کرو گے یاد تو ہر بات یاد آئے گی

گزرتے وقت کی ہر موج ٹھہر جائے گی

پیار کے بندھن خون کے رشتے ٹوٹ گئے خوابوں کی طرح

جاگتی آنکھیں دیکھ رہی تھیں کیا کیا کاروبار ہوئے

کہتے کہتے کچھ بدل دیتا ہے کیوں باتوں کا رخ

کیوں خود اپنے آپ کے بھی ساتھ وہ سچا نہیں

جانے کن رشتوں نے مجھ کو باندھ رکھا ہے کہ میں

مدتوں سے آندھیوں کی زد میں ہوں بکھرا نہیں

کوئی یادوں سے جوڑ لے ہم کو

ہم بھی اک ٹوٹتا سا رشتہ ہیں

دے نشانی کوئی ایسی کہ سدا یاد رہے

زخم کی بات ہے کیا زخم تو بھر جائیں گے

یہ اہتمام چراغاں بجا سہی لیکن

سحر تو ہو نہیں سکتی دیئے جلانے سے

وہی ہے رنگ مگر بو ہے کچھ لہو جیسی

یہ اب کی فصل میں کھلتے گلاب کیسے ہیں

بہت تھا خوف جس کا پھر وہی قصا نکل آیا

مرے دکھ سے کسی آواز کا رشتا نکل آیا

تجھ میں اور مجھ میں تعلق ہے وہی

ہے جو رشتہ ساز اور مضراب میں

گھٹتی بڑھتی روشنیوں نے مجھے سمجھا نہیں

میں کسی پتھر کسی دیوار کا سایا نہیں

تیز ہوائیں آنکھوں میں تو ریت دکھوں کی بھر ہی گئیں

جلتے لمحے رفتہ رفتہ دل کو بھی جھلسائیں گے