آب پر اشعار

مل بھی جاتا جو کہیں آب بقا کیا کرتے

زندگی خود بھی تھی جینے کی سزا کیا کرتے

دوستو ڈھونڈ کے ہم سا کوئی پیاسا لاؤ

ہم تو آنسو بھی جو پیتے ہیں تو پانی کی طرح

آج لب گہر فشاں آپ نے وا نہیں کیا

تذکرۂ خجستۂ آب و ہوا نہیں کیا

خاک ہوں اڑتا ہوں سچ ہے کہ میں آوارہ مزاج

پانی ہوتا بھی تو سیلاب میں دیکھا جاتا

عجب کرشمہ دکھایا بہ یک قلم اس نے

ہوا چلائی سمندر کو نقش آب دیا

کون کہتا ہے بدلتا نہیں رنگت پانی

اشک چھلکیں تو وہ خوں ناب ہوا کرتے ہیں

اک ایسی بے نتیجہ جنگ لڑ کر آ رہا ہوں میں

کہ اب شمشیر سے بڑھ کر پیالہ اچھا لگتا ہے