Search result for "mehvar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mehvar"

Nazm MATCHES FOR "mehvar"

Nazm

bint-e-hawwa

mai.n hii patthar ke makaano.n ko banaatii ghar huu.n
mai.n hii duniyaa-e-mohabbat kaa hasii.n mehvar huu.n

Hina Rizvi

Nazm

bad-shuguni

ajab gha.Dii thii
kitaab kiicha.D me.n gir pa.Dii thii
chamakte lafzo.n kii mailii aa.nkho.n me.n uljhe aa.nsuu bulaa rahe the
magar mujhe hosh hii kahaa.n thaa
nazar me.n ik aur hii jahaa.n thaa
na.e na.e manzaro.n kii KHvaahish me.n apne manzar se kaT gayaa huu.n
na.e na.e daa.ero.n kii gardish me.n apne mehvar se haT gayaa huu.n
sila jazaa KHauf naa-umiidii
umiid imkaan be-yaqiinii
hazaar KHaano.n me.n baT gayaa huu.n
ab is se pahle ki raat apnii kamand Daale ye chaahtaa huu.n ki lauT jaa.uu.n
ajab nahii.n vo kitaab ab bhii vahii.n pa.Dii ho
ajab nahii.n aaj bhii mirii raah dekhtii ho
chamakte lafzo.n kii mailii aa.nkho.n me.n uljhe aa.nsuu
ajab nahii.n mere lafz mujh ko mu.aaf kar de.n
havaa-o-hirs-o-havas kii sab gard saaf kar de.n
ajab gha.Dii thii
kitaab kiicha.D me.n gir pa.Dii thii

Iftikhar Arif

Nazm

jahan zad

terii is soKHta baKHt ko kyaa KHabar
jab zamii.n apne mehvar kii tajdiid me.n
harf-e-laa se guzar jaa.egii
to hazaaro.n baras baad bhii
ye azal ke gharo.ndo.n kii miTTii me.n madfuun
phuul aur buuTe ye kuuze
aur un me.n unhii qaaf aa.nkho.n se chhilke hu.e
surKH paanii kii talchhaT
kisii kuuza-gar ke javaa.n lams se jii uThe to
jahaa.n zaad us ke liye phir janm legii
aur nau baras raqs karte guzar jaa.e.nge
terii is soKHta baKHt ko kyaa KHabar

Ishrat Afreen

Nazm

ye basti meri basti hai

hasii.n aa.nkho.n sunahrii choTiyo.n vaalii
yahaa.n chhoTii sii jugnii khelne kii umr me.n
miTTii ke haathii aur gho.De me.n
jo mehnat ke anokhe rang bhartii thii
mirii aa.nkho.n ne phir vaise khilaune hii nahii.n dekhe

Ishrat Afreen

Nazm

sarojini-naidu

aziiz maa.n mirii ha.nsmukh mirii bahaadur maa.n
tamaam jauhar-e-fitrat jagaa diye tuu ne
mohabbat apne chaman se gulo.n se KHaaro.n se
mohabbato.n ke KHazaane luTaa diye tuu ne
banaa banaa ke miTaa.e ga.e nuquush-e-amal
tire baGair mukammal na ho sakii tasviir
vo KHvaab jhaa.nsii kii raanii ko jis ne chau.nkaayaa
tiraa gihaad-e-musalsal usii kii hai ta.abiir
use hayaat kaa sola si.ngaar kahte hai.n
tirii jabii.n pe hai.n kuchh silvaTe.n bhii Tiikaa bhii
nazar me.n jazb-e-yaqii.n dil me.n soz-e-aazaadii
dahaktaa phuul bhii hai tuu mahaktaa sho.ala bhii
zaraa zamiin ko mehvar pe ghuum lene de
samaaj tujh se tiraa soz-o-saaz maa.ngegii
jamaal siikhegaa KHud-e'timaadiyaa.n tujh se
hayaat-e-nau tire dil kaa gudaaz maa.ngegii

Kaifi Azmi

Nazm

raqs ki raat

raqs kii raat ko.ii daur-e-tarab
ban na saktaa thaa sitaaro.n kii KHudaa.ii gardish?
mehvar-e-haal bhii ho, jaada-e-aa.inda bhii
aur dono.n me.n vo paivastati-e-shauq bhii ho
jo kabhii saahil o dariyaa me.n na thii,
phir bhii haa.il rahe yuu.n bu.ad-e-aziim
lab hile.n aur suKHan aaGaaz na ho
haath ba.Dh jaa.e.n magar laamisaa be-jaan rahe?

