaa jab kabhii ghabraayaa dil
ho gayaa farhaad kaa qissa tamaam
par tire fiqro.n pe rahaa KHush mudaam
tuu ne hii raa.njhe kii ye ba.ndhvaaii aas
hiir thii furqat me.n bhii goyaa ki paas
hotii hai tuu pusht pe himmat kii jab
mushkile.n aasaa.n nazar aatii hai.n sab
haath me.n jab aa ke liyaa tuu ne haat
saat samundar se guzarnaa hai baat
saath milaa jis ko tiraa do qadam
kahtaa hai vo ye hai arab aur ajam
gho.De kii lii apne jahaa.n tuu ne baag
saamne hai tere gayaa aur praag
azm ko jab detii hai tuu mel jast
gumbad-e-garduu.n nazar aataa hai past
tuu ne diyaa aa ke ubhaaraa jahaa.n
samjhe ki muTThii me.n hai saaraa jahaa.n
zarre ko KHurshiid me.n de khapaa
bande ko allaah se de tuu milaa
dono.n jahaa.n kii hai ba.ndhii tujh se la.D
diin kii tuu asl hai duniyaa kii ja.D
nekiyo.n kii tujh se hai qaa.em asaas
tuu na ho to jaa.e.n na nekii ke paas
diin kii tujh bin kahii.n pursish na ho
tuu na ho to haq kii parastish na ho
KHushk thaa bin tere daraKHt-e-amal
tuu ne lagaa.e hai.n ye sab phuul phal
dil ko lubhaatii hai kabhii ban ke huur
gaah dikhaatii hai sharaab-e-tahuur
naam hai sidra kabhii tuubaa tiraa
roz niraalaa hai tamaashaa tiraa
kausar o tasniim hai yaa salsabiil
jalve hai.n sab tere ye be-qaal-o-qiil
ruup hai.n har panth me.n tere alag
hai kahii.n firdaus kahii.n hai sovarg
chhuuT ga.e saare qariib aur ba.iid
ek na chhuuTii to na chhuuTii umiid
tere hii dam se kaTe jo din the saKHt
tere hii sadqe se milaa taaj-o-taKHt
KHaakiyo.n kii tujh se hai himmat buland
tuu na ho to kaam ho.n duniyaa ke band
tujh se hii aabaad hai kaun-o-makaa.n
tuu na ho to hai bhii barham jahaa.n
ko.ii pa.Dtaa phirtaa hai bahr-e-ma.aash
hai ko.ii iksiir ko kartaa talaash
ik tamannaa me.n hai aulaad kii
ek ko dil-daar kii hai lau lagii
ek ko hai dhan jo kuchh haath aa.e
dhuum se aulaad kii shaadii rachaa.e
ek ko kuchh aaj agar mil gayaa
kal kii hai ye fikr ki khaa.e.nge kyaa
qaum kii bahbuud kaa bhuukaa hai ek
jin me.n ho un ke liye anjaam-e-nek
ek ko hai tishnagii-e-qurb-e-haq
jis ne kiyaa dil se jigar tak hai shaq
jo hai Garaz us kii na.ii justujuu
laakh agar dil hai.n to laakh aarzuu
tujh se hai.n dil sab ke magar baaG baaG
gul ko.ii hone nahii.n paataa charaaG
sab ye samajhte hai.n ki paa.ii muraad
kahtii hai jab tuu ki ab aa.ii muraad
va.ada tiraa raast ho yaa ho daroG
tuu ne diye hai.n use kyaa kyaa faroG
va.ade vafaa kartii hai go chand tuu
rakhtii hai har ek ko KHursand tuu
bhaatii hai sab ko tirii lait-o-la.al
tuu ne kahaa.n siikhii hai ye aaj kal
talKH ko tuu chaahe to shiirii.n kare
