نہ کوئی رنج کا لمحہ کسی کے پاس آئے

خدا کرے کہ نیا سال سب کو راس آئے

ادا ہوا نہ قرض اور وجود ختم ہو گیا

میں زندگی کا دیتے دیتے سود ختم ہو گیا

ایسی خوشیاں تو کتابوں میں ملیں گی شاید

ختم اب گھر کا تصور ہے مکاں باقی ہے

بند ہو جاتا ہے کوزے میں کبھی دریا بھی

اور کبھی قطرہ سمندر میں بدل جاتا ہے

جو دور رہ کے اڑاتا رہا مذاق مرا

قریب آیا تو رویا گلے لگا کے مجھے

صبح ہوتی ہے تو دفتر میں بدل جاتا ہے

یہ مکاں رات کو پھر گھر میں بدل جاتا ہے

میں اس کی باتوں میں غم اپنا بھول جاتا مگر

وہ شخص رونے لگا خود ہنسا ہنسا کے مجھے

اس تماشے کا سبب ورنہ کہاں باقی ہے

اب بھی کچھ لوگ ہیں زندہ کہ جہاں باقی ہے

میں اپنی روح لیے در بہ در بھٹکتا رہا

بدن سے دور مکمل وجود تھا میرا

میں جس میں رہ نہ سکا جی حضوریوں کے سبب

یہ آدمی ہے اسی کامیاب موسم کا

ہم ابتدا ہی میں پہنچے تھے انتہا کو کبھی

اب انتہا میں بھی ہیں ابتدا سے لپٹے ہوئے