ٹرو لو شاعری

جسے عشق کا تیر کاری لگے

اسے زندگی کیوں نہ بھاری لگے

سینے میں مرے داغ غم عشق نبی ہے

اک گوہر نایاب مرے ہاتھ لگا ہے

عشق اداسی کے پیغام تو لاتا رہتا ہے دن رات

لیکن ہم کو خوش رہنے کی عادت بہت زیادہ ہے

اتنی تو دید عشق کی تاثیر دیکھیے

جس سمت دیکھیے تری تصویر دیکھیے

شغل بہتر ہے عشق بازی کا

کیا حقیقی و کیا مجازی کا

عشق جب تک نہ آس پاس رہا

حسن تنہا رہا اداس رہا

ہمیں سے انجمن عشق معتبر ٹھہری

ہمیں کو سونپی گئی غم کی پاسبانی بھی

ہمارے عشق سے درد جہاں عبارت ہے

ہمارا عشق ہوس سے بلند و بالا ہے

عشق کیا شے ہے حسن ہے کیا چیز

کچھ ادھر کی ہے کچھ ادھر کی آگ

جو رنج عشق سے فارغ ہو اس کو دل نہیں کہتے

جو موجوں سے نہ ٹکرائے اسے ساحل نہیں کہتے