Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "rabt-zabt"

Nazm MATCHES FOR "rabt-zabt"

Nazm

raushni ke bojh

havaa u.Daa.e resham baadal ke parde
chhan chhan kar pe.Do.n se utre.n raushaniyaa.n
jaise achaanak bachcho.n ko aa jaa.e ha.nsii
ja.ngal tiira-baKHt nahii.n
chhan chhan kar chhitnaar se barso raushniyo
paudo.n kii rag rag me.n tairo raushniyo
ja.ngal ke siine ke kono.n-khudro.n me.n
dabe hu.e asraar bahut
KHvaab-gaziida nashe me.n sarshaar bahut
nii.nd nagar ko tajne pur israar bahut
ko.npal ko.npal phuuTne pe tayyaar bahut
buu.Dhe pe.D na rasta roko
un KHvaabo.n ko jii lene do
chhan chhan kar chhitnaar se barso raushniyo
is ma.asuum ha.nsii me.n garche rabt nahii.n
pal-bhar me.n aa.nsuu bin jaa.e.n zabt nahii.n
is motii ke qalb me.n utro raushniyo
aur chamak us kii chamkaa.o raushniyo
nagar nagar me.n tum saa naazuk lams na paa.uu.n
kiran kiran ke lekin barso.n bojh uThaa.uu.n

Abrarul Hasan
Nazm

mujhe bhul ja

mire saaqiyaa mujhe bhuul jaa
mire dilrubaa mujhe bhuul jaa
na vo dil rahaa na vo jii rahaa
na vo daur-e-aish-o-KHushii rahaa
na vo rabt-o-zabt-e-dilii rahaa
na vo auj-e-tishna-labii rahaa
na vo zauq-e-baada-kashii rahaa
mai.n alam-navaaz huu.n aaj-kal
mai.n shikasta-saaz huu.n aaj-kal
mai.n saraapaa raaz huu.n aaj-kal
mujhe ab KHayaal me.n bhii na milaa
mujhe bhuul jaa mujhe bhuul jaa

Shakeel Badayuni
Nazm

tajdid-e-wafa

tere sapne to tire saath hai.n phir bhii tujh ko
kyo.n pareshaan se sapne mire yaad aate hai.n
ab tujhe mujh se ko.ii rabt ko.ii zabt nahii.n
phir mirii samt kyo.n aa.nchal tire lahraate hai.n

Ayaz Bilgrami
Nazm

musalman aur hindostan

taariiKH ba-har daur ulaTtii hai varaq aur
maz.hab me.n hai lekin vatniyat kaa sabaq aur
tuu mard-e-musalmaa.n hai to ik baat zaraa sun
aaGosh-e-tayaqqun se haqiiqat kii sadaa sun
ye sach hai musalmaan tabaahii se ghiraa hai
ik vasvasa-e-laa-mutanaahii se ghiraa hai
aalaam kii had apne shikanje me.n liye hai
ik daur-e-masaa.ib hai ki narGe me.n liye hai
aaraam hai mafquud sukuu.n paas nahii.n hai
ab jaise ki jiine kii ko.ii aas nahii.n hai
aafaat nigal jaane ko mu.nh khol rahe hai.n
KHatraat har ik samt baham bol rahe hai.n
pazhmurdagii-o-KHauf kaa har ghar me.n hai pheraa
har dil me.n hiraasaanii-e-be-had kaa hai Deraa
be-rabt hai be-zabt hai be-raah-numaa hai
muslim hai ki be-azm hai be-hauslaa-paa hai
amvaaj-e-havaadis me.n hai iimaan-parastii
tuufaan kii zad par hai musalmaan kii kashtii
ye baat jahaa.n me.n hai puraanii bhii na.ii bhii
har qaum ko miltii hai sazaa us ke kiye kii
tum aaj magar apno.n se mu.nh mo.D rahe ho
ab sar pe musiibat hai to ghar chho.D rahe ho
ye fe.al musalmaan ke shaayaa.n to nahii.n hai
ye dii.n nahii.n maz.hab nahii.n iimaa.n to nahii.n hai
bhaarat ke ba-har-haal vafaadaar bano tum
naamuus ke izzat ke nigah-daar bano tum

