Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "khiraamaa.n"

Nazm MATCHES FOR "khiraamaa.n"

Nazm

guman ka mumkin- jo tu hai main hun

ye jhiil vo hai ki jis ke uupar
hazaaro.n insaa.n
ufuq ke mutavaazii chal rahe hai.n
ufuq ke mutavaazii chalne vaalo.n ko paar laatii hai.n
vaqt lahre.n
jinhe.n tamannaa, magar, samaavii KHiraam kii ho
inhii ko paataal zamzamo.n kii sadaa sunaatii hai.n
vaqt lahre.n
unhe.n Dubotii hai.n vaqt lahre.n!
tamaam mallaah us sadaa se sadaa hiraasaa.n, sadaa gurezaa.n
ki jhiil me.n ik umuud kaa chor chhup ke baiThaa hai
us ke gesuu ufuq kii chhat se laTak rahe hai.n
pukaartaa hai: ''ab aa.o, aa.o!
azal se mai.n muntazir tumhaaraa
mai.n gumbado.n ke tamaam raazo.n ko jaantaa huu.n
daraKHt miinaar burj ziine mire hii saathii
mire hii mutavaazii chal rahe hai.n
mai.n har havaa.ii-jahaaz kaa aaKHirii baseraa
samundaro.n par jahaaz-raano.n kaa mai.n kinaaraa
ab aa.o, aa.o!
tumhaare jaise ka.ii fasaano.n ko mai.n ne un ke
abad ke aaGosh me.n utaaraa''
tamaam mallaah is kii aavaaz se gurezaa.n
ufuq kii shaah-raah-e-mubtazil par tamaam sahme hu.e KHiraamaa.n
magar samaavii KHiraam vaale
jo past o baalaa ke aastaa.n par jame hu.e hai.n
umuud ke is tanaab hii se utar rahe hai.n
isii ko thaame hu.e bulandii pe cha.Dh rahe hai.n!