Noon Meem Rashid

Nazm

restaurant

apnii apnii uljhan sab kii apnii apnii raa.e
sab ne aa.nsuu rok rakhe hai.n kaun kise bahlaa.e
har shai par shak ho to jiinaa ek sazaa ban jaa.e
mehvar hii maujuud na ho to gardish kis kaam aa.e

Ahmad Nadeem Qasmi

Nazm

baz-gasht

naGma-zaar-e-dard kii jaanib chale ham
ek bhii zarra na kuchlaa jaa.e is raftaar se
naGma-zaar-e-dard kii jaanib chale ham
kunj me.n pe.Do.n ke suuraj jhaa.nktaa thaa
kohsaaro.n sabza-zaaro.n me.n jhamaktii raushnii kaa jashn thaa
jashn jaarii hii rahegaa taa-abad
jaarii rahe
naGma-zaar-e-dard kii jaanib chale ham
laal-o-marmar se gu.ndhaa qaalib
aur is ke mehvar us ke qariib
bijliyo.n jaisaa musaffaa ik vajuud
chaar-suu bikhre hu.e KHaamosh suune aasmaa.n
ham kahaa.n hai.n ham kahaa.n naGma-zaar-e-dard hai ye ham kahaa.n
itnaa be-aavaaz jaise
aatmaa apnii shu.aa.e.n
reshe reshe se badan ke khii.nch le
aahistagii se be-gazand
aur duurii be-fuGaa.n ho jism kii aur ruuh kii
kyaa subuk-raftaar kar detii hai ham ko be-dilii be-haasilii
jaise ik baadal kaa Tuk.Daa
apnii chhaagal phe.nk de uu.nchii fazaa me.n
pyaase zarro.n kii taraf
phir halke-phulke pa.nkh phailaa.e u.De
halkore le
ik miTtii bantii rang kii tahriir sii
sairaab zarre us ko dekhe.n
aur pukaar uTThe.n
vo kafuurii saa sho.ala azmat-e-naa-ras
davaam-e-dard hai vo surKH nirmal raushnii
lo saa.ns ke sar-chashme suukhe har shikaayat miT ga.ii
kyaa shikaayat saa.ns ke sar-chashma se un ko rahii
jo saa.ns lete hai.n yahaa.n
mauj-e-be-ha.ngaam KHanda
kaise phuuTii mere lab se
ko.ii shaktii ham me.n hai
jo yuu.n hame.n paamaal kar ha.ns sake
ye hame.n aaGaaz hii se KHatm karne par tulii thii
chaahe phir KHud hii mujaavir ban sake anjaam-kaar
ehtijaaj us kaa jo ik shaktii hai mujh me.n
kis qadar pur-shor hai
kis qadar pur-zor hai
naGma-zaar-e-dard se aage liye jaataa mujh ko
in fazaa.o.n me.n jahaa.n
baazgasht ik giit ban jaatii hai us kii
jaise sab Tiile chaTaane.n aur kuhistaa.n
saa.ns ke chashme me.n shaamil hai.n
dha.Dakte zii-nafas aur ham-navaa

