baḌā āzār-e-jāñ hai vo agarche mehrbāñ hai vo

agarche mehrbāñ hai vo baḌā āzār-e-jāñ hai vo

baDa aazar-e-jaan hai wo agarche mehrban hai wo

agarche mehrban hai wo baDa aazar-e-jaan hai wo

har ek shaḳhs tumhārī tarah nahīñ hotā

koī kisī se mohabbat kahāñ kare kaise

har ek shaKHs tumhaari tarah nahin hota

koi kisi se mohabbat kahan kare kaise

hijr ke chhoTe gaañv se ham ne shahr-e-vasl ko hijrat kī

shahr-e-vasl ne niiñd uḌā kar ḳhvāboñ ko pāmāl kiyā

hijr ke chhoTe ganw se hum ne shahr-e-wasl ko hijrat ki

shahr-e-wasl ne nind uDa kar KHwabon ko pamal kiya

hijr meñ vaise bhī aatī hai musībat jaan par

par raqīboñ kī alag hai ḳhanda-kārī haa.e haa.e

hijr mein waise bhi aati hai musibat jaan par

par raqibon ki alag hai KHanda-kari hae hae

tirī mahfil meñ sab baiThe haiñ aa kar

hamārā baiThnā dushvār kyuuñ hai

teri mahfil mein sab baiThe hain aa kar

hamara baiThna dushwar kyun hai