Search result for "shab-e-mahtaab" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "shab-e-mahtaab"

Nazm MATCHES FOR "shab-e-mahtaab"

Nazm

hind ki ye shab-e-mahtab

hind kii ye shab-e-mahtaab bahut KHuub sahii
qalb-e-anjum kaa magar dard abhii kam to nahii.n

Masud Husain Khan

Nazm

ghaalib ki ghazal

ik musavvir kaa hasii.n KHvaab hai 'Gaalib' kii Gazal
ik daraKHshaa.n shab-e-mahtaab hai 'Gaalib' kii Gazal

Mohammad Abdul Qadir Adeeb

Nazm

an-kahi

jaane kyuu.n tujh se dil-e-zaar ko itnii hai lagan
kaisii kaisii na tamannaa.o.n kii tamhiid hai tuu
din me.n tuu ik shab-e-mahtaab hai merii KHaatir
sard raato.n me.n mire vaaste KHurshiid hai tuu

Himayat Ali Shayar

Nazm

subh-e-shab-e-intizar

charaaG raah me.n us ke amal se jalne lage
lo aaj sub.h-e-shab-e-intizaar aa hii ga.ii
fazaa mahakne lagii dil-navaaz phuulo.n se
dayaar-e-hind me.n fasl-e-bahaar aa hii ga.ii

Syeda Shan-e-Meraj

Nazm

ziya

ab diida-e-hairaa.n miraa
aa.iina saa.n saakit misaal-e-shaam-e-yazdaa.n mahv-e-taKH’iil-o-gumaa.n
kitne sitaare hosh ke
pahnaa-e-sub.h-e-husn me.n kho.e ga.e
aashuftagii sahraa-o-dariyaa kii tarah
sahbaa-e-Galtaa.n kii tarah
husn ek shaaKH-e-be-samar
mizraab-e-jaa.n soz-e-fuGaa.n
jaise shabistaan-e-shab-e-mahtaab par be-suud ma.nDlaa.ii havaa
KHvaab-e-numuu naapaid-tar
vo be-KHabar ruKHsaar-o-lab

Jabir Ali Syed

Nazm

ahl-e-junun

jab bhii zulmat ke jigar chaak kiye hai.n ham ne
ik na.ii sub.h kaa paiGaam diyaa karte hai.n
jab bhii mahtaab-e-zar-afshaa.n ke ho chehre pe naqaab
jaan ham rakh ke hathelii par ulaT dete hai.n

Noor -e-Shama Noor

Nazm

bhagwan krishn ki taswir dekh kar

mujhe tere tasavvur se KHushii mahsuus hotii hai
dil-e-murda me.n bhii kuchh zindagii mahsuus hotii hai
ye taaro.n kii chamak me.n hai na phuulo.n hii kii KHushbuu me.n
tirii tasviir me.n jo dilkashii mahsuus hotii hai
tujhe mai.n aaj tak masruuf-e-dars-o-va.az paataa huu.n
tirii hastii mukammal aagahii mahsuus hotii hai
ye kyaa mumkin nahii.n tuu aa ke KHud ab is kaa darmaa.n kar
fazaa-e-dahr me.n kuchh barhamii mahsuus hotii hai
ujaalaa saa ujaalaa hai tirii sham-e-hidaayat kaa
shab-e-tiira me.n bhii ik raushnii mahsuus hotii hai
mai.n aa.uu.n bhii to kyaa mu.nh le ke aa.uu.n saamne tere
KHud apne-aap se sharmindagii mahsuus hotii hai
taKHayyul me.n tire nazdiik jab mai.n KHud ko paataa huu.n
mujhe us vaqt ik-tarfa KHushii mahsuus hotii hai
tuu hii jaane kahaa.n le aa.ii mujh ko aarzuu terii
ye manzil ab saraapaa be-KHudii mahsuus hotii hai
'ka.nval' jis vaqt kho jaataa huu.n mai.n us ke tasavvur me.n
mujhe to zindagii hii zindagii mahsuus hotii hai

