Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kulelo"

Nazm MATCHES FOR "kulelo"

Nazm

aata hai yaad mujhko

hogaa bhalaa tumhaaraa sun lo 'zafar' kii baate.n
khelo zaruur lekin pa.Dhne me.n dil lagaanaa

Zafar Kamali
Nazm

zindagi

aa rahaa thaa mai.n ka.ii kuucho.n se Thokar khaa kar
ek aavaaz ne rokaa mujh ko
kisii miinaar se niiche aa kar
allaahu-akbar allaahu-akbar
hu.aa dil ko ye gumaa.n
ki ye pur-josh azaa.n
maut se degii amaa.n
phir to pahu.nchaa mai.n jahaa.n
mai.n ne dohraa.ii kuchh aise ye azaa.n
guu.nj uThaa saaraa jahaa.n
allaahu-akbar allaahu-akbar
isii aavaaz me.n ik aur bhii guu.njaa elaan
kullo-man-alaihaa-faan
ik taraf Dhal gayaa KHurshiid-e-jahaa.n-taab kaa sar
hu.aa faalij kaa asar
phaT ga.ii nas ko.ii shiryaano.n me.n KHuu.n jam saa gayaa
ho gayaa zaKHmii dimaaG
aisaa lagtaa thaa ki bujh jaa.egaa jaltaa hai jo sadiyo.n se charaaG
aaj a.ndheraa mirii nas nas me.n utar jaa.egaa
ye samundar jo ba.Dii der se tuufaanii thaa
aisaa ta.Dpaa ki mire kamre ke andar aayaa
aate aate vo mire vaaste amrit laayaa
aur lahraa ke kahaa
shiv ne ye bhejvaayaa hai lo piyo aur
aaj shiv ilm hai amrit hai amal
ab vo aasaa.n hai jo dushvaar thaa kal
raat jo maut kaa paiGaam liye aa.ii thii
biivii bachcho.n ne mire
us ko khi.Dkii se pare phe.nk diyaa
aur jo vo zahr kaa ik jaam liye aa.ii thii
us ne vo KHud hii piyaa
sub.h utrii jo samundar me.n nahaane ke liye
raat kii laash milii paanii me.n

Kaifi Azmi
Nazm

wo shaKH-e-mahtab kaT chuki hai

bahut dino.n se
vo shaaKH-e-mahtaab kaT chukii hai
ki jis pe tum ne giraft-e-va.ada kii reshmii shaal ke sitaare sajaa diye the
bahut dino.n se
vo gard-e-ehsaas chhaT chukii hai
ki jis ke zarro.n pe tum ne
palko.n kii jhaalro.n ke tamaam niilam luTaa diye the
aur ab to yuu.n hai ki jaise
lab-basta hijrato.n kaa har ek lamha
taviil sadiyo.n ko o.Dh kar saa.ns le rahaa hai
aur ab to yuu.n hai ki jaise tum ne
pahaa.D raato.n ko
merii andhii ujaa.D aa.nkho.n me.n
reza reza basaa diyaa hai
ki jaise mai.n ne
figaar-dil kaa hunar-asaasa
kahii.n chhupaa kar bhulaa diyaa hai
aur ab to yuu.n hai ki
apnii aa.nkho.n pe haath rakh kar
mire badan par saje hu.e aablo.n se bahtaa lahuu na dekho
mujhe kabhii surKH-ruu na dekho
na merii yaado.n ke jalte-bujhte nishaa.n kuredo
na mere maqtal kii KHaak dekho
aur ab to yuu.n hai ki
apnii aa.nkho.n ke KHvaab
apne dariida-daaman ke chaak dekho
ki gard-e-ehsaas chhaT chukii hai
ki shaaKH-e-mahtaab kaT chukii hai

