Gulzar's Photo'

سمپورن سنگھ۔ ممتاز فلم ساز و ہدایت کار، فلم نغمہ نگار اور افسانہ نگار۔ مرزا غالب پر ٹیلی ویژن سیریل کے لئے مشہور۔ ساہتیہ اکادمی اوارڈ یافتہ

سمپورن سنگھ۔ ممتاز فلم ساز و ہدایت کار، فلم نغمہ نگار اور افسانہ نگار۔ مرزا غالب پر ٹیلی ویژن سیریل کے لئے مشہور۔ ساہتیہ اکادمی اوارڈ یافتہ

گلزار کی ٹاپ ٢٠ شاعری

آپ کے بعد ہر گھڑی ہم نے

آپ کے ساتھ ہی گزاری ہے

شام سے آنکھ میں نمی سی ہے

آج پھر آپ کی کمی سی ہے

کبھی تو چونک کے دیکھے کوئی ہماری طرف

کسی کی آنکھ میں ہم کو بھی انتظار دکھے

زندگی یوں ہوئی بسر تنہا

قافلہ ساتھ اور سفر تنہا

وقت رہتا نہیں کہیں ٹک کر

عادت اس کی بھی آدمی سی ہے

عادتاً تم نے کر دیے وعدے

عادتاً ہم نے اعتبار کیا

جس کی آنکھوں میں کٹی تھیں صدیاں

اس نے صدیوں کی جدائی دی ہے

کتنی لمبی خاموشی سے گزرا ہوں

ان سے کتنا کچھ کہنے کی کوشش کی

ہم نے اکثر تمہاری راہوں میں

رک کر اپنا ہی انتظار کیا

ہاتھ چھوٹیں بھی تو رشتے نہیں چھوڑا کرتے

وقت کی شاخ سے لمحے نہیں توڑا کرتے

تمہارے خواب سے ہر شب لپٹ کے سوتے ہیں

سزائیں بھیج دو ہم نے خطائیں بھیجی ہیں

خوشبو جیسے لوگ ملے افسانے میں

ایک پرانا خط کھولا انجانے میں

جب بھی یہ دل اداس ہوتا ہے

جانے کون آس پاس ہوتا ہے

دیر سے گونجتے ہیں سناٹے

جیسے ہم کو پکارتا ہے کوئی

دن کچھ ایسے گزارتا ہے کوئی

جیسے احساں اتارتا ہے کوئی

رکے رکے سے قدم رک کے بار بار چلے

قرار دے کے ترے در سے بے قرار چلے

اپنے ماضی کی جستجو میں بہار

پیلے پتے تلاش کرتی ہے

یہ شکر ہے کہ مرے پاس تیرا غم تو رہا

وگرنہ زندگی بھر کو رلا دیا ہوتا

چند امیدیں نچوڑی تھیں تو آہیں ٹپکیں

دل کو پگھلائیں تو ہو سکتا ہے سانسیں نکلیں

بھرے ہیں رات کے ریزے کچھ ایسے آنکھوں میں

اجالا ہو تو ہم آنکھیں جھپکتے رہتے ہیں