Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "maqaamaat"

Nazm MATCHES FOR "maqaamaat"

Nazm

saqi-nama

hu.aa KHema-zan kaarvaan-e-bahaar
iram ban gayaa daaman-e-koh-saar
gul o nargis o sosan o nastaran
shahiid-e-azal laala-KHuunii.n kafan
jahaa.n chhup gayaa parda-e-ra.ng me.n
lahuu kii hai gardish rag-e-sang me.n
fazaa niilii niilii havaa me.n suruur
Thaharte nahii.n aashiyaa.n me.n tuyuur
vo juu-e-kohistaa.n uchaktii hu.ii
aTaktii lachaktii saraktii hu.ii
uchhaltii phisaltii sambhaltii hu.ii
ba.De pech khaa kar nikaltii hu.ii
ruke jab to sil chiir detii hai ye
pahaa.Do.n ke dil chiir detii hai ye
zaraa dekh ai saaqii-e-laala-faam
sunaatii hai ye zindagii kaa payaam
pilaa de mujhe vo mai-e-parda-soz
ki aatii nahii.n fasl-e-gul roz roz
vo mai jis se raushan zamiir-e-hayaat
vo mai jis se hai masti-e-kaa.enaat
vo mai jis me.n hai soz-o-saaz-e-azal
vo mai jis se khultaa hai raaz-e-azal
uThaa saaqiyaa parda is raaz se
la.Daa de mamuule ko shahbaaz se
zamaane ke andaaz badle ga.e
nayaa raag hai saaz badle ga.e
hu.aa is tarah faash raaz-e-fara.ng
ki hairat me.n hai shiisha-baaz-e-fara.ng
puraanii siyaasat-garii KHvaar hai
zamii.n miir o sultaa.n se be-zaar hai
gayaa daur-e-sarmaaya-daarii gayaa
tamaashaa dikhaa kar madaarii gayaa
giraa.n KHvaab chiinii sambhalne lage
himaala ke chashme ubalne lage
dil-e-tuur-e-siinaa-o-faaraan do-niim
tajallii kaa phir muntazir hai kaliim
musalmaa.n hai tauhiid me.n garam-josh
magar dil abhii tak hai zunnaar-posh
tamaddun tasavvuf sharii.at-e-kalaam
butaan-e-ajam ke pujaarii tamaam
haqiiqat KHuraafaat me.n kho ga.ii
ye ummat rivaayaat me.n kho ga.ii
lubhaataa hai dil ko kalaam-e-KHatiib
magar lazzat-e-shauq se be-nasiib
bayaa.n is kaa mantiq se suljhaa hu.aa
luGat ke bakhe.Do.n me.n uljhaa hu.aa
vo suufii ki thaa KHidmat-e-haq me.n mard
mohabbat me.n yaktaa hamiiyat me.n fard
ajam ke KHayaalaat me.n kho gayaa
ye saalik maqaamaat me.n kho gayaa
bujhii ishq kii aag andher hai
musalmaa.n nahii.n raakh kaa Dher hai
sharaab-e-kuhan phir pilaa saaqiyaa
vahii jaam gardish me.n laa saaqiyaa
mujhe ishq ke par lagaa kar u.Daa
mirii KHaak jugnuu banaa kar u.Daa
KHirad ko Gulaamii se aazaad kar
javaano.n ko piiro.n kaa ustaad kar
harii shaaKH-e-millat tire nam se hai
nafas is badan me.n tire dam se hai
ta.Dapne pha.Dakne kii taufiiq de
dil-e-murtazaa soz-e-siddiiq de
jigar se vahii tiir phir paar kar
tamannaa ko siino.n me.n bedaar kar
tire aasmaano.n ke taaro.n kii KHair
