بیسٹ رشتہ شاعری

دشمنی لاکھ سہی ختم نہ کیجے رشتہ

دل ملے یا نہ ملے ہاتھ ملاتے رہئے

اپنا رشتہ زمیں سے ہی رکھو

کچھ نہیں آسمان میں رکھا

سگی بہنوں کا جو رشتہ ہے اردو اور ہندی میں

کہیں دنیا کی دو زندہ زبانوں میں نہیں ملتا

غم سے منسوب کروں درد کا رشتہ دے دوں

زندگی آ تجھے جینے کا سلیقہ دے دوں

یہ جب ہے کہ اک خواب سے رشتہ ہے ہمارا

دن ڈھلتے ہی دل ڈوبنے لگتا ہے ہمارا

ایک رشتہ جسے میں دے نہ سکا کوئی نام

ایک رشتہ جسے تا عمر نبھائے رکھا

تیرا میرا کوئی رشتہ تو نہیں ہے لیکن

میں نے جو خواب میں دیکھا ہے کوئی دیکھ نہ لے

ایک رشتہ بھی محبت کا اگر ٹوٹ گیا

دیکھتے دیکھتے شیرازہ بکھر جاتا ہے

ظاہراً توڑ لیا ہم نے بتوں سے رشتہ

پھر بھی سینے میں صنم خانہ بسا ہے یارو

اس موڑ پہ رشتہ ہے ہمارا کہ اگر ہم

بیٹھیں گے کبھی ساتھ تو تنہائی بنے گی

رشتہ رہا عجیب مرا زندگی کے ساتھ

چلتا ہو جیسے کوئی کسی اجنبی کے ساتھ

فرشتہ ہر بشر کو ہر زمیں کو آسماں سمجھے

کہ ہم تو عشق میں دنیا کو ہی جنت نشاں سمجھے

رشتۂ الفت کو ظالم یوں نہ بے دردی سے توڑ

دل تو پھر جڑ جائے گا لیکن گرہ رہ جائے گی

آدمی کا عمل سے رشتہ ہے

کام آتا نہیں نسب کچھ بھی

ہے رشتہ ایک پھر یہ کشاکش نہ چاہئے

اچھا نہیں ہے سبحہ کا زنار سے بگاڑ