Hindi gorakhpurii
Nazm

KHizr-e-rah

kyaa sunaataa hai mujhe turk-o-arab kii daastaa.n
mujh se kuchh pinhaa.n nahii.n islaamiyo.n kaa soz-o-saaz
le ga.e tasliis ke farzand miiraas-e-KHaliil
KHisht-e-buniyaad-e-kaliisaa ban ga.ii KHaak-e-hijaaz
ho ga.ii rusvaa zamaane me.n kulaah-e-laala-ra.ng
jo saraapaa naaz the hai.n aaj majbuur-e-niyaaz
le rahaa hai mai-faroshaan-e-fara.ngistaan se paars
vo mai-e-sarkash haraarat jis kii hai miinaa-gudaaz
hikmat-e-maGrib se millat kii ye kaifiyyat hu.ii
Tuk.De Tuk.De jis tarah sone ko kar detaa hai gaaz
ho gayaa maanind-e-aab arzaa.n musalmaa.n kaa lahuu
muztarib hai tuu ki teraa dil nahii.n daanaa-e-raaz
guft ruumii har banaa-e-kuhanaa ki-aabaadaa.n kunand
mii na-daanii avval aa.n buniyaad raa viiraa.n kunand
mulk haatho.n se gayaa millat kii aa.nkhe.n khul ga.ii.n
haq tiraa chashme 'ataa kar dast-e-Gaafil dar nigar
momyaa.ii kii gadaa.ii se to behtar hai shikast
mor-e-be-par haajate pesh-e-sulaimaane mabar
rabt-o-zabt-e-millat-e-baizaa hai mashriq kii najaat
asia vaale hai.n is nukte se ab tak be-KHabar
phir siyaasat chho.D kar daaKHil hisaar-e-dii.n me.n ho
mulk-o-daulat hai faqat hifz-e-haram kaa ik samar
ek huu.n muslim haram kii paasbaanii ke liye
niil ke saahil se le kar taa-ba-KHaak-e-kaashGar
jo karegaa imtiyaaz-e-ra.ng-o-KHuu.n miT jaa.egaa
turk-e-KHargaahii ho yaa aaraabii-e-vaalaa-guhar
nasl agar muslim kii maz.hab par muqaddam ho ga.ii
u.D gayaa duniyaa se tuu maanind-e-KHaak-e-raah-guzar
taa-KHilaafat kii binaa duniyaa me.n ho phir ustuvaar
laa kahii.n se Dhuu.nD kar aslaaf kaa qalb-o-jigar
ai ki na-shinaasii KHafii raa az jalii hushiyaar baash
ai giraftaar-e-abuu-bakr-o-alii hushiyaar-baash
'ishq ko fariyaad laazim thii so vo bhii ho chukii
ab zaraa dil thaam kar fariyaad kii taasiir dekh
tuu ne dekhaa satvat-e-raftaar-e-dariyaa kaa 'uruuj
mauj-e-muztar kis tarah bantii hai ab zanjiir dekh
'aam hurriyat kaa jo dekhaa thaa KHvaab islaam ne
ai musalmaa.n aaj tuu us KHvaab kii taa'biir dekh
apnii KHaakistar samundar ko hai saamaan-e-vajuud
mar ke phir hotaa hai paidaa ye jahaan-e-piir dekh
khol kar aa.nkhe.n mire aa.iina-e-guftaar me.n
aane vaale daur kii dhundlii sii ik tasviir dekh
aazmuuda fitna hai ik aur bhii garduu.n ke paas
saamne taqdiir ke rusvaa.ii-e-tadbiir dekh
muslim astii siina raa az aarzuu-aabaad daar
har zamaa.n pesh-e-nazar laa-yuKHlif-ul-mii.aad daar