Noon Meem Rashid
Nazm

numaish-e-aligarh

shafaq naza.a me.n le rahii thii sambhaalaa
a.ndhere kaa Gam khaa rahaa thaa ujaalaa
sitaaro.n ke ruKH se naqaab uTh rahii thii
fazaa.o.n se mauj-e-shabaab uTh rahii thii
mai-e-zindagii jaam-e-mai-nosh me.n thii
vo kaif-e-masarrat, vo lamhaat-e-ra.ngii.n
vo ehsaas-e-mastii vo jazbaat-e-ra.ngii.n
vo pur-kaif aalam vo dilkash nazaare
vo jalvo.n ke bahte hu.e KHushk dhaare
vo namkiin aaGaaz-e-shab allaah allaah
numaa.ish kii vo taab-o-tab allaah allaah
vo baab-e-muzammil pe jashn-e-charaaGaa.n
falak par ho.n jaise sitaare daraKHshaa.n
fazaa.o.n me.n guu.nje hu.e vo taraane
vo jaa.n-baKHsh naGme vo pur-lutf gaane
vo har samt husn-o-lataafat kii jaane.n
vo aaraasta saaf suthrii dukaane.n
kahii.n par hai nazzaara kaariigarii kaa
kahii.n garm hotel hai peshaavarii kaa
ba-qadr-e-sukuu.n vo dilo.n kaa bahalnaa
amiiro.n Gariibo.n kaa yakjaa Tahalnaa
numaayaa.n numaayaa.n vo yaaraan-e-college
vo ishrat-ba-daamaa.n javaanaan-e-college
ko.ii tez-dastii o chustii pe naazaa.n
ko.ii sehhat o tandurustii pe naazaa.n
ko.ii husn kii jalva-rezii pe maa.il
ko.ii shoKH nazro.n kii tezii pe maa.il
idhar chashm-e-hairaa.n kii nazzaara-saazii
udhar husn vaalo kii jalva-taraazii
KHiraamaa.n KHiraamaa.n vo ham-joliyo.n me.n
nikaltii hu.ii muKHtalif Toliyo.n me.n
naqaabo.n me.n vo be-naqaabii kaa aalam
jo laataa hai dil par KHaraabii kaa aalam
kisii kaa vo chehre se aa.nchal uThaanaa
kisii kaa kisii se nigaahe.n churaanaa
kabhii yak-ba-yak chalte chalte Thaharnaa
nigaaho.n se jalvo.n kii islaah karnaa
kabhii ik tavajjoh dukaano.n kii jaanib
kabhii ik nazar naujavaano.n kii jaanib
tamaashaa Garaz kaamyaab aa rahaa thaa
numaa.ish pe goyaa shabaab aa rahaa thaa
idhar ham bhii bazm-e-taKHayyul sajaa kar
kha.De ho ga.e ek dukkaa.n pe aa kar
nazar mil ga.ii daf.atan ik nazar se
dha.Dakne lagaa dil mohabbat ke Dar se
idhar to nazar se jabii.n-saa.iyaa.n thii.n
udhar se bhii kuchh himmat-afzaa.iyaa.n thii.n
KHalish dil kii dono.n ko ta.Dpaa ga.ii thii
mohabbat kii manzil qariib aa ga.ii thii
KHayaalaat me.n is taraf ik talaatum
labo.n par udhar halkaa halkaa tabassum
nigaaho.n se ahd-e-vafaa ho rahaa thaa
ishaaro.n se matlab adaa ho rahaa thaa
idhar ishq ke baam-o-dar saj rahe the
gha.Dii me.n jo dekhaa to nau baj rahe the
yakaayak javaa.n kuchh mire paas aa.e
jo the aastiino.n pe bille lagaa.e
kahaa itnii takliif farmaa.iyegaa
numaa.ish se tashriif le jaa.iyegaa
Garaz chal diye ghar ko majbuur ho kar
mohabbat ke jalvo.n se ma.amuur ho kar
hu.i jaarii rahii thii ajab haalat-e-dil
ko.ii chhiin le jaise pa.Dhte me.n novel
ham is tarah baab-e-muzammil se nikle
lahuu jaise TuuTe hu.e dil se nikle
bahar-e-haal ab bhii vahii hai numaa.ish
naved-e-tarab de rahii hai numaa.ish
vahii jashn hai aur vahii zindagii hai
magar jaise har shai me.n ko.ii kamii hai
are o nigaaho.n pe chhaa jaane vaalii
mire dil ko rah rah ke yaad aane vaalii
tirii tarah jalva-numaa hai numaa.ish
tire husn kaa aa.inaa hai numaa.ish
numaa.ish me.n terii lataafat hai pinhaa.n
numaa.ish me.n terii nazaakat hai pinhaa.n
nigaaho.n ko naahaq tirii justujuu hai
yaqiinan numaa.ish ke parde me.n tuu hai

Shakeel Badayuni
Nazm

sawan ke mahine

firdaus banaa.e hu.e saavan ke mahiine
ik gul-ruKH o nasrii.n-badan o sarv-e-sahii ne
maathe pe idhar kaakul-e-zholiida kii lahre.n
garduu.n pe udhar abr-e-KHiraamaa.n ke safiine
me.nh jitnaa barastaa thaa sar-e-daaman-e-kohsaar
itne hii zamii.n apnii ugaltii thii dafiine
allaah-re ye farmaan ki is mast havaa me.n
ham mu.nh se na bole.nge agar pii na kisii ne
vo muunis-o-Gam-KHvaar thaa jis ke liye barso.n
maa.ngii thii.n du.aa.e.n mire aaGosh-e-tahii ne
gul-rez the saahil ke lachakte hu.e paude
gul-ra.ng the taalaab ke tarshe hu.e ziine
baarish thii lagaataar to yuu.n gard thii mafquud
jis tarah mai-e-naab se dhul jaate hai.n siine
dam bhar ko bhii thamtii thii.n agar sard havaa.e.n
aate the javaanii ko pasiine pe pasiine
bhar dii thii chaTaano.n me.n bhii Guncho.n kii sii narmii
ik fitna-e-kaunain kii naazuk-badanii ne
getii se ubalte the tamannaa ke saliiqe
garduu.n se baraste the mohabbat ke qariine
kyaa dil kii tamannaa.o.n ko marbuut kiyaa thaa
sabze pe chamaktii hu.ii saavan kii jha.Dii ne
badlii thii falak par ki junuu.n-KHez javaanii
buu.nde.n thii.n zamii.n par ki a.nguuThii ke nagiine
shaaKHo.n pe parinde the jhaTakte hu.e shahpar
nahro.n me.n bate.n apne ubhaare hu.e siine
is fasl me.n is darja rahaa be-KHud o sarshaar
maiKHaane se baahar mujhe dekhaa na kisii ne
kyaa lamha-e-faanii thaa ki mu.D kar bhii na dekhaa
dii kitnii hii aavaaz hayaat-e-abadii ne