zamiino.n ke shab zinda-daaro.n kii KHair
javaano.n ko soz-e-jigar baKHsh de
miraa ishq merii nazar baKHsh de
mirii naav girdaab se paar kar
ye saabit hai to is ko sayyaar kar
btaa mujh ko asraar-e-marg-o-hayaat
ki terii nigaaho.n me.n hai kaa.enaat
mire diida-e-tar kii be-KHvaabiyaa.n
mire dil kii poshiida betaabiyaa.n
mire naala-e-niim-shab kaa niyaaz
mirii KHalvat o anjuman kaa gudaaz
uma.nge.n mirii aarzuu.e.n mirii
ummiide.n mirii justuju.e.n mirii
mirii fitrat aa.iina-e-rozgaar
Gazaalaan-e-afkaar kaa murG-zaar
miraa dil mirii razm-gaah-e-hayaat
gumaano.n ke lashkar yaqii.n kaa sabaat
yahii kuchh hai saaqii mataa-e-faqiir
isii se faqiirii me.n huu.n mai.n amiir
mire qaafile me.n luTaa de ise
luTaa de Thikaane lagaa de ise
damaa-dam ravaa.n hai yam-e-zindagii
har ik shai se paidaa ram-e-zindagii
isii se hu.ii hai badan kii numuud
ki sho'le me.n poshiida hai mauj-e-duud
giraa.n garche hai sohbat-e-aab-o-gil
KHush aa.ii ise mehnat-e-aab-o-gil
ye saabit bhii hai aur sayyaar bhii
anaasir ke phando.n se be-zaar bhii
ye vahdat hai kasrat me.n har dam asiir
magar har kahii.n be-chugo.n be-naziir
ye aalam ye but-KHaana-e-shash-jihaat
isii ne taraashaa hai ye somnaat
pasand is ko takraar kii KHuu nahii.n
ki tuu mai.n nahii.n aur mai.n tuu nahii.n
man o tuu se hai anjuman-aafrii.n
magar ain-e-mahfil me.n KHalvat-nashii.n
chamak us kii bijlii me.n taare me.n hai
ye chaa.ndii me.n sone me.n paare me.n hai
usii ke bayaabaa.n usii ke babuul
usii ke hai.n kaa.nTe usii ke hai.n phuul
kahii.n us kii taaqat se kohsaar chuur
kahii.n us ke phande me.n jibra.iil o huur
kahii.n jaza hai shaahiin siimaab ra.ng
lahuu se chakoro.n ke aaluuda chang
kabuutar kahii.n aashiyaane se duur
pha.Daktaa hu.aa jaal me.n naa-subuur
fareb-e-nazar hai sukuun o sabaat
ta.Daptaa hai har zarra-e-kaa.enaat
Thahartaa nahii.n kaarvaan-e-vajuud
ki har lahz hai taaza shaan-e-vajuud
samajhtaa hai tuu raaz hai zindagii
faqat zauq-e-parvaaz hai zindagii
bahut us ne dekhe hai.n past o buland
safar us ko manzil se ba.Dh kar pasand
safar zindagii ke liye barg o saaz
safar hai haqiiqat hazar hai majaaz
ulajh kar sulajhne me.n lazzat use
ta.Dapne pha.Dakne me.n raahat use
hu.aa jab use saamnaa maut kaa
kaThin thaa ba.Daa thaamnaa maut kaa
utar kar jahaan-e-makaafaat me.n
rahii zindagii maut kii ghaat me.n
mazaaq-e-du.ii se banii zauj zauj
uThii dasht o kohsaar se fauj fauj
gul is shaaKH se TuuTte bhii rahe
isii shaaKH se phuuTte bhii rahe
