Search result for "shab-e-charaaG" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "shab-e-charaaG"

Nazm MATCHES FOR "shab-e-charaaG"

Nazm

subh-e-shab-e-intizar

charaaG raah me.n us ke amal se jalne lage
lo aaj sub.h-e-shab-e-intizaar aa hii ga.ii
fazaa mahakne lagii dil-navaaz phuulo.n se
dayaar-e-hind me.n fasl-e-bahaar aa hii ga.ii

Syeda Shan-e-Meraj

Nazm

bhagwan krishn ki taswir dekh kar

mujhe tere tasavvur se KHushii mahsuus hotii hai
dil-e-murda me.n bhii kuchh zindagii mahsuus hotii hai
ye taaro.n kii chamak me.n hai na phuulo.n hii kii KHushbuu me.n
tirii tasviir me.n jo dilkashii mahsuus hotii hai
tujhe mai.n aaj tak masruuf-e-dars-o-va.az paataa huu.n
tirii hastii mukammal aagahii mahsuus hotii hai
ye kyaa mumkin nahii.n tuu aa ke KHud ab is kaa darmaa.n kar
fazaa-e-dahr me.n kuchh barhamii mahsuus hotii hai
ujaalaa saa ujaalaa hai tirii sham-e-hidaayat kaa
shab-e-tiira me.n bhii ik raushnii mahsuus hotii hai
mai.n aa.uu.n bhii to kyaa mu.nh le ke aa.uu.n saamne tere
KHud apne-aap se sharmindagii mahsuus hotii hai
taKHayyul me.n tire nazdiik jab mai.n KHud ko paataa huu.n
mujhe us vaqt ik-tarfa KHushii mahsuus hotii hai
tuu hii jaane kahaa.n le aa.ii mujh ko aarzuu terii
ye manzil ab saraapaa be-KHudii mahsuus hotii hai
'ka.nval' jis vaqt kho jaataa huu.n mai.n us ke tasavvur me.n
mujhe to zindagii hii zindagii mahsuus hotii hai

Kanval M. A

Nazm

katik ka chand

kis se is dard-e-judaa.ii kii shikaayat kahiye
yaa.n to siine me.n niystaa.n kaa niystaa.n hogaa
kis se is dil ke uja.Dne kii hikaayat kahiye
sun.ne vaalaa bhii jo hairaa.n nahii.n, hairaa.n hogaa
aisii baato.n se na kuchh baat banegii apnii
suunii aa.nkho.n me.n niraashaa kaa ghulegaa kaajal
KHaalii sapno.n se na auqaat banegii apnii
ye shab-e-maah bhii kaT jaa.egii be-kal be-kal

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

chiKH

jab shaam-e-charaaGaa.n
guzar jaatii hai
to adhe.D-‘umr 'aurate.n
aur un ke gosht-KHor mard
Galiiz lihaafo.n kii
qabro.n me.n utar jaate hai.n
azal se abad ko milaate hu.e
bad-rang kii.Do.n kii
nazr ho jaate hai.n

Balraj Komal

Nazm

sham hai dhuan dhuan

kyo.n shaam kaa aa.nchal mailaa hai
har samt dhu.aa.n saa phailaa hai
maaduum hu.e aasaar sabhii
kaliyo.n kii chanchal aa.nkhe.n
jhukii jhukii sii muu.nde palke.n
gul-badan sar niguu.n ho ga.e
KHushbuu bhii u.Dii
aur gesuu-e-shab me.n jaa uljhii

Rukhsana Nikhat Lari Umm-e-Hani

Nazm

shair

kaun hai jis kii sisaktii hu.ii fariyaado.n ne
mere ehsaas ke har taar me.n larzish bhar dii
kis kii aavaaz se larzaa.n hai har ik taar-e-hayaat
kis kii aaho.n ne mire KHuun me.n sozish bhar dii
haa.n vahii jis ne kabhii raat ke sannaaTe me.n
apne armaano.n kaa ik KHvaab sajaa rakkhaa thaa
jis ne aa.ndhii ke sanakte hu.e jho.nko.n me.n nadiim
ik charaaG-e-shab-e-ummiid jalaa rakhaa thaa
us kii duniyaa me.n garajte rahe haalaat ke abr
us ke aakaash pe chhaayaa kiye kaale baadal
sar uThaa.e hu.e ha.nstaa hu.aa tuufaano.n par
us ke sapno.n kaa banaayaa hu.aa vo rang-mahal
ab bhii us ke rag-o-pai me.n vahii jaulaa.n hai lahuu
jis ke sho.alo.n se dahak uThte hai.n shaahii aivaa.n
us ke sulge hu.e jazbo.n me.n vo garmii hai ki aaj
aamriyat ke kaleje se nikaltaa hai dhu.aa.n

Sabir Aarwi

Nazm

abu-lahab ki shadi

shab-e-zafaaf-e-abuu-lahab thii magar KHudaayaa vo kaisii shab thii
abuu-lahab kii dulhan jab aa.ii to sar pe ii.ndhan gale me.n
saa.npo.n ke haar laa.ii na us ko mashshaatgii se matlab
na maa.ng Gaaza na rang roGan gale me.n saa.npo.n
ke haar us ke to sar pe ii.ndhan
KHudaayaa kaisii shab-e-zafaaf-e-abuu-lahab thii