Josh Malihabadi
Nazm

pandrah-august

ai laila-e-jamhuuriyat
ai dilbar-e-hindostaa.n
tujh se faroG-e-sham.a-e-shab
mahfil me.n lau kii ibtidaa
ahl-e-vafaa ke des me.n
taariiKH-e-nau kii ibtidaa
zulmat-bad-aamaa.n KHaak par
suuraj kii zau kii ibtidaa
har lab pe terii daastaa.n
zulfe.n tirii ambar-fashaa.n
ai dilbar-e-hindostaa.n
tuu apne dast-e-naaz me.n
ik KHushnumaa parcham liye
apne jilau me.n nau-ba-nau
KHushiyo.n kaa ik aalam liye
manzil ke raahii ke liye
ik rau liye ik rum liye
ha.nstii hu.ii gaatii hu.ii
aavaaz sii detii hu.ii
sa.ngiit kii har taan me.n
dars-e-amal detii hu.ii
ban kar uma.ngo.n kaa nishaa.n
aa.ii hamaare darmiyaa.n
ai dilbar-e-hindostaa.n
ab jagmagaatii raah hai
aur rahravo.n ke qaafile
ab tez hai.n sab ke qadam
ab miT rahe hai.n faasle
ab zindagii hai vajd me.n
ab jaagte hai.n valvale
thak kar ko.ii sotaa nahii.n
ab pe.D ke saa.e tale
naGmaat-e-aazaadii kii dhun
kitnii junuu.n-a.ngez hai
ab nashsha-e-mai hai sivaa
ab saaz kii lai tez hai
ab ruuh ko haasil yahaa.n
sad ishrat-e-parvez hai
masruur hai.n piir-o-javaa.n
ai dilbar-e-hindostaa.n
terii had-e-shaadaab me.n
ga.ng-o-jaman aabaad hai.n
kohsaar ke hai.n silsile
dasht-o-daman aabaad hai.n
ahl-e-yaqii.n aabaad hai.n
arbaab-e-fan aabaad hai.n
mahtaab aur taare liye
niile gagan aabaad hai.n
jannat-nishaa.n kashmiir ke
ra.ngii.n chaman aabaad hai.n
jo hai.n hamaarii aabruu
hai.n jamn ke ham sab paasbaa.n
ai dilbar-e-hindostaa.n
aa ham tire aa.nchal tale
parcham tiraa uu.nchaa kare.n
terii hifaazat ke liye
saif o qalam yakjaa kare.n
tujh ko banaa.e.n kaamraa.n
ai dilbar-e-hindostaa.n
mafhuum-e-aazaadii hai kyaa
nuur-e-sahar kii justujuu
kyaa hai mataa-e-hurriyat
insaa.n ke dil kii aarzuu
sad-aafrii.n bar-daur-e-mai
aazaad hai.n jaam-o-subuu
aazaad hai paa.el kii dhun
aazaad hai zulfo.n kii buu
aazaad hai soz-e-jigar
aazaad hai dil kaa lahuu
aazaad hai zauq-e-safar
aazaad hai jiine kii KHuu
jaa.e na kyuu.n dil kii lagan
mahfil-ba-mahfil kuu-ba-kuu
sad marhabaa puurii hu.ii
vo hasrat-e-kaif-e-numuu
jis ke sabab barbaad thaa
sadiyo.n se apnaa kaarvaa.n
ai dilbar-e-hindostaa.n
tuu zulmato.n ke sail me.n
sham-e-farozaa.n ban ga.ii
shab-taab ufuq par hind ke
nuur-e-daraKHshaa.n ban ga.ii
vaadii-e-nik.hat-bez me.n
juu-e-KHiraamaa.n ban ga.ii
KHushbuu se jis kii chaar suu
vo zulf-e-jaanaa.n ban ga.ii
dil kaa sukuu.n aaraam-e-jaa.n
ai dilbar-e-hindostaa.n