samajhte hai.n naadaa.n use be-sabaat
ubhartaa hai miT miT ke naqsh-e-hayaat
ba.Dii tez jaulaa.n ba.Dii zuud-ras
azal se abad tak ram-e-yak-nafs
zamaana ki zanjiir-e-ayyaam hai
damo.n ke ulaT-pher kaa naam hai
ye mauj-e-nafs kyaa hai talvaar hai
KHudii kyaa hai talvaar kii dhaar hai
KHudii kyaa hai raaz-daruun-hayaat
KHudii kyaa hai bedaari-e-kaa.enaat
KHudii jalva badmast o KHalvat-pasand
samundar hai ik buu.nd paanii me.n band
a.ndhere ujaale me.n hai taabnaak
man o tuu me.n paidaa man o tuu se paak
azal us ke piichhe abad saamne
na had us ke piichhe na had saamne
zamaane ke dariyaa me.n bahtii hu.ii
sitam us kii maujo.n ke sahtii hu.ii
tajassus kii raahe.n badaltii hu.ii
damaa-dam nigaahe.n badaltii hu.ii
subuk us ke haatho.n me.n sa.ng-e-giraa.n
pahaa.D us kii zarbo.n se reg-e-ravaa.n
safar us kaa anjaam o aaGaaz hai
yahii us kii taqviim kaa raaz hai
kiran chaa.nd me.n hai sharar sang me.n
ye be-ra.ng hai Duub kar rang me.n
ise vaasta kyaa kam-o-besh se
nasheb o faraaz o pas-o-pesh se
azal se hai ye kashmakash me.n asiir
hu.ii KHaak-e-aadam me.n suurat-paziir
KHudii kaa nasheman tire dil me.n hai
falak jis tarah aa.nkh ke til me.n hai
KHudii ke nigahbaa.n ko hai zahr-naab
vo naa.n jis se jaatii rahe us kii aab
vahii naa.n hai us ke liye arjumand
rahe jis se duniyaa me.n gardan buland
KHudii faal-e-mahmuud se darguzar
KHudii par nigah rakh ayaazii na kar
vahii sajda hai laa.iq-e-ehtimaam
ki ho jis se har sajda tujh par haraam
ye aalam ye ha.ngaama-e-ra.ng-o-saut
ye aalam ki hai zer-e-farmaan-e-maut
ye aalam ye but-KHaana-e-chashm-o-gosh
jahaa.n zindagii hai faqat KHurd o nosh
KHudii kii ye hai manzil-e-avvalii.n
musaafir ye teraa nasheman nahii.n
tirii aag is KHaak-daa.n se nahii.n
jahaa.n tujh se hai tuu jahaa.n se nahii.n
ba.Dhe jaa ye koh-e-giraa.n to.D kar
tilism-e-zamaan-o-makaa.n to.D kar
KHudii sher-e-maulaa jahaa.n us kaa said
zamii.n us kii said aasmaa.n us kaa said
jahaa.n aur bhii hai.n abhii be-numuud
ki KHaalii nahii.n hai zamiir-e-vajuud
har ik muntazir terii yalGaar kaa
tirii shauKHi-e-fikr-o-kirdaar kaa
ye hai maqsad gardish-e-rozgaar
ki terii KHudii tujh pe ho aashkaar
tuu hai faatah-e-aalam-e-KHuub-o-zisht
tujhe kyaa bataa.uu.n tirii sarnavisht
haqiiqat pe hai jaama-e-harf-e-ta.ng
haqiiqat hai aa.iina-e-guftaar-e-za.ng
farozaa.n hai siine me.n sham-e-nafas
magar taab-e-guftaar rakhtii hai bas
agar yak-sar-e-muu-e-bartar param
faroG-e-tajallii ba-sozad param

