Search result for "zer-e-saaya" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "zer-e-saaya"

Nazm MATCHES FOR "zer-e-saaya"

Nazm

muflis

jumbish-e-mizhgaa.n ke zer-e-saaya naadaarii kii raat
jauhar-e-insaaniyat jo.De hu.e aa.nkho.n me.n haat

Josh Malihabadi

Nazm

ye kaun aaya

KHaakistar-e-dil ko hai phir shola-ba-jaa.n honaa
hairat kaa jahaa.n honaa hasrat kaa nishaa.n honaa
ai shaKHs jo tuu aakar yuu.n dil me.n samaayaa hai
tuu dard ki darmaa.n hai to dhuup ki saayaa hai?
nainaa.n tire jaaduu hai.n gesuu tire KHushbuu hai.n
baate.n kisii jangal me.n bhaTkaa hu.aa aahuu hai.n
maqsuud-e-vafaa sun le kyaa saaf hai saada hai
jiine kii tamannaa hai marne kaa iraada hai

Ibn۔e۔Insha

Nazm

iqbaal ke mazar par

lahad me.n so rahii hai aaj be-shak musht-e-KHaak us kii
magar garm-e-amal hai jaagtii hai jaan-e-paak us kii
vo ik faanii bashar thaa mai.n ye baavar kar nahii.n saktaa
bashar iqbaal ho jaa.e to hargiz mar nahii.n saktaa
ba-zer-e-saaya-e-diivaar-e-masjid hai jo aasuuda
ye KHaakii jism hai sattar baras kaa raah paimuuda
ye KHaakii jism bhii us kaa bahut hii besh-qiimat thaa
jise ham-jalva samjhe the vo parda bhii Ganiimat thaa
use ham naapte the le ke aa.nkho.n hii kaa paimaanaa
Gazal-KHvaa.n us ko jaanaa ham ne shaa.ir us ko gardaanaa
faqat suurat hii dekhii us ke ma.anii ham nahii.n samjhe
na dekhaa ra.ng-e-tasviir aa.ine ko dil-nashii.n samjhe
hame.n zof-e-basaarat se kahaa.n thii taab-e-nazzaaraa
sikhaa.e us ke parde ne hame.n aadaab-e-nazzaaraa
ye naGma kyaa hai zer-e-parda-haa-e-saaz kam samjhe
rahe sab gosh-bar-aavaaz lekin raaz kam samjhe
shikast-e-paikar-e-mahsuus ne to.Daa hijaab aaKHir
tuluu-e-sub.h-e-mahshar ban ke chamkaa aaftaab aaKHir
muqayyad ab nahii.n 'iqbaal' apne jism-e-faanii me.n
nahii.n vo band haa.il aaj dariyaa kii ravaanii me.n
vajuud-e-marg kii qaa.el nahii.n thii zindagii us kii
ta.aalaa allaah ab dekhe ko.ii paa.indagii us kii
jise ham murda samjhe zinda tar paa.inda tar niklaa
mah o KHurshiid se zarre kaa dil taabinda tar niklaa
abhii andaaza ho saktaa nahii.n us kii bulandii kaa
abhii duniyaa kii aa.nkho.n par hai parda firqa-bandii kaa
magar merii nigaaho.n me.n hai.n chehre un javaano.n ke
jinhe.n 'iqbaal' ne baKHshe hai.n baazuu qahar-maano.n ke

Hafeez Jalandhari

Nazm

guman

bas ek chhoTii sii bahs par hii chale ga.e ho
kinaara kar ke
bahut se da.ave kiye the tum ne
mai.n pahle din se hii jaantaa thaa
tamaam da.ave hai.n vaqtii jazbo.n ke zer-e-saaya
kabhii kahaa to nahii.n ye lekin
mai.n jaantaa thaa
tumhe.n mohabbat nahii.n hai mujh se
faqat gumaa.n hai
mai.n maantaa huu.n ki pyaar aataa thaa mujh pe tum ko
so pyaar aane ko pyaar honaa samajh rahe the
magar jo aataa hai jaan merii
to us kaa jaanaa bhii tai hii samjho
bas ek chhoTii sii bahs par hii chale ga.e ho

