ظلم کی ٹہنی کبھی پھلتی نہیں

ناؤ کاغذ کی کہیں چلتی نہیں

بادل آئے ہیں گھر گلال کے لال

کچھ کسی کا نہیں کسی کو خیال

جھوٹا کبھی نہ جھوٹا ہووے

جھوٹے کے آگے سچا رووے

ہے یہ دنیا جائے عبرت خاک سے انسان کی

بن گئے کتنے سبو کتنے ہی پیمانے ہوئے

بس میں ہیں وہ غیر کے ہم کو بلا سکتے نہیں

اور ہم اس جا کسی صورت سے جا سکتے نہیں

وہ نہ آئے تو تو ہی چل رنگیںؔ

اس میں کیا تیری شان جاتی ہے

پا بوس یار کی ہمیں حسرت ہے اے نسیم

آہستہ آئیو تو ہمارے مزار پر

تا حشر رہے یہ داغ دل کا

یارب نہ بجھے چراغ دل کا

تھا جہاں مے خانہ برپا اس جگہ مسجد بنی

ٹوٹ کر مسجد کو پھر دیکھا تو بت خانے ہوئے

جو ترے پاس سے آتا ہے میں پوچھوں ہوں یہی

کیوں جی کچھ ذکر ہمارا بھی وہاں رہتا ہے

منع کرتے ہو عبث یارو آج

اس کے گھر جائیں گے پر جائیں گے ہم