Allama Iqbal
Nazm

jibrail-o-iblis

jibra.iil
hamdam-e-dairiina kaisaa hai jahaan-e-ra.ng-o-buu
ibliis
soz-o-saaz o dard o daaG o justujuu o aarzuu
jibra.iil
har gha.Dii aflaak par rahtii hai terii guftuguu
kyaa nahii.n mumkin ki teraa chaak daaman ho rafuu
ibliis
aah ai jibriil tuu vaaqif nahii.n is raaz se
kar gayaa sarmast mujh ko TuuT kar meraa subuu
ab yahaa.n merii guzar mumkin nahii.n mumkin nahii.n
kis qadar KHaamosh hai ye aalam-e-be-KaaKH-o-kuu
jis kii naumiidii se ho soz-e-daruun-e-kaa.enaat
us ke haq me.n taqnatuu achchhaa hai yaa laa-taqnatuu
jibra.iil
kho diye inkaar se tuu ne maqaamaat-e-buland
chashm-e-yazdaa.n me.n farishto.n kii rahii kyaa aabruu
ibliis
hai mirii jur.at se musht-e-KHaak me.n zauq-e-numuu
mere fitne jaama-e-aql-o-KHirad kaa taar-o-puu
dekhtaa hai tuu faqat saahil se razm-e-KHair-o-shar
kaun tuufaa.n ke tamaa.nche khaa rahaa hai mai.n ki tuu
KHizr bhii be-dast-o-paa ilyaas bhii be-dast-o-paa
mere tuufaa.n yam-ba-yam dariyaa-ba-dariyaa juu-ba-juu
gar kabhii KHalvat mayassar ho to puuchh allaah se
qissa-e-aadam ko ra.ngii.n kar gayaa kis kaa lahuu
mai.n khaTaktaa huu.n dil-e-yazdaa.n me.n kaa.nTe kii tarah
tuu faqat allaah-huu allaah-huu allaah-huu

Allama Iqbal
Nazm

haal-o-maqam

dil zinda-o-be-daar agar ho to ba-tadriij
bande ko 'ataa karte hai.n chashm-e-nigaraa.n aur
ahvaal-o-maqaamaat pe mauquuf hai sab kuchh
har lahza hai saalik kaa zamaa.n aur makaa.n aur
alfaaz-o-ma'aanii me.n tafaavut nahii.n lekin
mullaa kii azaa.n aur mujaahid kii azaa.n aur
parvaaz hai dono.n kii isii ek fazaa me.n
kargas kaa jahaa.n aur hai shaahii.n kaa jahaa.n aur

Allama Iqbal
Nazm

mustaqbil

aane vaalaa hai bahut jald ek aisaa ahd bhii
dahr ke haalaat-e-maujuud fanaa ho jaa.e.nge
aur hii ho jaa.e.nge kuchh ye zamiin-o-aasmaa.n
aur hii kuchh roz-o-shab sub.h o masaa ho jaa.e.nge
rif.ato.n par har taraf chhaa jaa.egaa zo.af o jumuud
arsh vaale maa.il-e-taht-us-suraa ho jaa.e.nge
pastiyaa.n kar le.ngii tai saare maqaamaat-e-fraaz
KHaak ke zarre surayyaa tak rasaa ho jaa.e.nge
azmat o zillat kaa saaraa imtiyaaz uTh jaa.egaa
ek manzil me.n shahanshaah o gadaa ho jaa.e.nge
KHaak me.n mil jaa.egaa sarmaaya-daaro.n kaa Guruur
ahl-e-naKHvat raahi-e-mulk-e-fanaa ho jaa.e.nge
faqr-o-faaqa kii jagah le le.nge itminaan o aish
muflis o mazduur aazaad-e-balaa ho jaa.e.nge
safha-e-hastii se miT jaa.egaa naam-e-zulm-o-jabr
ahl-e-istibdaad sab be-dast-o-paa jaa.e.nge
haakim o mahkuum me.n baaqii na hogaa ko.ii farq
ek ahl-e-taKHt o ahl-e-boriyaa ho jaa.e.nge
munhadim ho jaa.egaa diivaar-e-zindaa.n KHud-ba-KHud
ahl-e-zindaa.n qaid-e-mehnat se rahaa ho jaa.e.nge
TuuT jaa.e.ngii qafas kii tiiliyaa.n ik aan me.n
chahchaho.n se bostaa.n ra.ngii.n-navaa jo jaa.e.nge

