یہ پانی خامشی سے بہہ رہا ہے اسے دیکھیں کہ اس میں ڈوب جائیں

آج رو کر تو دکھائے کوئی ایسا رونا یاد کر اے دل_خاموش وہ اپنا رونا رقص کرنا کبھی خوابوں کے شبستانوں میں کبھی یادوں کے ستونوں سے لپٹنا رونا تجھ سے سیکھے کوئی رونے کا سلیقہ اے ابر کہیں قطرہ نہ گرانا کہیں دریا رونا رسم_دنیا بھی وہی راہ_تمنا بھی وہی وہی مل بیٹھ کے ہنسنا وہی تنہا رونا یہ ترا طور سمجھ میں نہیں آیا مشتاقؔ کبھی ہنستے چلے جانا کبھی اتنا رونا

دھوئیں سے آسماں کا رنگ میلا ہوتا جاتا ہے ہرے جنگل بدلتے جا رہے ہیں کارخانوں میں

کیسے انہیں بھلاؤں محبت جنہوں نے کی مجھ کو تو وہ بھی یاد ہیں نفرت جنہوں نے کی دنیا میں احترام کے قابل وہ لوگ ہیں اے ذلت_وفا تری عزت جنہوں نے کی تزئین_کائنات کا باعث وہی بنے دنیا سے اختلاف کی جرأت جنہوں نے کی آسودگان_منزل_لیلیٰ اداس ہیں اچھے رہے نہ طے یہ مسافت جنہوں نے کی اہل_ہوس تو خیر ہوس میں ہوئے ذلیل وہ بھی ہوئے خراب محبت جنہوں نے کی

شام_غم یاد ہے کب شمع جلی یاد نہیں کب وہ رخصت ہوئے کب رات ڈھلی یاد نہیں دل سے بہتے ہوئے پانی کی صدا گزری تھی کب دھندلکا ہوا کب ناؤ چلی یاد نہیں ٹھنڈے موسم میں پکارا کوئی ہم آتے ہیں جس میں ہم کھیل رہے تھے وہ گلی یاد نہیں ان مضافات میں چھپ چھپ کے ہوا چلتی تھی کیسے کھلتی تھی محبت کی کلی یاد نہیں جسم_و_جاں ڈوب گئے خواب_فراموشی میں اب کوئی بات بری ہو کہ بھلی یاد نہیں

ایک لمحے میں بکھر جاتا ہے تانا_بانا اور پھر عمر گزر جاتی ہے یکجائی میں

ہم ان کو سوچ میں گم دیکھ کر واپس چلے آئے وہ اپنے دھیان میں بیٹھے ہوئے اچھے لگے ہم کو

تو اگر پاس نہیں ہے کہیں موجود تو ہے تیرے ہونے سے بڑے کام ہمارے نکلے

تنہائی میں کرنی تو ہے اک بات کسی سے لیکن وہ کسی وقت اکیلا نہیں ہوتا

میں بہت خوش تھا کڑی دھوپ کے سناٹے میں کیوں تری یاد کا بادل مرے سر پر آیا