Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "rihaa.ii"

Nazm MATCHES FOR "rihaa.ii"

Nazm

parinde ki fariyaad

aataa hai yaad mujh ko guzraa hu.aa zamaana
vo baaG kii bahaare.n vo sab kaa chahchahaanaa
aazaadiyaa.n kahaa.n vo ab apne gho.nsle kii
apnii KHushii se aanaa apnii KHushii se jaanaa
lagtii hai choT dil par aataa hai yaad jis dam
shabnam ke aa.n.su.o.n par kaliyo.n kaa muskuraanaa
vo pyaarii pyaarii suurat vo kaamanii sii muurat
aabaad jis ke dam se thaa meraa aashiyaanaa
aatii nahii.n sadaa.e.n us kii mire qafas me.n
hotii mirii rihaa.ii ai kaash mere bas me.n

Allama Iqbal
Nazm

marhum

kabhii tasviir se baahar nikal kar bol bhii uTTho
hamesha ek saa chehra liye kyuu.n takte rahte ho
zaraa ho.nTo.n ko jumbish aur lafzo.n ko rihaa.ii do
akelaa pa.D gayaa huu.n mai.n zaraa merii safaa.ii do

Manoj Azhar
Nazm

nazm

ik ishaare se diivaar-e-dil kii daraa.Do.n me.n tuu ne jo raushan kiye the charaaG
un ke bujhne kaa dukh ek jaisaa hai dono.n taraf
aaj bhii yaad hai duur se terii aavaaz kaano.n me.n pa.Dtii to kuchh bhii sunaa.ii na detaa
kaash tuu apne zindaa.n se mujh ko rihaa.ii na detaa
kaun biite hu.e KHvaab par KHaak Daale
kaun itnii Galat-fahmiyo.n kaa izaala kare
kis se puuchhe.n vabaa aur vafaa me.n banaa.e hu.e be-takalluf ta'alluq
kii umre.n agar muKHtasar hai.n to kyo.n hai.n
kaun bhuule amaavas kii raato.n sii zulfo.n kii raa’naa.iyaa.n
kaun dil se hayaa-daar aa.nkho.n kii yaade.n miTaa de
dost kis ko mafar hai yahaa.n be-yaqiinii ke sail-e-balaa se
dost kashtii sa.nbhaalii nahii.n jaa rahii ab tire naa-KHudaa se
mai.n ne terii rifaaqat me.n jitnii guzaarii mire saath tere dilaase kii barsaat aur tere bole hu.e lafz kii har tasallii hamesha rahii hai
mai.n ne taariik rahdaariyo.n me.n kabhii terii aa.nkho.n kii kirno.n kii be-faizagii kaa gila kar liyaa
muunis-e-jaan aisaa bhii kyaa kar liyaa
Gam to tab thaa ki mai.n tere jaane kaa Gam bhii na kartaa
mere din merii raate.n tire saamne hai.n
bataa haath kab thaamne hai.n

Tahzeeb Hafi
Nazm

duri

mujhe maut aa.egii, mar jaa.uu.ngaa mai.n,
tujhe maut aa.egii, mar jaa.egii tuu,
vo pahlii shab-e-mah shab-e-maah-e-do-niim ban jaa.egii
jis tarah saaz-kohnaa ke taar-e-shikastaa ke dono.n sire
duur ufuq ke kinaaro.n ke maanind
bas duur hii duur se thartharaate hai.n aur paas aate nahii.n hai.n
na vo raaz kii baat ho.nTo.n pe laate hai.n
jis ne muGannii ko daur-e-zamaa.n-o-makaa.n se nikaalaa thaa,
baKHshii thii KHvaab-e-abad se rihaa.ii!

Noon Meem Rashid
Nazm

Khaali aaankhon ka makan

KHaalii aa.ankho.n kaa makaan mah.ngaa hai
mujhe miTTii kii lakiir ban jaane do
KHudaa bahut se insaan banaanaa bhuul gayaa hai
merii sunsaan aa.ankho.n me.n aahaT rahne do
aag kaa zaa.iqa charaaG hai
aur nii.nd kaa zaa.iqa insaan
mujhe pattharo.n jitnaa kas do
ki merii be-zabaanii mash.huur na ho
mai.n KHudaa kii zabaan mu.nh me.n rakhe
kabhii phuul ban jaatii huu.n aur kabhii kaa.nTaa
zanjiiro.n kii rihaa.ii do
ki insaan in se zyaada qaid hai
mujhe tanhaa marnaa hai
so ye aa.nkhe.n ye dil
kisii KHaalii insaan ko de denaa