Shafiq Fatima Shera

Nazm

urdu zaban bolo

ai mere pyaare bachcho ai mere achchhe bachcho
urdu zabaan bolo urdu zabaan bolo
urdu zabaan aisii jo bolnaa sikhaa.e
mu.nh me.n sabhii ke vo to ras gholnaa sikhaa.e
is ke huruuf motii alfaaz phuul jaise
zehno.n me.n sab ke KHushbuu ko chho.Dnaa sikhaa.e
chaaho agar saliiqa urdu zabaan siikho
urdu zabaan bolo urdu zabaan bolo
urdu ke sher saare dekho hai.n kitne pyaare
urdu Gazal hai.n sunte insaan dekho saare
bachcho.n kii chhoTii nazme.n dekho hai.n kitnii pyaarii
har ek bachcha in se letaa hai lutf pyaare
motii hai.n ye adab ke haatho.n se in ko rolo
urdu zabaan bolo urdu zabaan bolo
hai bolne me.n miiThii likhne me.n ye hasii.n hai
andaaz is kaa pyaaraa ye KHud bhii dil-nashii.n hai
duniyaa kii har zabaa.n kii is me.n to KHuubiyaa.n hai.n
hai husn kaa ye mehvar shak is me.n kuchh nahii.n hai
qudrat kaa hai ye tohfa ne.amat KHudaa kii samjho
urdu zabaan bolo urdu zabaan bolo
jo urdu zabaan bole sab ko hai vo to pyaaraa
sab is se pyaar karte aa.nkho.n kaa sab kii taaraa
bole hai jab vo urdu mu.nh se hai.n phuul jha.Dte
maa.n-baap kaa chahiitaa ustaad kaa dulaaraa
urdu se kitnii shafqat us ne hai paa.ii dekho
urdu zabaan bolo urdu zabaan bolo

Raza-ul-Rahman Akif Sanbhali

Nazm

intiha

sukuut-e-shab ke tasalsul me.n kho ga.ii chup-chaap
jo yaad vaqt ke mehvar pe ghuum saktii thii

Mustafa Zaidi

Nazm

mohabbat ke is be-karan safar mein

aurat!
tere kitne ruup,
tere kitne naam
mohabbat ke is be-karaa.n safar me.n
kitne pa.Daav, kitne maqaam
kabhii kalii, kabhii phuul
aur kabhii murjhaa.ii hu.ii pa.nkhu.Dii
kabhii anaar, kabhii maahtaab aur kabhii phuljha.Dii
taKHliiq kaa mamba.a, shaktii kaa KHaziina terii zaat
mehvar-e-laa-mutanaahii silsila-e-hayaat-o-mamaat
shafqat, mohabbat, iisaar-o-vafaa sab tere ruup
siitaa, saavitrii, raadhaa, miiraa
sachchii chaahat ke nuquush
ek faqat chaahat kaa atiyya, teraa ye hiire kaa ruup
aurat me.n ho gar KHud-e'timaadii
dushaasan draupadii kii svaagat ko aa.e
bhero.n KHud sheraavaalii kii iffat bachaa.e
aurat hii haasil-e-taKHliiq-e-duniyaa hai
aurat hii shu.uur-e-aadam kaa pesh-KHema hai
KHudaa ne jo baKHshaa hai tujhe naso.n kaa jaal
ajab us kii qudrat hai ajab us kaa kamaal
kahii.n menkaa to kahii.n maryam hai tuu
kahii.n aulaad kii juuyaa zauja-e-zakaryaa hai tuu
injiil o qur.aan sab tere ratab-ul-lisaan
ki tuu hii asl me.n hai dhartii kii shaan
mamtaa karunaa tere naam
ai maa.n! tujhe salaam
aaGosh-e-maadar ko yuu.n pahlaa maktab Thahraayaa
ki tuu ne hii aadam ko mohabbat karnaa sikhaayaa
jis ne dil me.n tere
sabho.n kii mohabbat rakhii
usii ne qadmo.n me.n tere jannat rakhii
aql-e-aadmii aaj itnii kyuu.n hairaan hai
tuu hii aadmii kii pahlii pahchaan hai
tere hii dam se ra.ng-o-buu-e-kaa.enaat
az-azal taa-abad aadam kii tuu hai shariik-e-hayaat
sabho.n kaa tujh par ye e'tibaar hai
shajar-e-hayaat kaa tuu hii barg-o-baar hai
ye duniyaa bhii tujh hii se numuudaar hai
girhast jiivan kaa aashram hai tujh se taabinda
tuu hii banii phir aadam kii najaat-dahinda
to hii jannat kii pahlii haqdaar hai
saarii ibaadat parastish kii hai tuu ruuh-e-ravaa.n
ai aurat aisaa teraa raushan kirdaar hai
mohabbat ke is be-karaa.n safar me.n
tujh se hii zindagii ustuvaar hai

