Search result for "pyaala" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "pyaala"

Nazm MATCHES FOR "pyaala"

Nazm

abhi to main jawan hun

havaa bhii KHush-gavaar hai
gulo.n pe bhii nikhaar hai
tarannum-e-hazaar hai
bahaar pur-bahaar hai
kahaa.n chalaa hai saaqiyaa
idhar to lauT idhar to aa
are ye dekhtaa hai kyaa
uThaa subuu subuu uThaa
subuu uThaa pyaala bhar
pyaala bhar ke de idhar
chaman kii samt kar nazar
samaa.n to dekh be-KHabar
vo kaalii kaalii badliyaa.n
ufuq pe ho ga.ii.n ayaa.n
vo ik hujuum-e-mai-kashaa.n
hai suu-e-mai-kada ravaa.n
ye kyaa gumaa.n hai bad-gumaa.n
samajh na mujh ko naa-tavaa.n
KHayaal-e-zohd abhii kahaa.n
abhii to mai.n javaan huu.n
ibaadato.n kaa zikr hai
najaat kii bhii fikr hai
junuun hai savaab kaa
KHayaal hai azaab kaa
magar suno to shaiKH jii
ajiib shai hai.n aap bhii
bhalaa shabaab o aashiqii
alag hu.e bhii hai.n kabhii
hasiin jalva-rez ho.n
adaa.e.n fitna-KHez ho.n
havaa.e.n itr-bez ho.n
to shauq kyuu.n na tez ho.n
nigaar-haa-e-fitnagar
ko.ii idhar ko.ii udhar
ubhaarte ho.n aish par
to kyaa kare ko.ii bashar
chalo jii qissa-muKHtasar
tumhaaraa nuqta-e-nazar
durust hai to ho magar
abhii to mai.n javaan huu.n
ye gasht kohsaar kii
ye sair juu-e-baar kii
ye bulbulo.n ke chahchahe
ye gul-ruKHo.n ke qahqahe
kisii se mel ho gayaa
to ranj o fikr kho gayaa
kabhii jo baKHt so gayaa
ye ha.ns gayaa vo ro gayaa
ye ishq kii kahaaniyaa.n
ye ras bharii javaaniyaa.n
udhar se mehrbaaniyaa.n
idhar se lan-taraaniyaa.n
ye aasmaan ye zamii.n
nazaara-haa-e-dil-nashii.n
inhe.n hayaat-aafrii.n
bhalaa mai.n chho.D duu.n yahii.n
hai maut is qadar qarii.n
mujhe na aa.egaa yaqii.n
nahii.n nahii.n abhii nahii.n
abhii to mai.n javaan huu.n
na Gam kushuud o bast kaa
buland kaa na past kaa
na buud kaa na hast kaa
na vaada-e-alast kaa
ummiid aur yaas gum
havaas gum qayaas gum
nazar se aas paas gum
hama-bajuz gilaas gum
na mai me.n kuchh kamii rahe
qadah se hamdamii rahe
nashist ye jamii rahe
yahii hamaa-hamii rahe
vo raag chhe.D mutribaa
tarab-fazaa, alam-rubaa
asar sadaa-e-saaz kaa
jigar me.n aag de lagaa
har ek lab pe ho sadaa
na haath rok saaqiyaa
pilaa.e jaa pilaa.e jaa
abhii to mai.n javaan huu.n

Hafeez Jalandhari

Nazm

hasan kuza-gar(3)