Sara Shagufta
Nazm

ahd-e-saza

ye ek ahd-e-sazaa hai jazaa kii baat na kar
du.aa se haath uThaa rakh davaa kii baat na kar
KHudaa ke naam pe zaalim nahii.n ye zulm ravaa
mujhe jo chaahe sazaa de KHudaa kii baat na kar
hayaat ab to inhii.n mahbaso.n me.n guzregii
sitamgaro.n se ko.ii iltijaa kii baat na kar
unhii ke haath me.n patthar hai.n jin ko pyaar kiyaa
ye dekh hashr hamaaraa vafaa kii baat na kar
abhii to paa.ii hai mai.n ne rihaa.ii rahzan se
bhaTak na jaa.uu.n mai.n phir rahnumaa kii baat na kar
bujhaa diyaa hai havaa ne har ek dayaa kaa diyaa
na Dhuu.nD ahl-e-karam ko dayaa kii baat na kar
nuzuul-e-habs hu.aa hai falak se ai 'jaalib'
ghuTaa ghuTaa hii sahii dam ghaTaa kii baat na kar

Habib Jalib
Nazm

muhafiz

jo terii nii.ndo.n ko jaagtaa thaa
jo terii khaa.nsii ko khaa.nstaa thaa
jo terii baarish ko bhiigtaa thaa
jo terii sardii ko haa.nptaa thaa
jo apne hisse ke saare luqme
tujhe khilaa ke Dakaartaa thaa
jo apne haatho.n ke saKHt chhaale
chhupaa ke tujh ko dulaartaa thaa
jo apne kap.Do.n me.n tere kap.De ke
naap rakh rakh ke naaptaa thaa
jo tere zindaa.n kii qaid tujh ko
rihaa.ii de kar ke kaaTtaa thaa
jo tere aa.nsuu ko apnii aa.nkho.n se
sochtaa thaa aur pochhtaa thaa
tujhe chalaane ke vaaste jo
har ek mausam me.n dau.Dtaa thaa
vahii ye buu.Dhaa
vahii ye laaGar
vahii apaahij
vahii ye paagal
vahii ye vahshii
vahii ye bhuukaa
vahii ye na.ngaa
vahii nikammaa
hai baap teraa

Misdaque Azmi
Nazm

samundar ki tah mein

samundar kii tah me.n
samundar kii sa.ngiin tah me.n
hai sanduuq
sanduuq me.n ek Dibiyaa me.n Dibiyaa
me.n Dibiyaa
me.n kitne ma.aanii kii sub.he.n
vo sub.he.n ki jin par risaalat ke dar-band
apnii shu.aa.o.n me.n jak.Dii hu.ii
kitnii sahmii hu.ii!
(ye sanduuq kyuu.n kar giraa?
na jaane kisii ne churaayaa?
hamaare hii haatho.n se phislaa?
phisal kar giraa?
samundar kii tah me.n magar kab?
hamesha se pahle
hamesha se bhii saal-haa-saal pahle?
aur ab tak hai sanduuq ke gird
lafzo.n kii raato.n kaa pahraa
vo lafzo.n kii raate.n
jo devo.n kii maanind
paanii ke las-dar devo.n ke maanind
ye lafzo.n kii raate.n
samundar kii tah me.n to bastii nahii.n hai.n
magar apne laa-raib pahre kii KHaatir
vahii.n re.ngtii hai.n
shab o roz
sanduuq ke chaar suu re.ngtii hai.n
samundar kii tah me.n!
bahut sochtaa huu.n
kabhii ye ma.aanii kii paakiiza sub.ho.n kii pariyaa.n
rihaa.ii kii ummiid me.n
apne Gavvaas jaaduu-garo.n kii
sadaa.e.n sune.ngii?