Allama Iqbal
Nazm

walida marhuma ki yaad mein

zarra zarra dahr kaa zindaanii-e-taqdiir hai
parda-e-majbuurii o bechaargii tadbiir hai
aasmaa.n majbuur hai shams o qamar majbuur hai.n
anjum-e-siimaab-paa raftaar par majbuur hai.n
hai shikast anjaam Gunche kaa subuu gulzaar me.n
sabza o gul bhii hai.n majbuur-e-numuu gulzaar me.n
naGma-e-bulbul ho yaa aavaaz-e-KHaamosh-e-zamiir
hai isii zanjiir-e-aalam-giir me.n har shai asiir
aa.nkh par hotaa hai jab ye sirr-e-majbuurii ayaa.n
KHushk ho jaataa hai dil me.n ashk kaa sail-e-ravaa.n
qalb-e-insaanii me.n raqs-e-aish-o-Gam rahtaa nahii.n
naGma rah jaataa hai lutf-e-zer-o-bam rahtaa nahii.n
ilm o hikmat rahzan-e-saamaan-e-ashk-o-aah hai
ya.anii ik almaas kaa Tuk.Daa dil-e-aagaah hai
garche mere baaG me.n shabnam kii shaadaabii nahii.n
aa.nkh merii maaya-daar-e-ashk-e-unnaabii nahii.n
jaantaa huu.n aah me.n aalaam-e-insaanii kaa raaz
hai navaa-e-shikva se KHaalii mirii fitrat kaa saaz
mere lab par qissa-e-naira.ngi-e-dauraa.n nahii.n
dil miraa hairaa.n nahii.n KHanda nahii.n giryaa.n nahii.n
par tirii tasviir qaasid girya-e-paiham kii hai
aah ye tardiid merii hikmat-e-mohkam kii hai
girya-e-sarshaar se buniyaad-e-jaa.n paa.inda hai
dard ke irfaa.n se aql-e-sa.ng-dil sharminda hai
mauj-e-duud-e-aah se aa.iina hai raushan miraa
ganj-e-aab-aavrd se maamuur hai daaman miraa
hairatii huu.n mai.n tirii tasviir ke e.ajaaz kaa
ruKH badal Daalaa hai jis ne vaqt kii parvaaz kaa
rafta o haazir ko goyaa paa-ba-paa is ne kiyaa
ahd-e-tiflii se mujhe phir aashnaa is ne kiyaa
jab tire daaman me.n paltii thii vo jaan-e-naa-tavaa.n
baat se achchhii tarah mahram na thii jis kii zabaa.n
aur ab charche hai.n jis kii shoKHii-e-guftaar ke
be-bahaa motii hai.n jis kii chashm-e-gauhar-baar ke
ilm kii sa.njiida-guftaarii bu.Dhaape kaa shu.uur
dunyavii e.azaaz kii shaukat javaanii kaa Guruur
zindagii kii auj-gaaho.n se utar aate hai.n ham
sohbat-e-maadar me.n tifl-e-saada rah jaate hai.n ham
be-takalluf KHanda-zan hai.n fikr se aazaad hai.n
phir usii kho.e hu.e firdaus me.n aabaad hai.n
kis ko ab hogaa vatan me.n aah meraa intizaar
kaun meraa KHat na aane se rahegaa be-qaraar
KHaak-e-marqad par tirii le kar ye fariyaad aa.uu.ngaa
ab du.aa-e-niim-shab me.n kis ko mai.n yaad aa.uu.ngaa
tarbiyat se terii me.n anjum kaa ham-qismat hu.aa
ghar mire ajdaad kaa sarmaaya-e-izzat hu.aa
daftar-e-hastii me.n thii zarrii.n varaq terii hayaat
thii saraapaa diin o duniyaa kaa sabaq terii hayaat
umr bhar terii mohabbat merii KHidmat-gar rahii
mai.n tirii KHidmat ke qaabil jab hu.aa tuu chal basii
vo javaa.n-qaamat me.n hai jo suurat-e-sarv-e-buland
terii KHidmat se hu.aa jo mujh se ba.Dh kar bahra-mand
kaarobaar-e-zindagaanii me.n vo ham-pahluu miraa
vo mohabbat me.n tirii tasviir vo baazuu miraa
tujh ko misl-e-tiflak-e-be-dast-o-paa rotaa hai vo
sabr se naa-aashnaa sub.h o masaa rotaa hai vo
tuKHm jis kaa tuu hamaarii kisht-e-jaa.n me.n bo ga.ii
