Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "tahriik"

Nazm MATCHES FOR "tahriik"

Nazm

diwane ki jannat

meraa ye KHvaab ki tum mere qariib aa.ii ho
apne saa.e se jhijaktii hu.ii ghabraatii hu.ii
apne ehsaas kii tahriik pe sharmaatii hu.ii
apne qadmo.n kii bhii aavaaz se katraatii hu.ii
apnii saa.nso.n ke mahakte hu.e andaaz liye
apnii KHaamoshii me.n gahnaa.e hu.e raaz liye
apne ho.nTo.n pe ik anjaam kaa aaGaaz liye
dil kii dha.Dkan ko bahut roktii samjhaatii hu.ii
apnii paa.el kii Gazal-KHvaanii pe jhallaatii hu.ii
narm shaano.n pe javaanii kaa nayaa baar liye
shoKH aa.nkho.n me.n hijaabaat se inkaar liye
tez nabzo.n me.n mulaaqaat ke aasaar liye
kaale baalo.n se bikhartii hu.ii champaa kii mahak
surKH aariz pe damakte hu.e shaalo.n kii chamak
niichii nazro.n me.n samaa.ii hu.ii KHuddaar jhijak
nuqra.ii jism pe vo chaa.nd kii kirno.n kii phuvaar
chaa.ndnii raat me.n bujhtaa hu.aa palko.n kaa sitaar
fart-e-jazbaat se mahkii hu.ii saa.nso.n kii qataar
duur maazii kii bad-anjaam rivaayaat liye
niichii nazre.n vahii ehsaas-e-mulaaqaat liye
vahii maahaul vahii taaro.n bharii raat liye
aaj tum aa.ii ho dohraatii hu.ii maazii ko
meraa ye KHvaab ki tum mere qariib aa.ii ho
kaash ik KHvaab rahe talKH haqiiqat na bane
ye mulaaqaat bhii diivaane kii jannat na bane

Waseem Barelvi
Nazm

urdu ka janaza hai zara dhum se nikle

ai taaj-mahal naqsh-ba-diivaar ho Gam se
ai qil.a-e-shaahii ye alam puuchh na ham se
ai KHaak-e-avadh faa.eda kyaa sharh-e-sitam se
tahriik ye misr-o-'arab-o-ruum se nikle
urdu kaa janaaza hai zaraa dhuum se nikle

Rais Amrohvi
Nazm

nai tahzib

KHabar detii hai tahriik-e-havaa tabdiil-e-mausam kii
khile.nge aur hii gul zamzame bulbul ke kam ho.nge

Akbar Allahabadi
Nazm

mujhe jaana hai ek din

abhii hai.n shahr kii taariik galiyaa.n muntazir merii
abhii hai ik hasii.n tahriik-e-tuufaa.n muntazir merii
abhii shaayad hai ik zanjiir-e-zindaa.n muntazir merii
mujhe jaanaa hai ik din terii bazm-e-naaz se aaKHir

Asrarul Haq Majaz
Nazm

mazuri

KHalvat-o-jalvat me.n tum mujh se milii ho baar-haa
tum ne kyaa dekhaa nahii.n mai.n muskuraa saktaa nahii.n
mai.n ki maayuusii mirii fitrat me.n daaKHil ho chukii
jabr bhii KHud par karuu.n to gungunaa saktaa nahii.n
mujh me.n kyaa dekhaa ki tum ulfat kaa dam bharne lagii.n
mai.n to KHud apne bhii ko.ii kaam aa saktaa nahii.n
ruuh-afzaa hai.n junuun-e-ishq ke naGme magar
ab mai.n in gaa.e hu.e giito.n ko gaa saktaa nahii.n
mai.n ne dekhaa hai shikast-e-saaz-e-ulfat kaa samaa.n
ab kisii tahriik par barbat uThaa saktaa nahii.n
dil tumhaarii shiddat-e-ehsaas se vaaqif to hai
apne ehsaasaat se daaman chhu.Daa saktaa nahii.n
tum mirii ho kar bhii begaana hii paa.ogii mujhe
mai.n tumhaaraa ho ke bhii tum me.n samaa saktaa nahii.n
gaa.e hai.n mai.n ne KHuluus-e-dil se bhii ulfat ke giit
ab riyaa-kaarii se bhii chaahuu.n to gaa saktaa nahii.n
kis tarah tum ko banaa luu.n mai.n shariik-e-zindagii
mai.n to apnii zindagii kaa baar uThaa saktaa nahii.n
yaas kii taariikiyo.n me.n Duub jaane do mujhe
ab mai.n sham-e-aarzuu kii lau ba.Dhaa saktaa nahii.n

