بیسٹ ڈائلاگ شاعری

آنکھ سے دور نہ ہو دل سے اتر جائے گا

وقت کا کیا ہے گزرتا ہے گزر جائے گا

آنکھ میں پانی رکھو ہونٹوں پہ چنگاری رکھو

زندہ رہنا ہے تو ترکیبیں بہت ساری رکھو

زلفیں سینہ ناف کمر

ایک ندی میں کتنے بھنور

بال اپنے اس پری رو نے سنوارے رات بھر

سانپ لوٹے سیکڑوں دل پر ہمارے رات بھر

آیا ہے اک راہ نما کے استقبال کو اک بچہ

پیٹ ہے خالی آنکھ میں حسرت ہاتھوں میں گلدستہ ہے

یہ کھلا جسم کھلے بال یہ ہلکے ملبوس

تم نئی صبح کا آغاز کرو گے شاید

آئنہ آئنہ تیرتا کوئی عکس

اور ہر خواب میں دوسرا خواب ہے

بال و پر بھی گئے بہار کے ساتھ

اب توقع نہیں رہائی کی

ہم نہ کہتے تھے شاعری ہے وبال

آج لو گھر گئے حسینوں میں

جمنا میں کل نہا کر جب اس نے بال باندھے

ہم نے بھی اپنے دل میں کیا کیا خیال باندھے

نہ ہوں پیسے تو استقبالیوں سے کچھ نہیں ہوگا

کسی شاعر کو خالی تالیوں سے کچھ نہیں ہوگا

آئینہ لے کے دیکھ ذرا اپنے حسن کو

آئے گی یہ بہار گلستاں خزاں میں یاد

بال کھولے نہیں پھرتا ہے اگر وہ سفاک

پھر کہو کیوں مجھے آشفتہ سری رہتی ہے

زلف کا حال تک کبھی نہ سنا

کیوں پریشاں مرا دماغ ہوا