Search result for "nisaar-e-jur.at-e-inkaar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "nisaar-e-jur.at-e-inkaar"

Nazm MATCHES FOR "nisaar-e-jur.at-e-inkaar"

Nazm

waqt aur dariya

vaqt aur dariyaa hai.n do chiize.n judaa
phir bhii in me.n mushtarak hai baat kyaa
hai mizaaj-e-vaqt-o-dariyaa ek saa
vaqt guzraa aur dariyaa bah gayaa
vaqt guzraa vaapas aa saktaa nahii.n
ko.ii koshish se bhii laa saktaa nahii.n
yuu.nhii dariyaa kaa jo paanii bah gayaa
aaj tak vaapas na ko.ii laa sakaa
paanii to bah kar samundar me.n giraa
aur vaqt aafaaq me.n gum ho gayaa
go ba-zaahir ek hai.n dono.n magar
farq ik baariik aataa hai nazar
aab-e-dariyaa bah ke jaa pahu.nchaa jahaa.n
lahlahaatii hai.n vahaa.n par khetiyaa.n
ya.anii paanii jis jagah ho kar bahaa
phir vahaa.n ifraat se sabza ugaa
ya.anii jis jaa se guzar jaataa hai ye
vo zamii.n zarKHez kar jaataa hai ye
ya.anii bah kar ye bahar-suurat 'nisaar'
chho.Dtaa hai apne piichhe sabza-zaar
vaqt hii kaa masraf-e-jaa.ez 'nisaar'
baaG-e-hastii ko hai kartaa pur-bahaar
haa.n magar jab raa.egaa.n jaataa hai vaqt
chho.D kar viiraaniyaa.n jaataa hai vaqt

Nisar Abbasi

Nazm

chalti phirti ek diwar

chaltii phirtii ik diivaar
dekhii ajaa.ib ghar me.n 'nisaar'
hiltii thii vo idhar udhar
chaltii thii vo khambo.n par
chaar ju.De the us me.n khambe
moTe moTe lambe se
diivaar se thaa gumbad jo lagaa
pipe thaa us se ju.Daa hu.aa
idhar udhar vo hiltaa thaa
moTaa moTaa bhaddaa saa
bhaalaa le kar baiThe the
miyaa.n mahaavat ak.De hu.e
gumbad me.n the darvaaze
chhoTe chhoTe bhuure se
kahte hai.n ye ahl-e-zabaa.n
hote hai.n diivaar ke kaan
kaan the us ke jaise suup
bhuuraa bhuuraa rang aur ruup
gaddaa thaa diivaar ke uupar
chamak rahii thii cham-cham chaadar
nanhe munne baiThe the
phuulo.n ke gul-daste the
gumbad me.n se do bhaale
idhar udhar the nikle hu.e
chamak rahe the aise saathii
daa.nt dikhaa.e jaise haathii
ab ye bataa.o nanhe saathii
dekhii thii diivaar ki haathii