Noon Meem Rashid

Nazm

do-aba bast jalandhar

gosha gosha teraa nuur-e-ilm se ma.amuur hai
zarra zarra haamil-e-nuur-e-charaaG-e-tuur hai

Arsh Malsiyani

Nazm

kanar-e-ab ki ek sham

uruus-e-fitrat ke reshmii.n pairahan kaa ye aatishii.n tabassum
ziyaa-e-KHaamosh ke sukuut-aashnaa tarannum me.n ghul rahaa hai
ki uqda-e-gesuu-e-shab-e-taar khul rahaa hai

Krishna Mohan

Nazm

hum log

musaafiraan-e-shab-e-zindagii kii raaho.n me.n
charaaG fikr-o-nazar ke jalaa.e.nge ham log

Azmat Abdul Qayyum Khan

Nazm

etiraf

mai.n ne bikhre hu.e alfaaz ko yakjaa kar ke
zehn ko chaa.e ke do ghuu.nT se bedaar kiyaa
aur phir sher kahaa
ye zamaana kabhii vahshii na darinda hotaa
is ke siine me.n ko.ii dil bhii jo zinda hotaa
mere ash.aar risaalo.n me.n chhape
bazm-e-ahbaab me.n dohraa.e ga.e
naqd-o-tahsiin ke miizaano.n par
baarhaa mere suKHan laa.e ga.e
mujh ko ma.aluum nahii.n
vo zamaana jo darinda thaa kahaa.n tak pahuu.nchaa
mai.n to bas
haath par haath dhare
sitam-o-jaur-e-shab-o-roz-e-zamaana se pare
sher kahtaa rahaa afzaa.ish-e-fan kii KHaatir
aur sunaataa rahaa tash.hiir-e-suKHan kii KHaatir

Syed Abbas Raza Tanweer

Nazm

duri

mujhe maut aa.egii, mar jaa.uu.ngaa mai.n,
tujhe maut aa.egii, mar jaa.egii tuu,
vo pahlii shab-e-mah shab-e-maah-e-do-niim ban jaa.egii
jis tarah saaz-kohnaa ke taar-e-shikastaa ke dono.n sire
duur ufuq ke kinaaro.n ke maanind
bas duur hii duur se thartharaate hai.n aur paas aate nahii.n hai.n
na vo raaz kii baat ho.nTo.n pe laate hai.n
jis ne muGannii ko daur-e-zamaa.n-o-makaa.n se nikaalaa thaa,
baKHshii thii KHvaab-e-abad se rihaa.ii!

Noon Meem Rashid

Nazm

shahr-e-zulmat ko sabaat nahin

ai shab-e-taar ke nigahbaano
sham-e-ahd-e-ziyaa.n ke parvaano

Habib Jalib

Nazm

wirsa

nau-e-insaa.n ke shab-o-roz kii taqdiir nahii.n

Sahir Ludhianvi

Nazm

sahar

shab-zaad a.ndhere kamre ke
shab-giir hai.n pariyaa.n nii.ndo.n kii
shab-daar khule.ngii palke.n kab
shab-zor fusuu.n kab TuuTegaa
shab-kaar ye parde rauzan ke
shab-bhar ke liye the rauzan par
shab-to.D ko.ii to haath uThe
aur khii.nch le shab ke maathe se
vo parda-e-shab jo haa.il hai
maabain-e-shab-e-diijuur-o-sahar
phir aap a.ndheraa sharmaa.e
phir nuur kaa muzhda aa jaa.e

Shahroz Khawar

Nazm

to kya wo raat Dhal gai

taviil vaqt ho gayaa hazaar din guzar ga.e
to kyaa vo raat Dhal ga.ii to kyaa vo zaKHm bhar ga.e
mire tamaam chaaraagar isii gumaa.n me.n hai.n ki mai.n
shab-e-firaaq-e-yaar ko shikast-e-kaar de chukaa
magar unhe.n KHabar kahaa.n ki ye shab-e-firaaq-e-jaa.n
abhii to apnii 'umr ke shuruu' marhale me.n hai
abhii to aamad-e-sahar kii ko.ii aas bhii nahii.n
abhii to mausam-e-bahaar aas-paas bhii nahii.n
abhii to us kii yaad ke nuquush pesh-o-pas me.n hai.n
abhii to dil kii dha.Dkane.n usii kii dastaras me.n hai.n
shab-e-sitam daraaz hai jigar khapaayaa jaa.egaa
abhii to us ke hijr me.n lahuu bahaayaa jaa.egaa

Kazim Rizvi

Nazm

zindagi

zindagii ek shab-e-taar bhii hai
zindagii matla-e-anvaar bhii hai

Brijes Talat Nizamii

Nazm

ahinsa ki pahli sunahri kiran

shab-e-taar me.n jaise mahtaab chhuuTii
tajallii ke parde se phuuTii vo phuuTii

Asar Lakhnavi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now