Kanval M. A

Nazm

katik ka chand

kis se is dard-e-judaa.ii kii shikaayat kahiye
yaa.n to siine me.n niystaa.n kaa niystaa.n hogaa
kis se is dil ke uja.Dne kii hikaayat kahiye
sun.ne vaalaa bhii jo hairaa.n nahii.n, hairaa.n hogaa
aisii baato.n se na kuchh baat banegii apnii
suunii aa.nkho.n me.n niraashaa kaa ghulegaa kaajal
KHaalii sapno.n se na auqaat banegii apnii
ye shab-e-maah bhii kaT jaa.egii be-kal be-kal

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

shab nama

tasht-e-mahtaab me.n hijr ke KHvaab me.n
dil jahaa.n bhii gayaa
lamha lamha jalaa
vasl kii KHvaahishe.n
KHaak me.n KHaak hotii rahii.n
barg-e-gul nam-zada Gam-zada Gam-zada
kah uThaa mai.n chalaa
os ke motiyo.n ko havaa khaa ga.ii
zaKHm-e-aavaargii
daaman-e-dil me.n chup-chaap ha.nstaa rahaa
sab puraane na.e kitne mausam ga.e
dhu.nd kii us taraf saare manzar vahii
muntazir saf-ba-saf
nii.nd me.n ko.ii chup-chaap chaltaa rahaa
jis ko milnaa thaa kahii.n
ko.ii KHanda-jabii.n ek chehra hasii.n
vo safiina saa ummiid kaa Gam kii tajdiid kaa
duur hii duur hotaa rahaa
hijr kaa taaj sar par sajaate hu.e
ko.ii tanhaa thaa tanhaa hai tanhaa rahaa

Ahmad Zafar

Nazm

naqqad

jo tabassum chhiin lete hai.n shab-e-mahtaab se
jin kii barnaa.ii jagaatii hai dilo.n ko KHvaab se

Josh Malihabadi

Nazm

madam

zulf kii chhaa.nv me.n aariz kii tab-o-taab liye
lab pe afsuu.n liye aa.nkho.n me.n mai-e-naab liye
har nafas rau me.n liye sorish-e-tuGyaan-e-nihaa.n
har nazar shauq kaa afsaana-e-b-taab liye
sehr o ejaaz liye jumbish-e-mizhgaan-e-daraaz
KHanda-e-shoKh jamaal-e-dur-e-KHush-aab liye
zau-fagan ruu-e-hasii.n par shab-e-mahtaab-e-shabaab
chashm-e-maKHmuur nashaat-e-shab-e-mahtaab liye
nashsha-e-naaz javaanii me.n sharaabor adaa
jism zauq-e-guhar atlas-o-kamKHvaab liye
zulf-e-shab-ra.ng liye sandal o uud o ambar
KHam-e-abruu-e-hasii.n dair kii mehraab liye
lab-e-gul-ra.ng-o-hasii.n jism gudaaz-o-siimii.n
shoKHii-e-barq liye larzish-e-siimaab liye
ek sayyaad-e-KHush-andaam svaad-e-mashriq
zulf-e-ba.ngaal liye tal.at-e-punjab liye
nuzhat o naaz kaa ik paikar-e-shaadaab-o-hasii.n
nik.hat-o-nuur kaa umDaa hu.aa sailaab liye
merii vaaraftagii-e-shauq musallam lekin
kis kii aa.nkhe.n hai.n zuleKHaa kaa hasii.n KHvaab liye

Asrarul Haq Majaz

Nazm

sham hai dhuan dhuan

kyo.n shaam kaa aa.nchal mailaa hai
har samt dhu.aa.n saa phailaa hai
maaduum hu.e aasaar sabhii
kaliyo.n kii chanchal aa.nkhe.n
jhukii jhukii sii muu.nde palke.n
gul-badan sar niguu.n ho ga.e
KHushbuu bhii u.Dii
aur gesuu-e-shab me.n jaa uljhii

Rukhsana Nikhat Lari Umm-e-Hani

Nazm

ek nazm

gum-shuda KHvaab shab-e-rafta ke raushan mahtaab
aaj kii raat sar-e-baam utar aa.e hai.n
gum-shuda chehre mire maazii ke zarrii.n auraaq
ek ik kar ke sar-e-aam khule jaate hai.n