jahaa.n-zaad
ek tuu aur ek vo aur ek mai.n
ye tiin zaaviye kisii musallas-e-qadiim ke
hamesha ghuumte rahe
ki jaise meraa chaak ghuumtaa rahaa
magar na apne-aap kaa ko.ii suraaG paa sake
musallas-e-qadiim ko mai.n to.D, duu.n jo tuu kahe, magar nahii.n
jo sehr mujh pe chaak kaa vahii hai is musallas-e-qadiim kaa
nigaahe.n mere chaak kii jo mujh ko dekhtii hai.n
ghuumte hu.e
subuu-o-jaam par tiraa badan tiraa hii rang terii naazukii
baras pa.Dii
vo kiimiyaa-garii tire jamaal kii baras pa.Dii
mai.n sail-e-nuur-e-andruu.n se dhul gayaa!
mire daro.n kii KHalq yuu.n galii galii nikal pa.Dii
ki jaise sub.h kii azaa.n sunaa.ii dii!
tamaam kuuze bante bante 'tuu' hii ban ke rah ga.e
nashaat is visaal-e-rah-guzar kii naa-gahaa.n mujhe nigal ga.ii
yahii pyaala-o-suraahii-o-subuu kaa marhala hai vo
ki jab KHamiir-e-aab-o-gil se vo judaa hu.e
to un ko samt-e-raah-e-nau kii kaamraaniyaa.n mile.n
mai.n ik Gariib kuuza-gar
ye intihaa-e-maarifat
ye har pyaala-o-suraahii-o-subuu kii intihaa-e-maarifat
mujhe ho is kii kyaa KHabar?

Noon Meem Rashid

Nazm

rishwat

thii buzurgo.n kii jo banyaa.in vo baniyaa le gayaa
ghar me.n jo gaa.Dhii kamaa.ii thii vo gaa.Dhaa le gayaa
jism kii ek ek boTii gosht vaalaa le gayaa
tan me.n baaqii thii jo charbii ghii kaa pyaala le gayaa

Josh Malihabadi

Nazm

jaDe ki bahaaren

jab maah aghan kaa Dhaltaa ho tab dekh bahaare.n jaa.De kii
aur ha.ns ha.ns puus sambhaltaa ho tab dekh bahaare.n jaa.De kii
din jaldii jaldii chaltaa ho tab dekh bahaare.n jaa.De kii
aur paalaa barf pighaltaa ho tab dekh bahaare.n jaa.De kii
chillaa Gam Tho.nk uchhaltaa ho tab dekh bahaare.n jaa.De kii
tan Thokar maar pichhaa.Daa ho aur dil se hotii ho kushtii sii
thar-thar kaa zor ukhaa.Daa ho bajtii ho sab kii battiisii
ho shor phaphuu huu-huu kaa aur dhuum ho sii-sii sii-sii kii
kalle pe kallaa lag lag kar chaltii ho mu.nh me.n chakkii sii
har daa.nt chane se daltaa ho tab dekh bahaare.n jaa.De kii
har ek makaa.n me.n sardii ne aa baa.ndh diyaa ho ye chakkar
jo har dam kap-kap hotii ho har aan ka.Daaka.D aur thar-thar
paiThii ho sardii rag rag me.n aur barf pighaltaa ho patthar
jha.D-baa.ndh mahaavaT pa.Dtii ho aur tis par lahre.n le le kar
sannaaTaa baav kaa chaltaa ho tab dekh bahaare.n jaa.De kii
har chaar taraf se sardii ho aur sehn khulaa ho koThe kaa
aur tan me.n niimaa shabnam kaa ho jis me.n KHas kaa itr lagaa
chhi.Dkaav hu.aa ho paanii kaa aur KHuub pala.ng bhii ho bhiigaa
haatho.n me.n piyaala sharbat kaa ho aage ik farraash kha.Daa
farraash bhii pa.nkhaa jhaltaa ho tab dekh bahaare.n jaa.De kii
jab aisii sardii ho ai dil tab roz maze kii ghaate.n ho.n
kuchh narm bichhaune maKHmal ke kuchh aish kii lambii raate.n ho.n
mahbuub gale se lipTaa ho aur kuhnii, chuTkii, laate.n ho.n
kuchh bose milte jaate ho.n kuchh miiThii miiThii baate.n ho.n
dil aish-o-tarab me.n paltaa ho tab dekh bahaare.n jaa.De kii
ho farsh bichhaa Gaaliicho.n kaa aur parde chhoTe ho.n aa kar
ik garm a.ngiiThii jaltii ho aur sham.a ho raushan aur tis par
vo dilbar, shoKH, parii, chanchal, hai dhuum machii jis kii ghar ghar
resham kii narm nihaalii par sau naaz-o-adaa se ha.ns ha.ns kar
pahluu ke biich machaltaa ho tab dekh bahaare.n jaa.De kii
tarkiib banii ho majlis kii aur kaafir naachne vaale ho.n
mu.nh un ke chaa.nd ke Tuk.De ho.n tan un ke ruu.ii ke gaale ho.n
poshaake.n naazuk ra.ngo.n kii aur o.Dhe shaal do-shaale ho.n
kuchh naach aur rang kii dhuume.n ho.n aish me.n ham matvaale ho.n
piyaale par pyaala chaltaa ho tab dekh bahaare.n jaa.De kii
har ek makaa.n ho KHalvat kaa aur aish kii sab tayyaarii ho
vo jaan ki jis se jii Gash ho sau naaz se aa jhankaarii ho
dil dekh 'naziir' us kii chhab ko har aan adaa par vaarii ho
sab aish muhayyaa ho aa kar jis jis armaan kii baaii ho
jab sab armaan nikaltaa ho tab dekh bahaare.n jaa.De kii