bazm-e-azaa ko tarab-aagii.n kare
aane na de ranj ko muflis ke paas
rakhe Ganii us ko rahe jis ke paas
yaas kaa paatii hai jo tuu kuchh lagaav
saik.Do.n kartii hai utaar aur cha.Dhaa.o
aane nahii.n detii dilo.n par hiraas
TuuTne detii nahii.n taalib kii aas
jin ko mayassar na ho kamlii phaTii
KHush hai.n tavaqqo.a pe vo zar-baft kii
chaTnii se roTii kaa hai jin kii banaav
baiThe pakaate hai.n KHayaalii polaav
paa.nv me.n juutii nahii.n par hai ye zauq
gho.Daa jo sabza ho to niilaa ho tauq
faiz ke khole hai.n jahaa.n tuu ne baab
dekhte hai.n jho.npa.De mahlo.n ke KHvaab
tere karishme hai.n Gazab dil-fareb
dil me.n nahii.n chho.Dte sabr-o-shakeb
tujh se muhavvis ne jo shuuraa liyaa
phuu.nk diyaa kaan me.n kyaa jaane kyaa
dil se bhulaayaa zan o farzand ko
lag gayaa ghun naKHl-e-baroma.nd ko
khaane se piine se hu.aa sard jii
aisii kuchh iksiir kii hai lau lagii
diin kii hai fikr na duniyaa se kaam
dhun hai yahii raat din aur sub.h shaam
dho.nknii hai baiTh ke jab dho.nknaa
shah ko samajhtaa hai ik adnaa gadaa
paise ko jab taav pe detaa hai taav
puuchhtaa yaaro.n se hai sone kaa bhaav
kahtaa hai jab ha.nste hai.n sab dekh kar
rah ga.ii ik aa.nch kii baaqii kasar
hai isii dhu.nd me.n vo aasuuda-haal
tuu ne diyaa aql pe parda saa Daal
tol kar gar dekhiye us kii KHushii
ko.ii KHushii is ko na pahu.nche kabhii
phirte hai.n mohtaaj ka.ii tiira-baKHt
jan ke pairo.n me.n thaa kabhii taaj-o-taKHt
aaj jo bartan hai.n to kal ghar karo
maltii hai mushkil se inhe.n naan-e-jau
taire sivaa KHaak nahii.n in ke paas
saarii KHudaa.ii me.n hai le de ke aas
phuule samaate nahii.n is aas par
saahib-e-aalam unhe.n kahiye agar
khaate hai.n is aas pa qasme.n ajiib
jhuuTe ko ho taKHt na yaa-rab nasiib
hotaa hai naumiidiyo.n kaa jab hujuum
aatii hai hasrat kii ghaTaa jhuum jhuum
lagtii hai himmat kii kamar TuuTne
hausla kaa lagtaa hai jii chhuuTne
hotii hai be-sabrii o taaqat me.n ja.ng
arsa-e-aalam nazar aataa hai ta.ng
jii me.n ye aataa hai ki sam khaa.iye
phaa.D ke yaa kap.De nikal jaa.iye
baiThne lagtaa hai dil aave kii tarah
yaas Daraatii hai chhalaave kii tarah
hotaa hai shikva kabhii taqdiir kaa
u.Dtaa hai KHaaka kabhii tadbiir kaa
Thantii hai garduu.n se la.Daa.ii kabhii
hotii hai qismat kii ha.nsaa.ii kabhii
jaataa hai qaabuu se aaKHir dil nikal
kartii hai in mushkilo.n ko tuu hii hal
kaan me.n pahu.nchii tirii aahaT jo hai.n
raKHt-e-safar yaas nai baa.ndhaa vahii.n
saath ga.ii yaas ke pazhmurdagii
ho ga.ii kaafuur sab afsurdagii
tujh me.n chhupaa raahat-e-jaa.n kaa hai bhed
chho.Diyo 'haalii' kaa na saath ai umiid