Mohsin Naqvi
Nazm

tumne likkha hai

tum ne likkhaa hai mire KHat mujhe vaapas kar do
Dar ga.ii.n husn-e-dil-aavez kii rusvaa.ii se
mai.n na kahtaa thaa ki tum mujh se mohabbat na karo
yuu.n na khelo mire jazbaat kii ra.anaa.ii se
sab samajhte the hamesha mujhe jaan-e-mahfil
ab miraa haal to puuchho mirii tanhaa.ii se
tum na.ii bazm sajaa logii tumhaaraa kyaa hai
tumhe.n Dhuu.nDe.ngii kahaa.n merii sulagtii raate.n
bhuul hii jaa.ogii do chaar dino.n me.n tum to
do dha.Dakte hu.e be-taab dilo.n kii baate.n
mai.n kahaa.n jaa.uu.ngaa mahruumii-e-dil ko le kar
phuuT kar ro.e.ngii jis vaqt bharii barsaate.n
kaash kuchh pyaar kaa anjaam to sochaa hotaa
chhiin lii merii javaanii se javaanii tum ne
mai.n na kahtaa thaa ki tum mujh se mohabbat na karo
laakh samjhaayaa magar ek na maanii tum ne
tum na maano to bhalaa kaun kahe kaun sune
pyaar puujaa hai parastish hai tijaarat to nahii.n
sone chaa.ndii ke liye ishq ko Thukraa denaa
khel ho saktaa hai me.ayaar-e-mohabbat to nahii.n
tum zar-o-siim kii miizaan me.n tul saktii ho
pyaar biktaa nahii.n chaahat kaa ko.ii mol nahii.n
is se pahle ki mire ishq par ilzaam dharo
dekh lo husn kii fitrat me.n to kuchh jhol nahii.n

Prem Warbartani
Nazm

ek waqt mein ek kaam

hai kaam ke vaqt kaam achchhaa
aur khel ke vaqt khel zebaa
jab kaam kaa vaqt ho karo kaam
bhuule se bhii khel kaa na lo naam
haa.n khel ke vaqt KHuub khelo
kuudo phaa.ndo ki Da.nD pelo
KHush rahne kaa hai yahii tariiqa
har baat kaa siikhiye saliiqa
himmat ko na haariyo KHudaa-raa
mat Dhuu.nDiyo Gair kaa sahaaraa
apnii himmat se kaam karnaa
mushkil ho to chaahiye na Darnaa
jo kuchh ho so apne dam qadam se
kyaa kaam hai Gair ke karam se
mat chho.Diyo kaam ko adhuuraa
be-kaar hai jo hu.aa na puuraa
har vaqt mai.n sirf ek hii kaam
paa saktaa hai behtarii se anjaam
jab kaam me.n kaam aur chhe.Daa
dono.n hii me.n pa.D gayaa bakhe.Daa
jo vaqt guzar gayaa akaarat
afsos! hu.aa KHazaana Gaarat
hai kaam ke vaqt kaam achchhaa
aur khel ke vaqt khel zebaa

Ismail Merathi
Nazm

ye bastiyan viran nahin

nahii.n ye bastiyaa.n viiraa.n nahii.n
ab bhii yahaa.n kuchh log rahte hai.n
ye vo hai.n jo kabhii
zaKHm-e-vafaa baazaar tak aane nahii.n dete
yahaa.n kuchh KHvaab hai.n
jo saa.ns lete hai.n
javaan KHvaabo.n ko tum dekho to Dar jaa.o
falak aasaar baam-o-dar
yahaa.n vaq.at nahii.n rakhte
kulaah-o-zar yahaa.n qiimat nahii.n rakhte
ye kitne log hai.n
be-naam hai.n be-laag hai.n
be-saaKHta jiine ke taalib hai.n
ye dil ke bojh kaa ahvaal
apne harf KHud likhne ke taalib hai.n
ujaale kii saKHii kirno.n ko
zindaa.n se rihaa.ii do

Ada Jafarey
Nazm

bachpan

ammii kahtii.n khel na khelo ghar ke kaam me.n haath baTaa.o
abbuu kahte pa.Dhne baiTho T-V me.n mat vaqt ga.nvaa.o