Noon Meem Rashid
Nazm

intizar baqi hai

daa.imii masaafat hai
be-bas aarzuu.o.n se
dard kii rasaa.ii tak
qaid se rihaa.ii tak

Abdul Ahad Saaz
Nazm

pas-e-aina

mai.n jaantaa huu.n ki KHurshiid hai jalaal-ma.aab
magar Guruub se KHud ko rihaa.ii detaa nahii.n
mai.n sochtaa huu.n ki chaa.nd ik jamaal-paara hai
magar vo ruKH jo kisii ko dikhaa.ii detaa nahii.n
mai.n sochtaa huu.n haqiiqat kaa ye tazaad hai kyaa
KHudaa jo detaa hai sab kuchh KHudaa.ii detaa nahii.n
vo log zauq se aarii hai.n jo ye kahte hai.n
ki ashk TuuTtaa hai aur sunaa.ii detaa nahii.n
badan bhii aag hai aur ruuh bhii jahannam hai
miraa qusuur ye hai me.n duhaa.ii detaa nahii.n

Ahmad Nadeem Qasmi
Nazm

ye bastiyan viran nahin

nahii.n ye bastiyaa.n viiraa.n nahii.n
ab bhii yahaa.n kuchh log rahte hai.n
ye vo hai.n jo kabhii
zaKHm-e-vafaa baazaar tak aane nahii.n dete
yahaa.n kuchh KHvaab hai.n
jo saa.ns lete hai.n
javaan KHvaabo.n ko tum dekho to Dar jaa.o
falak aasaar baam-o-dar
yahaa.n vaq.at nahii.n rakhte
kulaah-o-zar yahaa.n qiimat nahii.n rakhte
ye kitne log hai.n
be-naam hai.n be-laag hai.n
be-saaKHta jiine ke taalib hai.n
ye dil ke bojh kaa ahvaal
apne harf KHud likhne ke taalib hai.n
ujaale kii saKHii kirno.n ko
zindaa.n se rihaa.ii do

Ada Jafarey
Nazm

dhobi ka ghaT

kyuu.n sub.h-e-shab-e-aish kaa jho.nkaa
ban kar
ruKHsaar ke be-naam aziyyat
sahlaataa hai mujh ko?
kyuu.n KHvaab-e-fusuu.n-gar kii qubaa chaak nahii.n hai
kyuu.n gesu-e-pechiida-o-raqsaa.n
namnaak nahii.n hai
ashk-e-dil-e-KHuu.n se
kyuu.n lams kii hasrat ke junuu.n se
miltii nahii.n mujh ko
be-qaid rihaa.ii

Meeraji
Nazm

wapsi ka safar

merii talaash mujhe le chalii hai maazii me.n
tumhii.n bataa.o mai.n KHud ko kahaa.n talaash karuu.n
pighal pighal ke sadaa imtihaa.n kii aatish me.n
vajuud Dhal gayaa meraa ajiib saa.ncho.n me.n
vo ik vajuud jo rishto.n me.n kho gayaa hai kahii.n
usii vajuud ko phir se kahaa.n talaash karuu.n
taraashnaa hai nayaa ik mujassama yaa phir
mai.n apne gum-shuda hisso.n ko phir talaash karuu.n
tumhii.n bataa.o mai.n KHud ko kahaa.n talaash karuu.n
savaal ye hai ki tum se hii kyo.n muKHaatib huu.n
chalo bataa.uu.n tumhe.n kam se kyo.n savaal kiyaa
tumhii.n pe aa ke rukaa thaa mohabbato.n kaa safar
tumhii.n ho aaKHirii pahchaan mere hone kii
to kyo.n na tum se shuruu.a ho ye vaapsii kaa safar
tumhaare pyaar ke badle jo pyaar tum ko diyaa
merii vafaa.o.n ne jo iKHtiyaar tum ko diyaa
vo iKHtiyaar jo tum ne qafas me.n Dhaal diyaa
usii qafas se rihaa.ii hai ibtidaa merii
tumhaare naam kiyaa thaa jo umr kaa hissa
ye iltijaa hai mirii aaj mujh ko lauTaa do
ba.Daa kaThin hai merii jaa.n ye vaapsii kaa safar
rihaa.ii de ke mujhe aaj mujh se milvaa do

Ameeta Parsuram Meeta
Nazm

afsana-e-shahr

shahr ke shahr kaa afsaana vahii aarzuu-e-KHasta ke la.ng.Daate hu.e pair
ki hai.n aaj bhii afsaane kii duzdiida o zhuuliida lakiiro.n pe ravaa.n
un asiiro.n kii tarah jin ke rag-o-reshe kii zanjiir kii jhankaar
bhii tham jaa.e to kah uTThe.n kahaa.n
''ab kahaa.n jaa.e.nge ham
jaa.e.n ab taaza o naadiida nigaaho.n ke zamistaa.n me.n kahaa.n?''
un asiiro.n kii tarah jin ke liye vaqt kii be-sarfa salaaKHe.n
na kabhii sard na garm aur na kabhii saKHt na narm
na rihaa.ii kii paziiraa.ii na asiirii hii kii sharm

