Obaidullah Aleem's Photo'

Obaidullah Aleem

1939 - 1998 | Karachi, Pakistan

One of the most outstanding modern poets of Pakistan.

One of the most outstanding modern poets of Pakistan.

13.1K
Favorite

SORT BY

aziiz itnā rakkho ki sambhal jaa.e

ab is qadar bhī na chāho ki dam nikal jaa.e

aziz itna hi rakkho ki ji sambhal jae

ab is qadar bhi na chaho ki dam nikal jae

kaash dekho kabhī TuuTe hue ā.īnoñ ko

dil shikasta ho to phir apnā parāyā kyā hai

kash dekho kabhi TuTe hue aainon ko

dil shikasta ho to phir apna paraya kya hai

aañkh se duur sahī dil se kahāñ jā.egā

jaane vaale hameñ yaad bahut aa.egā

aankh se dur sahi dil se kahan jaega

jaane wale tu hamein yaad bahut aaega

ḳhvāb ḳhvāb kab talak dekhūñ

kaash tujh ko bhī ik jhalak dekhūñ

KHwab hi KHwab kab talak dekhun

kash tujh ko bhi ek jhalak dekhun

ab to mil jaao hameñ tum ki tumhārī ḳhātir

itnī duur aa ga.e duniyā se kinārā karte

ab to mil jao hamein tum ki tumhaari KHatir

itni dur aa gae duniya se kinara karte

ek chehre meñ to mumkin nahīñ itne chehre

kis se karte jo koī ishq dobārā karte

ek chehre mein to mumkin nahin itne chehre

kis se karte jo koi ishq dobara karte

duā karo ki maiñ us ke liye duā ho jā.ūñ

vo ek shaḳhs jo dil ko duā lagtā hai

dua karo ki main us ke liye dua ho jaun

wo ek shaKHs jo dil ko dua sa lagta hai

maiñ tanhā thā maiñ tanhā huuñ

tum aao to kyā na aao to kyā

main tanha tha main tanha hun

tum aao to kya na aao to kya

havā ke dosh pe rakkhe hue charāġh haiñ ham

jo bujh ga.e to havā se shikāyateñ kaisī

hawa ke dosh pe rakkhe hue charagh hain hum

jo bujh gae to hawa se shikayaten kaisi

zamīn jab bhī huī karbalā hamāre liye

to āsmān se utrā ḳhudā hamāre liye

zamin jab bhi hui karbala hamare liye

to aasman se utra KHuda hamare liye

javānī kyā huī ik raat kahānī huī

badan purānā huā ruuh bhī purānī huī

jawani kya hui ek raat ki kahani hui

badan purana hua ruh bhi purani hui

baḌī aarzū thī ham ko na.e ḳhvāb dekhne

so ab apnī zindagī meñ na.e ḳhvāb bhar rahe haiñ

baDi aarzu thi hum ko nae KHwab dekhne ki

so ab apni zindagi mein nae KHwab bhar rahe hain

zamīñ ke log to kyā do diloñ chāhat meñ

ḳhudā bhī ho to use darmiyān laao mat

zamin ke log to kya do dilon ki chahat mein

KHuda bhi ho to use darmiyan lao mat

haa.e vo log ga.e chāñd se milne aur phir

apne TuuTe hue ḳhvāb uThā kar le aa.e

hae wo log gae chand se milne aur phir

apne hi TuTe hue KHwab uTha kar le aae

tum ham-safar hue to huī zindagī aziiz

mujh meñ to zindagī koī hausla na thā

tum ham-safar hue to hui zindagi aziz

mujh mein to zindagi ka koi hausla na tha

hazār tarah ke sadme uThāne vaale log

na jaane kyā huā ik aan meñ bikhar se ga.e

hazar tarah ke sadme uThane wale log

na jaane kya hua ek aan mein bikhar se gae

agar hoñ kachche gharoñdoñ meñ aadmī ābād

to ek abr bhī sailāb ke barābar hai

agar hon kachche gharondon mein aadmi aabaad

to ek abr bhi sailab ke barabar hai

jis ko milnā nahīñ phir us se mohabbat kaisī

sochtā jā.ūñ magar dil meñ basā.e jā.ūñ

jis ko milna nahin phir us se mohabbat kaisi

sochta jaun magar dil mein basae jaun

insān ho kisī bhī sadī kahīñ ho

ye jab uThā zamīr āvāz se uThā

insan ho kisi bhi sadi ka kahin ka ho

ye jab uTha zamir ki aawaz se uTha

jo dil ko hai ḳhabar kahīñ miltī nahīñ ḳhabar

har sub.h ik azaab hai aḳhbār dekhnā

jo dil ko hai KHabar kahin milti nahin KHabar

har subh ek azab hai aKHbar dekhna

raushnī aadhī idhar aadhī udhar

ik diyā rakkhā hai dīvāroñ ke biich

raushni aadhi idhar aadhi udhar

ek diya rakkha hai diwaron ke bich

jo aa rahī hai sadā ġhaur se suno us ko

ki is sadā meñ ḳhudā boltā lagtā hai

jo aa rahi hai sada ghaur se suno us ko

ki is sada mein KHuda bolta sa lagta hai

maiñ us ko bhuul gayā huuñ vo mujh ko bhuul gayā

to phir ye dil pe kyuuñ dastak nā-gahānī huī

main us ko bhul gaya hun wo mujh ko bhul gaya

to phir ye dil pe kyun dastak si na-gahani hui

ye kaisī bichhaḌne sazā hai