Sahir Ludhianvi
Nazm

aurat nama

sadaa tahziib bhii huu.n mai.n
sadaa tahriik bhii huu.n mai.n
kabhii tuu Gaur to kar le
kahii.n tafriiq bhii huu.n mai.n

Maaham Shah
Nazm

aaj ki duniya

duniyaa ko inqalaab kii yaad aa rahii hai aaj
taariiKH apne aap ko dohraa rahii hai aaj
vo sar uThaa.e mauj-e-fanaa aa rahii hai aaj
mauj-e-hayaat maut se Takraa rahii hai aaj
kaano.n me.n zalzalo.n kii dhamak aa rahii hai aaj
har chiiz kaa.enaat kii tharraa rahii hai aaj
jhapkaa rahii hai der se aa.nkhe.n havaa-e-dahr
kaun-o-makaa.n ko nii.nd sii kuchh aa rahii hai aaj
har lafz ke ma.aanii-o-matlab badal chuke
har baat aur baat hu.ii jaa rahii hai aaj
yaksar jahaan-e-husn bhii badlaa hu.aa saa hai
duniyaa-e-ishq aur nazar aa rahii hai aaj
har har shikast-e-saaz me.n hai lahn-e-sarmadii
yaa zindagii ke giit ajal gaa rahii hai aaj
ye daaman-e-ajal hai ki tahriik-e-Gaib hai
kyaa shai havaa-e-dahr ko sankaa rahii hai aaj
abnaa-e-dahr lete hai.n yuu.n saa.ns garm-o-tez
jiine me.n jaise der hu.ii jaa rahii hai aaj
aflaak kii jabii.n bhii shikan-dar-shikan sii hai
tyorii zamiin kii bhii cha.Dhii jaa rahii hai aaj
phir chhe.Dtii hai maut hayaat-e-fasurda ko
phir aatish-e-KHamosh ko uksaa rahii hai aaj
barham saa kuchh mizaaj-e-anaasir hai in dino.n
aur kuchh tabii.at apnii bhii ghabraa rahii hai aaj
ik mauj-e-duud siine me.n larzaa.n hai is tarah
naagin sii jaise shiishe me.n lahraa rahii hai aaj
biite jugo.n kii chhaa.nv hai imroz par 'firaaq'
har chiiz ik fasaana hu.ii jaa rahii hai aaj