Syed Zamin Abbas Kazmi

Nazm

park mein

baa.e.n jaanib
koltaar kii
vo sa.Dak hai
jo sabz-o-siyaah daraKHto.n
kii qataar ke darmiyaan
duur tak
bal khaatii
chalii ga.ii hai
daa.e.n jaanib
navaab kii puraanii havelii
jis me.n
ab market hai
saamne
fence ke us paar
school kii imaarat
jis ke gate par
maaltii kii bel ke zer-e-saaya
ek giit hai
giit
jo milne aur bichha.Dne
rone aur gaane
jiine aur Gam uThaane
ke baare me.n hai
giit
jo faqat bichha.Dne ke liye milne
faqat rone ke liye gaane
aur faqat Gam uThaane ke liye jiine
ke baare me.n hai
giit
jo

Akhilesh Chandra Pandey

Nazm

kahani

ba.Dii lambii kahaanii hai sunoge?
sahar kii aa.nkh khulne bhii na paa.ii thii
mire tarkash ne laakho.n tiir barsaa.e shu.aa.o.n ke
kisii ne aaftaabaana har ik zarre ko chamkaayaa
kisii ne maahtaabii chaadare.n har samt phailaa.ii.n
ko.ii jugnuu kii suurat jhilmilaayaa
inhii.n bikhre hu.e tiiro.n ke zer-e-saaya
mai.n chaltaa rahaa
har mo.D pe ko.ii na ko.ii vaaqi.a
ko.ii na ko.ii haadsa
mere ujaale ko lipaT kar chaaT kar
diimak-zada kartaa rahaa lekin
safar kii dhun salaamat
jumbish-e-paa aage ba.Dhtii hii rahii
koh-e-giraa.n piste rahe
saagar kii lahre.n dam-ba-KHud hotii rahii.n
mai.n ba.Dhte ba.Dhte sarhad-e-imroz tak aa pahu.nchaa

Aziz Tamannai

Nazm

man

vo kaun hai jo udaas raato.n kii chaa.ndnii hai.n
ka.ii du.aa.e.n labo.n pe le kar
maluul ho kar
bhulaa ke saarii thakaan din kii
ye sochtii hai
ki mai.n na jaane hazaar miilo.n pare jo baiThaa huu.n
kis tarah huu.n
vo kaun hai jo udaas raato.n ke rat-jage me.n
du.aa.o.n kii mish.ale.n jalaane kha.Dii hu.ii hai
du.aa.e.n jis kii mire liye hai.n
mai.n un du.aa.o.n ke zer-e-saaya
zamiin se aasmaan kii jaanib yuu.n mahv-e-parvaaz huu.n ki jaise
bashar-gaziida KHudaa se milne ko jaa rahaa ho
phir ek lamhe ko mere andar se itnii aavaaze.n guu.njtii hai.n
mai.n in se barso.n se aashnaa huu.n
ye haath jo ki buland ho kar laraz rahe hai.n
ye haath mere liye tahaffuz kaa isti.aara
ye haath mere liye jahaa.n kii
hazaar KHushbuu se baalaa-tar hai.n
yahii to hai.n vo jinho.n ne mujh ko
qadam uThaanaa qadam ba.Dhaanaa sikhaa diyaa hai

Baqa Baluch

Nazm

jugnu

guzar rahe the mah-o-saal aur mausam par
hamaare shahar me.n aatii thii ghir ke jab barsaat
jab aasmaan me.n u.Dte the har taraf jugnuu
havaa kii mauj-e-ravaa.n par diye jalaa.e hu.e
fazaa me.n raat ga.e jab daraKHt piipal kaa!
hazaaro.n jugnu.o.n se koh-e-tuur bantaa thaa
hazaaro.n vaadii-e-aiman thii.n jis kii shaaKHo.n me.n
ye dekh kar mire dil me.n ye huuk uThtii thii
ki mai.n bhii hotaa inhii.n jugnu.o.n me.n ik jugnuu
to maa.n kii bhaTkii hu.ii ruuh ko dikhaataa raah
vo maa.n mai.n jis kii mohabbat ke phuul chun na sakaa
vo maa.n mai.n jis se mohabbat ke bol sun na sakaa
vo maa.n ki bhe.nch ke jis ko kabhii mai.n so na sakaa
mai.n jis ke aa.nchalo.n me.n mu.nh chhupaa ke ro na sakaa
vo maa.n ki ghuTno.n se jis ke kabhii lipaT na sakaa
vo maa.n ki siine se jis ke kabhii chimaT na sakaa
humak ke god me.n jis kii kabhii mai.n cha.Dh na sakaa
mai.n zer-e-saaya-e-ummiid jis ke ba.Dh na sakaa
vo maa.n mai.n jis se sharaarat kii daad paa na sakaa
mai.n jis ke haatho.n mohabbat kii maar khaa na sakaa