Perwaiz Shaharyar

Nazm

jahan-zad

ai hasan-kuuzaa-gar
tuu ne jaanaa ki mai.n
jism-o-jaa.n ke ta'alluq kii raushan guzargaah se
ik jahaa.n kaa safar jhel kar
is rifaaqat kii dahliiz tak aa.ii huu.n
ai hasan kaash tuu jaan saktaa
ki is sahn-e-KHaana se dahliiz tak ke safar me.n
jahaa.n-zaad ko kyo.n zamaane lage hai.n
hasan
is safar me.n jahaa.n-zaad ko ek ik gaam par
vaqt ke taaziyaane lage hai.n
hasan
vaqt maalik bhii hai devtaa bhii
muhaafiz bhii hai aur KHvaaja-saraa bhii
ye dekhaa hai mai.n ne
ki jab bhii dariicho.n me.n taaza shaguufa khilaa hai
havaa se vo ha.ns kar zaraa saa gale bhii milaa hai
to KHvaaja-saraa kii nazar se kahaa.n bach sakaa hai
magar dekh mujh ko
ki mai.n ne yahaa.n Thiik nau saal tak
phuul kaa.Dhe hai.n KHvaabo.n ke bistar pe lekin
abhii tak ko.ii in pe soyaa nahii.n
phuul taaza shagufta aur aazurda hai.n
mai.n ne nau saal suurat-garii kii hai tere har ik lams kii
raat bhar mai.n ne aa.nkhe.n bhigo.ii hai.n kuuzo.n me.n aur sub.h-dam
halq ko tar kiyaa aa.nsu.o.n se bahut
ye masaafat
ye nau saal kii be-mahaabaa masaafat
tire dar ke aage mujhe khii.nch laa.ii
magar tuu yahaa.n chaak par apnii dhun me.n magan hai
nigaahe.n uThaa
dekh to mai.n jahaa.n-zaad terii tire saamne huu.n
magar tuu ne sach hii kahaa thaa
zamaana jahaa.n-zaad vo chaak hai
jis pe miina-o-jaam-o-subuu aur faanuus-o-gul-daa.n kii maanind
bante biga.Dte hai.n insaa.n
so ab ham jo sadiyo.n kii lambii masaafat se lauTe hai.n
tuu apne ranjuur kuuzo.n me.n juujhaa hu.aa hai
ye teraa qusuur aur na merii KHataa hai
ko.ii kuuza-gar to hamaaraa bhii hogaa
so ye us kii hikmat
ki us ne hame.n chaak par Dhaalte vaqt
lamho.n kaa pher is nazaakat se rakkhaa
ki ham apnii apnii jagah sirf shashdar kha.De the
ka.ii dast-e-chaabuk ke be-jaan putle
mire aur tire darmiyaa.n saj ga.e the
so ye us kii hikmat
magar vaqt is darja saffaak kyo.n hai
ye mashshaata-e-zindagii itnii chaalaak kyo.n hai
mire aur tire darmiyaa.n nau baras jis ne laa kar bichhaa.e
ye nau saal kis tarh mai.n ne bitaa.e
ki saahil se kashtii tak aate hu.e
jaise taKHte ke hamraah dil Dagmagaa.e
vahii nau baras
jo mire aur tire darmiyaa.n vaqt kii kirchiyaa.n hai.n
zamaana bhii kaisii 'ajab kahkashaa.n hai
ye duniyaa-e-sayyaargaa.n hai ki jis me.n
hazaaro.n kavaakib
musalsal kisii chaak par ghuumte hai.n
ye ajsaam ke gird ajsaam kaa raqs hii zindagii hai mirii jaa.n
mirii jaan tuu chaak ke saath miTTii ke rishte ko pahchaantaa thaa
hasan tuu ne miTTii ke be-jaan putlo.n se
taKHliiq ke jaa.n-gusil marhalo.n me.n
sadaa guftuguu
sau tarah guftuguu kii
zihaanat ke putle mohabbat ke KHaaliq
faqat ye bataa de
ki tere 'anaasir ke ajzaa-e-tarkiibii me.n
vaahima kaise aayaa
hasan tuu vahaa.n jho.npa.De me.n
akelaa gale mil ke royaa thaa kis se
labiib aur tuu aur mai.n
aur haqiiqat me.n ko.ii nahii.n thaa
tiraa vaahima
mere lab mere gesuu se lipTaa rahaa thaa
labiib ek saayaa
jise tuu ne rog apnii jaa.n kaa banaayaa
ye saayaa kahii.n gar haqiiqat bhii hotaa
to aaKHir ko tuu is haqiiqat se kyo.n be-KHabar thaa
ki har jism ke saath ik aaftaab aur mahtaab laazim
ye tasliis qaa.em hai qaa.em rahegii
hasan mai.n tire saamne aa.ina thii
tire hijr aur vasl kaa aa.ina
inhimaak-o-ta'alluq kii miTTii se guu.ndhe hu.e jism ko
terii aa.nkho.n kii hiddat ne chamkaayaa thaa
terii KHalvat kii hairat ne vo rang-o-roGan kiye the
ki aa.iine shashdar kha.De rah ga.e the
magar terii KHalvat kii hairat me.n vahshat kaa jo shaa.iba thaa
nigaaho.n se merii kahaa.n chhup sakaa thaa