Firaq Gorakhpuri
Nazm

zaban jis ko har ek bole usi ka nam hai urdu

zabaa.n jis ko har ik bole usii kaa naam hai urdu
zabaan-e-sher me.n fitrat kaa ik in.aam hai urdu
sabhii is ko samajhte hai.n sabhii me.n aam hai urdu
zabaa.n ko.ii bhii ho har ek kaa anjaam hai urdu
ga.e vo din ki jab kuchh log hii is ko samajhte the
zabaano.n me.n ubhar aa.ii hai tasht-az-baam hai urdu
kahii.n hai ibtidaa is kii kahii.n hai intihaa maz.har
kahii.n aaGaaz hai urdu kahii.n anjaam hai urdu
ye baa-aKHlaaq qaumo.n me.n sirishta hai uKHuvvat kaa
suluuk-e-Gair se bhii aaj KHush-anjaam hai urdu
muraqqa.a hai hasii.n tahriik-e-afsaanii ke KHaako.n kaa
mukammal ijtimaa-e-gauhar-ayyaam hai urdu
uruus-e-zindagii kii taab-o-ziinat jis zabaa.n se hai
usii KHush-kaam fitrat kaa achhuutaa naam hai urdu
dayaar-e-paak yaa hindostaa.n dono.n vatan is ke
zabaa.n har ek jis me.n qaid hai vo daam hai urdu
zaraa sii Thes se bhii shiisha-e-dil TuuT jaataa hai
bahut naazuk magar az-qism istihkaam hai urdu
ba-har-unvaa.n yahii ik peshvaa-e-husn-o-KHuubii hai
Galat hai asia me.n morid-e-ilzaam hai urdu
mamaalik-Gair me.n bhii aaj is ko sab samajhte hai.n
vatan vaalo.n me.n ek tasviir-e-sad-aqvaam hai urdu
kisii firqe kaa leader ho vo leader ban nahii.n saktaa
na samjhe jab talak jantaa me.n kitnii aam hai urdu
safaarat ho cinema ho ki T.v radio sab me.n
suro.n kaa nashsha hai fikr-o-nazar kaa jaam hai urdu
isii ko bolne me.n ruuh ko ab hai sukuu.n haasil
zamaane kii zabaano.n ke liye paiGaam hai urdu
musalsal irtaqaa-e-aadamiyat is se maz.har hai
ba-qaid-e-nutq-e-'maajid' rahbar-e-aqvaam hai urdu

Majid-ul-Baqri
Nazm

aurat

ye anaasir ek muddat tak rahe garm-e-amal
aaKHirii tahriik-e-ismat se hu.e aapas me.n hal

Shaad Aarfi
Nazm

bhagat-singh ke nam

kahii.n jab sarfaroshii kii
mohabbat istaqaamat kii
shahaadat kii vatan kii baat chaltii hai
mujhe tum yaad aate ho
ye dhaare ruk nahii.n sakte
sitaare jhuk nahii.n sakte
kinaare dekhte rahnaa
nazaare ruk nahii.n sakte
havaa bahtii hii rahtii hai
samundar se samundar tak
lahuu daryaaft kartaa hai
na.ii tahriik kaa manshuur
ye kirne.n darj kartii hai.n
har ik dhartii pe hone kaa nayaa dastuur
har ik raste pe hai.n daar-o-rasan ke niilguu.n saa.e
lahuu se aag kii lapTe.n nikaltii hai.n
qataaro.n me.n dar-e-zindaa.n pe har lamha
ajab sii bhii.D rahtii hai
ye kaisii aag hai jo sard hone ko nahii.n aatii
ye kaisaa KHvaab hai ta.abiir aa.nkhe.n chhiin letii hai
shujaa.at qarz hotii hai
mohabbat farz hotii hai
kisii colonel ke qatl-e-aam se lashkar nahii.n rukte
saliibo.n se nahii.n Darte
lahuu ke dhaare me.n bahte sitaare ruk nahii.n sakte
abad ke aasmaano.n se ishaare ruk nahii.n sakte
ajab hii log hote hai.n
KHud apnii miTTii kii KHaatir jo jaan-o-tan luTaate hai.n
Gazab hii log hote hai.n
ki jo taariiKH ke dhaare ke ruKH ko mo.D dete hai.n
mohabbat karne vaale log paagal log hote hai.n
kisii se jo nahii.n Darte
ye vo dariyaa hai.n jin kii aaKHirii manzil
abad kaa aaKHirii saahil
ye vo dariyaa samundar jin kaa rasta hai
samundar kis se kab tasKHiir hotaa hai
samundar hai zamaana
aur zamaana kis se kab zanjiir hotaa hai