Noon Meem Rashid
Nazm

salgirah

kaun gustaaKH hai kyaa naam hai kyuu.n aayaa hai
pahre vaalo use KHanjar kii anii se roko
apnii banduuqo.n kii naalii se Daraa.o us ko
aur us par jo na maane use topo.n kii salaamii de do
jashn kaa din hai mirii saalgirah kaa din hai
aaj mahlo.n me.n jale.nge mah-o-anjum ke charaaG
aaj bujhte hu.e chehro.n kii zaruurat kyaa hai
aaj maayuus nigaaho.n kii zaruurat kyaa hai
kaun bebaak hai ba.Dhtaa hii chalaa aataa hai
pahre vaalo use KHanjar kii anii se roko
aadmii hai ki miraa vahm hai aaseb hai ye
us ke chehre pe to zaKHmo.n ke nishaa.n tak bhii nahii.n
goliyaa.n us ke siyah siine se Takraa ke chalii aatii hai.n
us ke ho.nTo.n pe tabassum hai ki mu.nh khole hu.e
azhdahaa taKHt nigalne ko chalaa aataa hai
maut kis bhes me.n aa.ii hai mujhe lene ko
aaj kyuu.n aa.ii hai kyuu.n aa.ii hai kyuu.n aa.ii hai
mai.n tujhe gauhar-o-almaas diye detaa huu.n
tere ThiThure hu.e haatho.n ko haraarat duu.ngaa
jashn kaa din hai mirii saalgirah kaa din hai
kaun ho kaun ho tum
ai Gariibo.n ke KHudaavand amiiro.n ke rafiiq
mai.n samajhtaa thaa mujhe aap na pahchaane.nge
mai.n ne a.ngrez kii jailo.n me.n javaanii kaaTii
mai.n ne ThiThure hu.e haatho.n se jalaa.e hai.n diye
jin kii lau aaj bhii tuufaano.n se Takraatii hai
jin ko a.ngrez kii phuu.nko.n ne bujhaanaa chaahaa
aur KHud un kii zabaa.n jal ke siyah-faam hu.ii
vo diye aaj bhii bar-lauu.n kii chiiKHo.n se la.De jaate hai.n
aap ko yaad na hogaa shaayad
kaun ho kaun ho tum
mai.n ne taariiKH kii lahro.n me.n ravaanii de dii
mai.n ne buu.Dho.n kii rag-o-pai me.n javaanii de dii
mai.n ne jhukte hu.e shaano.n ko tavaanaa.ii dii
kaar-KHaane mirii aavaaz se bedaar hu.e
aur ik merii hii aavaaz nahii.n guu.njii thii
saik.Do.n vaqt se haare hu.e insaan uThe
kuhra-e-vaqt pe chhaane ke liye
kaun ho kaun ho tum
auraaq me.n hii nahii.n aayaa huu.n
saik.Do.n vaqt ke maare hu.e insaan bhii hai.n
saik.Do.n vaqt pe chhaa.e hu.e insaan bhii hai.n
kaun ho kaun ho tum
aaj bhii ketiyo.n me.n bhuuk ugaa kartii hai
kaar-KHaano.n me.n dhu.e.n ke baadal
tauq aur aahanii zanjiiro.n me.n Dhal jaate hai.n
kaun ho kaun ho tum
aap insaan kii azmat pe yaqii.n rakhte hai.n
aap ke hukm ne kitno.n kii zabaane.n sii dii.n
aap kii mumlikat adl me.n kitne biimaar
qaid-e-tanhaa.ii me.n dam to.D chuke
kaun ho kaun ho tum
aap kii be.Diyaa.n afraad ko paaband banaa saktii hai.n
aap kii be.Diyaa.n insaan ko paaband nahii.n kar saktii.n
kal yahii sham.a jo siine me.n farozaa.n hai aaj
aap ke saare tilismaat jalaa Daalegii
kal unhii.n kheto.n me.n uj.De hu.e khaliyaano.n me.n
saal-haa-saal kii paamaal zamii.n
apne siine ke KHazaano.n ko luTaatii hogii
kaar-KHaane bhii siyahkaar KHudaa.o.n se rihaa.ii paa kar
laakho.n insaano.n kii taskiin kaa saamaa.n ho.nge
ik na.e ahd na.ii ziist kaa unvaa.n ho.nge
aur phir vaqt kaa bebaak mo.arriKH aa kar
surKH parcham ko salaamii degaa
kaun ho kaun ho tum
bhaardvaaj