mire aur tire darmiyaa.n vasl kii har gha.Dii me.n
na jaane kahaa.n se
vahii soKHta-baKHt terii
ki jo jaa.n-fishaanii ke sho'lo.n se dahke hu.e
zindagii ke abad-taab tannuur par
u.ngliyaa.n tere bachcho.n kii thaame kha.Dii
bhuuk se barsar-e-jang thii
jis ke nazdiik ye
tere kuuze tiraa fan tirii aag sab
merii aa.nkhe.n mire phuul aur KHvaab sab
zindagii ke abad-taab tannuur kii raakh the
terii is soKHta-baKHt ko kyaa KHabar
jab zamii.n apne mehvar kii tajdiid me.n
harf-e-laa se guzar jaa.egii
to hazaaro.n baras baa'd bhii
ye azal ke gharo.ndo.n kii miTTii me.n madfuun
phuul aur buuTe ye kuuze
aur un me.n unhii qaaf aa.nkho.n se chhalke hu.e
surKH paanii kii talchhaT
kisii kuuza-gar ke javaa.n lams se jii uThe to
jahaa.n-zaad us ke liye phir janam legii
aur nau baras raqs karte guzar jaa.e.nge
terii is soKHta-baKHt ko kyaa KHabar
vo raat
vo halab kii kaarvaa.n-saraa kaa hauz
jis ko mai.n ne jism-o-jaa.n kii KHushbu.e.n kashiid kar ke
qatra-qatra nau baras me.n aa.nsu.o.n se pur kiyaa
vo ek raat sirf ek raat me.n
tamaam KHushk ho gayaa
ham apne vasl kii tamaazato.n me.n aise jal-bujhe
ki raakh tak nahii.n bachii
ye ek jaa.n kii tishnagii
mujhe tujhe ba-yak-zamaa.n
bhalaa kahaa.n kahaa.n na khii.nchtii phirii
magar ye tuu ne kyaa kahaa
ki tere jaisii 'aurate.n jahaan-zaad
aisii uljhane.n hai.n jin ko aaj tak ko.ii nahii.n suljhaa sakaa
ki 'aurato.n kii saaKHt hai vo tanz apne aap par
javaab jin kaa ham nahii.n
to phir ye jaam-o-miinaa-o-subuu-o-hauz-o-ruud-e-niil
is zamii.n kii god me.n
azal ke harf-giir taabnaak KHvaab ke liye
kahii.n bhii kuchh raqam nahii.n
ai hasan
chaak par se zaraa apnii nazre.n haTaa
tuu mire nau baras tak banaa.e ga.e phuul to dekh le
phuul taaza shagufta aur aazurda hai.n
yuu.n na ho ki inhe.n
bhuuk aur muflisii ke sataa.e hu.e
mere bachche bhii niilaam kar aa.e.n jaa kar kahii.n
tere kuuzo.n ke maanind baGdaad me.n
ai hasan
daaman-e-vaqt par jitne phuul aur buuTe saje hai.n
jahaa.n-zaad kii zaKHmii poro.n ne
rang un me.n apne junuu.n ke bhare hai.n
ye taavaan hai.n champa.ii u.ngliyo.n kaa
tire jaam-o-miinaa pe
jis KHaal-o-KHad kii nazaakat kii parchhaa.iiyaa.n thii.n
tujhe kyaa KHabar ye kin aa.nkho.n kii biinaa.iyaa.n thii.n
hasan ye mohabbat
ki jis ko tirii soKHta-baKHt gardaantii hai
amiiro.n kii baazii
to mere ta.ii.n ye amiiro.n kii baazii kahaa.n
sirf baaziigarii thii
mohabbat hamesha se muflis kaa sarmaaya-e-jaa.n rahii hai
yahii to vo puu.njii hai
jis tak amiiro.n ke haath ab bhii pahu.nche nahii.n hai.n
tujhe ye gumaa.n thaa
ki 'aurat mohabbat kii baazii me.n be-jaan patte kii suurat
kisii dast-e-chaabuk kii marhuun-e-minnat
vo is khel me.n ek mohre kii suurat
ki jab jis ne chaahaa
ise ek ghar se uThaa kar
kisii duusre ghar kaa maalik banaayaa
ki 'aurat faqat ek patthar kii muurat
ye tasviir-e-hairat
yuu.nhii chup kha.Dii hai
yuu.nhii chup rahegii
magar yuu.n nahii.n hai
hasan tuu ne dekhaa
ki mai.n qaid-e-auhaam o band-e-rivaayaat me.n
buu.Dhe 'attaar yuusuf kii dukkaan par
apnii aa.nkhe.n tujhe nazr kartii rahii
buu.Dhaa 'attaar vo kiimiyaa-gar
ki jis ne zamaano.n ke jangal se
chehro.n ke phuul aur buuTe chune
vo mujhe aur tujhe jaantaa thaa magar
mai.n ne baazaar me.n
tujh se aa.nkho.n kaa aur dil kaa saudaa kiyaa
ai hasan
mere ek ik dariiche pe
kohna rivaayaat o zaalim 'aqaa.ed kaa jangal ugaa thaa
hasan
kaash tuu merii aa.nkho.n se mere dariiche ko taktaa
to ye jaan saktaa
jahaa.n tuu kha.Daa thaa vahaa.n ek ik darz se
merii aa.nkhe.n miraa jism
chhan chhan ke
kaT kaT ke girtaa rahaa thaa