Altaf Hussain Hali
Nazm

pyara hindostan

phuulo.n ke mukh.De chuum rahe hai.n
kaale bha.nvre ghuum rahe hai.n
amn ke baadal jhuum rahe hai.n

Nazeer Banarasi
Nazm

KHatun-e-mashriq

aaKHir is andaaz par rahmat ko pyaar aa hii gayaa
mai-kade par jhuum kar abr-e-bahaar aa hii gayaa

Josh Malihabadi
Nazm

inqalab

chho.D de mutrib bas ab lillaah piichhaa chho.D de
kaam kaa ye vaqt hai kuchh kaam karne de mujhe
terii taano.n me.n hai zaalim kis qayaamat kaa asar
bijliyaa.n sii gir rahii hai.n KHirman-e-idraak par
ye KHayaal aataa hai rah rah kar dil-e-betaab me.n
bah na jaa.uu.n phir tire naGmaat ke sailaab me.n
chho.D kar aayaa huu.n kis mushkil se mai.n jaam-o-subuu!
aah kis dil se kiyaa hai mai.n ne KHuun-e-aarzuu
phir shabistaan-e-tarab kii raah dikhlaataa hai tuu
mujh ko karnaa chaahtaa hai phir KHaraab-e-ra.ng-o-buu
mai.n ne maanaa vajd me.n duniyaa ko laa saktaa hai tuu
mai.n ne ye maanaa Gam-e-hastii miTaa saktaa hai tuu
mai.n ne ye maanaa Gam-e-hastii miTaa saktaa hai tuu
mai.n ne maanaa terii mausiiqii hai itnii pur-asar
jhuum uThte hai.n farishte tak tire naGmaat par
haa.n ye sach hai zamzame tere machaate hai.n vo dhuum
jhuum jaate hai.n manaazir, raqs karte hai.n nujuum
tere hii naGme se vaabasta nashaat-e-zindagii
tere hii naGme se kaif-o-imbisaat-e-zindagii
terii saut-e-sarmadii baaG-e-tasavvuf kii bahaar
tere hii naGmo.n se be-KHud aabid-e-shab-zinda-daar
bulbule.n naGma-saraa hai.n terii hii taqliid me.n
tere hii naGmo.n se dhuume.n mahfil-e-naahiid me.n
mujh ko tere sehr-e-mausiiqii se kab inkaar hai
mujh ko tere lahn-e-daa.uudii se kab inkaar hai
bazm-e-hastii kaa magar kyaa rang hai ye bhii to dekh
har zabaa.n par ab salaa-e-ja.ng hai ye bhii to dekh
farsh-e-giitii se sakuu.n ab maa.il-e-parvaaz hai
abr ke pardo.n me.n saaz-e-ja.ng kii aavaaz hai
phe.nk de ai dost ab bhii phe.nk de apnaa rubaab
uThne hii vaalaa hai ko.ii dam me.n shor-e-inqalaab
aa rahe hai.n ja.ng ke baadal vo ma.nDlaate hu.e
aag daaman me.n chhupaa.e KHuun barsaate hu.e
koh-o-sahraa me.n zamii.n se KHuun ublegaa abhii
ra.ng ke badle gulo.n se KHuun Tapkegaa abhii
ba.Dh rahe hai.n dekh vo mazduur darraate hu.e
ik junuu.n-a.ngez lai me.n jaane kyaa gaate hu.e
sar-kashii kii tund aa.ndhii dam-ba-dam cha.Dhtii hu.ii
har taraf yalGaar kartii har taraf ba.Dhtii hu.ii
bhuuk ke maare hu.e insaa.n kii fariyaado.n ke saath
faaqa-masto.n ke jilau me.n KHaana-barbaado.n ke saath
KHatm ho jaa.egaa ye sarmaaya-daarii kaa nizaam
ra.ng laane ko hai mazduuro.n kaa josh-e-intiqaam
gir pa.De.nge KHauf se aivaan-e-ishrat ke sutuu.n
KHuun ban jaa.egii shiisho.n me.n sharaab-e-laala-guu.n
KHuun kii buu le ke jangal se havaa.e.n aa.e.ngii
KHuu.n hii KHuu.n hogaa nigaahe.n jis taraf bhii jaa.e.ngii
jho.npa.Do.n me.n KHuu.n, mahal me.n KHuu.n, shabistaano.n me.n KHuu.n
dasht me.n KHuu.n, vaadiyo.n me.n KHuu.n, bayaabaano.n me.n KHuu.n
pur-sukuu.n sahraa me.n KHuu.n, betaab dariyaa.o.n me.n KHuu.n
dair me.n KHuu.n, masjid me.n KHuu.n, kaliisaa.o.n me.n KHuu.n
KHuun ke dariyaa nazar aa.e.nge har maidaan me.n
Duub jaa.e.ngii chaTaane.n KHuun ke tuufaan me.n
KHuun kii ra.ngiiniyo.n me.n Duub jaa.egii bahaar
reg-e-sahraa par nazar aa.e.nge laakho.n laala-zaar
KHuun se ra.ngii.n fazaa-e-bostaa.n ho jaa.egii
nargis-e-maKHmuur chashm-e-KHuu.n-fishaa.n ho jaa.egii
kohsaaro.n kii taraf se ''surKH-aa.ndhii'' aa.egii
jaa-ba-jaa aabaadiyo.n me.n aag sii lag jaa.egii
to.D kar be.Dii nikal aa.e.nge zindaa.n se asiir
bhuul jaa.e.nge ibaadat KHaanqaaho.n me.n faqiir
hashr-dar-aaGosh ho jaa.egii duniyaa kii fazaa
dau.Dtaa hogaa har ik jaanib farishta maut kaa
surKH ho.nge KHuun ke chhii.nTo.n se baam-o-dar tamaam
Garq ho.nge aatishii.n malbuus me.n manzar tamaam
is tarah legaa zamaana ja.ng kaa KHuunii.n sabaq
aasmaa.n par KHaak hogii, farq par ra.ng-e-shafaq
aur is ra.ng-e-shafaq me.n baa-hazaaraa.n aab-o-taab!
jagmagaa.egaa vatan kii hurriyat kaa aaftaab