Ahmaq Phaphoondvi
Nazm

nida-e-taKHliq

sukuut-e-niim-shabii me.n kisii ne dii aavaaz
'na.iim' dil se nikaalo na KHaar-haa-e-KHalish
sukuun hai to isii iztiraab me.n kuchh hai
Guzaar-e-shauq me.n, soz-e-talaash me.n kuchh hai
junuu.n ke jumla maraahil se tum guzar dekho
jamaal-e-fikr se aabaad hai dil-e-viiraa.n
sharaar-e-dil se munavvar jahaan-e-fardaa hai
ye kaun mujh se muKHaatib hai itnii qurbat se
ye kis ne zaKHm ko dast-e-shifaa se chhe.Daa hai,
isii KHayaal me.n gum thaa ki phir sadaa aa.ii
kamaal-e-arz-e-suKHan jis ko tum samajh baiThe
vo ijz-e-fikr hai iqraar-e-be-zabaanii hai
nikal ke aa.o zaraa kuucha-e-KHabar dekho
har ek chaak-girebaa.n har ek gard-aaluud
na qatl-gah se hiraasaa.n na sa.ngsaaro.n se
ki ek umr guzartii hai justujuu karte
nazar ko tez haqiiqat ko ruu-ba-ruu karte
bas ek tum ki tumhaare qadam nahii.n uThte
quyuud-e-asr kii zanjiir kaaTne vaale
faraaz-e-koh se aavaaz de rahe hai.n tumhe.n
payambaro.n ke maqaamaat de rahe hai.n tumhe.n
ruKH-e-sahar se haTaa.o ridaa-e-shab lillaah
azaab-e-naar se guzro ki tauf-e-nuur karo
jigar ke daaG se rakkho hariim-e-jaa.n raushan
shu.aa-e-dard ko chuumo gale lagaa.o 'na.iim'
sar-e-vajuud jhukaa.e sunaa kiyaa sab kuchh
tamaam jism thaa goyaa nishaana-e-aavaaz
tamaam ruuh thii saame tamaam Gam bedaar
sukuut-e-shab me.n
sadaa guu.njtii rahii pahro.n

Hasan Naim
Nazm

ye ek fitri amal hai

mohabbat
zindagii kaa aarizii Thikaanaa hai
aur
shahr me.n tafriihii maqaamaat kii qillat
aabaadii me.n izaafe kii asal vaj.h

Ali Sahil
Nazm

chaqu

hamaarii tanhaa.ii se
ek bagghii banaa.ii jaa rahii hai
jise tafriihii maqaamaat par rakhaa jaa.egaa
yaa express train ke
paTrii se utar jaane ke ba.ad
KHaraab mausam me.n
ravaana kyaa jaa.egaa

Zeeshan Sahil
Nazm

maut ka farishta

is baat se bhii ko.ii farq nahii.n pa.Dtaa
ki marne vaalaa zindagii se nabard-aazmaa kisii shaa.era yaa shaa.er kaa beTaa thaa
yaa raaj-puut nasl kaa ko.ii zinda-dil maazuul shahzaada
yaa marne vaale javaan beTe kaa naam kabiir, taariq ahad yaa kuchh aur thaa
javaan beTe kii maut
insaan ko paanii me.n halaak karne par maamuur farishte ne lii
yaa KHushkii par insaanii ruuh qabz karne ke majaaz farishte ne
aisii yaa aisii kisii bhii baat se
ko.ii farq nahii.n pa.Dtaa
kyuu.nki maut kaa farishta tiino.n maqaamaat par
javaan beTe ko maa.n baap se judaa karne me.n naakaam rahaa
maut kaa farishta lagaa rahtaa hai din raat
apnii naakaamii kaa intiqaam lene me.n
Tuk.De Tuk.De kartaa rahtaa hai
maa.n baap kaa dil
jaise kaaTaa jaataa hai machine ke tez dhaar ब्लेड se
maveshiyo.n kaa chaara
ko.De maartaa rahtaa hai maa.n baap kii zaKHmii ruuh ko barhana kar ke
iijaad kartaa rahtaa hai nit-na.e tariiqe
maa.n baap ke bache-khuche dil ko aziyyat pahu.nchaane ke
maut kaa farishta daaKHil ho jaataa hai baGair ijaazat
kisii shaa.er ke bed-room me.n raat KHaraab karne
majbuur kar detaa hai shaa.er ko
zaKHmo.n se karaahtii nazm likhne par

