dekho to har ik rañg se miltā hai mirā rañg

socho to har ik baat hai auroñ se judā bhī

dekho to har ek rang se milta hai mera rang

socho to har ek baat hai auron se juda bhi

raat āñgan meñ chāñd utrā thā

tum mile the ki ḳhvāb dekhā thā

raat aangan mein chand utra tha

tum mile the ki KHwab dekha tha

ġham-gusārī ke liye ab nahīñ aatā hai koī

zaḳhm bhar jaane kā imkāñ na huā thā so huā

gham-gusari ke liye ab nahin aata hai koi

zaKHm bhar jaane ka imkan na hua tha so hua

ho ga.ī shaam Dhal gayā sūraj

din ko shab meñ badal gayā sūraj

ho gai sham Dhal gaya suraj

din ko shab mein badal gaya suraj

log qismat pe chhoḌ dete haiñ

baat bantī nahīñ hai jab kuchh bhī

log qismat pe chhoD dete hain

baat banti nahin hai jab kuchh bhi

tū har ik kā hai aur kisī kā nahīñ

log kahte raheñ hamārā chāñd

tu har ek ka hai aur kisi ka nahin

log kahte rahen hamara chand

log kyā saada haiñ ummīd-e-vafā rakhte haiñ

jaise ma.alūm nahīñ un ko haqīqat terī

log kya sada hain ummid-e-wafa rakhte hain

jaise malum nahin un ko haqiqat teri

ye inqilāb-e-zamāna nahīñ to phir kyā hai

amīr-e-shahr jo kal thā vo hai faqīroñ meñ

ye inqilab-e-zamana nahin to phir kya hai

amir-e-shahr jo kal tha wo hai faqiron mein

jo dekhtā huuñ zamāne kī nā-shanāsī ko

ye sochtā huuñ ki achchhā thā be-hunar rahtā

jo dekhta hun zamane ki na-shanasi ko

ye sochta hun ki achchha tha be-hunar rahta

koī nahīñ hai aisā ki apnā kaheñ jise

kaisā tilism TuuTā hai apne gumān kā

koi nahin hai aisa ki apna kahen jise

kaisa tilism TuTa hai apne guman ka

aadmī kā amal se rishta hai

kaam aatā nahīñ nasab kuchh bhī

aadmi ka amal se rishta hai

kaam aata nahin nasab kuchh bhi

tujh se bichhaḌ ke ham to yahī sochte rahe

ye gardish-e-hayāt na aa.egī raas kyā

tujh se bichhaD ke hum to yahi sochte rahe

ye gardish-e-hayat na aaegi ras kya

sukūn-e-qalb to kiyā hai qarār-e-jāñ bhī luTā

tumhārī yaad bhī aa.ī to rāhzan kī tarah

sukun-e-qalb to kiya hai qarar-e-jaan bhi luTa

tumhaari yaad bhi aai to rahzan ki tarah

kis darja mire shahr kī dilkash hai fazā bhī

mānūs har ik chiiz hai miTTī bhī havā bhī

kis darja mere shahr ki dilkash hai faza bhi

manus har ek chiz hai miTTi bhi hawa bhi

ab aa bhī jaao ki ik dūsre meñ gum ho jaa.eñ

visāl-o-hijr kā qissa bahut purānā huā

ab aa bhi jao ki ek dusre mein gum ho jaen

visal-o-hijr ka qissa bahut purana hua

ye apnā apnā muqaddar hai is ko kyā kahiye

tujhe sarāb to dariyā banā diyā hai mujhe

ye apna apna muqaddar hai is ko kya kahiye

tujhe sarab to dariya bana diya hai mujhe

jab bhī miltā hai muskurātā hai

ḳhvāh us kā ho ab sabab kuchh bhī

jab bhi milta hai muskuraata hai

KHwah us ka ho ab sabab kuchh bhi

dil ne go laakh ye chāhā ki bhulā duuñ tujh ko

yaad ne terī magar aaj bhī maarā shab-ḳhūñ

dil ne go lakh ye chaha ki bhula dun tujh ko

yaad ne teri magar aaj bhi mara shab-KHun

koī mile na mile be-qarār rahtā hai

ki dil kā haal bhī ik mauj-e-āb jaisā hai

koi mile na mile be-qarar rahta hai

ki dil ka haal bhi ek mauj-e-ab jaisa hai

kaTā na koh-e-alam ham se kohkan kī tarah

badal sakā na zamāna tire chalan kī tarah

kaTa na koh-e-alam hum se kohkan ki tarah

badal saka na zamana tere chalan ki tarah

jo dekhiye to zamāna hai tez-rau kitnā

tulū-e-sub.h abhī hai to vaqt-e-shām abhī

jo dekhiye to zamana hai tez-rau kitna

tulu-e-subh abhi hai to waqt-e-sham abhi

vo ishq jis kī zamāne ko bhī ḳhabar na rahī

tire bichhaḌne se rusvā nagar nagar meñ rahā

wo ishq jis ki zamane ko bhi KHabar na rahi

tere bichhaDne se ruswa nagar nagar mein raha