Mahmood Ayaz

Nazm

ek ek aarzu sadqe mein utari jae

jashn-e-nauroz bhii hai
jashn-e-bahaaraa.n bhii hai
shab-e-mahtaab bhii
jashn-e-mah-e-taabaa.n bhii hai
sunte hai.n
aaj hii jashn-e-shah-e-KHuubaa.n bhii hai
aa.iye ai dil-e-barbaad
chale.n ham bhii vahaa.n
jashn kii raat hai
sauGaat to baTtii hogii
apne hisse kii
chale.n ham bhii uThaa le.n sauGaat
dard kii
aaKHirii siine se lagaa le.n sauGaat
aur phir yuu.n ho
ki jab shaam Dhale
os me.n bhiig ke
gul-mohr kii KHushbuu phaile
yaad kii chaa.ndnii
be-KHvaab dariicho.n pe gire
phir usii jashn kii
ye raat mire kaam aa.e
dard kii aaKHirii sauGaat
mare kaam aa.e
aaKHir shab
shab-e-aaKHir Thahre
zid pe aayaa hu.aa ye dil Thahre
to.D duu.n shiisha
jo hastii kaa bhii phir jaam aa.e
kaam aa.e
to ye sauGaat mire kaam aa.e
jashn kii raat hai
yuu.n nazr gizaarii jaa.e
ek ik aarzuu sadqe me.n utaarii jaa.e

Naseem Syed

Nazm

saughat

jashn-e-nauroz bhii hai
jashn-e-bahaaraa.n bhii hai
shab-e-mahtaab bhii
jashn-e-mah-e-taabaa.n bhii hai
sunte hai.n aaj hii
jashn-e-shah-e-KHuubaa.n bhii hai
aa ai dil-e-betaab
chale.n ham bhii vahaa.n
jashn kii raat hai
sauGaat to baTtii hogii
apne hisse kii chale.n
ham bhii uThaa le.n sauGaat
dard kii aaKHirii siine se
lagaa le.n sauGaat
aur phir yuu.n ho ki
jab shaam Dhale
us me.n bhiig ke
gul-mohar kii KHushbuu phaile
yaad kii chaa.ndnii
be-KHvaab dariicho.n pe gire
phir usii jashn kii ye raat
mire kaam aa.e
dard kii aaKHirii sauGaat
mire kaam aa.e
aaKHirii shab shab-e-aaKHir Thahre
zid pe aayaa hu.aa ye dil Thahre
to.D duu.n shiisha jo hastii kaa bhii
phir jaam aa.e
kaam aa.e to vo sauGaat
mire kaam aa.e
jashn kii raat hai yuu.n nazr guzaarii jaa.e
ek ik aarzuu sadqe me.n utaarii jaa.e

Naseem Syed

Nazm

rasta jo ujalon ki taraf jata hai

raasta vo jo ujaalo.n kii taraf jaataa hai
KHuubsuurat se KHayaalo.n kii taraf jaataa hai
us taraf jaa na sakii thii vo bhaTak jaane se
ghir ke sau tarah kii KHvaahish me.n bahak jaane se
kaise daldal me.n thii vo kaise ghane ban me.n thii
kaisii mushkil me.n thii kis tarah kii uljhan me.n thii
raah pur-KHaar thii bachnaa thaa kaThin daaman kaa
choT aa.ii vo buraa haal hu.aa tan man kaa
vo pareshaan thii ghere the use Dhero.n Gam
thaa yaqii.n us ko Galat raah pe hai.n us ke qadam
Dhuu.nDne par use vo raah nazar aa hii ga.ii
ek din manzil-e-maqsuud ko vo paa hii ga.ii
raah mil jaane se hairaan-o-hiraasaa.n dil ko
ik tasallii milii muddat se pareshaa.n dil ko
raat kuchh yuu.n shab-e-mahtaab hu.ii hai us kii
ruuh ik umr me.n sairaab hu.ii hai us kii
mushkil un ke liye aasaan hu.aa kartii hai
raasto.n kii jinhe.n pahchaan hu.aa kartii hai

Neelam Antulay

Nazm

ek lamhe ki dastan

chamak
meraa tasavvur
KHushiyo.n kaa jho.nkaa
lams-e-ruKH-e-gul
raahat-e-shab-e-mahtaab
farhat-e-sub.h-e-bahaar
naGmagii
bhuuk
dard kii kasak
Gam-e-bechaargii azm-e-javaa.n
suurat-haa-e-yaaraan-e-be-yaar
ehsaas-e-silsila-haa-e-makr-o-fareb
naqsh-haa-e-kashmakash-e-marg-o-ziist
karb-e-KHaak-e-hiroshima
idraak-e-rag me.n ye chubhte hu.e laakho.n nashtar
shiddat-e-dard
tuu
mai.n
har ko.ii jo nigah-o-dil me.n aa.e
roTii
atom-bomb
tuu
mai.n
dhu.ndalkaa
lamhe kii maut
ek aur lamhe kii jalvagarii
umr yuu.n hii tamaam hotii hai

