chāñd tak uḌ kar pahuñchne kā nahīñ imkān jā

jā chakorī apne ghar vāloñ kā kahnā maan jā

chand tak uD kar pahunchne ka nahin imkan ja

ja chakori apne ghar walon ka kahna man ja

ek kueñ kī gahrā.ī se misr ke taḳht-e-shāhī tak

dekhne vaalī aañkh ko kitne nādīda bāzār mile

ek kuen ki gahrai se misr ke taKHt-e-shahi tak

dekhne wali aankh ko kitne nadida bazar mile

kahāñ tak falsafa alfāz ke aaseb se bachtā

ma'ānī zehn ke andar bhī harf-ālūd hote haiñ

kahan tak falsafa alfaz ke aaseb se bachta

ma'ani zehn ke andar bhi harf-alud hote hain

kar rahe haiñ zindagī meñ mā'naviyyat kī talāsh

ḳhvāb meñ Duubā huā tālāb sahrā aur maiñ

kar rahe hain zindagi mein ma'nawiyyat ki talash

KHwab mein Duba hua talab sahra aur main

pahuñchī diloñ kī aag hamāre ḳhiyām tak

lekin dhuāñ to jā.egā darbār-e-shām tak

pahunchi dilon ki aag hamare KHiyam tak

lekin dhuan to jaega darbar-e-sham tak