Nazeer Akbarabadi

Nazm

imroz

mujhe kyaa KHabar vaqt ke devtaa kii hasii.n rath ke pahiyo.n tale pis chuke hai.n
muqaddar ke kitne khilaune zamaano.n ke ha.ngaame sadiyo.n ke sad-haa hayuule
mujhe kyaa ta'alluq merii aaKHirii saa.ns ke baa'd bhii dosh-e-giitii pe machle
mah o saal ke laa-zavaal aab-shaar-e-ravaa.n kaa vo aa.nchal jo taaro.n ko chhuu le
magar aah ye lamha-e-muKHtasar jo mirii zindagii meraa zaad-e-safar hai
mire saath hai mere bas me.n hai merii hathelii pe hai ye labaa-lab pyaala
yahii kuchh hai le de ke mere liye is KHaraabaat-e-shaam-o-sahar me.n yahii kuchh
ye ik mohlat-e-kaavish-e-dard-e-hastii ye ik fursat-e-koshish-e-aah-o-naala

Majeed Amjad

Nazm

dhobi ka ghaT

majbuur-e-aziyyat
to maan le is aks kaa manzar
detaa hai tujhe jaam-e-chashiida kii sii lazzat
kyuu.n soch rahaa hai
jhuuTaa hai ye pyaala
kyaa aaj zamaane me.n kahii.n dekhii hai tuu ne
doshiiza masarrat?

Meeraji

Nazm

baba gandhi

svaaraaj kaa jhanDaa bhaarat me.n ga.Dvaa diyaa gaa.ndhii baabaa ne
dil qaum-o-vatan ke dushman kaa dahlaa diyaa gaa.ndhii baabaa ne
ulfat kii raah me.n mar jaanaa par naam jahaa.n me.n kar jaanaa
ye paaTh vatan ke bachcho.n ko sikhlaa diyaa gaa.ndhii baabaa ne
ik dharm kii taaqat dikhlaa kar zaalim ke chhakke chho.Dvaa kar
bhaarat kaa lohaa duniyaa se manvaa diyaa gaa.ndhii baabaa ne
ai qaum vatan ke parvaano lo apne farz ko pahchaano
ab jail se ye paiGaam hame.n bhijvaa diyaa gaa.ndhii baabaa ne
charKHe kii top chalaa do tum Gairo.n ke chhakke chhu.Daa do tum
ye hind kaa chakr-sudarshan hai samjhaa diyaa gaa.ndhii baabaa ne
nafrat thii Gariibo.n se jin ko hai.n shaad achhuuto.n se mil kar
ik prem-pyaalaa duniyaa ko pilvaa diyaa gaa.ndhii baabaa ne
girdaab me.n qaum kii kashtii thii tuufaan bapaa the aafat ke
nation kaa be.Daa saahil par lagvaa diyaa gaa.ndhii baabaa ne
bhagvaan bhagat ne himmat kii ik prem-jvaalaa jaag uThii
karvaa kar shiir-o-shakar sab ko dikhlaa diyaa gaa.ndhii baabaa ne
ha.ns ha.ns kar qaum ke bachcho.n ne siino.n par goliyaa.n khaa.ii hai.n
bhaarat kii rah me.n mar miTnaa sikhlaa diyaa gaa.ndhii baabaa ne
Gairo.n ke jhaa.nso.n me.n aanaa dushvaar hai hind ke laalo.n ko
aa.nkho.n se Gaflat kaa parda uThvaa diyaa gaa.ndhii baabaa ne