Daud Ghazi

Nazm

hubb-e-watan

ai sip.har-e-barii.n ke sayyaaro
ai fazaa-e-zamii.n ke gul-zaaro
ai pahaa.Do.n kii dil-fareb fazaa
ai lab-e-juu kii ThanDii ThanDii havaa
ai anaadil ke naGma-e-saharii
ai shab-e-maahtaab taaro.n bharii
ai nasiim-e-bahaar ke jho.nko
dahr-e-naa-paa.edaar ke dhoko
tum har ik haal me.n ho yuu.n to aziiz
the vatan me.n magar kuchh aur hii chiiz
jab vatan me.n hamaaraa thaa ramnaa
tum se dil baaG baaG thaa apnaa
tum mirii dil-lagii ke saamaa.n the
tum mire dard-e-dil ke darmaa.n the
tum se kaTtaa thaa ra.nj-e-tanhaa.ii
tum se paataa thaa dil shakebaa.ii
aan ik ik tumhaarii bhaatii thii
jo adaa thii vo jii lubhaatii thii
karte the jab tum apnii Gam-KHvaarii
dho.ii jaatii thii.n kulfate.n saarii
jab havaa khaane baaG jaate the
ho ke KHush-haal ghar me.n aate the
baiTh jaate the jab kabhii lab-e-aab
dho ke uThte the dil ke daaG shitaab
koh o sahraa o aasmaan o zamii.n
sab mirii dil-lagii kii shakle.n thii.n
par chhuTaa jis se apnaa mulk o dayaar
jii hu.aa tum se KHud-ba-KHud bezaar
na gulo.n kii adaa KHush aatii hai
na sadaa bulbulo.n kii bhaatii hai
sair-e-gulshan hai jii kaa ik janjaal
shab-e-mahtaab jaan ko hai vabaal
koh o sahraa se taa lab-e-dariyaa
jis taraf jaa.e.n jii nahii.n lagtaa
kyaa hu.e vo din aur vo raate.n
tum me.n aglii sii ab nahii.n baate.n
ham hii Gurbat me.n ho ga.e kuchh aur
yaa tumhaare badal ga.e kuchh taur
go vahii ham hai.n aur vahii duniyaa
par nahii.n ham ko lutf duniyaa kaa
ai vatan ai mire bahisht-e-barii.n
kyaa hu.e tere aasmaan o zamii.n
raat aur din kaa vo samaa.n na rahaa
vo zamii.n aur vo aasmaa.n na rahaa
terii duurii hai morid-e-aalaam
tere chhuTne se chhuT gayaa aaraam
kaaTe khaataa hai baaG bin tere
gul hai.n nazro.n me.n daaG bin tere
miT gayaa naqsh kaamraanii kaa
tujh se thaa lutf zindagaanii kaa
jo ki rahte hai.n tujh se duur sadaa
in ko kyaa hogaa zindagii kaa mazaa
ho gayaa yaa.n to do hii din me.n ye haal
tujh bin ek ek pal hai ik ik saal
sach bataa to sabhii ko bhaataa hai
yaa ki mujh se hii teraa naataa hai
mai.n hii kartaa huu.n tujh pe jaan nisaar
yaa ki duniyaa hai terii aashiq-e-zaar
kyaa zamaane ko tuu aziiz nahii.n
ai vatan tuu to aisii chiiz nahii.n
jin o insaan kii hayaat hai tuu
murG o maahii kii kaa.enaat hai tuu
hai nabaataat kaa numuu tujh se
ruukh tujh bin hare nahii.n hote
sab ko hotaa hai tujh se nashv-o-numaa
sab ko bhaatii hai terii aab-o-havaa
terii ik musht-e-KHaak ke badle
luu.n na hargiz agar bahisht mile
jaan jab tak na ho badan se judaa
ko.ii dushman na ho vatan se havaa

Altaf Hussain Hali

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now