Ishrat Afreen

Nazm

KHanjar talash karta hai

bashar rumuuz-e-muqaddar talaash kartaa hai
qazaa-o-qadr kaa mehvar talaash kartaa hai
faqiih-e-shahr sanam-KHaana-e-siyaasat me.n
siraat-e-diin kaa rahbar talaash kartaa hai
KHudaa ko chho.D ke jamhuur kaa havas-pesha
sukuun-e-qalb falak par talaash kartaa hai
mazaaq-e-adl se begaana hai magar insaan
fasaad-KHaana me.n yaavar talaash kartaa hai
pa.e najaat vatan me.n ba-faiz-e-aazaadii
shariif aadmii KHanjar talaash kartaa hai
fazaa-e-dahr me.n taKHriib kaa alam-bardaar
hayaat-saaz payambar talaash kartaa hai
taraashtaa hai baraahiim-e-asr sad-asnaam
charaaG-e-tuur par aazar talaash kartaa hai
barahna zulmat-e-tahziib me.n tan-e-maryam
masiih-e-vaqt kii chaadar talaash kartaa hai
sanam-kade me.n tafalsuf ke tiira-dil vaa.iz
uvais-o-KHaalid-o-buu-zar talaash kartaa hai
ilaaj KHaatir-e-millat kaa paasbaan-e-haram
la.iin-e-vaqt ke dar par talaash kartaa hai
KHuluus-e-diin ko ba.ad-az-KHaraabi-e-bisyaar
zamaana aaj mukarrar talaash kartaa hai
tan-e-shuyuuKH ba-zaahir galiim-posh sahii
zamiir shaahid-o-saaGar talaash kartaa hai
du.aa asiirii kii kartaa hai saahab-e-qur.aa.n
mafar Gulaamii se kaafar talaash kartaa hai
mazaaq-e-faqr hai rahmat asar zamaane me.n
azaab-e-kunz tava.ngar talaash kartaa hai
jahaan-e-shor me.n paiham yaziid kaa lashkar
husain-e-asr ko ghar ghar talaash kartaa hai
sa.nvar to saktii hai millat kii naasehaa taqdiir
lahuu zamaane kaa tevar talaash kartaa hai
miyaan-e-bahr sadaf me.n guhar to hai lekin
KHatar-pasand shanaavar talaash kartaa hai
zamaana batn-e-jahannam me.n ek muddat se
nishaat-o-kaif baraabar talaash kartaa hai
gunaahgaar hai 'bebaak' be-navaa lekin
nabii kaa gumbad-e-aKHzar talaash kartaa hai