Nisar Abbasi

Nazm

aaKHiri lamha

magar mai.n aaj bahut duur jaane vaalaa huu.n
bas aur chand nafas ko tumhaare paas huu.n mai.n
tumhe.n jo paa ke KHushii hai tum us KHushii pe na jaa.o
tumhe.n ye ilm nahii.n kis qadar udaas huu.n mai.n
kyaa tum ko KHabar is duniyaa kii kyaa tum ko pata is duniyaa kaa
ma.asuum dilo.n ko dukh denaa sheva hai is duniyaa kaa
Gam apnaa nahii.n Gam is kaa hai kal jaane tumhaaraa kyaa hogaa
parvaan cha.Dhogii tum kaise jiine kaa sahaaraa kyaa hogaa
aa.o ki tarastii baa.nho.n me.n ik baar to tum ko bhar luu.n mai.n
kal tum jo ba.Dii ho jaa.ogii jab tum ko shu.uur aa jaa.egaa
kitne hii savaalo.n kaa dhaaraa ehsaas se Takraa jaa.egaa
sochogii ki duniyaa tabqo.n me.n taqsiim hai kyuu.n ye pher hai kyaa
insaan kaa insaa.n bairii hai ye zulm hai kyaa andher hai kyaa
ye nasl hai kyaa ye zaat hai kyaa ye nafrat kii ta.aliim hai kyuu.n
daulat to bahut hai mulko.n me.n daulat kii magar taqsiim hai kyuu.n
taariiKH bataa.egii tum ko insaa.n se kahaa.n par bhuul hu.ii
sarmaa.e ke haatho.n logo.n kii kis tarah mohabbat dhuul hu.ii
sadiyo.n se baraabar mehnat-kash haalaat se la.Dte aa.e hai.n
chhaa.ii hai jo ab tak dhartii par us raat se la.Dte aa.e hai.n
duniyaa se abhii tak miT na sakaa par raaj ijaara-daarii kaa
Gurbat hai vahii aflaas vahii ronaa hai vahii bekaarii kaa
mehnat kii abhii tak qadr nahii.n mehnat kaa abhii tak mol nahii.n
Dhuu.nDe nahii.n miltii.n vo aa.nkhe.n jo aa.nkhe.n ho kashkol nahii.n
sochaa thaa ki kal is dhartii par ik rang nayaa chhaa jaa.egaa
insaan hazaar barso.n kii mehnat kaa samar paa jaa.egaa
jiine kaa baraabar haq sab ko jab miltaa vo pal aa na sakaa
jis kal kii KHaatir jiite-jii marte rahe vo kal aa na sakaa
lekin ye la.Daa.ii KHatm nahii.n ye ja.ng na hogii band kabhii
sau zaKHm bhii khaa kar maidaa.n se haTte nahii.n jur.at-ma.nd kabhii

Jan Nisar Akhtar

Nazm

tur

yahii.n kii thii mohabbat ke sabaq kii ibtidaa mai.n ne
yahii.n kii jur.at-e-iz.haar-e-harf-e-mudda.aa mai.n ne
yahii.n dekhe the ishva-e-naaz o andaaz-e-hayaa mai.n ne
yahii.n pahle sunii thii dil dha.Dakne kii sadaa mai.n ne
yahii.n kheto.n me.n paanii ke kinaare yaad hai ab bhii

Makhdoom Mohiuddin

Nazm

kabhi kabhi

vo shiddat-e-bayaa.n ho ki ho jur.at-e-bayaan-e-haq
gustaaKH itnii ho ga.ii merii zabaa.n kabhii kabhii

Ashraf Baqri

Nazm

bhaarat ke musalman

islaam kii ta.aliim se begaana hu.aa tuu
naa-mahram-e-har-jur.at-e-rindaana hu.aa tuu
aabaadii-e-har-bazm thaa viiraana hu.aa tuu
tuu ek haqiiqat thaa ab afsaana hu.aa tuu

Jagan Nath Azad

Nazm

be-jurat-e-rindana har ishq hai rubahi

be-jur.at-e-rindaana har 'ishq hai ruubaahii
baazuu hai qavii jis kaa vo 'ishq yadullaahii
jo saKHtii-e-manzil ko saamaan-e-safar samjhe
ai vaa.e tan-aasaanii naapaid hai vo raahii
vahshat na samajh is ko ai mardak-e-maidaanii
kohsaar kii KHalvat hai taa'liim-e-KHud-aagaahii
duniyaa hai rivaayaatii 'uqbaa hai munaajaatii
dar-baaz do-'aalam-raa iin ast shahanshaahii

Allama Iqbal

Nazm

bhikari

kahne ko 'haatim'-o-'qaaruun'-o-'karan' bhii aa.e
apne hisse me.n vahii ranj-o-mehan hai.n ki jo the
jur.at-e-'iisaa'-o-'mansuur' se bhii kuchh na hu.aa
roz-o-shab marhala-e-daar-o-rasan hai.n ki jo the

Iqbal Umar

Nazm

hikayat-e-gurezan

mai.n ki KHud mahram-e-zauq-e-parvaaz
hamraaz sar-e-bulandii
chaa.nd taaro.n kii mahfil se nazre.n churaa.e
mai.n ki KHud saaGar-e-shauq
paimaana-e-jazb-o-mastii
halqa-e-mai-gusaaraa.n se daaman bachaa.e
mai.n ki KHud jur.at-e-ehtiraam-e-diid
KHud jur.at-e-ehtiraam
sirf ik jur.at-e-aarzuu par pashemaa.n
mai.n ki KHud saare aalam ke dard-o-alam kii amii.n
apne zaKHmo.n ke aatish-navaa.ii pe KHandaa.n
mai.n ki har raaz-e-sar-basta se aashnaa
mai.n ki aaha.ng-e-hastii kii hamraaz huu.n
mai.n huu.n sadiyo.n kii kho.ii hu.ii ik sadaa
mai.n anaasir kaa TuuTaa hu.aa saaz huu.n