Owais Ahmad Dauran
Nazm

husn-e-bimar

le rahaa hai karvaTe.n aariz me.n yuu.n ra.ng-e-shabaab
jis tarah mauj-e-KHiraamaa.n par ziyaa-e-maahtaab

Josh Malihabadi
Nazm

kya karun

phir dil me.n dard silsila-e-jumbaa hai kyaa karuu.n
phir ashk garm-e-daavat-e-mizhgaa.n hai kyaa karuu.n
phir chaak chaak siina hai aavaaz duu.n kise
phir taar taar jaib-o-garebaa.n hai kyaa karuu.n
phir ittisaal-e-gardan-o-KHanjar hai kyaa kahuu.n
phir iKHtilaat-e-zaKHm-o-namak-daa.n hai kyaa karuu.n
phir ik girah hariif-e-nafas hai kise bataa.uu.n
phir ik khaTak rafiiqe-e-rag-e-jaa.n hai kyaa karuu.n
siine me.n ek dashna saa letaa hai karvaTe.n
rag rag me.n ek aag sii Galtaa.n hai kyaa karuu.n
jis chiiz par madaar thaa darmaan-e-ziist kaa
vo shai phir aaj dard kaa unvaa.n hai kyaa karuu.n
phir sar par abr-e-daur-e-junuu.n hai ghiraa hu.aa
phir dil me.n buu-e-zulf pareshaa.n hai kyaa karuu.n
phir ishq-e-naa-subuur kaa partav hai ruuh par
phir dil huzuur-e-aql pashemaa.n hai kyaa karuu.n
biite dino.n kii yaad par afshaa.n hai kyaa karuu.n
raato.n kii nam havaa.o.n me.n taaro.n kii chhaa.nv me.n
biite dino.n kii yaad par-afshaa.n hai kyaa karuu.n
jis chaa.ndnii ko kho.e hu.e muddate.n hu.ii.n
phir zehn ke ufuq se numaayaa.n hai kyaa karuu.n
taqdiir ne kabhii jo nikaalaa thaa ik juluus
phir jaada-e-nafas pe KHiraamaa.n hai kyaa karuu.n
vo Gam ki de chukaa huu.n jise baar-haa shikast
phir dil se 'josh' dast-o-garebaa.n hai kyaa karuu.n

Josh Malihabadi
Nazm

uncha makan

ye hikaayaat mire zehn me.n ik bu-e-KHiraamaa.n ban kar
jab kabhii chaahtii thii.n raqs kiyaa kartii thii.n
aur ab dekhtaa huu.n saika.Do.n aa.nkho.n me.n tirii
ek hii chashm-e-daraKHshaa.n mujhe aatii hai nazar
kyaa isii chashm-e-daraKHshaa.n me.n hai sho.ala sukh kaa?
haath se apne ab is aa.nkh ko mai.n band kiyaa chaahtaa huu.n