shirkat-e-Gam se vo ulfat aur mohkam ho ga.ii
aah ye duniyaa ye maatam-KHaana-e-barnaa-o-piir
aadmii hai kis tilism-e-dosh-o-fardaa me.n asiir
kitnii mushkil zindagii hai kis qadar aasaa.n hai maut
gulshan-e-hastii me.n maanind-e-nasiim arzaa.n hai maut
zalzale hai.n bijliyaa.n hai.n qaht hai.n aalaam hai.n
kaisii kaisii duKHtaraan-e-maadar-e-ayyaam hai.n
kalba-e-iflaas me.n daulat ke kaashaane me.n maut
dasht o dar me.n shahr me.n gulshan me.n viiraane me.n maut
maut hai ha.ngaama-aaraa qulzum-e-KHaamosh me.n
Duub jaate hai.n safiine mauj kii aaGosh me.n
ne majaal-e-shikva hai ne taaqat-e-guftaar hai
zindagaanii kyaa hai ik tauq-e-guluu-afshaar hai
qaafile me.n Gair fariyaad-e-diraa kuchh bhii nahii.n
ik mataa-e-diida-e-tar ke sivaa kuchh bhii nahii.n
KHatm ho jaa.egaa lekin imtihaa.n kaa daur bhii
hai.n pas-e-noh parda-e-garduu.n abhii daur aur bhii
siina chaak is gulsitaa.n me.n laala-o-gul hai.n to kyaa
naala o fariyaad par majbuur bulbul hai.n to kyaa
jhaa.Diyaa.n jin ke qafas me.n qaid hai aah-e-KHizaa.n
sabz kar degii unhe.n baad-e-bahaar-e-jaavedaa.n
KHufta-KHaak-e-pai sipar me.n hai sharaar apnaa to kyaa
aarzii mahmil hai ye musht-e-Gubaar apnaa to kyaa
zindagii kii aag kaa anjaam KHaakistar nahii.n
TuuTnaa jis kaa muqaddar ho ye vo gauhar nahii.n
zindagii mahbuub aisii diida-e-qudrat me.n hai
zauq-e-hifz-e-zindagii har chiiz kii fitrat me.n hai
maut ke haatho.n se miT saktaa agar naqsh-e-hayaat
aam yuu.n us ko na kar detaa nizaam-e-kaa.enaat
hai agar arzaa.n to ye samjho ajal kuchh bhii nahii.n
jis tarah sone se jiine me.n KHalal kuchh bhii nahii.n
aah Gaafil maut kaa raaz-e-nihaa.n kuchh aur hai
naqsh kii naa-paa.edaarii se ayaa.n kuchh aur hai
jannat-e-nazaara hai naqsh-e-havaa baalaa-e-aab
mauj-e-muztar to.D kar ta.amiir kartii hai habaab
mauj ke daaman me.n phir us ko chhupaa detii hai ye
kitnii bedardii se naqsh apnaa miTaa detii hai ye
phir na kar saktii habaab apnaa agar paidaa havaa
to.Dne me.n us ke yuu.n hotii na be-parvaa havaa
is ravish kaa kyaa asar hai haiyat-e-taamiir par
ye to hujjat hai havaa kii quvvat-e-taamiir par
fitrat-e-hastii shahiid-e-aarzuu rahtii na ho
KHuub-tar paikar kii us ko justujuu rahtii na ho
aah siimaab-e-pareshaa.n anjum-e-garduu.n-faroz
shoKH ye chi.ngaariyaa.n mamnuun-e-shab hai jin kaa soz
aql jis se sar-ba-zaanuu hai vo muddat in kii hai
sarguzisht-e-nau-e-insaa.n ek saa.at un kii hai
phir ye insaa.n aa.n suu-e-aflaak hai jis kii nazar
qudsiyo.n se bhii maqaasid me.n hai jo paakiiza-tar
jo misaal-e-sham.a raushan mahfil-e-qudrat me.n hai
aasmaa.n ik nuqta jis kii vus.at-e-fitrat me.n hai
jis kii naadaanii sadaaqat ke liye betaab hai
jis kaa naaKHun saaz-e-hastii ke liye mizraab hai
sho.ala ye kam-tar hai garduu.n ke sharaaro.n se bhii kyaa
kam-bahaa hai aaftaab apnaa sitaaro.n se bhii kyaa
tuKHm-e-gul kii aa.nkh zer-e-KHaak bhii be-KHvaab hai
kis qadar nashv-o-numaa ke vaaste betaab hai