Bebak Bhojpuri

Nazm

lafz

lafz taqdiir mirii
husn bhii lafz me.n hai
ishq bhii lafz me.n hai
adl bhii lafz me.n hai
lafz me.n saaz-e-azal
lafz me.n raaz-e-abad
lafz maamuura-e-KHushbuu
lafz ik qaus-e-quzah
lafz baadal kaa KHiraam
lafz dariyaa kii ravaanii
lafz me.n rif.at-e-koh
lafz me.n vus.at-e-sahraa
lafz miTTii kaa numuu
lafz me.n chaa.nd kaa mehvar
lafz me.n matl.a-e-KHurshiid-e-daraKHshaa.n

Ejaz Farooqi

Nazm

hijrat

na puuchh mujh se
ki ja.ng, lashkar,
sisakte patthar,
fazaa ke aa.nsuu
havaa ke tevar
ye raa.egaanii
bikharte mehvar
ye saare kyuu.n kar?
ki rafta rafta,
mai.n saKHt jaanii kii Daaliyo.n se lachak pa.Daa huu.n
guzar chukaa huu.n mai.n har kahaanii kii had se baahar
pa.Daa hu.aa huu.n mai.n apne ma.aanii kii had ke baahar!!

Riyaz Latif

Nazm

kahna ye tha

jaane kahaa.n ho
daftar ke murda maahaul me.n
doGle logo.n ke jhurmuT me.n
shahar kii baaho.n ke zaalim halqe se baahar
chau.Dii shah-raaho.n ke tapte siine par chup-chaap ravaa.n ho
yaa kisii tah-KHaane kii ThanDak ke mehmaa.n ho
mobile kaa saaf javaab hai
aap ke matluuba number se ko.ii javaab nahii.n miltaa hai
kahnaa ye thaa
ye computer aaj mirii KHvaarii par phir aamaada hai
net kaa raabta ju.D nahii.n paataa
ju.D jaa.e to pal se ziyaada rukne ko tayyaar nahii.n hai
kaun saa icon dabaa.uu.n to ye sarkash gho.Daa qaabuu me.n aa.egaa
kis number par phone karuu.n to ko.ii madad kii suurat hogii
modem baaGii ho baiThaa hai
server baat nahii.n suntaa
web kii rago.n me.n KHuun jamaa hai
kone par ik ghuumtii duniyaa ke mehvar par zang lagaa hai
jaane kahaa.n ho
kisii shajar kii baaham paivasta shaaKHo.n se raah banaa kar
bijlii ke khambo.n taaro.n
yaa diivaaro.n ke kaan se ho kar
shaayad ko.ii bhuulaa-bhaTkaa signal tum ko Dhuu.nD nikaale
aur batlaa de
paas na ho tum to mai.n saare aalam se kaT jaatii huu.n
duniyaa merii muTThii me.n se ret kii suurat bah jaatii hai
duniyaa bhar se mere raabte bas tum se hai.n
raabta rakhnaa