Firaq Gorakhpuri

Nazm

be-KHayali mein taKHliq

KHyaalaat-o-ehsaas
jo be-saaKHta likh diye hai.n
na jaane vo kab se dil-o-jaa.n ke andar chhupe the
kisii raaz jaise
qalam-band hone ko bechain the
ka.ii dard uljhe savaalaat
jo safhe pe sajne ko betaab the
vo sab
qalam se mire motiyo.n kii tarah
ab barasne lage hai.n
sabhii raqs karne lage hai.n
mirii chashm-e-pur-nam
jo sailaab roke hu.e hai
sitaare chamakte hai.n merii palak par
unhe.n mai.n raqam kar rahii huu.n
jo tuufaan hai maujzan mere andar
vo armaan vo KHvaab
ka.ii laa-shu.uurii mazaamiin ban kar
varaq-dar-varaq jagmagaane lage hai.n
sabhii raqs karne lage hai.n
aur ab
usii jazb-o-ehsaas ke zer-e-saaya
Gazal phuul ban kar mahaktii hai
kabhii nazm gaatii hai vo giit
ki jo be-KHayaalii me.n taKHliiq ho kar
banaatii hai ra.ngiin paikar
ye bazm-e-suKHan ko sajaane pe maa.il
KHayaalaat sab raqs karne lage hai.n
qalam se mire motiyo.n kii tarah
ab barasne lage hai.n
sabhii raqs karne lage hai.n

Sabeela Inam Siddiqui

Nazm

mahatma budh

buddhaa 'aziim shaKHs thaa
jo taKHt-o-taaj chho.D kar
butaan-e-nasl-o-qaumiyat
vaqaar-e-‘izz-o-saltanat
Guruur-e-jaah-o-martabat
ke bandhano.n ko to.D kar
ba-zer-e-saaya-e-shajar
tapasyaa me.n mahv thaa
giyaan dhyaan me.n magan
na.ii ravish KHayaal me.n
jo aadmii ko aadmii ke zulm se najaat de
jo zaat paat ke tilism-e-saamarii ko maat de
barahmano.n kii qadGano.n kaa zor paash-paash ho
jahaa.n me.n jo a.ndher hai use shikast-e-faash ho
vo sochtaa chalaa gayaa use suraaG mil gayaa
mahaatmaa mahaatmaa 'aziim us kii aatmaa
ki jis ke dil me.n karb-e-kaa.enaat thaa
satuuda-e-sifaat thaa
pukaar kar kahaa ki ai jahaan-e-Gam ke baasiyo
mirii sadaa ko to suno
ahinsaa-parmo-dharmaa ik usuul-e-laa-zavaal hai
ye fikr be-naziir hai ye soch be-misaal hai
kisii ko dukh na do ki ye gunaah hai vabaal hai
jo is se munharif hu.e to zindagii muhaal hai
yahii hai raaz-e-zindagii
tariiq-e-sulh-o-aashtii
yahii najaat-e-ruuh hai
yahii hai dil kii shaa.ntii
mahaatmaa 'aziim thaa
mahaatmaa ne sach kahaa

Faiz Tabassum Tonsvi

Nazm

surKH sitara

tum samajhte ho ye shab aap hii Dhal jaa.egii
KHud hii ubhregaa na.ii sub.h kaa zarrii.n parcham
mai.n samajhtaa huu.n kisii sub.h-e-daraKHshaa.n ke evaz
qahr kii ek na.ii raat ko degii ye janam
aur us raat kii taariikii me.n kho jaa.e.nge
maktab o KHaanqah o dair o kaliisaa o haram
dev-e-zulmaat kii Thokar se na paa.e.nge panaah
ye shivaale, ye masaajid, ye pujaarii, ye sanam
rakh diye jaa.e.nge shamshiir ke zer-e-saaya
dast-e-maatam lab-e-fariyaad, zabaan o tanqiid
barf jam jaa.egii afkaar ke gulzaaro.n par
yaKH havaa.o.n me.n hii jam jaa.egii kisht-e-ummiid
chaa.ndnii zulmat-e-sayyaal me.n Dhal jaa.egii
raat kii maa.ng sa.nvaaregii shu.aa-e-ummiid
ahl-e-fan de.nge a.ndhero.n ko ujaalo.n kaa laqab
zahr ko qand, moharram ko kahaa jaa.egaa iid
ye miraa vahm nahii.n, novel o afsaana nahii.n
dosto! Gaur karo, aur nigaahe.n to uThaa.o
vo jo ik surKH sitaara hai ufuq ke nazdiik
kuchh tumhe.n ilm hai kis ruKH pe hai us kaa phailaa.o
kaash tum us kii haqiiqat pe nazar Daal sako
hai ye ik aatish-e-sad-barq-badaamaa.n kaa alaav
is kii kirno.n me.n hai chaltii hu.ii talvaar kii kaaT
is kii surKHii me.n hai umDe hu.e dariyaa kaa bahaav
is ke daaman me.n hai aasuuda vo fitna jis se
jism to jism mayassar nahii.n ruuho.n ko amaa.n
dil, nazar, zehn, KHayaalaat, usuul o aqdaar
sab ke sab is kii tag-o-taaz se larzaa.n tarsaa.n
is kii parchhaa.ii.n bhii pa.D jaa.e to sabza jal jaa.e
dekhte dekhte maahaul pe chhaa jaa.e dhu.aa.n
is ke sho.alo.n kaa to kyaa zikr ki sho.ale Thahre
is kii shabnam bhii gulistaa.n ke liye barq-e-tapaa.n

