وہ پیڑ جس کی چھاؤں میں کٹی تھی عمر گاؤں میں

میں چوم چوم تھک گیا مگر یہ دل بھرا نہیں

صبح سویرے ننگے پاؤں گھاس پہ چلنا ایسا ہے

جیسے باپ کا پہلا بوسہ قربت جیسے ماؤں کی

میں اپنے باپ کے سینے سے پھول چنتا ہوں

سو جب بھی سانس تھمی باغ میں ٹہل آیا

آخری بار میں کب اس سے ملا یاد نہیں

بس یہی یاد ہے اک شام بہت بھاری تھی

بس ایک لمحہ ترے وصل کا میسر ہو

اور اس وصال کے لمحے کو دائمی کیا جائے

ہم اس خاطر تری تصویر کا حصہ نہیں تھے

ترے منظر میں آ جائے نہ ویرانی ہماری

دل کے سونے صحن میں گونجی آہٹ کس کے پاؤں کی

دھوپ بھرے سناٹے میں آواز سنی ہے چھاؤں کی

پیڑ اجڑتے جاتے ہیں

شاخوں کی نادانی سے

روز میں اس کو جیت جاتا تھا

اور وہ روز خود کو ہارتی تھی

بھروا دینا مرے کاسے کو

مرے کاسے کو بھروا دینا

آنکھ بینائی گنوا بیٹھی تو

تیری تصویر سے منظر نکلا

دکھائی دینے لگی تھی خوشبو

میں پھول آنکھوں پہ مل رہا تھا

کچی قبروں پر سجی خوشبو کی بکھری لاش پر

خامشی نے اک نئے انداز میں تقریر کی

ہار دیا ہے عجلت میں

خود کو کس آسانی سے

عمر کی اولیں اذانوں میں

چین تھا دل کے کار خانوں میں

کب مجھے اس نے اختیار دیا

کب مجھے خود پہ اختیار آیا

ہم ایسے لوگ جو آئندہ و گزشتہ ہیں

ہمارے عہد کو موجود سے تہی کیا جائے

پوچھتا پھرتا ہوں گلیوں میں کوئی ہے کوئی ہے

یہ وہ گلیاں ہیں جہاں لوگ تھے سرشاری تھی

سن قطار اندر قطار اشجار کی سرگوشیاں

اور کہانی پڑھ خزاں نے رات جو تحریر کی

بھلا دیا بھی اگر جائے سرسری کیا جائے

مطالعہ مری وحشت کا لازمی کیا جائے