Asna Badr
Nazm

computer

computer kaa hai ye daur
ab jiine kaa badlaa taur
daftar daftar ghar ghar aaj
dekh lo computer kaa raaj
qadam qadam par sub.h o shaam
computer hii aa.e kaam
us se ham kyuu.n ho.n mahruum
jab computer kii hai dhuum
daur hamaaraa hai kuchh aur
computer siikho fil-faur
chiiz banii hairat-a.ngez
us kii memory hai tez
harf sabhii aur sab a.adaad
computer rakhtaa hai yaad
ilm-o-fan se hai aabaad
achchhaa-KHaasaa hai ustaad
har bhaashaa kar lo tahriir
aur banaa lo har tasviir
us par kar lo head aur tail
phir khelo man-chaahe khel
na.ii chalaa.ii us ne riit
us par bhii bajte hai.n giit
siikh ke computer bachcho
apne KHvaab ko sach kar lo

Faragh Rohvi
Nazm

taaruf

miraa ta.aaruf
are na puuchho
puraane zaKHmo.n ko mat kuredo
miraa ta.aaruf jo tum samajhte ho vo nahii.n hai

Ishrat Afreen
Nazm

suraj ki kirnon ka git

rasiilii lai me.n sunaa rahii hai.n
ki uTho jaag uTho pyaare bachcho
havaa.e.n bhii giit gaa rahii hai.n
ki aa.o ab khelo pyaare bachcho

Akhtar Shirani
Nazm

tum aur main

mujhe gosht kii thaalii samajh kar
chiil kii tarah jhapTaa maarte ho
ise mai.n pyaar samjhuu.n
itnii bholii mai.n nahii.n huu.n
mujh se tumhaaraa moh aisaa hai
jaisaa billii kaa chhiichh.De se
is ko mai.n pyaar samjhuu.n
itnii bholii mai.n nahii.n huu.n
mere badan ko khilaunaa jaan kar
marzii ho to khelo marzii ho to to.D Daalo
ise mai.n pyaar samjhuu.n
itnii bholii mai.n nahii.n huu.n
mai.n tumhaare show-case me.n sajaa.ii gu.Diyaa
kitnii bhii us kii taariif karo
ise mai.n pyaar samjhuu.n
itnii bholii nahii.n huu.n mai.n
rasmo.n kii naa.ika mujhe vaishyaa banaa.e
aur nachaa.e tumhaarii KHvaahisho.n ke chakle me.n
ise mai.n pyaar samjhuu.n
itnii bholii mai.n nahii.n huu.n

Ateeya Daud
Nazm

mera roza hai

duur se jalva dikhaa.o ki miraa roza hai
tum mire paas na aa.o ki miraa roza hai
ghaT sake din to ghaTaa.o ki miraa roza hai
ba.Dh sake raat ba.Dhaa.o ki miraa roza hai
qarz uThaa.o ki churaa.o magar ai ahl-e-haram
biisiyo.n khaane pakaa.o ki miraa roza hai
mere bachcho kahii.n baaGiiche me.n khelo jaa kar
gul-Gapaa.Daa na machaa.o ki miraa roza hai
baa.ndh lo aa.nkho.n pe paTTii mirii begam yaa tum
aise ban-Than ke na aa.o ki miraa roza hai
ko.ii aavaaz bhii kaano.n me.n na aa.e mere
ghar me.n jhaa.Duu na phiraa.o ki miraa roza hai
ghar ke darvaaze pe ye likh diyaa notice mai.n ne
ghar kii ghanTii na bajaa.o ki miraa roza hai
raasta apnaa badal de.n ye havaa me.n apnaa
in jahaazo.n ko bataa.o ki miraa roza hai
TuuT hii jaa.e na roza miraa bas dhachke me.n
zor se bus na chalaa.o ki miraa roza hai
kaam ho saktaa hai daftar kaa kahii.n rozo.n me.n
mez kursii ko haTaa.o ki miraa roza hai
saath chaltaa huu.n mai.n pub me.n mire yaaro lekin
baa'd iftaar pilaa.o ki miraa roza hai
ho.nT pap.Daa.e hai.n utraa hu.aa chehra dekho
aaj tum maan hii jaa.o ki miraa roza hai
tum ibaadat me.n tijaarat kii milaavaT karke
duudh paanii me.n milaa.o ki miraa roza hai
tum na be-rozo.n se 'bulbul' kabhii aise uljho
gaaliyaa.n yuu.nhii na khaa.o ki miraa roza hai