Meeraji
Nazm

chhoTi si khiDki

muKHtasar kamre kii
ek chhoTii sii maGmuum khi.Dkii
kabhii dekhtii hai jo baahar kii duniyaa
udaasii bahut ba.Dh jaatii hai us kii
magar saamne ke hare lawn ke phuul
champaa chamelii gulaab aur belaa kii poshaak
pahne hu.e muskuraate hu.e
ra.ng o KHushbuu ke lahje me.n us ko
sunaate hai.n ma.asuum lamho.n kaa qissa
hathelii pe phir inhii ma.asuum lamho.n kii
tahriir kartii hai dilkash ha.nsii
ek chahkaar koyal kii
aur jab mohabbat kii u.nglii nazaakat se thaame
KHiraamaa.n KHiraamaa.n
anokhaa saa ik phuul is lawn par
'miir' ke sher ki pa.nkhu.Dii chunane lagtaa hai
tab vaqt ke qahqaho.n kaa
bahut KHushnumaa silsila
Thahar jaataa hai
is muKHtasar kamre kii
chhoTii sii khi.Dkii me.n

Jafar Sahni
Nazm

karachi

KHiraamaa.n KHiraamaa.n clifton pe aa kar
samundar kii machhlii na ha.nstii na pha.nstii

Abul Fitrat Meer Zaidi
Nazm

Cleopatra

rah guzar me.n yaa KHiraamaa.n sard aag
yaa kisii mutrib kii le ik tishna takmiil raag

Akhtarul Iman
Nazm

gandhi

aaGosh me.n phuulo.n kii thiraktaa hu.aa sho.ala
a.ngaaro.n ke gahvaare me.n so.ii hu.ii shabnam
ik jazba ik ehsaas ik andaaz ik aavaaz
nikhraa hu.aa ik dard tapaayaa hu.aa ik Gam
insaan kii suurat me.n dha.Daktaa hu.aa ik dil
paikar me.n anaasir ke ko.ii diida-e-pur-nam
siine me.n samo.e hu.e ga.ngaa kaa tamavvuj
kaa.ndhe pe himaala kaa uThaa.e hu.e parcham
naira.ngii-e-afkaar kaa simTaa hu.aa dariyaa
betaabii-e-jazbaat kaa Thahraa hu.aa tuufaa.n
faaruuq kaa matvaalaa uKHuvvat kaa pujaarii
'gautam' kaa dilaa-raam ahinsaa kii rag-e-jaa.n
apnii hii KHataa.o.n kaa vo naqqaad javaa.n-fikr
vo apne hii asraar kaa ik sail-e-KHiraamaa.n
maahaul ke siine kaa dahaktaa hu.aa laavaa
taariiKH ke maathe pe sajaa.ii hu.ii afshaa.n

Hurmatul Ikaram
Nazm

ahinsa ki pahli sunahri kiran

KHiraamaa.n KHiraamaa.n chalii aa rahii hai
nigaaho.n pe ik husn se chhaa rahii hai

Asar Lakhnavi
Nazm

hikmat ka but-KHana

sharaab-e-shor se labrez hai duniyaa kaa paimaana
hariif-e-diin-o-daanish hai mazaaq-e-piir-e-mai-KHaana
bashar ibliis ko tazviir-e-nau kaa dars detaa hai
muzayyan hai gunaah-e-guunaaguu.n se har parii-KHaana
uluum-e-nau se raushan bazm hai tahziib-e-haazir kii
yad-e-tajdiid ne Dhaalaa hai dil-aavez but-KHaana
ye maanaa maGribii ta.aliim ne parvaaz baKHshii hai
ye maah-o-KHur bhii ban jaa.e.nge ab qindiil kaa shaana
KHudaa ke chaahne vaale abhii tak bhole-bhaale hai.n
banaa rakhaa hai harz-e-jaa.n sadaa maazii kaa afsaana
gunaah-e-taaza kii taKHliiq se ibliis qaasir hai
dimaaG-e-fitna-juu par hai musallat zo.f-e-piiraana
bahut majbuur be-chaara hai KHud piiraana-saalii se
use ma.aluum kyaa hai ma.asiyat kaa taaza paimaana
KHudaa vaale ta.ajjub hai ki ma.asuum-o-muqaddas hai.n
azaab-e-nau-ba-nau se hai murassaa aa.ina-KHaana
rah-e-tashkiik par raKHsh-e-hunar paiham KHiraamaa.n hai
bahut mushkil hai fitrat kaa abhii tasKHiir farmaanaa
musaavaat-e-nazar kaa muddato.n se shor suntaa huu.n
fazaa duniyaa kii hai lekin abhii tak firqaa-vaaraana
havas kaa dars to yaaro bahut hii KHuub hai lekin
abhii qur.aan kii tafhiim se aajiz hai farzaana
buto.n kaa to.Dnaa thaa kaar-e-aasaa.n ahd-e-maazii me.n
vale mushkil hai Dhaanaa aaj kii hikmat kaa but-KHaana
quluub-e-asr-e-haazir me.n abhii iimaan Dhal jaa.e
faqiiro.n kaa nahii.n dekhaa hai ejaaz-e-kaliimaana
tafaaKHur ke mariizo.n ke liye iksiir hotii hai
saraasar banda-e-'bebaak' kii tarz-e-faqiiraana