Faheem Shanas Kazmi
Nazm

aawazen

aflaak ke taaro.n me.n jaltii bujhtii hu.ii kuchh aavaaze.n hai.n
kohsaar ke phuulo.n me.n bikhrii bahkii hu.ii kuchh aavaaze.n hai.n
hai mausam-e-gul kii aamad se ashkaal-e-chaman me.n tabdiilii
yaa murG-e-sahar kii gulshan me.n badlii hu.ii kuchh aavaaze.n hai.n
zardaar kii har aavaaz me.n hai biphrii hu.ii suurat kaa naqsha
mazduur nahiif-o-bechaare sahmii hu.ii kuchh aavaaze.n hai.n
aavaaz jise ham kahte hai.n tahriik hai ye kuchh shaklo.n kii
ham jin ko samajhte hai.n shakle.n Thahrii hu.ii kuchh aavaaze.n hai.n
vo giit hame.n jo yaad rahe dekhii hu.ii suurat hai ko.ii
maanuus hai.n jo shakle.n ham se jaanii hu.ii kuchh aavaaze.n hai.n
ilhaad ke kuchh mai-KHvaaro.n ne pii lii hai ziyaada hii shaayad
atraaf-e-dayaar-e-maGrib se bahkii hu.ii kuchh aavaaze.n hai.n
ai 'zeb' khavayyaa hii apne hai.n un kii luGat se naa-vaaqif
har bahr se maujo.n kii suurat uThtii hu.ii kuchh aavaaze.n

Zeb Usmania
Nazm

urdu

faroG-e-chashm hai taskiin-e-dil hai be-gumaa.n urdu
har ik aalam me.n hai goyaa bahaar-e-gul-fishaa.n urdu
ko.ii dekhe to is kii quvvat-e-taKHliiq kaa aalam
banaa saktii hai zer-e-charKH laakho.n aasmaa.n urdu
muqallid jo nahii.n is kaa vo pahu.nchegaa na manzil par
sar-e-har-jaada-e-manzil hai miir-e-kaarvaa.n urdu
muhaafiz apnii quvvat se hai tahziib-o-tamaddun kii
na kyuu.n ho irtiqaa-e-zindagii kii raaz-daa.n urdu
gulistaan-e-adab me.n jis qadar the muntashir jalve
munazzam kar chukii hai un ko misl-e-jism-o-jaa.n urdu
fazaa-e-ilm-o-fan par ye misaal-e-abr chhaa.ii hai
mazaaq-e-justujuu ban kar rag-e-dil me.n samaa.ii hai
zabaane.n aur bhii duniyaa me.n kuchh garmii-e-mahfil hai.n
magar manzil hai urdu aur vo sab gard-e-manzil hai.n
har ik andaaz raushan har bayaa.n pur-kaif hai is kaa
adaa.e.n jis qadar bhii hai.n vo sharh-e-jazba-e-dil hai.n
zamiin-e-sher is kii ik chaman-zaar-e-mohabbbat hai
hai.n jitne giit vo sab naGma-e-fitrat kaa haasil hai
riyaazii ho ki mantiq falsafa ho yaa tasavvuf ho
sab is kii bazm me.n maujuud hai.n aur jaan-e-mahfil hai.n
milii hai.n jalva-e-fitrat kii sab ra.ngiiniyaa.n is ko
muraqqe is ke siine se lagaa lene ke qaabil hai.n
rivaaj is kaa jahaa.n kii vus.ato.n me.n be-takalluf hai
ye paakiiza zabaa.n hai aur latiif is kaa tasarruf hai
miTaa saktaa hai kaun aisii zabaan-e-paak-fitrat ko
dayaa dars-e-vafaa jis ne mazaaq-e-mulk-o-millat ko
jumuud-e-zindagii me.n hashr barpaa kar diyaa is ne
ataa kii hai.n isii ne bijliyaa.n ehsaas-e-ulfat ko
nizaam-e-zindagaanii par ba.Daa ehsaan hai is kaa
bahut aasaaniyaa.n is me.n mile.n tabliiG-e-fitrat ko
rahe shaan-e-talaaqat lafz-o-ma.anii hai.n ki gul-buuTe
zahe auj-e-hazaaqat jaan de dii murda hikmat ko
ye mumkin hai ki qaumo.n ko miTaa de gardish-e-aalam
magar ko.ii miTaa saktaa nahii.n urdu kii azmat ko
har ik tahriik is kii tarjumaan jazb-e-kaamil hai
ki har aaha.ng-e-urdu hamnavaa-e-barbat-e-dil hai

Alam Muzaffar Nagari
Nazm

id

merii jaanib se sahii tahriik-e-takmiil-e-vafaa
lekin is ko aap kii taa.iid honii chaahiye