zindagii kaa sho.ala is daane me.n jo mastuur hai
KHud-numaa.ii KHud-fazaa.ii ke liye majbuur hai
sardi-e-marqad se bhii afsurda ho saktaa nahii.n
KHaak me.n dab kar bhii apnaa soz kho saktaa nahii.n
phuul ban kar apnii turbat se nikal aataa hai ye
maut se goyaa qabaa-e-zindagii paataa hai ye
hai lahad is quvvat-e-aashufta kii shiiraaza-band
Daaltii hai gardan-e-garduu.n me.n jo apnii kamand
maut tajdiid-e-mazaaq-e-zindagii kaa naam hai
KHvaab ke parde me.n bedaarii kaa ik paiGaam hai
KHuugar-e-parvaaz ko parvaaz me.n Dar kuchh nahii.n
maut is gulshan me.n juz sanjiidan-e-par kuchh nahii.n
kahte hai.n ahl-e-jahaa.n dard-e-ajal hai laa-davaa
zaKHm-e-furqat vaqt ke marham se paataa hai shifaa
dil magar Gam marne vaalo.n kaa jahaa.n aabaad hai
halqa-e-zanjiir-e-sub.h-o-shaam se aazaad hai
vaqt ke afsuu.n se thamtaa naala-e-maatam nahii.n
vaqt zaKHm-e-teG-e-furqat kaa ko.ii marham nahii.n
sar pe aa jaatii hai jab ko.ii musiibat naa-gahaa.n
ashk paiham diida-e-insaa.n se hote hai.n ravaa.n
rabt ho jaataa hai dil ko naala o fariyaad se
KHuun-e-dil bahtaa hai aa.nkho.n kii sarishk-aabaad se
aadmii taab-e-shakebaa.ii se go mahruum hai
us kii fitrat me.n ye ik ehsaas-e-naa-maaluum hai
jauhar-e-insaa.n adam se aashnaa hotaa nahii.n
aa.nkh se Gaa.eb to hotaa hai fanaa hotaa nahii.n
raKHt-e-hastii KHaak-e-Gam kii sho.ala-afshaanii se hai
sard ye aag is latiif ehsaas ke paanii se hai
aah ye zabt-e-fuGaa.n Gaflat kii KHaamoshii nahii.n
aagahii hai ye dilaasaa.ii faraamoshii nahii.n
parda-e-mashriq se jis dam jalva-gar hotii hai sub.h
daaG shab kaa daaman-e-aafaaq se dhotii hai sub.h
laala-e-afsurda ko aatish-qabaa kartii hai ye
be-zabaa.n taa.ir ko sarmast-e-navaa kartii hai ye
siina-e-bulbul ke zindaa.n se sarod aazaad hai
saik.Do.n naGmo.n se baad-e-sub.h-dam-aabaad hai
KHuftagaan-e-laala-zaar o kohsaar o ruud baar
hote hai.n aaKHir uruus-e-zindagii se ham-kanaar
ye agar aa.iin-e-hastii hai ki ho har shaam sub.h
marqad-e-insaa.n kii shab kaa kyuu.n na ho anjaam sub.h
daam-e-siimiin-e-taKHayyul hai miraa aafaaq-giir
kar liyaa hai jis se terii yaad ko mai.n ne asiir
yaad se terii dil-e-dard aashnaa maamuur hai
jaise ka.abe me.n du.aa.o.n se fazaa maamuur hai
vo faraa.ez kaa tasalsul naam hai jis kaa hayaat
jalva-gaahe.n us kii hai.n laakho.n jahaan-e-be-sabaat
muKHtalif har manzil-e-hastii ko rasm-o-raah hai
aaKHirat bhii zindagii kii ek jaulaa.n-gaah hai
hai vahaa.n be-haasilii kisht-e-ajal ke vaaste
saazgaar aab-o-havaa tuKHm-e-amal ke vaaste
nuur-e-fitrat zulmat-e-paikar kaa zindaanii nahii.n
ta.ng aisaa halqa-e-afkaar-e-insaanii nahii.n
zindagaanii thii tirii mahtaab se taabinda-tar
KHuub-tar thaa sub.h ke taare se bhii teraa safar
misl-e-aivaan-e-sahar marqad farozaa.n ho tiraa
nuur se maamuur ye KHaakii shabistaa.n ho tiraa
aasmaa.n terii lahad par shabnam-afshaanii kare
sabza-e-nau-rasta is ghar kii nigahbaanii kare