Amir Usmani

Nazm

sang-e-jaan

aur vo sa.ng-e-jaa.n
apnii ye daastaa.n
zer-e-baar-e-jumuud-e-garaa.n
ek sa.ng-e-malaamat kii maanind
dohraa.egaa

Zahida Zaidi

Nazm

man arafa nafsahu

raushnii kii ek nannhii sii lakiir
mere kamre ke a.ndhere kaa badan
chupke chupke TaToltii hai
jis tarah habshii hasiina ke Dhale
sandal ke se
aabnuusii jism ke a.asaab me.n
tez suu.ii kii achaanak ik chubhan
sarsaraate saa.np kii maanind dau.Daatii hai KHuu.n
jhanjhanaa uThte hai.n saare taar-o-puu
aur phir aahista aahista kahii.n
zer-e-sat.h-e-jaan-o-dil
ye talaatum
ruk ke so jaataa hai
ya.anii
azhdar-e-aasuuda-KHaatir kii tarah
KHvaab-noshii.n ke u.Daataa hai maze

Shamsur Rahman Faruqi

Nazm

agar yahi hai shaeri to shaeri haram hai!

agar yahii hai shaa.erii to shaa.erii haraam hai!
KHirad bhii zer-e-daam hai junuu.n bhii zer-e-daam hai

Mohsin Bhopali

Nazm

tasalsul

zamaana hu.aa
sar-zamiin-e-tamannaa pe fasl-e-gul aane ko thii
ham dam-e-sub.h kaliyaa.n chaTakne kii aavaaz ke muntazir the
ki ik sarsaraahaT hu.ii
zer-e-shaaKH-e-gul-af.ii kaa saaya saa ubhraa
tum ai taa.iraan-e-na-KHurda-gazand
is se vaaqif nahii.n
kaise zaKHmo.n se behaal thii zindagii
kaise aatish-fishaa.n phaT pa.De
kis tarah un ke laave hai.n insaaniyat bah ga.ii

Zia Jalandhari

Nazm

ismat ke phul

inhii.n ke zer-e-kisaa vahshate.n panaptii hai.n
inhii.n ke zer-e-qadam jannate.n machaltii hai.n

Sharib Mauranwi

Nazm

shaKHsiyyat ki mausiqi

naGma-e-takallum me.n
zer-o-bam ka.ii Galtaa.n
zarf aur zaraafat ke
zer-e-lab tabassum se
khul ke muskuraane tak
pech-o-KHam ka.ii larzaa.n
iKHtiyaar-o-aadat ke

Abdul Ahad Saaz

Nazm

main kaun hun

zindagii vahm hai haqiiqat hai
shajar-e-dard-e-saaya-e-Gam hai

Muslim Shameem

Nazm

aashob-e-daur-e-ahan

raqs har jaanib mashiinii bhuut kaa
hukmraanii har taraf faulaad kii
ijtimaa.ii zindagii kaa shor-o-shar
ruuh har-suu muztarib afraad kii
aarzuu.e.n zer-e-daam-e-rozgaar
KHvaahisho.n par Galba-e-fikr-e-ma.aash
daur-e-aahan me.n sukuu.n kii justujuu
dopahar me.n apne saa.e kii talaash

Akhtar Bastavi

Nazm

swadeshi tahrik

usii ke saaya me.n paataa hai parvarish iqbaal
misaal-e-saaya-e-baal-e-humaa sudeshii hai

Tilok Chand Mahroom

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now