Zahida Zaidi

Nazm

hum KHud bhi apne sath nahin

ik kabhii na biitne vaalii shab
ik haath na aane vaalaa din
is shab se jaan chhu.Daane me.n
us din ko Dhuu.nD ke laane me.n
ham reza reza ho ke rahe
jo paayaa thaa vo kho ke rahe
is paane me.n is khone me.n
hone me.n aur na hone me.n
kuchh suud-o-ziyaa.n kaa haath hai kyaa
yaa aur hii ko.ii baat hai kyaa
is saarii izaafii baato.n me.n
bas ek hii baat zaruurii hai
yaa.n shab kii sahar se duurii hai
is shab ke tasalsul me.n pinhaa.n
ik ghor a.ndheraa jahl kaa hai
jis jahl kii kaalii aa.ndhii ne
jiivan ke sach ko chaaT liyaa
aur ham ne isii viiraanii me.n
ik andhaa jiivan kaaT liyaa
is kaale andhe jiivan me.n
Gurbat kii tiira-baKHtii ne
kuchh qismat ke ehsaan ne bhii
kuchh jabr-e-vaqt kii saKHtii ne
insaan se kyaa kuchh chhiinaa hai
ye jiinaa kaisaa jiinaa hai
pasmaa.ndgii-e-jaa.n ruuh talak
dar aa.ii siyaahii o.Dhe hu.e
ham maqtal-e-shab me.n aa baiThe
inkaar kaa daaman chho.De hu.e
inkaar ki jis kii jumbish-e-lab
har shab kii sahar ban saktii hai
ye jur.at-o-naa-farmaanii-e-shab
bebas kii sipar ban saktii hai
phir kyo.n is qatl-gah-e-shab me.n
aa baiThe hai.n jii haar ke ham
iqraar se lab aasuuda sahii
munkir to nahii.n inkaar ke ham

Pirzada Qasim

Nazm

phul barsao shahidan-e-watan ki KHak par

jin sar-afraazo.n kii ruuhe.n aaj hai.n aflaak par
maut KHud hairaa.n thii jin kii jur.at-e-be-baak par

Tilok Chand Mahroom

Nazm

aazadi ke baad

gungunaatii 'ishrate.n de kar dil-e-Gamnaak ko
ham-navaa apnaa banaa kar jur.at-e-be-baak ko

Azmat Abdul Qayyum Khan

Nazm

shair

KHaak ke zarro.n ko tanviir-e-nazar detaa hai vo
phuul kii pattii ko lohe kaa jigar detaa hai vo
jab use mahmez kartii hai taKHayyul kii adaa
zulmat-e-shab ko tajallii-e-sahar detaa hai vo
saazish-e-barbaadi-e-aalam jahaa.n jab bhii hu.ii
saarii duniyaa jaag jaatii hai KHabar detaa hai vo
jab rag-e-jamhuuriyat ko kaaTne ba.Dhtaa hai zulm
be-gunaahii sabr kartii hai asar detaa hai vo
is qadar fitrat ke husn-e-dilrubaa par hai fidaa
taalib-e-sar ho agar fitrat to sar detaa hai vo
KHud tahii-daaman sahii lekin zar-e-iKHlaas se
daaman-e-tahziib-e-insaanii ko bhar detaa hai vo
azmat-e-aadam se kar ke munzabit apnaa suKHan
Gam-zado.n ko jur.at-e-zauq-e-safar detaa hai vo
maut ko tasKHiir kar ke quvvat-e-idraak se
murdanii chehro.n ko jiine kaa hunar detaa hai vo
qalb-e-shaa.ir ko milii hai.n ishq kii sab barkate.n
ishq hii se qalb-e-aahan mom kar detaa hai vo