Allama Iqbal
Nazm

be-KHudi

tujh se baat kartii hai
din se raat karnii hai
tere naam ab mai.n ne
apnii zaat karnii hai

Amin Kunjahi
Nazm

samundar

lafz bahut se
jag-mag jag-mag karte taare
chaa.nd nahii.n ban.ne paate hai.n
raat gale me.n pha.ns jaatii hai
jazbe kitne
bauraa.ii alha.D KHushbu.e.n
phuul nahii.n ban.ne paatii hai.n
zaat gale me.n pha.ns jaatii hai
lekin aksar
terii yaade.n
teraa chehraa ban kar aa.ii.n
jag-mag jag-mag karte taare
bauraa.ii alha.D KHushbu.e.n
chaa.nd jale rahte hai.n shab bhar
phuul khile rahte hai.n shab bhar
raat samundar ban jaatii hai
zaat samundar ban jaatii hai

Farhat Ehsas
Nazm

subh ki pahli kiran

sub.h kii pahlii kiran
shaam utrii aasmaa.n kii sii.Dhiyo.n se to tirii yaad aa.ii hai
sub.h kii pahlii kiran
dekh merii zaat ke taariik ban me.n kis qadar tanhaa.ii hai

Mehar Ali
Nazm

virani

shahr kii galiyaa.n ghuum rahii hai.n mere qadam ke saath
aise safar me.n itnii thakan me.n kaise kaTegii raat
KHvaab me.n jaise ghar se nikal ke ghuum rahaa ho ko.ii
raat me.n aksar yuu.n bhii phirii hai tere liye ik zaat
chand baguule KHushk zamii.n par aur havaa.e.n tez
is sahraa me.n kaisii bahaare.n kaisii bharii barsaat
dhuum machaa.e.n bastii bastii soch rahe the aap
dekhaa kin kin viiraano.n me.n le ke ga.e haalaat
din me.n qayaamat Gam-KHvaaro.n kii raat me.n yaad-e-yaar
chand nafas kii mohlat me.n bhii itne kaThin din raat

