ناز پر اشعار

آئنہ دیکھ کے کہتے ہیں سنورنے والے

آج بے موت مریں گے مرے مرنے والے

ریحانیؔ ان کو دیکھ کے محو خرام ناز

ہر گام پر بہار کا دھوکا ہوا مجھے

مرتا تری کج ادائیوں پر

لیکن وہ خمار اتر گیا ہے

حشر تک بے گنہی ناز کرے گی مجھ پر

وہ مرا تیری نگاہوں میں برا ہو جانا

ضبط غم وفور شوق اور دل ناصبور عشق

مجھ کو تو ہے غرور عشق آپ کو ناز ہو نہ ہو

نازکی قامت زیبا کی بیاں کیا کیجے

پیرہن بھی جہاں اسلوب نزاکت مانگے