Asrarul Haq Majaz
Nazm

mere KHwab

kuchh kisaan kanyaa.e.n
sabz o surKH shiisho.n kii
chuu.Diyaa.n kalaa.ii me.n
aur galaT kii chaa.ndii kii
ha.nsuliyo.n se gardan me.n
niim chaa.nd ke halqe
choliyo.n pe lahngo.n par
zard zard miTTii ke
zard bel-buuTe se
maile maile aa.nchal par
baaliyo.n ke bose hai.n
un ke haath me.n ha.nsie
giit gaane lagte hai.n
jhuum jhuum kar paude
apnaa sar jhukaate hai.n
nau-javaan laThyaare
khet kii mu.nDero.n par
prem giit gaate hai.n
ai mire hasii.n-KHvaabo
tum inhe.n bahaaro.n kii
ko.npalo.n se phuuTe ho
ek kaar-KHaane me.n
chand nau-javaano.n ne
anjuman banaa.ii hai
aur is me.n lenin kii
ik kitaab pa.Dhte hai.n
sun rahii hai.n diivaare.n
ha.ns rahii hai taariikii
nau-javaan baiThe hai.n
aur kitaab pa.Dhte hai.n
ek ek jumle par
chau.nk chau.nk pa.Dte hai.n
ek ek fiqre par
apnaa sar hilaate hai.n
gaah aah bharte hai.n
gaah muskuraate hai.n
mai.n ne un ke siino.n me.n
ai mire hasii.n-KHvaabo
tum ko naachte dekhaa
mai.n ne tum ko dekhaa hai
jab siyaah mehraabe.n
aasmaa.n pe bantii hai.n
jab sukuut kii pariyaa.n
kahkashaa.n pe chaltii hai.n
gesu.o.n kii nik.hat se
jab havaa mahaktii hai.n
jab fazaa chahaktii hai
mere garm ho.nTo.n par
pyaar thartharaate hai.n
aur merii mahbuuba
apne ra.ng-e-aariz se
bijliyaa.n banaatii hai
aur merii nazro.n me.n
ik jahaan miTtaa hai
ik jahaan bantaa hai
ik zamiin haTtii hai
ik zamiin aatii hai