ā.īne meñ chehra rakh gayā hai

ye kaisi bichhaDne ki saza hai

aaine mein chehra rakh gaya hai

khā gayā insāñ ko āshob-e-ma.āsh

aa ga.e haiñ shahr bāzāroñ ke biich

kha gaya insan ko aashob-e-maash

aa gae hain shahr bazaron ke bich

phir is tarah kabhī soyā na is tarah jaagā

ki ruuh niiñd meñ thī aur jāgtā thā maiñ

phir is tarah kabhi soya na is tarah jaga

ki ruh nind mein thi aur jagta tha main

shikasta-hāl be-āsrā lagtā hai

ye shahr dil se ziyāda dukhā lagtā hai

shikasta-haal sa be-asra sa lagta hai

ye shahr dil se ziyaada dukha sa lagta hai

mujh se mirā koī milne vaalā

bichhḌā to nahīñ magar milā de

mujh se mera koi milne wala

bichhDa to nahin magar mila de

koī aur to nahīñ hai pas-e-ḳhanjar-āzmā.ī

hamīñ qatl ho rahe haiñ hamīñ qatl kar rahe haiñ

koi aur to nahin hai pas-e-KHanjar-azmai

hamin qatl ho rahe hain hamin qatl kar rahe hain

suḳhan meñ sahl nahīñ jaañ nikāl kar rakhnā

ye zindagī hai hamārī sambhāl kar rakhnā

suKHan mein sahl nahin jaan nikal kar rakhna

ye zindagi hai hamari sambhaal kar rakhna

tum apne rañg nahāo maiñ apnī mauj uḌuuñ

vo baat bhuul bhī jaao jo ānī-jānī huī

tum apne rang nahao main apni mauj uDun

wo baat bhul bhi jao jo aani-jaani hui

dosto jashn manāo ki bahār aa.ī hai

phuul girte haiñ har ik shāḳh se aañsū tarah

dosto jashn manao ki bahaar aai hai

phul girte hain har ek shaKH se aansu ki tarah

palaT sakūñ na aage baḌh sakūñ jis par

mujhe ye kaun se raste lagā gayā ik shaḳhs

palaT sakun hi na aage hi baDh sakun jis par

mujhe ye kaun se raste laga gaya ek shaKHs

maiñ ek se kisī mausam meñ rah nahīñ saktā

kabhī visāl kabhī hijr se rihā.ī de

main ek se kisi mausam mein rah nahin sakta

kabhi visal kabhi hijr se rihai de

aao tum karo masīhā.ī

ab bahaltī nahīñ hai tanhā.ī

aao tum hi karo masihai

ab bahalti nahin hai tanhai

bāhar dhan aatā jaatā asal ḳhazāna ghar meñ hai

har dhuup meñ jo mujhe saayā de vo sachchā saayā ghar meñ hai

bahar ka dhan aata jata asal KHazana ghar mein hai

har dhup mein jo mujhe saya de wo sachcha saya ghar mein hai

hazār raah chale phir vo rahguzar aa.ī

ki ik safar meñ rahe aur har safar se ga.e

hazar rah chale phir wo rahguzar aai

ki ek safar mein rahe aur har safar se gae

bole nahīñ vo harf jo īmān meñ na the

likkhī nahīñ vo baat jo apnī nahīñ thī baat

bole nahin wo harf jo iman mein na the

likkhi nahin wo baat jo apni nahin thi baat

shāyad ki ḳhudā meñ aur mujh meñ

ik jast aur fāsla hai

shayad ki KHuda mein aur mujh mein

ek jast ka aur fasla hai

ai mere ḳhvāb aa mirī āñkhoñ ko rañg de

ai merī raushnī mujhe rāstā dikhā

ai mere KHwab aa meri aankhon ko rang de

ai meri raushni tu mujhe rasta dikha

shāyad is raah pe kuchh aur bhī raahī aa.eñ

dhuup meñ chaltā rahūñ saa.e bichhā.e jā.ūñ

shayad is rah pe kuchh aur bhi rahi aaen

dhup mein chalta rahun sae bichhae jaun

darūd paḌhte hue us diid ko nikleñ

to sub.h phuul bichhā.e sabā hamāre liye

darud paDhte hue us ki did ko niklen

to subh phul bichhae saba hamare liye

kal mātam be-qīmat hogā aaj un tauqīr karo

dekho ḳhūn-e-jigar se kyā kyā likhte haiñ afsāne log

kal matam be-qimat hoga aaj un ki tauqir karo

dekho KHun-e-jigar se kya kya likhte hain afsane log

ahl-e-dil ke darmiyāñ the 'mīr' tum

ab suḳhan hai sho.abada-kāroñ ke biich

ahl-e-dil ke darmiyan the 'mir' tum

ab suKHan hai shoabada-karon ke bich

ḳhurshīd misāl shaḳhs kal shaam

miTTī ke supurd kar diyā hai

KHurshid misal shaKHs kal sham

miTTi ke supurd kar diya hai

bū-e-gul hai aur pareshāñ huā huuñ maiñ

donoñ meñ ek rishta-e-āvārgī to hai

tu bu-e-gul hai aur pareshan hua hun main

donon mein ek rishta-e-awargi to hai

jab milā husn bhī harjā.ī to us bazm se ham

ishq-e-āvāra ko betāb uThā kar le aa.e

jab mila husn bhi harjai to us bazm se hum

ishq-e-awara ko betab uTha kar le aae

sub.h-e-chaman meñ ek yahī āftāb thā

is aadmī laash ko e.azāz se uThā

subh-e-chaman mein ek yahi aaftab tha

is aadmi ki lash ko eazaz se uTha