Shaukat Abidi
Nazm

Darte Darte dam-e-sahar se

chaa.nd begaana hai kaun is ko kahegaa apnaa
is ke haalaat judaa is ke maqaamaat judaa
nau-damiida kabhii kaamil kabhii naapaid kabhii
bas yahii ra.ng-e-talavvun hai tashaKHKHus is kaa

Shafiq Fatima Shera
Nazm

dawat-e-amal

tuu samajhtaa hai jise manzil-e-iisaar-o-amal
vo abhii tishna-e-takmiil-e-safar hai ai dost
jis pe chalte hu.e ik umr-e-safar guzrii hai
saamne phir bhii vahii raahguzar hai ai dost
nuur kyaa nuur kaa partav bhii nahii.n hai is me.n
shab-e-taariik ba-unvaan-e-sahar hai ai dost
laakh chehro.n pe numaayaa.n ho.n masarrat ke nuquush
zindagii Gam-kada-e-qalb-o-nazar hai ai dost
ho vahaa.n qadr-e-javaahir kaa kise fikr-o-KHayaal
sang-rezo.n kaa jahaa.n naam guhar hai ai dost
chaar-suu chaak hai aadam kii qabaa-e-ismat
har bashar dushman-e-taqdiis-e-bashar hai ai dost
ko.ii suurat nahii.n aaraam-e-nasheman kii nasiib
kaamraa.n silsila-e-barq-o-sharar hai ai dost
nasl-e-insaa.n ko milii.n jis se nishaanaat-e-uruuj
un maqaamaat kii ab kis ko KHabar hai ai dost
kaaGazii phuulo.n me.n KHushbuu kaa yaqii.n hai tujh ko
apnii pastii kaa kuchh ehsaas nahii.n hai tujh ko

Anwar Sabri
Nazm

naya shahr

mujhe yaad hai
raa.egaanii ke gahre samundar me.n
jab mai.n ne iktaara apnaa bajaayaa
to is naGma-e-jaa.n-fazaa se
maqaamaat aah-o-fuGaa.n ke ubhaare
mazaamiin-e-nau ke sharaare jagaa.e
miTaa Daalaa ehsaas sab raa.egaanii kaa
samundar kii tah se
nayaa shahr ubhaaraa

Anwar Sadeed
Nazm

farisa mahdubani se

madhuubanii
Daro nahii.n madhuubanii
aur rahne do apnii gho.Dii ko be-lagaam
ki vo apnii mastii me.n
tumhe.n ek raaz-bhare jangal kii sair karaa.egii
aur le jaa.egii un KHufiya maqaamaat tak
jahaa.n use maGluub kar ke
tum kabhii nahii.n pahu.nch saktii.n