Bebak Bhojpuri
Nazm

barf

pariyaa.n
halke siimii.n un ke par
raftaar KHiraamaa.n
utre.n
dhiire
dhiire
jaise par ho.n
dosh-e-havaa par
utre.n
pariyaa.n
mil kar
raqsaa.n raqs kii lai maddham sii
aahaT raushan shabnam sii
lai halkii sur dhiimaa
dhiimaa

Raj Narayan Raaz
Nazm

basant ki aamad

har lab-e-juu par hai.n yuu.n sarv-e-KHiraamaa.n sai.nka.Do.n
goyaa shiishe me.n utar aa.ii hai.n pariyaa.n sai.nka.Do.n

Mela Ram Wafa
Nazm

dil-e-nadan

gar aasmaa.n ko mahr-e-daraKHshaa.n pe naaz hai
anjum pe naaz hai mah-e-taabaa.n pe naaz hai
gulshan ko apne sumbul-o-raihaa.n pe naaz hai
aur baaGbaa.n ko apne gulistaa.n pe naaz hai
shaaKHo.n ko andaliib ke naGmo.n pe naaz hai
aur andaliib ko gul-e-KHandaa.n pe naaz hai
sabza ko apne gauhar-e-larzaa.n pe naaz hai
sahn-e-chaman ko husn-e-KHiraamaa.n pe naaz hai
shaa.ir ko apne husn-e-liyaaqat pe naaz hai
aashiq ko apne siina-e-biryaa.n pe naaz hai
ashko.n ko garche apnii ravaanii pe naaz hai
aaho.n ko apnii aatish-e-sozaa.n pe naaz hai
mansuur-e-paak-baaz ko daar-o-rasan pe naaz
majnuu.n ko apne chaak-e-garebaa.n pe naaz hai
zauq-e-fanaa pe naaz hai garche patang ko
mahfil ko apnii sham-e-farozaa.n pe naaz hai
isyaa.n ko garche rahmat-e-yazdaa.n pe naaz hai
rahmat ko afv-e-kasrat-e-isyaa.n pe naaz hai
apnii balaa se gar ko.ii naazaa.n KHirad pe ho
ham ko to ai 'purii' dil-e-naadaa.n pe naaz hai

Narayan Das Puri
Nazm

be-rabt

aa.nkh bojhal hu.ii
zard patte havaa me.n bikharne lage
mai.n tirii samt aage ba.Dhaa aur phir
yuu.n lagaa jaise yak-dam a.ndheraa saa chhaane lagaa chaar suu
dekhte dekhte ghup a.ndheraa hu.aa
mai.n tujhe dekhtaa rah gayaa
terii tasviir jab dekhte dekhte
ghup a.ndhere me.n khone lagii to binaa vaqt zaa.e.a kiye
ehtiyaatan tujhe mai.n bhii apne tasavvur kii qirtaas par
ik puraane brush jo ki KHud bhii tasavvur kii me.araaj thaa ko ajab be-qaraarii me.n
ujlat zada haath me.n le ke maahir musavvir kii maanind malne lagaa
phir kuchh aisaa hu.aa
sab badalne lagaa
dekhte dekhte ghup a.ndheraa chhaTaa
aur har suu ujaalaa hu.aa
phir tirii samt nazre.n uThii.n
ek lamha to ma.akuus qirtaas par tere chehre pe Thahrii rahii.n aur phir
terii peshaanii ke Thiik uupar tirii maa.ng siidhii sa.Dak ke mushaabah tire gesu.o.n se guzartii dikhii
aur phir ek muflis Gariib-ul-vatan kii tarah
raushnii se muzayyan sa.Dak par KHiraamaa.n KHiraamaa.n chalaa
aur phir yuu.n hu.aa ki musaafir ghane gesu.o.n me.n kahii.n kho gayaa