Qamar Jameel
Nazm

dua

sabz patto.n pe ab gard jamne lagii
raaste zaat ke dhuul me.n aT ga.e
jaan par shaaKH-dar-shaaKH tah ret kii jam ga.ii
dard kii shaah-raaho.n pe miTTii kii diivaar sii chun ga.ii
tah-ba-tah
zaKHm par gard hii gard hai
dil ulajhne lagaa
zaKHm bujhne lagaa
ruuh tak ret me.n dha.ns ga.ii
aa.nkh ke dasht me.n dhuul hii dhuul
ab to ho rahmato.n kaa nuzuul
mere rabb-e-jaliil
ek qatra sahii
gard kuchh to chhaTe
aa.nkh ke raaste
ruuh ke vaaste

Abida Karamat
Nazm

kabus

raat ke pahluu me.n
baiThaa hai sunahrii azhdahaa
ahmarii.n phunkaar ke
maddham suro.n kaa shor hai
is gha.Dii lagtaa hai vo kuchh aur hai
band hote aur khulte daa.ero.n ke darmiyaa.n
aap apnii zaat ke girdaab me.n
jaise ko.ii devtaa mehraab me.n
vaqt ke is naqsha-e-mubham pe kaun
us ke maskan kaa lagaa.egaa suraaG
kaun rakkhegaa hathelii par charaaG
is ke niish-e-aarzuu ke zaa.iqe chakkhegaa kaun
kis ko dildaarii kii fursat hai yahaa.n
haa.n magar ye raat hai is kii rafiiq
der tak apnaa badan dasvaa.egii
subah hone tak usii ke rang me.n rang jaa.egii

Shaheen Mufti
Nazm

zat ke ism ka moajiza

jab se tujh ko dekhaa hai
KHvaab ke vasiile se
nii.nd ke jaziiro.n me.n
haath kii lakiiro.n me.n
jab se tujh ko chaahaa hai
raat kii ibaadat me.n
sub.h kii du.aa.o.n me.n
duuriyo.n kii chhaa.nv me.n
tab se ruuh ke andar
sabz mausamo.n jaisii
KHvaahishe.n humaktii hai.n
baarishe.n barastii hai.n
bijliyaa.n chamaktii hai.n
ghanTiyaa.n sii bajtii hai.n

Mumtaz Kanwal
Nazm

aaina-KHana

safar kii raat ta'aaqub me.n hai sag-e-maamuur
nishaan-e-paa se suraaG-e-badan nikaalegaa
madad karegaa 'aduu kii nikal ke abr se chaa.nd
dikhaa.egaa ki sabhii hast-o-buud kii raahe.n
qadam qadam pe unhii jangalo.n se miltii hai.n
jahaa.n pe Dhuu.nDii hai mafruur qaidiyo.n ne panaah
ufuq uThaa.e.nge phir se ko.ii na.ii diivaar
bune.nge Gaul-e-bayaabaan baa.D lohe kii
havaa kahegii ki KHud-yaaftii kii manzil par
fasiil-e-zaat se mohkam ko.ii fasiil nahii.n

Akhtar Husain Jafri
Nazm

phulon ki ghazal

KHushnumaa hai hayaat phuulo.n kii
dekhnaa kaa.enaat phuulo.n kii
juuhii champaa chamelii aur gulaab
naam bachcho.n ke zaat phuulo.n kii
titliyo.n kii tarah sajal naazuk
un kii har baat baat phuulo.n kii
ye nahii.n jaante ki Gam kyaa hai
din hai phuulo.n kaa raat phuulo.n kii
vo jo pa.Dhte hai.n aur likhte hai.n
aur karte hai.n baat phuulo.n kii
lahlahaataa chaman hujuum-e-bahaar
muskuraatii hai zaat phuulo.n kii
ilm kii raushnii ke diip jale.n
mahkii mahkii hai raat phuulo.n kii
nazr-e-‘maKHduum’ hai Gazal bachcho
shaKHsiyat thii hayaat phuulo.n kii
phuul kii tarah madraso.n me.n 'vaqaar'
saj rahii hai baraat phuulo.n kii

