وصل پر اشعار

میری ہر شب اسی امید میں کٹ جاتی ہے

وہ ابھی آیا ابھی میرا مقدر جاگا

دم محبت کا بھرا کرتا تھا جو دل وصل میں

اب وہ شام ہجر آتے ہی پشیماں ہو گیا

وعدۂ وصل نہ ہوتا تو ہم ایسے بھی نہ تھے

کہ ہمیں ہجر میں مرنا نہ گوارا ہوتا

وصل کا لطف شب ہجر کے مارے یوں لیں

نیند آ جائے جو دونوں کو تو خوابوں میں ملیں

مہندی میں لالی جس طرح کانوں میں بالی جس طرح

جب یوں ملے تو کیا چلے دنیا کا ہم پہ داؤں رے

میں چاہتا ہوں کوئی نقش وصل کا ابھرے

اے رنگ حسن مرے دل کے کینوس پہ برس

نور سحر و رنگ سحر پر نہیں موقوف

دشمن ہے شب وصل میں آواز اذاں تک