bazm-e-falak meñ kaun hai us kī rā'nā.ī kā mahram-e-rāz

kis ko apne dāman-e-dil ke daaġh dikhā.egā mahtāb

bazm-e-falak mein kaun hai us ki ra'nai ka mahram-e-raaz

kis ko apne daman-e-dil ke dagh dikhaega mahtab

kūza-gar kis ko mayassar rahī fursat terī

kyoñ hameñ chaak se 'ujlat meñ utārā tū ne

kuza-gar kis ko mayassar rahi fursat teri

kyon hamein chaak se 'ujlat mein utara tu ne

agar maiñ chāhūñ bas ik chaal se ulaT duuñ bisāt

mujhe ḳhabar hai kahāñ kis ne daao khelā hai

agar main chahun bas ek chaal se ulaT dun bisat

mujhe KHabar hai kahan kis ne dao khela hai

palaT ke harzā-sarāoñ ko kis liye duuñ javāb

bhalā batāo ye laa.iq haiñ muñh lagāne ke

palaT ke harza-saraon ko kis liye dun jawab

bhala batao ye laiq hain munh lagane ke

shikastagī thī kuchh aisī ki kūza-gar merā

banā ke mujh ko baḌī der tak udaas rahā

shikastagi thi kuchh aisi ki kuza-gar mera

bana ke mujh ko baDi der tak udas raha