Shabbeer Ehram
Nazm

harf-e-arzu

ai mire KHvaabo.n kii manzil ai mirii jaan-e-vafaa
tuu ne mere dil pe jaane sehr saa kyaa kar diyaa
bhuultaa huu.n jis qadar utnaa hii yaad aatii hai tuu
dha.Dkane.n dil kii fuzuu.n kuchh aur kar jaatii hai tuu
tere andaaz-e-takallum par fidaa har saaz hai
chaal me.n abr-e-KHiraamaa.n kaa saa ik andaaz hai
terii saa.nso.n kii mahak se dil pe chhaataa hai KHumaar
tuu jo aa jaa.e to viiraane me.n aa jaa.e bahaar
terii aa.nkho.n ke fusuu.n se dil miraa mas.huur hai
tere ho.nTo.n kaa tabassum aab-shaar-e-nuur hai
tuu agar mil jaa.e to aa jaa.e is dil ko qaraar
KHatm ho jaa.e mirii jaa.n-soz shaam-e-intizaar
aaj terii yaad me.n dil be-tarah Gamgii.n hai
tuu na aa.ii to ye sachche pyaar kii tauhiin hai

Parwaz Noorpuri
Nazm

tere eajaz se

tire e.ajaaz se qaa.em mirii duniyaa kii raunaq hai
tirii dil-bastagii se shorishe.n hai.n bazm-e-hastii me.n
tire dam se jahaa.n me.n sarfaraazii mujh ko haasil hai
mai.n tere giit gaataa huu.n jahaan-e-kaif-o-mastii me.n
junuu.n-a.ngez mausam kii qayaamat-KHez raato.n me.n
tabassum-zaa-sitaaro.n kii qataare.n jab bikhartii hai.n
ridaa-e-niil-guu.n par chaa.ndnii jab khet kartii hai
tire aa.nchal kii lahro.n par havaa.e.n raqs kartii hai.n
fazaa me.n aasmaanii nuur kii ik luuT machtii hai
kanaar-e-aabjuu se jab KHiraamaa.n tuu guzartii hai
kabhii jab tuu mujhe mauhuum lafzo.n me.n bulaatii hai
kabhii jab tuu mirii aa.nkho.n me.n aa.nkhe.n Daal detii hai
jab apnii dha.Dkane.n tuu mere dil me.n Dhaal detii hai
bahaane se mirii gardan me.n baa.nhe.n Daal detii hai
bahaare.n vajd me.n aatii hai.n fitrat raqs kartii hai
bahaaro.n me.n mire pahluu se jab tuu duur hotii hai
mujhe aa.nsuu rulaatii hai ziyaa maddham sitaaro.n kii
tafakkur chhiin letaa hai uma.nge.n naujavaanii kii
rulaatii hai dil-e-muztar ko viiraanii bahaaro.n kii

Siddique Kaleem
Nazm

natija chahiye har shai ka

zamaane merii yaado.n se phisal kar saamne aa.e
to mai.n ik dasht-e-imkaa.n se nikal kar muskuraa uTThaa
mire atraaf me.n ra.ngo.n kii baarish thii
havaa.o.n me.n KHushii tahliil ho kar raahat-e-jaa.n thii
KHunuk paanii ke chashme duudh kii nahre.n
mirii KHvaahish pe bahte the
sabhii asmaar mere ik ishaare par mirii jholii me.n aa girte
har ik jaanib hasii.n phuulo.n ke taKHte the
KHiraamaa.n saa.ato.n kii be-karaanii meraa haasil thii

Fayyaz tahseen
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now