اداسی پر اشعار

رونے والوں سے کہو ان کا بھی رونا رو لیں

جن کو مجبورئ حالات نے رونے نہ دیا

یہ زندگی جو پکارے تو شک سا ہوتا ہے

کہیں ابھی تو مجھے خود کشی نہیں کرنی

کسی نے پھر سے لگائی صدا اداسی کی

پلٹ کے آنے لگی ہے فضا اداسی کی

میں مریض ہوں ترے ہجر کا ذرا ہاتھ میں مرا ہاتھ لے

تو غموں کا میرے علاج کر مری بات سن تو ابھی نہ جا

غم کا ساتھی کون ہے یہ سوچ کر تنہا تھا میں

ساتھ لیکن میرے نشترؔ رو رہی تھی چاندنی

بڑی مشکل سے آ کے بیٹھا ہوں

درد اٹھتے ہیں مت اٹھائیں مجھے

جادۂ غم میں آرزو کے سوا

ہم سفر دوسرا نہیں ہوتا

کوئی صورت نہیں ہے جڑنے کی

اتنے ٹکڑوں میں بٹ کے آیا ہوں