Ali Sardar Jafri
Nazm

iztirab

jahaa.n me.n iztiraab hai
nahii.n nahii.n
jahaa.n hii iztiraab hai
hazaar-haa kavaakib-o-nujuum-haa-e-kahkashaa.n se
atomo.n kii kokh tak
madaar-dar-madaar har vajuud be-qaraar hai
ye mehr-o-maah o mushtarii se har electron tak
ye jhuum jhuum ghuumne me.n jis tarah kaa raqs hai
mujhe samajh me.n aa gayaa
jahaan teraa aks hai
vo aks jo jagah jagah qadam qadam rythm pe hai
jahaan ain sur me.n hai jahaan ain sum pe hai
jahaa.n tarannumo.n kii list me.n se intiKHaab hai
jo tujh hasii.n dimaaG ke hasiin laa-shu.uur me.n banaa ho
aisaa KHvaab hai
jahaan iztiraab hai
mujhe samajh me.n aa gayaa hai ye jahaa.n
KHalaa makaa.n zamaa.n ke chand taar se banaa hu.aa sitaar hai
use kaho kisii tarah sitaar chhe.Dtii rahe
use kaho ki tho.Dii der aur boltii rahe

Sohaib Mugheera Siddiqi
Nazm

un ka jashn-e-sal-girah

sarshaar nigaaho.n me.n hayaa jhuum rahii hai
hai.n raqs me.n aflaak zamii.n ghuum rahii hai
shaa.ir kii vafaa ba.Dh ke qadam chuum rahii hai

Asrarul Haq Majaz
Nazm

barsat ki ek raat

ye barsaat ye mausam-e-shaadmaanii
KHas-o-KHaar par phaT pa.Dii hai javaanii
bha.Daktaa hai rah rah ke soz-e-mohabbat
jhamaa-jham barastaa hai pur-shor paanii

Kaifi Azmi
Nazm

mustaqbil

tere liye me.n kyaa kyaa sadme sahtaa huu.n
sa.ngiino.n ke raaj me.n bhii sach kahtaa huu.n
merii raah me.n maslahato.n ke phuul bhii hai.n
terii KHaatir kaa.nTe chuntaa rahuu.ngaa
tuu aa.egaa usii aas pe jhuum rahaa hai dil
dekh ai mustaqbil
ik ik kar ke saare saathii chho.D ga.e
mujh se mere rahbar bhii mu.nh mo.D ga.e
sochtaa huu.n be-kaar gila hai Gairo.n kaa
apne hii jab pyaar kaa naataa to.D ga.e
tere bhii dushman hai.n mere KHvaabo.n ke qaatil
dekh ai mustaqbil
jahaa.n ke aage sar na jhukaayaa mai.n ne kabhii
siflo.n ko apnaa na banaayaa mai.n ne kabhii
daulat aur ohdo.n ke bal par jo ai.nThe
un logo.n ko mu.nh na lagaayaa mai.n ne kabhii
mai.n ne chor kahaa choro.n ko khul ke sar-e-mahfil
dekh ai mustaqbil
zulf kii baat kiye jaate hai.n
din ko yuu.n raat kiye jaate hai.n
chand aa.nsuu hai.n unhe.n bhii 'jaalib'
nazar haalaat kiye jaate hai.n

Habib Jalib
Nazm

jagir

haa.e ye shaam ye jharne ye shafaq kii laalii
mai.n in aasuuda fazaa.o.n me.n zaraa jhuum na luu.n
vo dabe paa.nv idhar kaun chalii jaatii hai
ba.Dh ke us shoKH ke tarshe hu.e lab chuum na luu.n