Vaqar Khaleel
Nazm

raat

raat jaise bahrii hai
siskiyaa.n nahii.n suntii
hausla nahii.n detii
jin kii kashtiyo.n ko Gam
zabt ke jaziire par
Therne nahii.n detaa
jin ko baar-e-bad-baKHtii
ziist ke samundar me.n
tairne nahii.n detaa
reg-e-saahil-e-shab par
kaise sar paTaKHte hai.n
raat jaise andhii hai
aasraa nahii.n detii
dost hii nahii.n bantii
raat kitnii behis hai

Hamida Shaheen
Nazm

sadem

zindagii 'sa.adiya' ke saath khile
dam-ba-dam yam-ba-yam hayaat khile
mahv ho jaa.e sab gumaan-e-nafii
us ke chehre pe jab sabaat khile
lams se us ke nanhe haatho.n ke
Guncha-e-inkishaaf-e-zaat khile
siip ho.nTo.n me.n motiyo.n kii qataar
jab khile gauhar-e-sifaat khile
muskuraa.e to rau me.n aa.e hayaat
khilkhilaa de to kaa.enaat khile
us kii shaffaaf nii.nd miiThe KHvaab
ghar me.n taaro.n bharii sii raat khile
sub.h jab aa.nkh me.n kiran jaage
duur tak sabza-e-hayaat khile
vo javaa.n ho to shaa.erii nikhre
ik Gazal 'sa.adiya' ke saath khile

Abdul Ahad Saaz
Nazm

thak jaogi

paagal aa.nkho.n vaalii la.Dkii
itne mah.nge KHvaab na dekho
thak jaa.ogii
kaa.nch se naazuk KHvaab tumhaare
TuuT ga.e to
pachhtaa.ogii
soch kaa saaraa ujlaa kundan
zabt kii raakh me.n ghul jaa.egaa
kachche-pakke rishto.n kii KHushbuu kaa resham
khul jaa.egaa
tum kyaa jaano
KHvaab safar kii dhuup ke teshe
KHvaab adhuurii raat kaa dozaKH
KHvaab KHayaalo.n kaa pachhtaavaa
KHvaabo.n kii manzil rusvaa.ii
KHvaabo.n kaa haasil tanhaa.ii
tum kyaa jaano
mah.nge KHvaab KHariidnaa ho.n to
aa.nkhe.n bechnaa pa.Dtii hai.n yaa
rishte bhuulnaa pa.Dte hai.n

Mohsin Naqvi
Nazm

safed phul

yaad ke patto.n kaa rang
hamesha sabz nahii.n rahaa
chaa.nd raat aur mai.n tiino.n
dard kii baate.n sunte rahe
guftuguu ke iKHtitaam par
mai.n ne aa.nkhe.n nicho.Dii.n
ek banjar KHvaab ke sivaa kuchh nahii.n niklaa
mai.n ne aavaaz ko
saatve.n parde ke piichhe se sunaa
vasl kii raahat kaa zaa.iqa
taa-haal ajnabii hai
savaaliya chiiKH
apne muqarrara aasmaan tak nahii.n pahu.nch sakii
mai.n apnii zaat ke saare havaalo.n ko
ik jaanib lapeT kar rakh bhii duu.n
to
shajre kii nisbat kaa bojh
mire qalam ko
tumhaaraa naam likhne nahii.n degaa
safed phuul siyaah ho rahaa hai

Omainuz Zahra Sayyad
Nazm

fasad-e-zat

tumhaaraa ahd agar ustuvaar hii hotaa
to phir bhii daaman-e-dil taar taar hii hotaa
KHud apnii zaat hii naaKHun KHud apnii zaat hii zaKHm
KHud apnaa dil rag-e-jaa.n aur KHud apnaa dil nashtar
fasaad-e-KHalq bhii KHud aur fasaad-e-zaat bhii KHud
safar kaa vaqt bhii KHud ja.ngalo.n kii raat bhii KHud

Mustafa Zaidi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now