اک خلش کو حاصل عمر رواں رہنے دیا

جان کر ہم نے انہیں نامہرباں رہنے دیا

ہزار بار ارادہ کئے بغیر بھی ہم

چلے ہیں اٹھ کے تو اکثر گئے اسی کی طرف

منزلیں نہ بھولیں گے راہرو بھٹکنے سے

شوق کو تعلق ہی کب ہے پاؤں تھکنے سے

اپنے اپنے حوصلوں اپنی طلب کی بات ہے

چن لیا ہم نے انہیں سارا جہاں رہنے دیا

باندھ کر عہد وفا کوئی گیا ہے مجھ سے

اے مری عمر رواں اور ذرا آہستہ

راحت کی جستجو میں خوشی کی تلاش میں

غم پالتی ہے عمر گریزاں نئے نئے

یہی مہر و ماہ و انجم کو گلہ ہے مجھ سے یارب

کہ انہیں بھی چین ملتا جو مجھے قرار ہوتا