Habeeb Jaunpuri

Nazm

hum apne jazba-e-dil se muhayya ek jahan kar len

tasallut laakh ye sayyaad-o-barq-o-baaGbaa.n kar le.n
nahii.n mumkin ki ham baahar chaman se aashiyaa.n kar le.n
badal de.n ye zamii.n paidaa nayaa ik aasmaa.n kar le.n
ham apne jazba-e-dil se muhayyaa ik jahaa.n kar le.n
abhii sab daGdaGa miT jaa.e ye sayyaad-o-gulchii.n kaa
jo ham paidaa shu'uur-e-zindagii-e-gulistaa.n kar le.n
zamaana de rahaa hai daa'vat-e-bedaarii-o-jur.at
nigaah-o-dil ko aamaada baraa-e-imtihaa.n kar le.n
pahu.nch jaa.e.n ham istiqlaal kii aisii bulandii par
nazar mustaGnii-e-hangaama-e-suud-o-ziyaa.n kar le.n
abhii ho jaa.e.n paara-paara sab aa'daa kii tadbiire.n
zaraa ham mujtama' apne agar taab-o-tavaa.n kar le.n
guzar achchhaa nahii.n har dam ye zid par aashiyaane kii
bas apnaa raasta hii muKHtalif ab bijliyaa.n kar le.n
badal jaa.e abhii 'in'aam' nazm-e-shorish-e-baatil
zaraa ham ittibaa’-e-mashrab-e-ruuhaaniyaa.n kar le.n

Inam Thanvi

Nazm

yas o umid

ummiid
hai Galat nauha-e-Gam-gauhar shahvaar hai tuu
fil-haqiiqat ba.Dii izzat kaa sazaa-vaar hai tuu
maujzan hai tirii rag rag me.n shahiido.n kaa lahuu
badr o ahzaab kii ja.ngo.n kaa alam-daar hai tuu
jur.at-e-KHaalid-e-jaa.n-baaz milii hai tujh ko
vaaris-e-zor-e-shah-e-haidar-e-karraar hai tuu
kaun kahtaa hai tujhe jins danii hech-mabarz
tuu bahut kuchh hai agar muslim-e-bedaar hai tuu
tuu agar chaahe nikal saktii hai sahraa me.n bhii raah
sa.i-e-paiham ke liye koh-e-giraa.n ik par-e-kaah
kaun kahtaa hai ki saamaan se vaabasta hai
terii izzat tire iimaan se vaabasta hai
sab se avval tujhe laazim hai KHudaa kii pahchaan
aadmiyat isii irfaan se vaabasta hai
KHud giraa pa.Dtaa hai laazim hai KHudaa kii pahchaan
terii vaq.at bhii tirii aan se vaabasta hai
is se kaT jaa.e to kau.Dii bhii nahii.n mol tiraa
qadr o qiimat tirii qur.aan se vaabasta hai
tuu hai shaakii ki zamaana ne tujhe khoyaa hai
aur zamaane ko shikaayat hai ki tuu soyaa hai

Urooj Qadri

Nazm

bahadur-shah zafar

zohd-o-piirii me.n bhii ik jur.at-e-rindaana thii
saamne maut ke tadbiir-e-hariifaana thii

Shamsii Meenai

Nazm

marsiya baal-ganga-dhar-tilak

jaa.n-nisaar-e-azalii sher-e-Deccan kaa vaaris
peshvaa.o.n ke garajte hu.e ran kaa vaaris

Chakbast Braj Narayan

Nazm

agle janam mohe biTiya hi kijo

ye terii jur.at-e-iz.haar ye biphraa hu.aa lahja
yaqii.n mujh ko dilaate hai.n
tirii beTii ko ye shikva nahii.n hogaa

Ishrat Afreen

Nazm

maslahat

unhii.n sho.alo.n kii tamaazat kaa sahaaraa le kar
barbariyyat ke har aivaan se Takraayaa huu.n
har ka.De vaqt me.n sa.ngiin chaTaano.n kii tarah
tund haalaat ke tuufaan se Takraayaa huu.n
tuu kahaa.n aur mirii jur.at-e-be-baak kahaa.n
tujh ko is kaahish-e-jaa.n-soz kaa idraak kahaa.n

Naresh Kumar Shad

Nazm

jawahar-lal nehru

jaa.n-nisaar-e-vatan
chho.D kar anjuman
bhaayaa gang-o-jaman
hind kaa baa.nkpan
raah me.n kho gayaa

Takmiil Rizvi Lakhnavi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now