Maikash Akbarabadi
Nazm

mahatma-gandhi

baapuu ne har insaan ko insaa.n samjhaa
bahbuudii-e-har-fard ko iimaa.n samjhaa
injiil ko qur.aan ko aur giitaa ko
siine se lagaayaa unhe.n yaksaa.n samjhaa
ta.amiir-e-vatan se thii mohabbat us ko
sachchaa.ii kaa updesh diyaa baapuu ne
taKHriib-parastii se thii nafrat us ko
parchaar ahinsaa kaa kiyaa baapuu ne
ye desh kaa thaa ektaa-vaadii leader
qurbaanii-o-iisaar ke jazbe ke tufail
marGuub thii tanziim-e-jamaa.at us ko
chhiinaa hu.aa svaaraaj liyaa baapuu ne
nafrat se bharii aag bujhaa dii us ne
tahriik-e-navaa khulii dabaa dii us ne
vahshat-zada maahaul-e-siyah me.n ai charKH
ik sham.a uKHuvvat kii jallaadii us ne

Charkh Chinioti
Nazm

aligaDh uniwersity

apne har daur kii tahriik kaa aa.iina liye
phir uThaataa hai aliga.Dh na.ii duniyaa me.n qadam

Anjum Azmi
Nazm

ghar ki raunaq

ham apne ahl siyaasat ke dil se qaa.el hai.n
ki haq me.n qaum ke vo maadar-e-masaa.il hai.n
qadam qadam pe na.e gul khilaate rahte hai.n
tarah tarah ke masaa.il ugaate rahte hai.n
kabhii ye dhun hai ki suubo.n kii phir se ho tashkiil
kabhii ye zid hai ki had-bi.ndiyaa.n na ho.n tabdiil
kabhii ye shor karo KHatm chor-baazaarii
munaafa-KHoro.n kii lekin na ho giraftaarii
baraa.e-bahs kha.Daa hai kabhii ye ha.ngaama
libaas qaum kaa dhotii ho yaa ki paajaama
har ek bahs me.n kuchh kisht-o-KHuu.n zaruurii hai
nahii.n to jo bhii hai tahriik vo adhuurii hai
har ek fitna-o-shorish kaa aaKHirii jalva
muzaaharaat o juluus o tasaadum o balva
yuu.nhii uThaa.ii ga.ii bahs jab zabaa.n ke liye
''suKHan bahaana hu.aa marg-e-naa-gahaa.n ke liye''
vo mas.ala ki jo daanish-kado.n me.n hal hotaa
balaa se aaj agar tai na hotaa kal hotaa
use bhii ahl-e-siyaasat ne kar liyaa iGvaa
aur is ke baa'd vo sab kuchh hu.aa jo honaa thaa
nifaaq o buGz o ta.assub ke aa ga.e rele
zabaa.n kii aa.D me.n ahl-e-fasaad khul-khele
muKHaalifat me.n hu.ii jaa-ba-jaa saf-aaraa.ii
juluus le ke chale ik taraf se balvaa.ii
labo.n pe GalGala-e-''inqilaab zindaabaad''
magar dilo.n mai.n dabaa.e hu.e sharaar-e-fasaad
dukaane.n lauTii ga.ii.n raah-giir maare ga.e
gharo.n me.n aag lagii tifl o piir maare ga.e
vo pahlaa shaKHs jau khaa kar chhure kaa zaKHm giraa
maze kii baat to ye hai, Gariib guu.ngaa thaa
maziid ye ki ise jaa.n se maarne vaale
kisii zabaan se vaaqif na the KHud an-pa.Dh the