Bulbul Kashmiri
Nazm

talash

na jaane kyuu.n ye lag rahaa hai
jaise kho gayaa hai kuchh
kabhii ye lag rahaa hai
jaise ham ne paa liyaa hai kuchh
vo kyaa hai jo ki kho gayaa
vo kyaa thaa jis ko paa liyaa
ye baat mushtamil hai
ek arsa-e-qaleel par
qalandar ek ruu-numaa
hu.aa thaa ik sabiil par
vo pahle ilm-o-fan kii puurii
pyaas ko jagaataa thaa
savaal puuchhtaa thaa aur
tishnagii bujhaataa thaa
vo kahtaa thaa ki KHvaab dekho
jaagtii in aa.nkho.n se
vo haarne ke qisse ko hii
pa.Dhtaa thaa pa.Dhaataa thaa
vo kahtaa thaa ki jiit ke ye vaaqiye
payaam hii to dete hai.n
magar shikast jaane kitne
raasto.n ke kuchh
alag alag nishaan detii hai

Shifa Kajgavnwi
Nazm

childrens-day

naacho gaa.o jashn manaa.o
khelo kuudo mauj u.Daa.o

Faragh Rohvi
Nazm

azm

ba.Daa ajiib thaa manzar
ajiib raat thii vo
havaa.e.n sahmii hu.ii thii.n charaaG chup chup the
har ek samt vahii be-karaa.n sii KHaamoshii
fazaa udaas
vahii niim-jaa.n sii KHaamoshii
sukuut-e-shab me.n bhii aahaT thii inqilaabo.n kii
sajii thii bazm vahaa.n aasmaa.n-janaabo.n kii
bahut sii baate.n thii.n aur ko.ii baat thii hii nahii.n
phir us ke baa'd ko.ii raat
raat thii hii nahii.n
vo raat jab bhii kabhii yaad aane lagtii hai
to raushnii hame.n rasta dikhaane lagtii hai
us ek shab me.n murattab hu.aa nisaab-e-vafaa
likhii ga.ii thii usii raat me.n kitaab-e-vafaa
us ek raat ko tahriir ko.ii kaise kare
KHayaal-o-fikr ko zanjiir ko.ii kaise kare
lahuu ke KHvaab kii ta.abiir ko.ii kaise kare
safar thaa kaisaa vo kaisii masaafat-e-shab thii
ko.ii bataa.e to
kaisii vo saa.at-e-shab thii
mutaalibaat-e-sharii.at bahut ziyaada the
aur us ke paas faqat ek shab kii mohlat thii
us ek shab me.n use kitne kaam karne the
use sikhaanaa thaa insaa.n ko bandagii kaa shu.uur
tilaavato.n kaa qariina suKHanvarii kaa shu.uur
vo ek raat thii aisii
ki qadr-o-israa ne
nazar jo apnii jamaa.ii to phir haTaa.ii nahii.n
vo regzaar ke siine pe nasb ik KHema
lahuu se sabr kii taariiKH likhne vaalaa thaa
bujhaa bujhaa saa kha.Daa thaa vo paasbaan-e-charaaG
magar daruun me.n is ke bahut ujaalaa thaa
vo jaantaa thaa vafaadaar hai.n sabhii naasir
vo sar kaTaa.e.nge lekin na saath chho.De.nge
charaag-e-KHema bujhaane kaa ye na thaa maqsad
ki us ko yaavar-e-ansaar ko parakhnaa thaa
vo raushnii me.n unhe.n laanaa chaahtaa thaa faqat
samajh rahaa thaa vo qudrat ke har ishaare ko
sadaa.e.n detii rahii us ko daulat-e-duniyaa
kahaa.n vo sabr kahaa.n jabr-o-shaukat-e-duniyaa
magar vo ek sadaa
aasmaa.n se aatii hu.ii
bataa rahii thii
ki kyaa aasmaan chaahtaa hai
KHudaa-e-paak ko.ii imtihaan chaahtaa hai
isii liye ko.ii sahraa kii samt ba.Dhtaa rahaa
lahuu lahuu kisii dariyaa kii samt ba.Dhtaa rahaa
vo raushnii kii alaamat
vo baaniyaan-e-charaaG
samajh rahaa thaa bujhegaa ye KHaandaan-e-charaaG
ajiib log the vo KHaandaan-e-nuur ke log
the sab ke ek se lahje
kalaam yaksaa.n the
KHilaaf-e-zulm sabhii ke payaam yaksaa.n the
bahut hii Gaur se har chehra pa.Dh rahe the husain
ki aane vaalaa har ik lamha pa.Dh rahe the husain
vo ek raat bhii dekho guzar hii jaatii hai
savere ma.arka hotaa hai haqq-o-baatil me.n
ajiib josh hai jazba hai jaa.n-nisaaro.n me.n
vaqaar-e-tishna-labii ko gale lagaa.e hu.e
guzar rahaa hai qabiila lahuu ke dariyaa se
ba-vaqt-e-asr azaa.n guu.njtii hai sahraa me.n
namaaz KHud hii musallaa bichhaane aa.ii hai
sar-e-husain adaa kar rahaa hai sajda-e-shukr
guluu-e-KHushk pe KHanjar kii dhaar chaltii hai
pa.Dhaa thaa jis ne kabhii
kullu man alaihaa faan
lahuu se us ne likhaa
laa-ilaaha il-lallaah