Sahir Ludhianvi
Nazm

nazm

basta phe.nk ke lo jii bhaagaa raushan-aaraa baaG kii jaanib
chillaataa chal guDDii chal
pakke jaamun Tapke.nge
aa.ngan kii rassii se maa.n ne kap.De khole
aur tannuur pe laa ke Tiin kii chaadar Daalii
saare din ke sukhaa.e paapa.D
lachchhii ne chaadar me.n lapeTe
bach ga.ii rabbaa kiyaa karaayaa dhul jaanaa thaa
KHairuu ne khet kii suukhii miTTii
jhurriyo.n vaale haath me.n le kar
bhiigii bhiigii aa.nkho.n se phir uupar dekhaa
jhuum ke phir uTThe hai.n baadal
TuuT ke phir me.nh barsegaa

Gulzar
Nazm

bharosa

ek pati.ngaa
tanhaa tanhaa!
shaam Dhale is fikr me.n thaa
ye tanhaa.ii kaise kaTegii?
raat hu.ii
aur sham.a jalii
maGmuum pati.ngaa jhuum uThaa
ha.nste ha.nste raat kaTegii
sub.h hu.ii
aur sab ne dekhaa
raakh pati.nge kii u.D u.D kar
sham.a ko har suu Dhuu.nD rahii thii

Qateel Shifai
Nazm

sham

mast ghaTaa ma.nDlaa.ii hu.ii hai
baaG pe mastii chhaa.ii hu.ii hai
jhuum rahii hai.n aam kii shaaKHe.n
nii.nd sii jaise aa.ii hu.ii hai
boltaa hai rah rah ke papiihaa
barq sii ik lahraa.ii hu.ii hai
lahke hu.e hai.n phuul shafaq ke
aatish-e-tar chhalkaaii hu.ii hai
sher mire ban ban ke huvaidaa
qaus kii har a.ng.Daa.ii hu.ii hai
re.ngte hai.n KHaamosh taraane
mauj-e-havaa bal khaa.ii hu.ii hai
raunaq-e-aalam sar hai jhukaa.e
jaise dulhan sharmaa.ii hu.ii hai
ghaas pe gum-sum baiThaa hai 'kaifii'
yaad kisii kii aa.ii hu.ii hai

Kaifi Azmi
Nazm

sham ka pahla tara (2)

un dino.n jab mai.n havaa.o.n kii tarah u.Dtii thii
aur Daalii kii tarah jhuum ke lahraatii thii
raat aur din ke lipaTne kii gha.Dii aate hii
sirf us taare kii KHaatir mai.n Thahar jaatii thii
vo mujhe dekhtaa thaa
mai.n bhii use dekhtii thii
vo mujhe Dhuu.nDhtaa thaa
mai.n bhii use Dhuu.nDhtii thii
aur us iid-e-mulaaqaat ke ba.ad
roz ham dono.n bichha.D jaate the

Zehra Nigaah
Nazm

tin sharabi

itne me.n ik qaamat-e-ra.anaa
qadam qadam par phuul khilaataa
ho.nTo.n se ma.asuum tabassum
aa.nkho.n se bijlii barsaataa
mai-KHaane me.n jhuum ke aayaa
naaz o adaa ke daam bichhaataa
aish o tarab kii mahbuubaaye.n
nashsha-e-mai kii doshiizaa.e.n
rah ga.ii.n apnii aa.nkhe.n mal kar
aa.ii qayaamat chaal me.n Dhal kar
sikko.n kii jhankaar pe gaatii
sone kii talvaar nachaatii
apne lahuu me.n aap nahaatii

Ali Sardar Jafri
Nazm

guDDe miyan ki shadi

guDDe miyaa.n kii shaadii
har ik samt guu.nje hu.e qahqahe
ha.nsii dil-lagii zamzame chahchahe
zamii.n muskuraa aasmaa.n KHuub jhuum
ki baaqii nagar me.n hai shaadii kii dhuum
yahaa.n mehmaa.n aur vahaa.n mehmaa.n
jidhar dekhiye aur jahaa.n mehmaa.n
Garaz mehmaa.n aa.e hai.n be-shumaar
ki muddat se is din kaa thaa intizaar

Akhgar Mushtaq Raheem Aabadi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now