Saima Esma

Nazm

aankhen

suno jaanaa
mujhe ik baat kahnii thii
ye jo aa.nkhe.n tumhaarii hai.n
bahut hii KHuub-suurat hai.n
na jaane kyo.n magar mujh ko
yahii mahsuus hotaa hai
kii in KHvaabiida aa.nkho.n me.n
hazaaro.n KHvaahishe.n aisii hai.n
jo ab tak kisii
anjaam tak poh.nchii nahii.n hai.n
aur saare KHvaab ik mehvar pe gardish kar rahe hai.n
na jaane kaun saa vo vaqt hogaa jab
Thahar jaa.egaa ye lamha
aur ye aa.nkhe.n khulii rah jaa.e.ngii
vo saare KHvaab saarii KHvaahishe.n bas dekhte hii dekhte
dam to.D de.ngii in hasii.n KHush-fahm aa.nkho.n me.n
magar kyaa KHuub ho tum bhii
mai.n jab bhii dekhtaa huu.n Gaur se in kattha.ii aa.nkho.n me.n
yuu.n mahsuus hotaa hai
ki jaise ghuurtii rahtii ho.n mujh ko
aur mujh se kah rahii ho.n ki
merii aa.nkhe.n ye tum rakh lo
tumhaare KHvaab mai.n rakh luu.n

Ahmad Ayaz

Nazm

mashwara

tuu chhin gayaa to lagaa jaise
lakiire.n merii hathelii ke kaaGaz se gir ga.ii hai.n
aur haath kafan se zyaada
safed ho ga.e hai.n
ab jaane kaun se lamhe kii pur-kaar
laa.ino.n kii ibaarat dobaara likhe
mai.n ne jiit udhaar to nahii.n maa.ngii thii
hijr kisii zaalim chaudharii kii tarah
tamaam vasl kaa anaaj uThaa kar le gayaa hai
aur bhuuk jism pe baalo.n kii tarah ugne lagii hai
vaqt se meraa mazaaq kabhii nahii.n rahaa
phir jaane kyuu.n
sab ye mujh se kisii bahut qariibii dost kii tarah
kheltaa rahtaa hai
tere aa.nsuu merii aa.nkho.n ko
nargis kaa sau.np kar ga.e hai.n
jaane surKH gulaab kaa zaa.iqa biinaa.ii kab chakkhe
suno
raste abhii apne musaafir bhuule nahii.n
lauT aa.o
varna ma.aluum hai tumhe.n
ab nayaa ghar bante der nahii.n lagtii
raste suk.Dii hu.ii kaliyaa.n
aur khet sahn ban.ne se pahle chale aa.o
ki taviil duuriyaa.n
apne mehvar se ha.Tne ke mutaraadif hai.n
aur madaar se nikle hu.e chaa.nd
ek din aKHbaar kii surKHii ban kar
baaqii raddii ke bhaav bikte hai.n

Saleem Figar

Nazm

bechaini

hayaat suud-o-ziyaa.n se navisht rahtii hai
hayaat suud-o-ziyaa.n ke jahaa.n kaa mehvar hai
kabhii hai dil kaa zarar yaa.n kabhii hai jaa.n ko sakuu.n
kabhii davaa hai kabhii zaKHm-e-dil pe nashtar hai

Daur Afridi

Nazm

mah-e-munir

KHalaa.o.n ke andhe musaafir se puuchhe.n
vo ik zarra-e-KHaak se TuuT kar duur laa-intihaa vus.ato.n aur
be-samt raaho.n kii pur-haul KHaamoshiyo.n me.n
bhaTaktaa phiraa thaa
havaa.o.n ke rahvaar par barq-raftaar sadiyaa.n guzartii rahii.n
us kii raaho.n me.n pal bhar ko aahaT na aa.ii
zamii.n aatishii.n goyaa chaugaa.n KHalaa me.n lu.Dhaktii hu.ii
yuu.n hii be-mudda.aa raqs kartii hu.ii
batn-e-KHurshiid se aag ke surKH dhabbe kii suurat nikal kar
KHalaa ke a.ndhere samundar me.n Duubii
phir aahista aahista taariik hone lagii thii ki andhaa musaafir
uchhal kar kisii samt-e-be-naam ko chal dayaa thaa
phir ab tak alag un ke mehvar alag un kii raahe.n
zamii.n bhii a.ndherii
musaafir bhii be-nuur

Shamsur Rahman Faruqi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now