Tariq Qamar
Nazm

sasta bazar

luuDo le lo video le lo
ghar par jaa kar mil kar khelo

Rafi Yusufi Mahram
Nazm

patang uDane se pahle

pata.ng u.Daane se pahle ye jaan lenaa thaa
ki is kii asal hai kyaa aur maahiyat kyaa hai
bahut nahiif sii do baa.ns kii khapanche.n hai.n
aur un se lipTaa murabbe me.n naa-tavaa.n kaaGaz
ye jis ke dam pe havaa me.n kulele.n bhartii hai
zaraa sii zarb se vo Dor TuuT jaatii hai
pata.ng kaT ga.ii to is kaa itnaa Gam kyuu.n hai
pata.ng u.Daane se pahle ye jaan lenaa thaa
ki is kii asal hai kyaa aur maahiyat kyaa hai

Shahram Sarmadi
Nazm

dhuan uTh raha hai

tuu sultaan saahib sariir aamdii
alaa kulle shai.in qaadiir aamdii

Aashufta Changezi
Nazm

kullo-man-alaiha-fan

kitne shaadaab phuulo.n me.n bas ik hamii.n
baad-e-sarsar ke jho.nko.n se murjhaa ga.e
aur ab
jald hii
shaaKH se TuuT kar
saKHt be-rahm miTTii pe gir jaa.e.nge
chand lamho.n me.n yaksar bikhar jaa.e.nge
lekin aisaa nahii.n
saare phuulo.n kaa shaayad yahii hashr hai

Hosh Jaunpuri
Nazm

mr-chewing-gum

in se miliye
ye hai.n mr-chewing-gum
mu.nh me.n apne rakh lo in ko
daa.nto.n se phir kuchlo in ko
chakh lo par na niglo in ko
chakhne se na ho.nge kam
ye hai.n mr-chewing-gum

Mohammad Asadullah
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now