Aaftab Rais Panipati

Nazm

zara socho

farz karo ki saare jaanvar baat bhii karte ham se
un ke jo jii me.n aa jaataa kah dete ek dam se
darvaaze par kuttaa kahtaa bhuuke hai.n do din ke
ko.ii davaa bhii de do dekho makkhii zaKHm pe bhinke
baavarchii-KHaane me.n chyuu.nTii shakar maa.ngtii rahtii
bas do daane bas do daane har phere par kahtii
chi.Diyaa u.Dte phirte khi.Dkii par aavaaz lagaatii
bachcho.n ke kamre me.n chhup kar daal ke daane khaatii
ga.e bail sabzii ke Thele vaalo.n se la.D jaate
DanDe khaa kar gaaliyaa.n bakte dil kii aag bujhaate
billii duudh kaa pyaala pak.De gosht maa.ngtii rahtii
din bhar leTii daadii jaisii apnii baat hii kahtii
bakre kii qurbaanii par kuchh bakre maatam karte
murGe bhii is majlis me.n mu.nh laTkaa kar Gam karte
saas bahuu ke jhag.De kii chhipkiliyaa.n shaahid hotii.n
shauhar kii aamad par saaraa qissa vo hii rotii.n
Garaz ke saarii duniyaa me.n ik shor saa barpaa rahtaa
chup ho jaa.o chup ho jaa.o saaraa aalam kahtaa

Asna Badr

Nazm

ilaj bil-misl

nashtar zaKHm lagaataa hai to nashtar se khulvaataa huu.n
silvaataa huu.n
phaner niil utaartaa hai to manke me.n risvaataa huu.n
khi.nchvaataa huu.n
paanii me.n garmii gholtaa hai
to paanii kaa ThanDaa pyaala ma.ngvaataa huu.n
jab shab-e-zinda-daarii me.n mai cha.Dhtii hai
to sub.h subuuhii kii sii.Dhii lagvaataa huu.n

Waheed Ahmad

Nazm

wahi laDki

laa.nbii palko.n vaalii la.Dkii
mujh se pahle ek sitaar-navaaz ke paas bhii jaatii thii
us ke rasiile naGmo.n par naagan kii tarah lahraatii thii
us kii taano.n aur palTo.n par dhu.aa.n dhu.aa.n ho jaatii thii
me.nDh jidhar le jaatii thii us samt ravaa.n ho jaatii thii
giit ke lai ba.Dhte hii tund baguula ban jaatii thii
takte takte goyaa ek hayuulaa saa ban jaatii thii
sampar daayaa.n paa.nv zamii.n par maar ke vo ruk jaatii thii
ruk kar yuu.n lahraa kar girtii
jaise ko.ii kaa.nch kaa pyaala
haath se chhuuTe
chhan se TuuTe
gir kar uThtii
uTh kar yuu.n jhuk jaatii thii
jaise ko.ii ban-baasii devii
karmo.n kaa phal bhog chukii ho
devtaa ke charno.n me.n jhukii ho
mastii me.n Dag bharne vaalii
sambhal sambhal pag bhartii thii
ThanDii aa.he.n bhartii thii
aisaa zaahir kartii thii
jaise us par martii thii
takte hii takte vo ek hayuulaa saa ban jaatii thii
us ke rasiile naGmo.n par naagin kii tarah lahraatii thii