Akhtar Payami
Nazm

aag ke pas

vo daraKHto.n ke tanomand tane
apne aa.inda ke KHvaabo.n me.n asiir
gard-baad aa hii ga.e
un kii rihaa.ii kaa vasiila ban kar
KHud se mahjuurii-e-naagaah kaa hiila ban kar
aa.e aur chal bhii diye
tuul-e-alamnaak kii dahliiz pe
ruKHsat kah kar
aur vo laakho.n baras soch me.n
aa.inda ke mauhuum me.n KHvaabiida rahe

Noon Meem Rashid
Nazm

uncha makan

ghuT ke lahre.n tire giito.n kii sune.n mujh ko nazar aane lagaa
ek talKHaaba kisii baada-e-bad-ra.ng kaa ik TuuTe hu.e saaGar me.n
nashsha-e-mai se nazar dhundlii hu.ii jaatii hai
raat kii tiira fazaa kyuu.n mujhe ghabraatii hai?
raat kii tiira fazaa me.n tirii aa.nkho.n kii chamak mujh ko Daraa saktii nahii.n hai mai.n to
is se bhii ba.Dh ke a.ndhere me.n rahaa kartaa thaa
aur is tiirgi-e-ruuh me.n daraKHshaa.n the sitaare dukh ke
aur kabhii bhuul me.n har najm-e-daraKHshaa.n se lapak uThte the sho.ale sukh ke
jaise rauzan se tire taan lapaktii hu.ii phailaatii hai baazuu apne
jazb kar letaa hai phir us ko KHalaa kaa daaman
yaad aane lage tanhaa.ii me.n bahte hu.e aa.nsuu apne
vahii aa.nsuu vahii sho.ale sukh ke
lekin ik KHvaab thaa ik KHvaab kii maanind lapak shaalo.n kii thii
mirii taKH.iil ke par taa.ir-e-zaKHmii ke paro.n ke maanind
pha.D.pha.Daate hu.e bekaar laraz uThte hai.n
mire a.azaa kaa tanaa.o mujhe jiine hii na detaa thaa ta.Dap kar ek baar
justujuu mujh ko rihaa.ii kii hu.aa kartii thii
magar afsos ki jab dard davaa ban.ne lagaa mujh se vo paabandii haTii