Raza Naqvi Vahi
Nazm

urdu zaban

urdu hamaare desh kii shiirii.n zabaan hai
tahziib kii hai vaz.a sharaafat kii jaan hai
ta.aliim-o-tarbiyat me.n aham is kaa hai maqaam
sher-o-suKHan kii ruuh adab kii ye jaan hai
chho.Daa hai jab se is ko talaffuz biga.D gayaa
ye har zabaa.n kaa juzv-e-bayaa.n aur shaan hai
paidaa hu.ii ye hind me.n parvaan bhii cha.Dhii
phir kis liye kaho ye videshii zabaan hai
maqbuul-e-aam bhii hai ye har-dil-aziiz bhii
sach baat to ye hai ki ye sab kii zabaan hai
ham is ke zauq se hu.e afsos munharif
aazaadii kii tahriik kii urdu hii jaan hai
aazaad hind me.n na milaa is ko kuchh maqaam
ye maader-e-vatan ke shahiido.n kii jaan hai
haalaa.nki rozgaar kaa zariiya nahii.n rahii
urdu pa.Dho pa.Dhaa.o ye apnii zabaan hai

Habeeb Ahmad Anjum Datiavi
Nazm

eid

ai jamaal-e-dost terii diid honii chaahiye
Gam-zado.n kii bhii to aaKHir eid honii chaahiye
jab nahii.n hai aap ko tark-e-ta.alluq kaa KHayaal
aap hii ke qaul se tardiid honii chaahiye
maantaa huu.n mai.n ki be-shak qaul ke sachche hai.n aap
lekin apne ahd kii tajdiid honii chaahiye
merii jaanib se sahii tahriik-e-takmiil-e-vafaa
lekin us ko aap kii taa.iid honii chaahiye
aap ne tanqiis kar dii daastaan-e-shauq kii
meraa ye armaan thaa tanqiid honii chaahiye
har qadam par rah-rav-e-ulfat ko manzil ke liye
shauq honaa chaahiye ummiid honii chaahiye
jo bayaa.n iz.haar-e-harf-e-mudda.aa par KHatm ho
us kii bilkul muKHtasar tamhiid honii chaahiye
ham ko bhii ma.aluum ho kin se hai raunaq bazm kii
aap ke ahbaab kii tafriid honii chaahiye
aap jab chaahe.n mire chulluu mai.n talchhaT Daal de.n
kab kahaa thaa mahfil-e-jamshed honii chaahiye
sajda-rezii ke liye is rahguzar me.n ai jabii.n
naqsh-e-paa-e-dost kii taqliid honii chaahiye

Maikash Hyderabadi
Nazm

laDna Thik nahin

KHargosh ne
naadaanii me.n
kaajal ghol diyaa
paanii me.n
niilii jhiil me.n
kaalaa paanii
kaalii hogii machhlii raanii
bagule ko bhii pahu.nchaa sadma
KHargosho.n par
kiyaa muqaddama
ye achchhii tahriik nahii.n hai
la.Dnaa-bhi.Dnaa Thiik nahii.n hai
kachhve-jii kaa kahnaa maano
aapas me.n samjhautaa kar lo

Muzaffar Hanfi
Nazm

nelson mandela

ye barr-e-aazam kii saarii balaa.e.n
sunaa hai ki ab muntashir ho rahii hai.n
falak-bos tahziib ke cactus jho.npa.Do.n kii rivaayaat ko Das rahe hai.n
magar
kam nahii.n ye ki apnii zamii.n aur apnii fazaa me.n
siyah paikaro.n kii do-dhaarii anaa aur aahan iraado.n ne
apne liye ab na.e tevaro.n ke ujaale taraashe
a.ndherii zamiino.n se mere nikaale
KHat-e-ustuvaa ke ghane ja.ngalo.n kii amal-daariyo.n me.n hai.n diipak jalaa.e
qabiilo.n kii har baahamii ja.ng ko shaaKH-e-zaituun ke zamzame hai.n sunaa.e
dahakte hu.e reg-zaaro.n ke niiche
siyah zar ke chashmo.n ko mahmez dii hai
ye tahriik ye inqalaab saare
nelson madela
tumhaarii rago.n me.n nayaa KHuu.n shab-o-roz pahu.nchaa rahe hai.n
tumhaarii hathelii ko suuraj me.n tabdiil karne lage hai.n
tumhaarii nazar me.n bhare manzaro.n kii dhanak bo rahe hai.n
salaaKHo.n ke piichhe akele nahii.n tum
siyah barr-e-aazam tumhaarii jilau me.n
nahii.n
saarii duniyaa tumhaarii jilau me.n

Ambar Bahraichi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now