Khatir Ghaznavi

Nazm

eid ki bahaar

jii bhar kar eid manaae.nge
jii bhar kar eid manaae.nge
ham KHuub miThaa.ii khaa.e.nge
ham DaT kar shiir u.Daa.e.nge
achchhe se kap.De pahne.nge
abbaa se eidii paa.e.nge
jii bhar kar eid manaae.nge
jii bhar kar eid manaae.nge
gu.Diyaa guDDaa Dolaa gaa.Dii
chimTaa phu.nknii ha.nDiyaa Do.ii
pyaalaa chamcha chuulhaa chakkii
ye sab chiize.n ma.ngvaa.e.nge
jii bhar kar eid manaae.nge
jii bhar kar eid manaae.nge
baajii mahmuuda aa.e.ngii
raziya safiya ko laa.e.nge
sarvat rif.at 'najma' zohra
in sab ko bulvaa.e.ngii
jii bhar kar eid manaae.nge
jii bhar kar eid manaae.nge
ham khele.nge ham khaa.e.nge
ham din bhar jii bahlaa.e.nge
ham uchhle.nge ham kuude.nge
'nayyar' ke gaane gaa.e.nge
jii bhar kar eid manaae.nge
jii bhar kar eid manaae.nge

Mohammad Shafiuddin Nayyar

Nazm

kashmir

aamaajgah-e-nuur hai kohsaar-e-himaala
hai Gairat-e-sad-tuur ye bhaarat kaa shivaala
kohsaar nahii.n taaj-e-vatan amn kaa haala
sahbaa-e-mohabbat kaa chhalaktaa hu.aa pyaala
kashmiir himaala kaa dha.Daktaa hu.aa dil hai
is vaadii kaa har phuul mahaktaa hu.aa dil hai
is vaadii kii taariiKH uKHuvvat kaa fasaana
is vaadii kaa har naGma mohabbat kaa taraana
is vaadii kaa har zarra ma.aanii kaa KHazaana
is vaadii kii tahziib ne dekhaa hai zamaana
ye vaadii-e-gul aaj bhii gulzaar-e-iram hai
is vaadii kaa har phuul bahaaro.n kaa sanam hai

Rifat Sarosh

Nazm

asatiri nazm

us kii sunahrii naaf kaa pyaala
KHutan se aa.ii
kastuurii se labrez thaa
aur siine par
laala ke do phuul khile the
raushnii
us ke chehre ke KHadd-o-KHaal taKHliiq karne me.n
masruuf thii

Jawaz Jafri

Nazm

wijdan

hijr-o-visaal ke beach bhii ik mausam hotaa hai
jaise tumhaarii gum-sum aa.nkhe.n
jaise mirii adhuurii nazme.n
jaise chhaachh kaa KHaalii pyaala
jaise chaak pe aadhaa bartan
jaise kisii sayyaare par chhe maah kii raat

Ishrat Afreen

Nazm

main aur tum

mai.n ek pujaaran dev-daasii
chupke se baahar aatii huu.n
aur kirno.n kii is barkhaa me.n
apnaa tan-man nahlaatii huu.n
tum jiivan-jot jagaate ho
aur mujh ko bhii chamkaate ho
tum rang bharaa madhuu-shaalaa ho
aur mai.n to KHaalii pyaala huu.n
tum dhartii kaa ujyaalaa ho
mai.n raat kaa gahraa sannaaTaa
tum jhilmil jhilmil maalaa ho
mai.n pair me.n chubhtaa ik kaa.nTaa
har mausam kaa ho ruup bhii tum
saaya bhii tum ho dhuup bhii tum

Sadiqa Fatimi

Nazm

kosa dudh

to ye duudh kosaa hai!
ye duudh hai aur kosaa hai
jis se badan kii nase.n uu.ngh jaatii hai.n
jis se mire dil kii baa-qaa.edaa dha.Dkano.n me.n
izaafe kii suurat nahii.n
ye vahii duudh hai jis ko farhaad kii garmi-e-shauq ne
biisto.n kii siyah choTiyo.n se utaaraa
tuu is ke lahuu kii haraarat kaa juuyaa hu.aa
phir bhii kosaa rahaa
ye vahii duudh hai
chaa.ndnii ban ke jo garmiyo.n ke kisii maah kii chaudhvii.n raat ko
aasmaa.n par zamii.n par dilo.n me.n nigaaho.n me.n
bahtaa hai lekin
kisii ke labo.n ko jalaataa nahii.n hai
ye suuraj kaa saaya hai laavaa nahii.n hai!
tum apne piyaale ko bhaTTii me.n rakh do!
ki ye duudh ubaltaa rahe
ye pyaala bhii Dhal jaa.e
ye duudh jal jaa.e
aur is tarah mushk-e-naafaa bane
jis kii KHushbuu kii taaqat na laa.e ko.ii shaKHs bhii
jis kii KHushbuu se har maGz se KHuun bahne lage!