Meeraji
Nazm

be-faiz mausam ki rafaqat mein

KHudaavandaa
tujhe ma.aluum hai mai.n ne
ye apnii umr
kis be-faiz mausam kii rifaaqat me.n guzaarii hai
yaqiin-o-be-yaqiinii kii aziyyat me.n guzaarii hai
KHudaavandaa
tujhe ma.aluum hai mere
har ik jaanib tirii sau ne.amate.n
bikhrii hu.ii thii.n
hazaaro.n raaste the
manzile.n thii.n
raushnii thii
ra.ng the KHushbuu thii
phuulo.n se ladii shaaKHe.n thii.n KHvaahish kii
tamannaa.e.n labo.n par muskuraahaT ke
ka.ii naGme sajaa.e raqs kartii thii.n
ka.ii jugnuu mirii shaamo.n ke aa.ngan se guzarte the
mirii har aarzuu kii apnii peshaanii thii aur un se
ka.ii suuraj ubharte the
ka.ii mahtaab chehre
jhiil sii aa.nkhe.n liye mere ta.aaqub me.n nikalte the
mujhe aavaaz de kar
rokne kii koshishe.n karte na thakte the
ka.ii dildaar mausam the
ki jin me.n titliyaa.n baarish ke ra.ngo.n me.n nahaatii
haath phailaatii
mare qurb-o-javaar diida-o-dil se guzartii thii.n
magar mai.n ne
KHudaavandaa
tujhe ma.aluum hai mai.n ne
tirii saarii inaayat ko
tirii un ne.amato.n ko aa.nkh bhar kar bhii nahii.n dekhaa
KHudaavandaa
tujhe ma.aluum hai
tuu jaantaa hai
ki mire dil aur mirii aa.nkho.n me.n bas vo
mausam-e-dil-daar bastaa thaa
isii mausam kii chaahat
aur mohabbat kaa kahii.n
iqraar bastaa thaa
isii mausam ko dil ne apnii sub.h-shaam jaanaa thaa
agarche raah me.n aayaa hu.aa saaraa zamaana thaa
KHudaavandaa tujhe ma.aluum hai
tuu jaantaa hai
dilo.n ke zaKHm
aur aa.nkho.n kii saarii kaifiyat pahchaantaa hai
magar mai.n ne
use jaanaana pahchaanaa
mujhe jo bhii kahaa us ne
usii ko zindagii jaanaa
usii ko raushnii jaanaa
KHudaavandaa
tujhe ma.aluum hai us ne
basar kii zindagii merii
churaa lii raushnii merii
tujhe ma.aluum hai sab kuchh
KHudaavandaa tujhe ma.aluum hai sab kuchh
mirii umr-e-guzishta kaa
mirii umr-e-ravaa.n kaa
ek ik lamha
usii be-faiz mausam kii rifaaqat ke hii kaam aayaa
magar ab mai.n
KHudaavandaa
magar ab mai.n mohabbat ke
usii be-faiz mausam kii rifaaqat ke
azaabo.n
aur KHvaabo.n se
thakaa-haaraa hu.aa insaan
rihaa.ii chaahtaa huu.n
tirii sau ne.amate.n hai.n
un se tanhaa.ii kii ne.amat chaahtaa huu.n
KHudaavandaa tujhe ma.aluum hai mai.n ne
ye apnii umr kas be-faiz mausam kii rifaaqat me.n guzaarii hai
yaqiin-o-be-yaqiinii kii aziyyat me.n guzaarii hai
KHudaavandaa
mujhe tanhaa.ii kii ne.amat ataa kar de

Munawwar Jameel
Nazm

rihai

sunaa hai ki buu.Dhii havelii me.n har shab
bhaTaktii hai ik ruuh jis ke badan par
puraanii rivaayaat ke
khokhle-pan kaa malbuus hai
jis kii peshaanii ke zaKHm se
KHuun bahtaa hai maazii kii tahziib kaa
aur vo chiiKHtii hai
ki buu.Dhii havelii se us ko nikaalo
puraanii rivaayaat ke khokhle-pan ke malbuus ko phaa.D Daalo
suno shahr vaalo

Kafeel Aazar Amrohvi
Nazm

ek husn-farosh laDki ke nam

mirii jaa.n go tujhe dil se bhulaayaa jaa nahii.n saktaa
magar ye baat mai.n apnii zabaa.n par laa nahii.n saktaa
mai.n tujh ko chaahtaa huu.n vaalihaana pyaar kartaa huu.n
mai.n gaataa rahtaa huu.n par ye naGma gaa nahii.n saktaa
tujhe apnaa banaanaa maujib-e-raahat samajh kar bhii
tujhe apnaa banaa luu.n ye samajh me.n aa nahii.n saktaa
banaa saktaa huu.n shab ko apne bistar kii tujhe ziinat
magar din me.n tire qasr-e-hasii.n tak jaa nahii.n saktaa
hu.aa hai baar-haa ehsaas mujh ko is haqiiqat kaa
tire nazdiik rah kar bhii mai.n tujh ko paa nahii.n saktaa
mire dast-e-havas kii dastaras hai jism tak tere
mai.n terii ruuh kii gahraa.iyo.n tak jaa nahii.n saktaa
mai.n tere ras-bhare ho.nTo.n ko pyaarii chuum saktaa huu.n
magar mai.n tere dil par aah qabza paa nahii.n saktaa
tire dil kii tamannaa bhii karuu.n to kis bharose par
mai.n KHud dargaah me.n tere ye tohfa laa nahii.n saktaa
mirii majbuuriyo.n ko bhii bahut kuchh daKHl hai is me.n
tujhii ko morid-e-ilzaam mai.n Thahraa nahii.n saktaa
mai.n tujh se ba.Dh ke apnii aabruu ko pyaar kartaa huu.n
mai.n apnii izzat-o-naamuus ko Thukraa nahii.n saktaa
tire maahaul kii pastii kaa ta.ana duu.n tujhe kyuu.n-kar
mai.n KHud maahaul se apne rihaa.ii paa nahii.n saktaa

Gopal Mittal
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now