Taimoor Shahid
Nazm

kaTi pahaDi

hamaare shahr kii aabaadii ke darmiyaan
kisii bhii samjhaute ke imkaan ko mustarad karte hu.e
shahr ke shumaal maGrib me.n
duur tak phailii hu.ii pahaa.Dii me.n ek shigaaf Daal diyaa gayaa hai
pahaa.Dii ko kaaTne kaa ye achhuutaa KHayaal
shahr ke kuchh me.amaaro.n ke zehn me.n kyaa aayaa
shahr ke makaano.n ke dar-o-diivaar
is na.ii tafriiq ke shor-o-shar se
tap kar surKH ho ga.e
aur shahr ke uupar ma.nDlaane lage
qismat aazmaa.uu.n ke azaa.em
shahr ko ab na.e zaaviyo.n se dekhaa jaane lagaa
ab is pahaa.Dii me.n
ka.ii ek aise maqaamaat dikhaa.ii dene lage hai.n
jahaa.n se use maziid kaaTaa
yaa kamzor kiyaa jaa saktaa hai
pahaa.Dii ke kaTte hii
us paas kii aabaadiyo.n ne apnii huduud ko
na.e sire se tartiib de liyaa hai
kaTaa.o se shahr me.n havaa kaa dabaa.o
Gair-mustahkam ho gayaa hai
gaa.Diyo.n ke route badalne lage
jamii jamaa.ii aabaadii
mutazalzal ho ga.ii
baazaaro.n aur KHariidaaro.n ke rang ruup
aur chehre mohre tabdiil ho ga.e hai.n
log shaah-raaho.n
makaano.n
parko.n
schoolo.n aur ibaadat-gaaho.n ko
yuu.n dekhne lage
jaise un ke biich bhii unhe.n
shigaaf dikhaa.ii dene lage ho.n
kaTii hu.ii pahaa.Dii ne
ham sab ke chehro.n ke biich
ek mustaqil daraa.D Daal dii hai
in me.amaaro.n se zyaada
jinho.n ne pahaa.Dii me.n shigaaf Daalaa
ham har us shai se KHauf-zada hai.n
jis me.n ba-zaahir ko.ii shigaaf yaa daraa.D dikhaa.ii nahii.n detii
par jis ke darmiyaan se
mustaqil jhaa.nk rahii hai
kaTii hu.ii pahaa.Dii

Saeeduddin
Nazm

daman-darida miras

be-naam aavaara paudo.n
aazurda ashjaar
bahmanii taajdaaro.n ke abadii masaakin se mulhaq
nauha-kunaa.n pattharo.n kii ye chhoTii sii bastii
abaabiile.n jis kii muhaafiz
dil-shikasta dilo.n dil-girafta shabo.n ke guluu-giir lamhe jis ke ham-raaz
tuu jahaa.n tiis battiis barso.n se rahtii chalii aa rahii hai
kyaa vaaqa'ii is qadar pur-sukuu.n to yahaa.n hai
mai.n tirii kokh kii fasl kaa ek paudaa
terii shafqat kaa jharnaa kahaa.n hai
taaj katba kaa sar pe uThaa.e hu.e
tuu bhii kam kyaa kisii taajvar se hai maa.n
mere daaman ko lekin zaraa dekh le
mujh se anfaas kaa le hisaab
zindagii kii la.Daa.ii me.n nusrat milii kin maqaamaat par
aur kahaa.n mai.n ne paa.ii shikast
kis nafas zulmato.n ke pa.Daav mile
kis nafas chaahato.n ko nadaamat milii
kis nafas KHvaahisho.n ke janaaze uThe
kis nafas dil jalaa
kis nafas mere jazbo.n kii miiraas gum ho ga.ii
mere ehsaas kii ek ik pankhu.Dii
kis nafas bik ga.ii
niim-shab kii KHamoshii ke jangal me.n merii navaa ke parind
aaj pahlii dafa
tere maskan kii bojhal fazaa.o.n me.n mazruub u.Dte hai.n
un kaa darmaa.n samaa'at tirii ho to ho
mai.n to daaman-dariida tahii-dast huu.n

Jabbar Jameel
Nazm

dastur

diip jis kaa mahallaat hii me.n jale
chand logo.n kii KHushiyo.n ko le kar chale
vo jo saa.e me.n har maslahat ke pale
aise dastuur ko sub.h-e-be-nuur ko
mai.n nahii.n maantaa mai.n nahii.n jaantaa