Shahzad Hasan

Nazm

waqt

bas aur gha.Dii do gha.Dii sahii
phir vaqt ke pyaale se girtii
hastii kii riit ko
pyaala KHaalii karnaa hai
har baazii vaqt kii baazii thii
har baazii par shah maat hu.ii
ab daaman jhaa.D ke uTThe.nge
saarii mehnat barbaad hu.ii
KHushnuudii-e-vaqt kii KHaatir ham
bas kyaa kyaa baar uThaate hai.n
ham aas kii shabnam bote hai.n
aur yaas ke sahraa paate hai.n
zaahir me.n to himmat o.Dhe hai.n
aur andar TuuTte jaate hai.n
ye ilm kii taaqat
dil kii sadaaqat
qalam kii himmat
apne liye sab naa-samjhii kii baate.n hai.n
ye jaah-o-hasham bhii un ke hai.n
jo shaadaabii ke paale hai.n
apnii to himmat sarf hu.ii
saarii mehnat barbaad hu.ii
jo dil ke taho.n me.n TuuT gayaa
jo andar andar biit ga.ii
us kaahish-e-jaa.n kaa zikr hii kyaa
ab muTThii ret kii baazii hai
so kaun sii aisii baazii hai
ab haar aur jiit kii fikr hii kyaa
sab jaan liyaa sab dekh liyaa
jab sab raste be-manzil hai.n
jab sab lamhe patthar-dil hai.n
jab soche.n sab laa-haasil hai.n
phir kyaa soche.n phir kyo.n soche.n
lo ham KHud apnii muTThii se ye ret giraa.e dete hai.n
yaa Thahr ke samjhe vaqt hame.n
yaa ham Thahraa.e dete hai.n

Naseem Syed

Nazm

TuTe hue pyale

mai.n KHudaa ke haatho.n se gir kar TuuTaa hu.aa pyaala huu.n
(jo apne bikhre hu.e Tuk.Do.n ko...
Dhuu.nDhtaa phirtaa hai)
kabhii kabhii (bahut kabhii kabhii)
ko.ii Tuk.Daa mil kar apnii TuuTii hu.ii jagah se jo.D banaataa hai
to azalii taskiin aur abadii sarshaarii kaa ehsaas miltaa hai
jaise ki tum!
haa.n payaare! jaise tum milte ho to kuchh aisaa hii lagtaa hai
jaise mai.n tho.Daa mukammal ho gayaa huu.n
jaise mai.n phir se apne chaak par aa gayaa huu.n

Anjum Saleemi

Nazm

jo mere marne ka tamasha nahin dekhna chahti

vo table par pyaale me.n
talKH mahluul rakhaa thaa
ab nahii.n hai

Ahmad Azad

Nazm

shararat pe tamasha

saathii ne kii sharaarat aur maar mai.n ne khaa.ii
baajii ne kii shikaayat abbuu ne kii piTaa.ii
sab ghar me.n so ga.e jab vo chupke chupke uTThaa
aahista se kitchen me.n choro.n kii tarah pahu.nchaa
khurchii tave se kaalak phir us me.n tel Daalaa
le kar kitchen se niklaa kaalak bharaa pyaala
sab nii.nd me.n the kho.e sab be-KHabar the so.e
laayaa talaash kar ke ru.ii ke chand pho.e
us ne banaa.ii.n jhaT-paT baajii kii daa.Dhii mo.nchhe.n
phir sub.h ko hu.aa kyaa aa.o jii ye bhii dekhe.n
aisaa hu.aa tamaashaa aisaa hu.aa tamaashaa
baajii ko dekhtaa jo ha.nstaa vo be-tahaashaa
aaKHir unho.n ne sochaa kyaa ho gayaa hai aisaa
kyuu.n ha.ns rahe hai.n ye sab aaKHir hai maajraa kyaa
jab dekhaa aa.ine me.n abbuu se kii shikaayat
ilzaam mujh pe aayaa aur bach gayaa rifaaqat

Sham Durrani

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now