Habib Jalib
Nazm

daraKHt-e-zard

magar naazir hamaaraa soKHta-sulb aaKHirii nassaab ab marne hii vaalaa hai
bas ik pal haf sadii kaa faisla karne hii vaalaa hai
suno 'zaryuun' bas tum hii suno ya.anii faqat tum hii
vahii raahat me.n hai jo aam se hone ko apnaa le
kabhii ko.ii bhii par ho ko.ii 'bahman' yaar yaa 'zenuu'
tumhe.n bahkaa na paa.e aur bairuunii na kar Daale
mai.n saarii zindagii ke dukh bhugat kar tum se kahtaa huu.n
bahut dukh degii tum me.n fikr aur fan kii numuu mujh ko
tumhaare vaaste behad sahuulat chaahtaa huu.n mai.n
davaam-e-jahl o haal-e-istiraahat chaahtaa huu.n mai.n
na dekho kaash tum vo KHvaab jo dekhaa kiyaa huu.n mai.n
vo saare KHvaab the qassaab jo dekhaa kiyaa huu.n mai.n
KHaraash-e-dil se tum be-rishta be-maqduur hii Thahro
mire jahmiim-e-zaat-e-zaat se tum duur hii Thahro
ko.ii 'zaryuun' ko.ii bhii clerk aur ko.ii kaarinda
ko.ii bhii bank kaa afsar senator ko.ii paavanda
har ik haivaan-e-sarkaarii ko TaTTuu jaantaa huu.n mai.n
so zaahir hai ise shai se ziyaada maantaa huu.n mai.n
tumhe.n ho sub.h-dam taufiiq bas aKHbaar pa.Dhne kii
tumhe.n ai kaash biimaarii na ho diivaar pa.Dhne kii
ajab hai 'sartre' aur 'ressel' bhii aKHbaar pa.Dhte the
vo maaluumaat ke maidaan ke shauqiin buu.Dhe the
nahii.n ma.aluum mujh ko aam shahrii kaise hote hai.n
vo kaise apnaa banjar naam banjar-pan me.n bote hai.n
mai.n ''urr'' se aaj tak ik aam shahrii ho nahii.n paayaa
isii baa.is mai.n huu.n amboh kii lazzat se be-maaya
magar tum ik do-paaya raast qaamat ho ke dikhlaanaa
suno raa.e-dahinda bin hu.e tum baaz mat aanaa
faqat 'zaryuun' ho tum ya.anii apnaa saabiqaa chho.Do
faqat 'zaryuun' ho tum ya.anii apnaa laahiqaa chho.Do
magar mai.n kaun jo chaahuu.n tumhaare baab me.n kuchh bhii
bhalaa kyuu.n ho mire ehsaas ke asbaab me.n kuchh bhii
tumhaaraa baap ya.anii mai.n abas mai.n ik abas-tar mai.n
magar mai.n ya.anii jaane kaun achchhaa mai.n saraasar mai.n
mai.n kaasa-baaz o kiina-saaz o kaasa-tan huu.n kuttaa huu.n
mai.n ik na.ngiin-e-buudash huu.n pa tum to sirr-e-mun.am ho
tumhaaraa baap ruuhul-quds thaa tum ibn-e-maryam ho

Jaun Eliya
Nazm

etiraf

bistar-e-maKHmal-o-sanjaab thii duniyaa merii
ek ra.ngiin o hasii.n KHvaab thii duniyaa merii

Asrarul Haq Majaz
Nazm

tasawwur

gulaabii lab, muskuraate aariz, jabii.n kushaada, buland qaamat
nigaah me.n bijliyo.n kii jhil-mil, adaa.o.n me.n shabnamii lataafat
dha.Daktaa siina, mahaktii saa.nse.n, navaa me.n ras, a.nkh.Diyo.n me.n amrit
hama halaavat, hama malaahat, hama tarannum, hama nazaakat
lachak lachak gungunaa rahii ho
ye KHvaab kaisaa dikhaa rahii ho

Kaifi Azmi
Nazm

do ishq

chho.Daa nahii.n Gairo.n ne ko.ii naavak-e-dushnaam
chhuuTii nahii.n apno.n se ko.ii tarz-e-malaamat
is ishq na us ishq pe naadim hai magar dil
har daaG hai is dil me.n ba-juz-daaG-e-nadaamat

Faiz Ahmad Faiz
Nazm

parchhaiyan

hazaar-guuna malaamat kaa baar uThaa.e hu.e
havas-parast nigaaho.n kii chiira-dastii se

Sahir Ludhianvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now